Month: February 2022

ट्राफिक प्रहरीले महाशिवरात्रि पर्वको अवसरमा पशुपतिनाथ मन्दिरको दर्शन गर्न आउने भक्तजनका लागि भरपर्दो ट्राफिक व्यवस्थापन मिलाएको छ ।

महानगरीय ट्राफिक प्रहरी महाशाखाले मङ्गलबार शिवरात्रिमा पशुपति क्षेत्रमा पूजाआजामा आउने भक्तजन एवं दर्शनार्थीको भीडभाडलाई मध्यनजर गरी सहज आवतजावतका लागि ट्राफिक व्यवस्थापन मिलाएको हो ।

महाशाखाले विभिन्न नाका हुँदै पशुपति मन्दिरभित्र प्रवेश गर्ने भक्तजनका लागि छुट्टाछुट्टै स्थानमा पार्किङकोसमेतको प्रबन्ध मिलाएको छ ।

टाढा–टाढाबाट पशुपतिनाथ मन्दिर दर्शन गर्न आउने भएकाले भक्तजनको सुविधाका लागि महाशाखाले उक्त व्यवस्था मिलाएको महाशाखाका प्रमुख, प्रहरी वरिष्ठ उपरीक्षक उमेशराज जोशीले जानकारी दिनुभयो ।

महाशाखाका अनुसार कालो पुल, चावहिल, मित्रपार्क, सेतोपुल, गौरी घाटबाट गौशालातर्फ जाने सवारीसाधनमा प्रवेश निषेध गरिएको छ ।

पशुपतिनाथ दर्शन गर्न जाने भक्तजनका लागि सिफलचौर, गुह्येश्वरीपारी, पशुपति क्षेत्र विकास कोषको कार्यालय, भण्डारखाल, तिलङ्गा करिडोरमा पर्किङको व्यवस्था मिलाइएको महाशाखाले जनाएको छ ।

भक्तजन तथा सवारी साधनको चाप हेरेर विभिन्न नाकाबाट आवश्यकताअनुसार डाइभर्सन गर्नुका साथै प्रवेशमा रोकसमेत लगाइने भएको छ ।

महाशाखाका प्रवक्ता, प्रहरी उपरीक्षक सञ्जीव शर्मा दासले गौशाला चोकमा भीडभाड धेरै भई सवारी चल्न सक्ने अवस्था नभएमा चाबहिलबाट गौशालातर्फ, पुरानो बानेश्वरबाट गौशालातर्फ, ज्ञानेश्वर मैतिदेवीबाट रातो पुल हुँदै गौशालातर्फ, सिफल चौरबाट जयबागेश्वरी तर्फको रुटमा चल्ने सवारीलाई वैकल्पिक मार्ग भई सञ्चालनको व्यवस्था मिलाइएको जानकारी दिनुभयो ।

उहाँले तिनकुनेबाट सिनामङ्गल तिलगङ्गातर्फ, चाबहिलबाट गौशालातर्फ र बागमती करिडोरबाट गौरिघाट र तिलगङ्गा क्षेत्र भई चल्ने मालबाहक सवारी साधन सो खण्डमा निषेध गरी डाइभर्सनको प्रबन्ध मिलाइने समेत बताउनुभयो ।

महाशिबरात्रि पर्व अवधिभरको ट्राफिक व्यवस्थापनलाई व्यवस्थित एवं प्रभावकारी बनाउन महाशाखाले ८०० भन्दा बढी ट्राफिक प्रहरी परिचालन गर्ने जनाएको छ ।

महाशाखाले पशुपतिनाथ मन्दिर दर्शन गर्न आउने दर्शनार्थी बाहेक चावहिल, गौशाला, तिलगङ्गा हुँदै अन्य स्थानमा जाने सवारी साधनलाई वैकल्पिक मार्गको प्रयोग गर्न समेत अनुरोध गरेको छ ।

पशुपतिनाथ क्षेत्रका विभिन्न स्थानमा महाशिवरात्रिका लागि तयारीस्वरुप झिलिमिली बनाइएको छ ।

संस्कृति, पर्यटन तथा नागरिक उड्डयनमन्त्री प्रेमबहादुर आलेले निर्देशन दिनुभएसँगै महाशिवरात्रिका बेला अहिले यस क्षेत्रलाई रङ्गीचङ्गी फूल तथा बिजुली बत्तीले सजाइएको हो ।

पशुपति क्षेत्र विकास कोषका सदस्य सचिव डा मिलन थापाका अनुसार पशुपतिनाथ मन्दिरको मुख्य स्थललाई फूलले सजाउने काम गरिएको छ ।

सो कार्यका लागि करिव रु ५० लाख खर्च भएको बताइएको छ ।

यसैगरी पशुपति क्षेत्रका खाली भित्तामा भगवान् शिव र पार्वतीका चित्र पनि बनाइएको छ । भोलि फागुन १७ गते महाशिवरात्रि पर्व परेको छ ।

महाशिवरात्रि नजिकिएसँगै पशुपति क्षेत्रमा चहलपहल निकै बढेको कोषका कार्यकारी निर्देशक घनश्याम खतिवडाले बताउनुभयो ।

उहाँले भन्नुभयो, “हामीले यस क्षेत्रलाई रङ्गीचङ्गी र झिलिमिली बनाएका छौँ, अहिले यहाँ स्वदेश तथा विदेशबाट दर्शनार्थी आउने क्रम बढ्नाका साथै दैनिक चहलपहल पनि बढेको छ ।”

खाली भित्तामा भगवान्का आकर्षक चित्र कोरिएपछि यो क्षेत्र झनै मनमोहक र अर्कषक बनेको पशुपति क्षेत्र विकास कोषका सदस्य पूर्णसङ्गम जेठाराले जानकारी दिनुभयो ।महाशिवरात्रिका लागि आएका साधु र सन्तले पशुपतिका कुना कुनामा भीड बढेको छ ।

हंस मण्डप, निर्मल अखडा, भष्मेश्वर अखडा, अन्नपूर्ण भण्डारलगायत स्थानमा तीर्थ यात्रीका लागि निःशुल्क भोजनको व्यवस्था गरिएको कोषले जनाएको छ ।

काठमाडौँ-जति बेला परराष्ट्र सचिव शंकरदास बैरागीलाई नेपाल सरकारले मुख्यसचिब पदमा नियुक्त गर्‍यो त्यो सँगै नेपालको निजामती क्षेत्रमा निकै हल्ला र टिकाटिप्पणी भए ।

बेलायतको राजदुतमा नियुक्त हुन २०७७ असोज १५ गते पुर्व मुख्य सचिव लोकदर्शन रेग्मीले राजिनामा दिएसँगै सरकारले परराष्ट्रसेवा तर्फबाट सेवा प्रवेश गरेका शंकरदास बैरागीलाई मुख्य सचिवको जिम्मेवारी दिएको थियो ।

प्रशासन सेवाका सचिवहरुमात्र मुख्य सचिव बन्ने गरेको ईतिहास बदल्दै बैरागीलाई प्रथमतः मुख्य सचिवको जिम्मेवारी दिईएको थियो ।

सरकारको यस निर्णयबाट रुष्ट बनेका प्रशासन सेवा तर्फका प्रत्यासीहरुले बैरागीले मुख्य सचिवको जिम्मेवारी सम्हाल्न नसक्ने भन्दै निरन्तर आलोचना मात्रै होइन असहयोग र विरोध गरिनै रहे ।

उक्त विरोधमा प्रशासन सेवा तर्फका शिशिर ढुङ्गानाको नेतृत्वमा केदार बहादुर अधिकारी, महेश्वर न्यौपाने, बैकुण्ठ अर्याल लगायत एउटा अर्थ पृष्ठभुमिका सचिबहरुले भित्र भित्र अदृश्य संगठन नै खडा गरेको धेरै लाई मेसो भएन ।

जस्तोसुकै चुनौती आएपनी कर्म पछिको परिणाममा बिश्वास राख्ने मुख्य सचिब बैरागी कहिले पनि निरास देखिनुभएन, हुन त उहाँले आफु बिरुद्दको यो भुसको आगो जस्तो भित्र भित्र फैलिएको त्यो राकोको ताप सेवा सकिन लागेका सचिब ढुंगानाले मुख्य सचिब पदमै आखा लाएको त्यतिबेला चाल् पाउनुभयो जब अर्थको ग्याङले विभिन्न पार्टी अध्यक्ष समक्ष ढुंगानाको लबिङ गरिरहेको बुझे अनी उहाँ झस्किन पुग्नुभयो ।

तर पनि आफ्नो जिम्मेवारीमा कहिले पनि सम्झौता नगर्ने र सरल अनि सबैतहका कर्मचारीहरूलाई समान दृष्टिले हेर्ने उहाँको कार्य शैलीको अगाडी ढुंगाना अनि न्यौपाने दाजुभाइले तय गरेका अदृश्यजालका षडयन्त्रहरु धेरै बेर टिकेन ।

अपदस्त गर्ने योजना फेलभए सँगै अर्थको वर्षौं देखीको सेटिङ थाती राखेर सेवा सकिए पछि घर फर्किएका ढुंगाना पछि त्यो टीमको नेतृत्वमा न्यौपाने मैदानमा त छदैछ्न तथापि असल नियतका साथ कर्म क्षेत्रमा लम्किरहनु भएका मुख्य सचिब बैरागीका अर्जुन दृष्टि अबका दिनमा कर्ममा मात्रै होइन गैडाले गर्ने माया चिन्न सक्नुपर्नेमा धेरै शुभेच्छुकहरुले जोड दिएको बुझिन्छ ।

बिगतमा उहाँको मुख्य सचिवमा नियुक्ति सँगै उनीमाथी परराष्ट्र बुझेको तर प्रशासन नबुझेको भन्दै निकै तुच्छ अनि सस्ता टिकाटिप्पणी गरिएको थियो ।

यि यावत आरोप प्रत्यारोपलाई चिर्दै मुख्य सचिव शंकरदास बैरागीले आफ्नो खुबी तथा क्षमता नेपालको समग्र प्रशासन क्षेत्रमा प्रस्तुत गरेर देखाईदिएको पछिल्ला गतिविधिबाट बुझ्न सकिन्छ ।

पछिल्लो उनका कार्य देखेर उहाँको बिरोध गर्ने जमातमा जोडिनेहरुसमेत उनको तारिफ गर्न थालेका छन् । उहाँको पछिल्लो रफतार नियाल्दा उनका विरोधीहरु समेत चकित परेका छन् ।

हाल करिव डेढ बर्ष मुख्य सचिबको हैसियतले प्रशासनको बागडोर समाल्नु भएका बैरागीको जिम्मेवारीमा परिपक्वता मात्रै देखिएको छैन सरकारको नेतृत्व गर्ने प्रधानमन्त्री समेतले उनको कार्यको जस पाएको देखिन्छ ।

प्रशासन क्षेत्रको चिन्ता त उहाँमा देखिएको छ त्यो सँगै नेपालको परराष्ट्र सम्बन्धमा समेत ब्यापक सुधार आएको छ।

नेपालको अन्तराष्ट्रिय सम्बन्ध ईतिहासकै उत्कृष्ट स्तरमा रहेको अन्तराष्ट्रिय सम्बन्धका जानकारहरुले बताउने गरेका छन् ।

उहाँले आफ्नो बाकी कार्यकाल सम्पन्न गरुन्जेल सम्म नेपालको प्रशासन क्षेत्रमा महसुस हुने खालको परिवर्तन देखिने जानकारहरुले टिप्पणी गर्ने गरेका छन् ।

सुरुमा निजामती क्षेत्रबाटै आलोचना र बिरोध खेप्नु भएका मुख्य सचिव बैरागी आफ्नो कार्यक्षमता र ब्यवहारले प्रशासन क्षेत्रको कायापलट गर्ने तर्फ उहाँका पाइलाहरु अग्रसर भएको देखिन्छ ।

देश विदेश घुमेको र अन्तराष्ट्रिय स्तरमा प्रशासन सेवा र त्याहाको तौर तरिकाबाट जानकार रहनु भएको बैरागीले नेपालको प्रशासन क्षेत्रमा अन्तराष्ट्रिय स्तरको सुधार गर्ने तर्फ आफुलाई केन्द्रित गर्नु भएको छ ।

कागज मुक्त प्रशासन, प्रशासनमा सुचना प्रविधिको अधिकतम प्रयोग, सरल सहज र छिटो छरितो प्रविधी मैत्री प्रशासन सेवा ब्यवस्थापनमा र बिकाशमा उहाँ अग्रसर रहनु भएको छ ।

२०२२ साल माघमा पर्वतमा जन्मिनु भएका मुख्य सचिव बैरागी २०४४ सालमा परराष्ट्र सेवामा प्रवेश गर्नु भएको हो ।

२०७२ सालमा परराष्ट्र सचिव हुनुभएका मुख्य सचिव बैरागी परराष्ट्र मामलामा बिज्ञ हुनुहुन्छ ।

ग्रीन भेन्चर्सको आइपिओ आवेदनको म्याद थप

ग्रीन भेन्चर्स लिमिटेडले यही फागुन २ गतेदेखि आयोजनाबाट पीडित स्थानीय बासिन्दाका लागि खुला गरेको साधारण शेयरको बिक्री खुला अवधि थप गरेको छ ।

अब आयोजनाबाट पीडित बासिन्दाले यही फागुन २३ गतेसम्म शेयर खरिदका लागि आवेदन दिन सक्नेछन् ।

कम्पनीले प्रतिकित्ता रु १०० अङ्कित मूल्यमा रु ३१ करोड २५ लाख मूल्य बराबरको प्रारम्भिक सार्वजनिक निष्कासन (आइपिओ) स्थानीयवासीका लागि बिक्री खुला गरेको थियो ।

ओखलढुङ्गा र रामेछाप जिल्लामा रहेको आयोजना आसपासका बासिन्दाले फागुन १६ सम्म आवेदन दिनुपर्ने अन्तिम म्याद तोकिएकामा सो अवधिसम्म मागबमोजिम आवेदन प्राप्त नभएका कारण आवेदनको समय फागुन २३ सम्म थप गरिएको कम्पनीले जनाएको छ ।

आह्वान पत्रानुसार कम्पनीले आफ्नो जारी पूँजी रु तीन अर्ब १२ करोड ५० लाखको १० प्रतिशतका दरले रु १०० अङ्कित दरका ३१ लाख २५ हजार कित्ता साधारण शेयर ओखलढुङ्गा जिल्लाको खिजिदेम्बा गाउँपालिका वडा १, २ र ३ तथा लिखु गाउँपालिका–९ र रामेछाप जिल्लाको लिखु तामाकोसी गाउँपालिका–१, २ तथा उमाकुण्ड गाउँपालिका–७ का आयोजनाबाट पीडित बासिन्दाबाट शेयर खरिद गर्न दर्खास्त आह्वान गरेको थियो ।

कम्पनीले हाल ओखलढुङ्गा जिल्लाको खिजिदेम्बा गाउँपालिकाको वडा १ र ३, तथा रामेछाप जिल्लाको उमाकुण्ड गाउँपालिकाको वडा नं ७ मा केन्द्र रहेको कूल ५२ दशमलव चार मेगावाट क्षमताको ‘लिखु–४ जलविद्युत्’ आयोजना निर्माण गरिरहेको छ ।

^{आस्बा प्रणालीमार्फत शेयर खरिदका लागि आवेदन दिन सक्ने}

कम्पनीले आयोजना निर्माणको कूल अनुमानित लागत रु १२ अर्ब आठ करोड हुने जनाएको छ ।

आयोजनाबाट पीडितक्षेत्रका बासिन्दाले न्यूनतम १० कित्तादेखि अधिकतम ५० हजार कित्ता शेयर खरिदका लागि दर्खास्त दिन पाउने छन् ।

स्थानीयवासीले नेपाल धितोपत्र बोर्डबाट आस्वा सेवामा सहभागी बैंक तथा वित्तीय संस्थाबाट आस्बा प्रणालीमार्फत शेयर खरिदका लागि आवेदन दिन सक्नेछन् ।

यसका साथै लक्ष्मी बैंकको रामेछापको मन्थली शाखा, नेपाल इन्भेष्टमेन्ट बैंकको धोबीबजार शाखा, मेगा बैंकको मन्थली शाखा, मेगा बैंकको ओखलढुङ्गा जिल्लाको खिजिदेम्बा शाखा तथा आयोजनास्थलबाट पनि शेयरका लागि आवेदन दिन सकिने कम्पनीले जनाएको छ ।

कम्पनीको धितोपत्र निष्काशन तथा बिक्री प्रबन्धक लक्ष्मी क्यापिटल मार्केट रहेको छ ।

धितोपत्रको सार्वजनिक निष्काशन गर्दा क्रेडिट रेटिङ गर्नुपर्ने व्यवस्थाअनुसार केयर रेटिङ कम्पनीले ग्रीन भेन्चर्सलाइ ‘केयरनपी–आइआर बीबी’ ग्रेडिङ प्रदान गरेको थियो ।

रेटिङअनुसार कम्पनीको अवस्था र दायित्व बहन गर्ने क्षमतामा औसत जोखिममा रहेको हुन्छ ।

ग्रीन भेन्चर्सको आइपिओ आवेदनको म्याद थप

काभ्रेपलाञ्चोकको बनेपा बजार नजिकै पुलबजारमा आज बिहानै अरनिको राजमार्गमा राखिएको शङ्कास्पद वस्तु सेनाले निष्क्रिय पारेसँगै अवरुद्ध यातायात चलेको छ ।

आज गरिएको नेपाल बन्दको क्रममा बिहान बनेपा पुलबजारमा शङ्कास्पद बस्तु राखेर सडकमा यातायात अवरुद्ध गरिएको थियो ।

शङ्कास्पद वस्तु कालिजङग गण धुलिखेलका नेपाली सेनाको बम डिस्पोजल टोलीले निष्क्रिय पारेसँगै ९।३० बजेबाट यातायात चलेको प्रहरीले जनाएको छ ।

जिल्ला प्रहरी कार्यालय काभ्रेलाञ्चोकका प्रमुख प्रहरी उपरीक्षक चक्रराज जोशीले सो शङ्कास्पद वस्तु राखेको व्यक्ति पक्राउ गरिसकेको बताउनुभयो ।

अनुसन्धानको क्रममा शङ्कास्पद बस्तु राखेर भागेको व्यक्ति महाभारत गाउँपालिका–६ स्थित लामाटोल बस्ने युगान्त थिङ र अर्का विवेक थिङलाई पक्राउ गरिएको छ ।

बिहान राजमार्गमा शङ्कास्पद वस्तु राखेर भागेको अवस्थामा सिसिटिभिको फुटेजको सहायताले उनीहरुले प्रयोग गरेको बागमती प्रदेश ०२–०२७ प ८७७४ नं को मोटरसाइकलसहित नियन्त्रणमा लिएको प्रहरी प्रमुख जोशीले बताउनुभयो ।

मेची अस्पताललाई २०० शय्यामा स्तरवृद्धि गरिने

प्रदेश नं १ का स्वास्थ्यमन्त्री जयराम यादवले स्वास्थ्य उपकरण सञ्चालनका लागि दक्ष जनशक्ति परिपूर्ति हुने जानकारी दिनुभएको छ ।

स्वास्थ्य मन्त्रालयद्वारा आइतबार आयोजित पत्रकार सम्मेलनमा उहाँले प्रदेशका स्वास्थ्य सस्थामा ५० प्रतिशत दरबन्दी खाली रहेकोले पदपूर्ति गर्ने प्रक्रिया अगाडि बढाइने बताउनुभयो ।

उहाँले सो अवसरमा स्वास्थ्य क्षेत्रलाई सुदृढ गर्न १०० दिने कार्यक्रम सार्वजनिक समेत गर्नुभयो । सार्वजनिक गर्नुभएको प्राथमिकतामा प्रादेशिक स्वास्थ्य नीतिको खाका तयार गर्ने, पशुबाट मानिसमा सर्ने रोगको नियन्त्रणका लागि रणनीति तयार गर्ने, स्वास्थ्य बीमा बोर्डको प्रदेश कार्यविधि तयार गरी मुख्यमन्त्री तथा मन्त्रिपरिषद्मा पेश गर्ने, मेची अस्पताललाई २०० शय्यामा स्तरवृद्धि गर्न आवश्यक तयारी स्वीकृतिका लागि मुख्यमन्त्री तथा मन्त्रिपरिषद्मा पेश गर्ने छन् ।

यसैगरी प्रादेशिक आयुर्वेद अस्पताल सञ्चालनमा ल्याउन आवश्यक व्यवस्था गर्ने, प्रदेश जनस्वास्थ्य प्र्रयोगशालाको सेवा आफ्नै भवनबाट सुरु गर्ने, स्थानीय स्वास्थ्य संस्थाको सुदृढीकरणको कार्यक्रम कार्यान्वयन गर्ने, मेची अस्पताल, मदन भण्डारी अस्पताल तथा ट्रमा सेन्टर उर्लाबारी, इनरुवा, अस्पताल र गाईघाट अस्पताललाई आकस्मिक स्वास्थ्य सेवा तथा प्रषण प्रणाली सुदृढ गर्न एम्बुलेन्स हस्तान्तरण गर्ने छन् ।

यसैगरी प्रदेशभरिका स्वास्थ्यकर्मीका रिक्त पदको विवरण सङ्कलन गरी लोकसेवामा पठाउने, कोभिड–१९ उपचार केन्द्रको दीर्घकालीन कार्ययोजना तयार गर्ने, प्रदेश स्वास्थ्य आपूर्ति व्यवस्थापन केन्द्रको लागि जग्गाको व्यवस्था गर्नेलगायतका छन् ।

उहाँले अस्पतालमा उपचारार्थ आउने बिरामीलाई ठगी हुने कार्यलाई रोकथामका लागि मन्त्रालयमा एक समिति गठन गरी विशेष अभियान सञ्चालन गर्ने जानकारी दिनुभयो ।

मेची अस्पताललाई २०० शय्यामा स्तरवृद्धि गरिने

जबर्जस्ती करणीको अभियोग लागेका नायक पल शाह पक्राउ परेका छन् ।

आज जिल्ला प्रहरी कार्यालय तनहुँमा उपस्थित भएपछि प्रहरीले शाहलाई पक्राउ गरेको हो ।

प्रहरी नायब उपरीक्षक युवराज खड्काले शाहलाई पक्राउ गरिएको जानकारी दिनुभयो ।

सत्र वर्षीया गायिकालाई जबर्जस्ती गरेको जाहेरी परेपछि शाह प्रहरीको फरार सूचीमा थिए ।

पीडितका परिवारले फागुन ११ गते जिल्ला प्रहरी कार्यालयमा जाहेरी दिएका थिए ।

शाहले आज नै प्रहरीसामु आत्मसमर्पण गर्ने जानकारी दिनुभएको थियो ।

पीडितका परिवारले नायक शाहले विसं २०७८ वैशाख १४ गते ललाइफकाई जबर्जस्ती करणी गरेको जाहेरीमा उल्लेख गरेको छ ।

त्यस्तै विसं २०७७ पुस १० गते पोखरामा र चैत ७ गते चितवनमा पीडितलाई जबर्जस्ती करणी गरेको जाहेरीमा भनिएको छ ।

जाहेरीमा निज शाहविरुद्ध मुलुकी अपराध संहिता २०७४ को दफा २१९ (१) विपरीतको कसुर अपराधमा कडाभन्दा कडा कारवाही गरी कानूनबमोजिम गरी सोही संहिताको दफा २२८ बमोजिम पीडितलाई उचित क्षतिपूर्ति दिलाउन माग गरिएको छ ।