Month: February 2022

 

सन् २०१२ को  सलमान खान अभिनित सुपरहिट फिल्म ‘एक था टाईगर’ को सिक्वेलको रुपमा प्रतिक्षित मानिएको चलचित्र ‘टाइगर जिन्दा है’ मा सलमानको अनुहार नदेखाईएको र उनले एउटा हातमा बन्दुको बोकेको नयाँ लुक्स बाहिरिएको छ ।

त्यसैलेपनि यस चलचित्रमा सलमानलाइ बिल्कुलै फरक भूमिकामा प्रस्तुत गरिएको अनुमान लगाउन सकिन्छ। चलचित्र ‘टाइगर जिन्दा है’ आगामी क्रिसमसमा रिलिज हुने तयारी भैरहेको छ ।

काठमाडौं ।  गत शुक्रबार देखि अल नेपाल  रिलिज भएको कमेडी चलचित्र ‘फाटेको जुत्ता’ लाई दर्शकले मन पराएको देखिन्छ । सिंगल स्क्रिनसँगै मल्टिप्लेक्समा पनि शो पाएको यस चलचित्रले पहिलो दिन र दोस्रो दिनको  प्रदर्शनको आधारलाइ हेर्ने हो भने मल्टिप्लेक्समा भन्दा राजधानीका अधिकांश सिंगल हलहरूमा दर्शकको भिड देखियो ।

तराईको जनजीवन चित्रण गरेको यस चलचित्रका निर्माता अर्जुनकुमार रहेका छन् भने प्रस्तुति निकेश खड्काको रहेको छ ।

यस चलचित्रमा सौगात मल्ल, प्रियंका कार्की, दयाहाङ राई, वर्षा राउत, कामेश्वर चौरासिया, रविन्द्र झा लगायतका कलाकारको अभिनय रहेको छ ।

काठमाडौं । केहि महिना अघि राजधानीको अन्नपुर्ण होटलमा मिलन चाम्सले निर्देशन गर्ने भनिएको चलचित्र ‘लिलिबिली’ को घोषणा गरिएको थियो । यस चलचित्रमा महँगो पारिश्रमिकमा अनुबन्धित भएका अहिलेका चर्चित नायक प्रदीप खड्कासहित दुई नायिका रहने पत्रकार सम्मेलनमा जानकारी गराइएको थियो ।

तर यसैबीच चलचित्रको बारेमा विभिन्न टिकाटिप्पणी भैरहदा चलचित्रकी दुई नायिका मध्यकी एक नायिका रेविका गुरुङले हालै आएर आफ्नो स्वास्थ्य र भिसाको कारणले आफूले यो चलचित्र छाड्ने  निर्णय गरेको औपचारिक रूपमा जानकारी दिएकी छिन् ।

उनले फेसबुकमा निर्देशक मिलन चाम्सलाई स्टाटस ट्याग गर्दै भनेकी छिन् – ‘म भन्न चाहन्छु कि फिल्म ‘लिलिबिली’ प्रोजेक्ट छाड्नु मेरो आफ्नो डिसिजन हो । यो फिल्मबाट म बाहिरिएपछि धेरै अफवाहहरू चले, तीमध्ये सबै सत्य छैनन् । मेरा सबै सहकर्मीहरूले मेरो स्वास्थ्य अवस्था सामान्य होस् भनेर प्रतिक्षा गर्नुभएको थियो र मेरो भिसा पनि अस्वीकृत हुनु एकै समयमा भयो । मेरो कारणले प्रोजेक्ट रोकिन सक्दैन, त्यसैले म आफंले यो निर्णय लिएकी थिएँ ।’

यस चलचित्रबाट रेविका हट्ने भएपछी उनको सट्टामा नायिका प्रियंका कार्की रहने कुरा चलिरहेको छ। निर्देशक मिलन चाम्ससहित, नायिका प्रियंका कार्की र नायक प्रदीप खड्का अहिले लण्डनमा छन् । साढे २ करोडको अनुमानित बजेटमा बन्ने यस् चलचित्रलाई गोविन्द खड्का र सुदीप शाहीले निर्माण गर्दैछन् भने चलचित्रको सुटिङ लण्डन र स्कटल्याण्डमा हुने  जनाइएको छ ।

झापा दमक घर भई हाल मुम्बैमा बस्दै  आइरहेकी नेपाली मोडल तथा उदीयमान अभिनेत्री अदिति बुढाथोकीलाई भारतको वेबपत्रिका एबीपी न्यूजले अदितिका अर्धनग्न तस्बिरसहित ‘मिलिए नेपालकी सन्नी लियोनी से’ भनेर रिपोर्ट बनाएपछि अहिले उनको तुलना पूर्व पोर्नस्टार तथा बलिउड अभिनेत्री सन्नी लियोन सँग गरिँदैछ।

अनमोल केसीसँग ‘कृ’ फिल्ममा अभिनय गर्दै नेपालमा अभिनेत्रीका रुपमा उदाएकी बुढाथोकी आफ्नो पहिलो फिल्म रिलिज नहुँदै चर्चाको शीखर चढ्दैछिन्।

यसअघी उनि भारतमा  म्यूजिक भिडियो र मोडलिङबाट विस्तारै चर्चामा आउँदै गर्दा उनले भारतका डिजाइनरका डिजाइनमा बनेका पहिरनमा विज्ञापन र प्रिन्ट एडमा काम गरेर मोडलिङ दुनियाँमा आफ्नो अमिक छाप छाड्न सफल भैसकेकी छन्  ।

काठमाडौं ।  गोविन्द खड्का र सुदीप शाहीको निर्माण, मिलन चाम्सको निर्देशनर प्रदीप भारद्वाजको लेखेन रहेको चलचित्र ‘लिलिबिली’को छायाँकन लण्डनमा एक भव्य कार्यक्रमगरि गरिएको छ । केही दिन अगाडी युकेमा एक कार्यक्रम सहित चलचित्रको छायाँकन सुरु भएको हो ।

पहिले यस चलचित्रमा अभिनेत्री रेविका गुरुङलाइ लिने भनिएतापनि उनको आफ्नो स्वास्थ्य र भिसाको कारणले  गर्दा यो चलचित्र छाड्ने  निर्णय गरेपछि उनको सट्टा प्रियंका कार्कीलाई यस चलचित्रमा लिइएको हो  ।

निर्माता शाहीका अनुसार चलचित्रमा अहिले महँगो पारिश्रमिकमा अनुबन्धित भएका अहिलेका चर्चित नायक प्रदीप खड्का र अहिलेकी चर्चित नायिका प्रियंकाले  लण्डनका विभिन्न स्थानमा  अभिनय गरिरहेका छन् भने यसपछि छिट्टैनै स्कटल्याण्ड र ईङल्याण्डमा पनि यसको छायाँकन सुरु हुने बताइएको छ ।

साढे २ करोडको अनुमानित बजेटमा बन्ने यस् चलचित्र घोषणा भएको दिन देखिनै चर्चामा रहेको छ । चलचित्र आगामी चैत्र ३० गतेदेखि अल नेपाल प्रदर्शनमा आउँने छ ।

चलचित्र ‘मणिकर्णिका’को छायांकनको क्रममा बलिउड अभिनेत्री कंगना रनावत घोडाबाट लडेर घाइते भएकी छिन् । उक्त चलचित्रको एउटा दृश्यमा उनले  घोडाबाट झ्यालमा जम्प गर्नुपर्ने थियो । यहि दृश्यको  अभिनय गर्ने क्रममा उनी घोडाबाट लडेकी थिइन् ।

उनलाई दुर्घटना लगत्तै उपचारका लागि गोयल अस्पताल लगिएको थियो । उनको उपचारमा संलग्न डाक्टरका अनुसार कंगनाले अब केही दिन हृवील चेयरको सहारामा मात्रै हिँडडुल गर्नुपर्ने र केही दिन आराम गर्नुपर्ने जनाइएको छ  । कंगना घाइते भएपछि चलचित्रको छायांकन प्रभावित भएको छ ।

अहिलेकी चर्चित नायिका साम्राज्ञी राज्यलक्ष्मी शाह यतिखेर अस्ट्रेलियामा आफु अभिनित चलचित्र  ‘ए मेरो हजुर-२’को प्रदर्शनका लागि व्यस्त रहेकीछन् ।

यसैक्रममा अस्ट्रेलियामा रहिरहदा नायिका साम्राज्ञीको समुन्द्री तटमा ‘टु पिस’ लगाएर खिचिएको फोटोले अहिले निकै चर्चा र परिचर्चा कमाइरहेको छ  । फोटोमा उनी निकै हट देखिएकी छन् ।

काठमाडौं । अभिनेता दयाहाङ राई र अभिनेत्री श्वेता खड्काको मुख्य भूमिका रहेको चलचित्र कान्छीको ट्रेलर सार्वजनिक भएको छ ।

फाल्गुन ४ गतेबाट देशैभर रिलिजको तयारीमा रहेको चलचित्र कान्छीको निर्देशक आकाश अधिकारी हुन् भने  यस चलचित्रको निर्माण अभिनेत्री श्वेता खड्काले आफैले  गरेकी छिन ।

यस चलचित्रको   अन्य कलाकारहरुमा नीर शाह, अनु शाह, कामेश्वर चौरसिया,  प्रज्जवल सुजल गिरी, भूमिका श्रेष्ठ ,आशान्त शर्मा आदि रहेका छन्।

यसै चलचित्रको ‘चरी चट्ट परि’ बोलको एक गित अहिले दर्शकहरुबाट अत्याधिक मनपराइएको छ । यो गीत अहिलेसम्म युटुबमा नब्बे लाख भन्दा धेरै  हेरिएको छ ।

काठमाडौं । आज देशैभर अचानक मौसममा आएको एका-एक परिवर्तनसंगै भएको वर्षाले देशका धेरैजसो उच्च हिमाली क्षेत्रमा हिमपात भएको छ ।

राजधानी  काठमाडौंमा समुन्द्री सतहबाट २ ५ सय ५१ मिटरको उचाईमा रहेको चन्द्रागिरीमा पनि बिहानै देखि हिउँ परेको छ । केबलकारबाट चन्द्रागिरीस्थित भालेश्वर मन्दिर दर्शन गर्न तथा काठमाडौं उपत्यका अवलोकन गर्न पुगेकाहरु अहिले यतिखेर हिउँमा रमाइरहेका छन् ।

यसबाहेक आज मौसममा आएको परिवर्तनले गर्दा देशका विभिन्न उच्च हिमाली क्षेत्र जस्तै दोलखा जिल्लाको कालिञ्चोक क्षेत्र ,मुस्ताङ,मनाङ, रसुवा, गोरखा र सिन्धुपाल्चोकको  हिमाली भेगमापनि बाक्लो हिमपात भइरहेको छ ।