Month: February 2022

काठमाडौँ। केही समय अगाडी देव विकाश बैंकलाई प्राप्ति गरेको कुमारी बैंक लिमिटेडले देव विकाश बैंकका कर्मचारीलाई भिआरएस (स्वैच्छिक सेवानिवृत्ति योजना)को नाममा निकालेको थियो। तर पछिल्लो समय बैंकले कर्मचारीलाई जबर्जस्ती तथा झुक्काएर भिआरएसमा हस्ताक्षेर गर्न लगाएको खुल्न आएको छ।

बैंकले अंग्रेजी लेखपड गर्न नसक्ने पिए (प्रशोनल असिस्टेन्ट)लाई अंग्रेजीबाट लेखिएको भिआरएसमा हस्ताक्षर गर्न लगाई जागिरबाट निकालेको छ। शाखाका एक पिए कर्मचारीले भने‘हामीलाई झक्काएर पेपरमा हस्ताक्षर गराईयो, पछि सोही पेपर स्वईच्छाले राजिनामा दिएको भन्ने थाहा पाएपछि अर्काे दिन म यसमा सहमत छैन भनेर अर्काे चिठि पेस गरेँ’ उनले भने ‘तर बैंकले स्वीकृत दिएन ।’ ‘आफु त सानो कर्मचारी न हो अंग्रेजी ‘ए’ पनि जानेका छैन’ उनले भने।

काठमाडौँ। सरकारले कोरोना नियन्त्रणको लागि गरेको लकडाउन हाल खुकुलो बनाएको छ। चैतको १० गतेदखि सुरु गरेको लकडाउन १ सय २० दिन पछि लकडाउन बनाएको हो। तर लकडाउन खुकुलो भएसँगै उपत्यका लगायत मुलुकभर कोरोनाको जोखिम बढ्दो छ। पछिला कोराना संक्रमितको संख्या बढि भएपनि उनीहरु बाहिरबाट आएका थिए। जसले गर्दा बाहिरबाट आएकाहरुलाई नियन्त्रण गर्न सकेमा कोरोना नियन्त्रण हुने कुरामा शंका थिएन । तर पछिल्लो समय कोरोना समुदायस्तरमा छिरिसकेको छ। अर्थात घरमै भएका तथा बाहिरबाट नआएकाहरुमा पनि कोरोना बढ्दो छ।

उपत्यकामा जोखिम उच्च
सरकारले जनजिवन सहज बनाउनको लािग उपत्यकामा लकडाउन लगभग पुर्ण रुपमा नै खुकुलो बनाएको छ। यो सँगै उपत्यकामा कोरोना संक्रमितको संख्या पनि बढ्दो छ। सुरुका दिनहरुमा उपतयकामा दैनिक १÷२ जनामा कोरोना संक्रमण हुन्थ्यो भने पछिल्लो समयमा संक्रमणदर बढ्दो छ। आज शुक्रबार मात्रै काठमाडौँ उपत्यकामा थप ३८ जनामा कोरोना भाइरसको संक्रमण पुष्टि भएको छ।

सरकारले उपत्यकामा सार्वजनिक यातायात, होटल व्यावसायहरु कोरोना नियन्त्रणका केही सजकताहरु अपनाउँदै सञ्चालन गर्न सकिने बताएको छ। तर नियमन निकायको ध्यान नगएर पनि होला, कुनै कुनै क्षेत्रमा कोरोनाको कुनै प्रवाह नै नगरिएको जस्तो देखिन्छ। सार्वजनिक यातायातमा पनि मान्छे भरिभराउ नै राखेर बोकिरहेको छ भने जनस्तरबाट पनि आफु सर्तक भएर आफु र सरकारलाई सहयोग गर्न सकिरहेका छैनन्। यसले गर्दा उपत्यकामा जोखिम उच्च छ।

काठमाडौँ । पछिल्लो २४ घण्टामा नेपालमा २ सय २४ जनामा कोरोना भाइरस (कोभिड–१९) को संक्रमण पुष्टि भएको छ। स्वास्थ्य तथा जनसंख्या मन्त्रालयको नियमित प्रेस बिफ्रङमा मन्त्रालयका प्रवक्ता डा.जागेश्वर गौतमले शुक्रबार २ सय २४ जनामा कोरोना पुष्टि भएका बताएका हुन्।

मन्त्रालयका अनुसार देशभरका प्रयोगशालामा १० हजार ७ सय ८६ नमुना परीक्षण गर्दा उनीहरूमा कोरोना संक्रमण पुष्टि भएको हो।
मन्त्रालयका अनुसार अहिलेसम्म नेपालमा कोरोना संक्रमितको संख्या १९ हजार ७ सय ७१ पुगेको छ ।

काठमाडौँ । कोरोना संक्रमणबाट वीरगञ्जमा १ जनाको मृत्यु भएको छ। मृत्यु हुनेमा ५६ वर्षीय पुरुष रहेको अस्पतालले जनाएको छ।

वीरगञ्ज–११ श्रीपुर बस्ने भारत घर भएका उनको गएराति निधन भएको नारायणी अस्पतालले जनाएको छ । ‘मुटुको रोगी समेत रहेका उनी जगदम्बा इन्टर प्राइजेजका प्रमुख कार्यकारी अधिकृत थिए। उनलाई आइसियु र भेन्टिलेटरमा समेत राखेर उपचार गरिएको थियो ।

मुटुको बाइपास सर्जरी गरेका उनलाई साउन ६ गते कोरोना संक्रमण पुष्टि भएको थियो । साउन ७ गते दिउँसो साढे १ बजे वीरगञ्जस्थित अस्थायी कोरोना विशेष अस्पताल गण्डकमा भर्ना गरिएको थियो ।

बिहीबार दिउँसोदेखि उनको शरीरमा अक्सिजनको मात्रा कम हुँदै गएपछि भेन्टिलेटरमा राखेर उपचार गरिएकोमा राति ११ बजे मृत्यु भएको हो

भक्तपुर । प्रहरीले ३ लाख रकमसहित ९ जनालाई पक्राउ गरेको छ। चाँगुनारायण नगरपालिका–९ फैढोकास्थित सरोज थापाले कुखुरापालनका लागि बनाएको टहरामा जुवातास खेलिरहेका नौ जनालाई प्रहरीले पक्राउ गरेको हो।

महानगरीय प्रहरी परिसर भक्तपुरबाट प्रहरी निरीक्षक भगवती तिमिल्सेनाको नेतृत्वमा बिहीबार साँझ गएको टोलीले टहरोभित्र जुवातास खेलिरहेको अवस्थामा जुवाखालबाट रु ३ लाख ३८ हजार ३ सय ४५ सहित ९ जनालाई पक्राउ गरेको हो।

महानगरीय प्रहरी परिसरका प्रहरी नायब उपरीक्षक दीपक गिरीका अनुसार पक्राउ पर्नेमा काभ्रेपलाञ्चोक मण्डनदेउपुर नगरपालिका–५ घर भई हाल भक्तपुर कमलविनायक बस्ने ३९ वर्षीय सागर लामिछाने, काभ्रेपलाञ्चोक चौरी देउराली गाउँपालिका दुई घर भई हाल भक्तपुर कमलविनायक बस्ने ४० वर्षीय श्याम शाक्य, रामेछाप दोरम्बा गाउँपालिका ३ घर भई हाल काठमाडौँ सुन्धारा बस्ने २९ वर्षीय सुमन श्रेष्ठ, ओखलढुङ्गा खिजीकाती गाउँपालिका–९ घर भई हाल भक्तपुर ब्यासी बस्ने ३९ वर्षीयको आशिष खत्री, काभ्रेपलाञ्चोक बनेपा नगरपालिका–९ घर भएका ४७ वर्षीयको दानबहादुर सुवाल, रामेछाप दोरम्बा गाउँपालिका–४ घर भई हाल कमलविनायक बस्ने २९ वर्षीय चेतबहादुर थापा मगर रहेका छन्।

त्यसैगरी काभ्रे चौरीदेउराली गाउँपालिका–३ घर भई हाल काठमाडौँ बानेश्वर बस्ने २९ वर्षीय समीर तामाङ, मकवानपुर हेटौँडा उपमहानगरपालिका– १८ घर भई हाल भक्तपुर लोकन्थली बस्ने ३३ वर्षीय कृष्णबहादुर मोक्तान र रामेछाप दोरम्बा गाउँपालिका–३ घर भई हाल काठमाडौँ ठूलो भर्याङ बस्ने २८ वर्षीय नारायण थापा मगर पक्राउ परेका छन्।

काठमाडौँ। नेपाल राष्ट्र बैंकले आज शुक्रबारका लागि विदेशी मुद्राको विनिमयदर सार्वजनिक गरेको छ।

सार्वजनिक विनिमयदर अनुसार अमेरीकि डलरको बिक्री मुल्य १ सय २० रुपैया ०५ पैशा तोकेको छ। यस्तै, डलरको खरिददर १ सय १९ रुपैया ४५ पैसा तोकिएको छ।

त्यस्तै, कोरियन वन एक सयको बिक्री मुल्य १० रुपैयाँ ०४ पैसा र खरिददर ९ रुपैयाँ ९९ पैशा तोकिएको छ।

त्यसैगरी, एक कतारी रियालको बिक्री मुल्य ३२ रुपैयाँ ९७पैसा र खरिददर ३२ रुपैयाँ ८१ पैसा रहेको छ।

आज एक बहराईन दिनारको बिक्री मुल्य ३ सय १८ रुपैयाँ ४४ पैसा र खरिददर ३ सय १६ रुपैयाँ ८५ पैसा रहेको छ।

चितवन । चितवनमा बसको ठक्करबाट १ प्रहरीको मृत्यु भएको छ । पूर्वी चितवनको राप्ती नगरपालिका–५ भण्डारामा बा३ख १५४७ नंको बसको ठक्करबाट प्रहरी हबल्दार अर्जुनकुमार थापाको मृत्यु भएको हो।

इलाका प्रहरी कार्यालय भण्डारामा कार्यरत थापा कार्यालय जानेक्रममा सवार प्रदेश ३–०३–००१प६३२५ नंको स्कुटरलाई बसले विहीबार साँझ ठक्कर दिएको थियोे । गम्भीर घाइते उनको पुरानो मेडिकल कलेज भरतपुरमा उपचारका क्रममा मृत्यु भएको हो । ठक्कर दिने बस र बसका चालकलाई प्रहरीले नियन्त्रणमा लिएको छ । शव परीक्षणका लागि भरतपुर अस्पतालमा राखिएको छ ।

जनकपुरधाम। प्रदेश २ का न्यायाधीशमा कोरोना संक्रमण पुष्टि भएको छ। बिहीबार उच्च अदालत जनकपुरधामका एकजना न्यायाधीशमा कोरोना संक्रमण पुष्टि भएको हो। न्यायाधीश ५० वर्षीय रहेको अदालत स्रोतले जनाएको छ।

यही साउन १३ गते उच्च अदालतका न्यायाधीशसहित २२ जनाको स्वाब संकलन गरी जाँच गरेकोमा न्यायाधीसको स्वाबमा कोरोना पोजेटिभ आएको हो।

न्यायाधीशमा पनि कोरोना संक्रमण पुष्टि भएपछि लकडाउनको अवधीमा गरिँदै आएका निश्चित कामकारवाहीबाहेक अन्य काम साउन १६ गतेदेखि ३१ गतेसम्म स्थगित गर्ने निर्णय उच्च अदालतले गरेको छ।

उच्च अदालत जनकपुर, जिल्ला अदालत धनुषा, जिल्ला सरकारी वकिल कार्यालय र नेपाल बार एशोसिएसनसँग छलफल गरी यस्तो निर्णय गरिएको उच्च अदालतले जनाएको छ।

प्रदेश २ मा न्यायाधीशमा कोरोना संक्रमण पुष्टि भएको यो दोस्रो केस हो । यसअघि उच्च अदालत जनकपुरधामको राजविराज इजलासका ५८ वर्षीय न्यायाधीशमा कोरोना संक्रमण पुष्टि भएको थियो।

काठमाडौँ । काठमाडौँ उपत्यकामा साँझ ७ बजेपछि बिहान ७ बजेसम्म प्रवेश रोक गरिएको छ। गृह मन्त्रालयले कोरोना संक्रमणलाई नियन्त्रण गर्न सोही समयमा उपत्यका प्रवेशमा रोक लगाएको हो।

नाकाहरुमा पूर्ण निगरानीका साथ चेकजाँचको आवश्यकता परेको भन्दै गृहले अर्को सूचना जारी नभएसम्म अत्यावश्यक सेवा र ढुवानीका साधन बाहेक अन्य सवारी प्रवेशमा रोक लगाएको हो।

गृह मन्त्रालयका सह–प्रवक्ता उमाकान्त अधिकारीका अनुसार दिउँसोको समयमा भने सवारी पास लिएका मानिस आवत–जावत गर्न सक्ने छन् । ‘साँझ ७ बजेदेखी बिहान ७ बजेसम्म काठमाडौं उपत्यका प्रवेशमा पुर्ण रुपमा बन्द गर्न गरिएको छ’ सह–प्रवक्ता अधिकारीले भने–‘दिउँसो चाहिँ पास लिएका यात्रु आउन जान पाउँछन्।’

उपत्यका बाहिरका जिल्ला प्रशासन कार्यालयहरुलाई पनि अत्यावश्यक काममा बाहेक अन्तर जिल्ला सवारी आवागमन पास जारी नगर्न र पास बिना आवागमन पूर्ण रुपमा बन्द गर्न मन्त्रालयले निर्देशन दिएको छ। निर्णय कार्यान्वयन गर्न सुरक्षा निकाय र जिल्ला प्रशासन कार्यालयलाई गृहले ‘विशेष निर्देशन’ दिएको छ।