Month: February 2022

दाङ । पीसीआर परीक्षण रिपोर्ट दिन ढिलो गरेको विरोधमा क्वारेन्टिनमा बसेकाहरु बाहिर सडकमा निस्किएर प्रदर्शन गरेका छन् ।

दाङको घोराहीस्थित रझेना माविमा क्वारेन्टाइनमा बसेकाहरुले राप्ती स्वास्थ्य विज्ञान प्रतिष्ठानसम्म आएर प्रदर्शन गरेका थिए ।

सोमबार साँझ करिब ४०–५० जना व्यक्तिहरुले प्रतिष्ठान अगाडि विरोध प्रदर्शन गरेको र सम्झाइ बुझाइ गरेपछि फर्किएको   जिल्ला प्रहरी कार्यालय दाङका डीएसपी सुमित खड्काले बताए ।

उनीहरुले छिटो पीसीआर रिपोर्ट दिन र छिटो आफूहरुलाई घर फर्काउन माग गर्दै नाराबाजी गरेका थिए ।

घोराही उपमहानगरपालिकाका मेयर नरुलाल चौधरीले रिपोर्ट ढिला हुँदा क्वारेन्टिनमा बस्नेहरु आत्तिइसकेको बताए । उनले भने, ‘सँगै क्वारेन्टिनमा बसेका कसैको कोरोना पोजेटिभ रिपोर्ट आएर, १४ दिनसम्म आइसोलेसनमा बसेर घर फर्किइसक्यो तर ऊसँगै क्वारेन्टिनमा बसेको व्यक्तिको कन्ट्याक्ट ट्रेसिङको रिपोर्ट नआउँदा हैरान भइसकियो ।’

दाङमा राप्ती स्वास्थ्य विज्ञान प्रतिष्ठानमा कोरोना परीक्षण हुँदै आएको छ । तर चाप अत्यधिक रहेकाले छिटो परीक्षण हुन सकिरहेको छैन । स्वाबको नमूना परीक्षणको चाप बढेसँगै प्रतिष्ठानले हालै दोस्रो पीसीआर परीक्षण मेसिन जडान गरेको छ ।

काठमाडौं । मुक्तिनाथ बिकास बैंक र महालक्ष्मी लाईफ इन्स्योरेन्सबीच बिमा सेवा दिने सम्बन्धि सम्झौता भएको छ।

मुक्तिनाथ बिकास बैंकले देशभर रहेका आफ्ना १२० शाखाहरुबाट महालक्ष्मी लाईफ इन्स्योरेन्सको जीवन बिमा योजनाहरु बिक्री गर्ने गरि सम्झौता भएकाे छ ।

महालक्ष्मी लाईफ इन्स्योरेन्सले साबधिक बिमा योजना, डबल बिमा योजना र लगानी फिर्ता बिमा योजना सार्वजनिक गर्दै २०७५ माघ २७ गतेबाट कारोबार प्रारम्भ गरेको छ।

महालक्ष्मी लाईफ इन्स्योरेन्सले काठमाडौं,  पोखरा, बीरगंज, इटहरी, लहान, नारायणघाट, बुटवल, कोहलपुर र  सुर्खेतबाट कारोबार प्रारम्भ गरिसकेको छ र यहि चैत्र महिना भित्र काठमाडौं उपत्यकाका १० स्थानबाट कारोबार संचालनको तैयारी गरिरहेको छ ।

सम्झौतामा मुक्तिनाथ बिकास बैंकका प्रमुख कार्यकारी अधिकृत तील बहादुर गुरूङ र महालक्ष्मी लाईफ इन्स्योरेन्सको तर्फबाट नायव प्रमुख कार्यकारी अधिकृत कमल पन्थीले हस्ताक्षर गरे ।

काठमाडौँ । पछिल्लाे २४ नेपालमा थप ४ सय २१ जनामा कोरोना संक्रमण देखिएको छ ।

योसँगै नेपालमा कोरोना संक्रमितको संख्या ९ हजार २६ पुगेको छ ।

आइतबारको स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमले नेपालमा थप ४ सय २१ जनामा कोरोना संक्रमण देखिएको पुष्टि गरेका हुन् ।

काठमाडौँ । भारतले चीनलाई आफ्नो भूमि मिचेको आरोप लगाएको छ ।

लद्दाख क्षेत्रमा रहेको पांगोङ त्सो क्षेत्रको लगभग आठ किलोमिटरको भारतीय भूभाग चीनले कब्जा गरेको आरोप भारतले लगाएको छ ।

गत मे महिनाको आरम्भमा त्यहाँ पुगेका चिनियाँहरूले रक्षा संरचना र बंकर समेत बनाएको आरोप लगाउँदै भारतले उक्त क्षेत्रमा रहेको तालको उत्तरी किनारमा फिंगर ४ देखि ८ को बीच भागमा रहेका क्षेत्रमा चिनियाँ जनमुक्ति सेनाका सैनिक रहेको बताएको हो ।

उता चीनले गलवान उपत्यका र हट स्प्रिंग्सका विषयमा दुई देशबीच कुराकानी भइरहँदा पांगोङ त्सोमा उपस्थिति बढाएको हो । द टाइम्स अफ इन्डियाकाअनुसार, गलवान उपत्यकाको पट्रोल पोइन्ट १४ नजिकको क्षेत्रमा भारतीय सेना बसिरहेको छ । त्यसै ठाउँमा सोमवार राति दुई देशका सेनाबीच हिंस्रक झडप भएको थियो ।

यसअघि पांगोङ त्सोको उत्तरी किनारमा मे महिनाको आरम्भमै भारत र चीनका सैनिकहरूबीच झडप भएको थियो । त्यसपछि चिनियाँ सैनिकहरूले भारतीय जवनाहरूलाई फिंगर ४ भन्दा पूर्वपट्टि जान दिएका थिएनन् ।

भारतीय सेनाका एक वरिष्ठ अधिकृतले भने, ‘सबै नक्साले वास्तविक नियन्त्रण रेखा फिंगर ९ मा उत्तरबाट दक्षिण भएर जाने देखाउँछन् । फिंगर ३ र ४ को बीचमा वर्षौंदेखि इन्डो–टिबेटन बोर्डर पुलिसको पोस्ट छ । तर अघिल्लो महिनादेखि चीनले फिंगर ४ र ८ को बीचमा कब्जा गरेको छ । चिनियाँ जनमुक्ति सेनाले त्यस विषयमा कुरै गर्न चाहेको छैन ।’

काठमाडौं । नेपाल सुनचाँदी व्यवसायी महासंघका अनुसार असार ७ गते आइतबारका लागि छापावाल सुनको मूल्य प्रतितोला ९० हजार ६०० रुपियाँ, तेजाबी सुन मूल्य प्रतितोला ९० हजार १६० र चाँदी प्रतितोला ९४० रुपैयाँ निर्धारण गरिएको छ ।

गत शुक्रबारको तुलनामा आइतबार सुन तोलामा ७०० रुपैयाँले रुपैयाँले बढेको हो भने चाँदी भाउ पनि प्रतितोला १० रुपैयाँले वृद्धि भएको छ।

शुक्रबार पनि सुनको मूल्य प्रतितोला १०० रुपैयाँले बढेको थियो भने चाँदीको मूल्य भने प्रतितोला ५ रुपैयाँले घटेको थियो । सो दिन छापावाल सुन प्रतितोला ८९ हजार ९०० रुपैयाँ, तेजाबी सुन प्रतितोला ८९ हजार ४६० र चाँदी प्रतितोला ९३० रुपैयाँमा कारोबार भएको थियो।

विश्वभर फैलिएको कोरोना भाइरस संक्रमणका कारण लगानीकर्ताको आकर्षण सुनमा बढ्दा यस धातु सर्वसाधारणको पहुँचभन्दा बाहिर पुगेको छ। सरकारले बजेट मार्फत थप भन्सार बढाउँदा समेत सुनको मूल्य वृद्धिमा सहयोग पुगेको हो।