Month: February 2022

काठमाडौं । विभागका अनुसार आर्थिक वर्ष २०५०/५१ देखि गत आवको जेठसम्म ३ खर्ब ९९ अर्ब ७० करोड २ लाख रुपैयाँ बराबरको लगनी भित्रिएको हो ।

उक्त लगानी ५ हजार २२४ वटा परियोजनाका लागि आएको विभागको तथ्यांकमा उल्लेख छ । जसमध्ये सबैभन्दा बढि लागानी आव २०७१/७२ मा आएको छ । उक्त आवमा ३७० वटा परियोजनाका लागि ६७ अर्ब ४५ करोड ५ लाख रुपैयाँ बराबरको वैदेशिक लगानी भित्रिएको छ ।

त्यसैगरी, आव २०७४/७५ मा ४ सय वटा परियोजनाको लागि ५५ अर्ब ७६ करोड रुपैयाँ बराबरको लगानी भित्रिएको छ । भने आव २०७६/७७ मा ३७ अर्ब ८० करोड रुपैयाँ बराबरको लगानी भित्रिएको विभागको तथ्यांकमा उल्लेख छ । त्यस्तै, गत आवको अन्तिमसम्म २०७ वटा परियोजनाको लागि ४० अर्ब ४९ करोड रुपैयाँ बराबरको लगानी भित्रिएको छ ।

काठमाडौं । पोर्चुगलले बिहीबार अफ्रिकी टोली घानामाथि ३–२ को जित दर्ता हराउँदै कतार विश्वकप २०२२ मा सुखद सुरुआत गरेका छन् । यसखेलसँगै क्रिस्टियानो रोनाल्डोले विश्वकपका पाँच फरक संस्करणमा गोल गर्ने कीर्तिमान बनाएको छ ।

रोनाल्डोले सन् २००६ जर्मन विश्वकपदेखि लगातार गोल गरेका छन् । घानाविरुद्ध रोनाल्डोले पेनाल्टीमा गोल गरेका थिए । घानासँगको गोलसँगै विश्वकपमा उनको गोलसंख्या आठ पुगेको छ । रोनाल्डोले एक सय ९२ खेलमा एक सय १८ अन्तर्राष्ट्रिय गरेका छन् ।

दोहास्थित रंगशाला ९७४ मा प्राप्त पेनाल्टीलाई रोनाल्डोले गोलमा परिणत गर्दै ६५औं मिनटमा अग्रता दिलाएका थिए । घानाका कप्तान आन्द्रे आयुले ७३औं मिनेटमा बराबरी गोल गरे ।जोआवो फेलिक्सले ७८औं मिनेटमा गोल गर्दै पोर्चुगलको अग्रता २–१ को बनाए ।

त्यसको दुई मिनेट नबित्दै राफेल लियोले गोल गरेका थिए । ओस्मान बुकारीले इन्जुरी समयमा गोल गरेपनि घानाले हार टार्न सकेन । जितसँगै समूह ‘एच’मा पोर्चुगलले तीन अंक जोडेको छ । घाना अंक विहिन छ । दक्षिण कोरिया र उरुग्वेले भने अंक बाँडेका छन् ।

काठमाडौँ । अख्तियार दुरुपयोग अनुसन्धान आयोगले कृषि ज्ञान केन्द्र जुम्लाका तत्कालीन प्रमुख (उपसचिव) डा. तपेन्द्र बहादुर शाहविरुद्ध भ्रष्टाचार मुद्दा दायर गरेका छन् । 

मुगुको रारा छायाँनाथ नगरपालिका ४ स्थित गैराज्युला कृषि सिचाई आयोजनामा गैरकानूनी लाभ तथा हानी पुर्‍याई भ्रष्टाचार गरेको आरोपमा उपसचिव  शाहसहित ५ जनाविरुद्ध विशेष अदालत काठमाडौँमा मुद्दा दायर गरिएको हो । 

आयोजनामा उपसचिव शाह र सब-इन्जिनियर महेश बुढ्थापाले यथार्थ र वास्तविक नाप जाँच नगरी बदनियत राखी नभए/नगरेको काम देखाई वास्तविक भएको कामभन्दा बढी रकम मूल्याङ्कन गरी झुठ्ठा बिल भरपाई, नापी किताब, मूल्याङ्कन बिल र कार्य सम्पन्न प्रतिवेदन तयार गरी गराई रु.२,११,३१६.२६ रुपैयाँ  बढी रकम उपभोक्ता समितिलाई भुक्तानी गरेको आयोगको ठहर छ । 

साथै गैराज्युला कृषि सिँचाई आयोजना निर्माण उपभोक्ता समितिका तत्कालीन अध्यक्ष बाँच बहादुर सेजुवाल, सचिव माया केसी भाम र कोषाध्यक्ष बिजकन्या भामले आयोजनामा झुठ्ठा प्रतिवेदन तयार गरी आयोजनास्थलमा वास्तविक भएको कामभन्दा बढी मूल्याङ्कन गरी/गराई उक्त बढी रकम भुक्तानी लिएको आरोपमा निजहरुविरुद्ध पनि मुद्दा दायर गरिएको आयोगका प्रवक्ता श्याम प्रसाद भण्डारीले बताएका छन् । 

काठमाडौँ । ललितपुर क्षेत्र नं. ३ बाट नवनिर्वाचित प्रतिनिधिसभा सदस्य डा. तोसिमा कार्कीले पाँच वर्षमा देशवासीले गर्व गर्न लायक राजनीतिज्ञ बन्ने बताएकी छिन्।

निर्वाचित प्रतिनिधिसभा सदस्य कार्कीले बिहीबार मुख्य निर्वाचन अधिकृतबाट निर्वाचित भएको प्रमाणपत्र बुझ्ने क्रममा कार्यक्रमलाई सम्बोधन गर्दै आगामी पाँच वर्ष देशले गर्व गर्न लायक राजनीतिज्ञ बनेर उभिने बताएकी हुन्।

उनले संसदमा जनमुखी मुद्दाहरू उठाउने बताइन्। उनले आफूले मतदाताहरूसमक्ष राखेको प्रतिवद्धताहरु पूरा गरेपछि मात्रै विजय मनाउने भन्दै जितलाई जिम्मेवारीको रूपमा लिएको उल्लेख गरिन्।

काठमाडौं । नेपाल स्टक एक्सचेञ्ज (नेप्से) आज ११.५६ अंकले बढेर एक हजार ९ सय ३३ दशमलब ५५ विन्दुमा बन्द भएको हो । बुधबार नेप्से ७.७२ अंकले घटेर एक हजार ९ सय २१ दशमलब ९९ विन्दुमा बन्द भएको थियो ।

आज नेप्से बढेपनि कारोबार भने बढ्न सकेन । आज नेप्सेमा ९२ करोड ५१ लाख रुपैयाँ बराबरको करोबार भएको छ । बुधबार नेप्सेमा एक अर्ब २ करोड २२ लाख रुपैयाँ बराबरको कारोबार भएको थियो । 

कारोबारमा आएका कम्पनीहरुमध्ये १२४ वटा कम्पनीको शेयरमुल्य बढेको छ भने ४९ वटा कम्पनीको शेयरमूल्य घटेको छ । १७ कम्पनीको शेयरमूल्य स्थिर रहेको छ । आज दुई कम्पनीको शेयरमूल्यमा उच्च वृद्धि भएको छ । घलेम्दी हाइड्रोपवरको शेयरमूल्य ६ प्रतिशतले बढेर प्रतिकित्ता २१९ रुपैयाँ पुगेको छ । 

नेप्सेका अनुसार किसान लघुवित्तको शेयरमूल्यमा सामान्य गिरावट भएको छ । यसको शेयरमूल्य २ प्रतिशत भन्दा बढीले घटेको हो । त्यस्तै, कारोबारको आधारमा आज सबैभन्दा बढी साइन रेसुङगा बैंकको भएको छ । यसको आज ७ करोड ६२ लाख भन्दा बढीको कारोबार भएको छ । 

काठमाडौँ । नेकपा (एकीकृत समाजवादी)का अध्यक्ष माधवकुमार नेपालले निर्वाचनमा अपेक्षा गरेभन्दा फरक नतिजा आएको बताएका छन्।

रौतहटको निर्वाचन क्षेत्र नम्बर १ बाट निर्वाचित भएपछि सञ्चारकर्मीसँग कुरा गर्दै अध्यक्ष नेपालले निर्वाचनमा आफूले सोचेको भन्दा कम नतिजा आएको र नतिजाले शिक्षा दिएको बताए।

उनले आगामी दिनमा निर्वाचनको परिणामको मूल्याङ्कन गर्दै भएका कमीकमजोरी सुधार गरी अघि बढ्ने धारणा राखे। उनले अबको सरकार कसको बन्छ भनेर अहिले नै भन्न नसकिने भन्दै समयको माग अनुसार बन्न सक्ने बताए।

उनले जनताले आफूलाई इमानदारिता र निष्ठापूर्वक नै हेरेकाले जनताको विश्वासलाई पूरा गर्ने जिकिर गरे।

अध्यक्ष नेपालले ३३ हजार पाँच सय २२ मत ल्याएर विजयी भएका हुन्। उनका प्रतिस्पर्धी नेकपा एमालेका अजय कुमार गुप्ताले २६ हजार नौ सय २२ मतप्राप्त गरे।

काठमाडौं । नेपाल स्टक एक्सचेञ्ज (नेप्से) आज ७.७२ अंकले घटेर एक हजार ९ सय २१ दशमलब ९९ विन्दुमा बन्द भएको हो । मंगलबार नेप्से ७.१३ अंकले घटेर एक हजार ९ सय २९ दशमलब ७० विन्दुमा बन्द भएको थियो ।  

त्यस्तै, आज नेप्से घटेसँगै कारोबार रकम पनि घटेको छ । आज नेप्सेमा एक अर्ब २ करोड २२ लाख रुपैयाँ बराबरको कारोबार भएको छ । मंगलबार एक अर्ब ३५ करोड २८ लाख रुपैयाँ बराबरको कारोबार भएको थियो ।

कारोबारमा आएका कम्पनीहरुमध्ये ५७ वटा कम्पनीको शेयरमुल्य बढेको छ भने १२४ वटा कम्पनीको शेयरमूल्य घटेको छ । ७ कम्पनीको शेयरमूल्य स्थिर रहेको छ । आज दुई कम्पनीको शेयरमूल्यमा उच्च वृद्धि भएको छ । सिभिल बैंकको शेयरमूल्य १० प्रतिशतले बढेर प्रतिकित्ता २३४.३० रुपैयाँ पुगेको छ । त्यस्तै, घलेम्दी हाइड्रोको शेयरमुल्य ९.९८ प्रतिशतले बढेर प्रतिकित्ता २०५ रुपैयाँ पुगेको छ ।

नेप्सेका अनुसार स्टाण्डर्ड चार्टर्ड बैंक र नबिल ब्यालेन्स फण्डको शेयरमूल्यमा सबैभन्दा बढी गिरावट भएको छ । यसको शेयरमूल्य ४ प्रतिशत भन्दा बढीले घटेको हो । त्यस्तै, कारोबारको आधारमा आज सबैभन्दा बढी नबिल बैंकको भएको छ । यसको आज १२ करोड ७७ लाख भन्दा बढीको कारोबार भएको छ ।