Month: February 2022

एजेन्सी। प्रधानमन्त्री पुष्पकमल दाहाल ‘प्रचण्ड’ भारतको राजधानी नयाँ दिल्ली पुगेका छन् । प्रधानमन्त्री दाहाललाई दिल्लीस्थित इन्दिरा गान्धी अन्तर्राष्ट्रिय विमानस्थलमा भारतको विदेश राज्यमन्त्री मीनाक्षी लेखीले स्वागत गरेकी हुन् ।

विदेशमन्त्री एस जयशंकर भारतीय प्रधानमन्त्री नरेन्द्र मोदीको भ्रमणका लागि अमेरिकामा रहेका कारण विदेश राज्यमन्त्री लेखी प्रधानमन्त्रीको स्वागतमा विमानस्थल पुगेकी थिइन् ।

सिन्धुपाल्चोक । सिन्धुपाल्चोकको चौतारा साँगाचोकगढी नगरपालिका वडा नम्बर–४ कुविन्डे ढुंगेखोलास्थित शनिडाँडामा मोटरसाइकल दुर्घटनामा हुँदा दुई जनाको घटनास्थलमा मृत्यु भएको छ । मंगलबार राति बा ४५ प ५५४१ नम्बरको मोटरसाइकल दुर्घटनामा हुँदा दुई युवकको मृत्यु भएकाे हाे ।

दुर्घटनामा बलेफी गाउँपालिका– २ नौबिसेका २२ वर्षीय प्रदीप माझी र चौतारा साँगाचोकगढी नगरपालिका–११ का १६ वर्षीय अनिल माझीको घटनास्थलमै मृत्यु भएको जिल्ला प्रहरी कार्यालय चौताराले बताएको छ ।

प्रहरीका अनुसार, मंगलबार राति अन्दाजी १२ बजेतिर मोटरसाइकल सडकबाट १५० मिटर तल झरेको थियो । १२ बजे दुर्घटना भए पनि प्रत्यक्षदर्शीले बुधबार बिहान मात्रै मोटरसाइकल क्षतिग्रस्त देखेर प्रहरीलाई खबर गरेका थिए । सूचना अधिकारी डीएसपी रामकुमार यादवले बिहानै पुगेको सुरक्षाकर्मीले आवश्यक सोधपुछ र अनुसन्धान थालेको बताउनुभयो ।

काठमाडौं, १७ जेठ । पूर्वप्रधानमन्त्री एवम् नेकपा एकीकृत समाजवादी पार्टीका सम्मानित नेता झलनाथ खनालमाथि दुर्व्यवहार भएको भन्दै समाजवादीले भत्सर्ना गरेको छ । पार्टी उपमहासचिव डा.गंगालाल तुलाधरले विज्ञप्ति जारी गर्दै खनालमाथि एक समूहबाट अभद्र ढंगले दुर्व्यवहार र अपमानित भएको भन्दै ध्यानाकर्षण भएको जनाए ।

वक्तव्यमा भनिएको छ, ‘जेठ १६ गते आयोजित एक कार्यक्रममा हाम्रो पार्टीका सम्मानित नेता कमरेड झलनाथ खनाल माथि केही पुनरुत्थानवादीहरूका मतियार अराजक तत्वहरुले कार्यक्रमलाई विथोल्ने नियतले हो हल्ला गर्ने,नाराबाजी गर्ने, तोडफोड गर्ने र अभद्र ढंगले दुर्व्यवहार र अपमानित गरेको घटनाप्रति हाम्र पार्टी घोर भत्सना गर्दछ ।’

समाजवादीले घटनामा संलग्नलाई कारबाही गर्न सरकारसँग माग गरेको छ । मंगलबार खनालमाथि एक समूहले सार्वजनिक स्थलमै दुर्व्यवहार गरेको थियो।

काठमाडौँ। सिटिजन्स बैंक इन्टरनेसनल लिमिटेडले काठमाण्डौँको कागेश्वरी मनोहरा नगरपालिकास्थित काँडाघारीमा १८३औं शाखा बुधबारदेखि सञ्चालनमा ल्याएको छ । नयाँ शाखा कार्यालयमा पूजापाठ गरी बैंकिङ्ग कारोवारको सुरुवात गरिएको छ ।यससंगै काठमाडौं उपत्यकाभित्र सिटिजन्स बैंकको ३६ शाखाको संख्उा ३६ पुगेको छ ।
बैंकका अनुसार ग्राहकको वित्तीय आवश्यकता पुरा गर्न आवश्यक सम्पूर्ण खुद्रा बैकिंग सेवा प्रदान गर्नुका साथै साना तथा कर्पोरट व्यवसायमाझ वित्तीय पहुँच पु-याउने लक्ष्यका साथ सो शाखा स्थापना गरिएको हो । सुविधाजनक बचत खाता योजना, मुद्दती निक्षेप योजना, लकर सेवा, ए.टि.एम.सेवा, घर तथा सवारी कर्जा, सानाव्यवसायीकर्जा, लगायतकावित्तीय सेवाहरु छिटो, छरितो, चुस्त र दुरुस्त रूपमा ग्राहकलाई प्रदान गरिने बैंकले जनाएको छ ।
आधुनिक बैंकिंङ्ग प्रणालीलाई प्राथमिकतामा राख्दै आएको बैंकले यसअघि कियोस्क ई.के.वाई.सी तथा नागरिक एपमार्फत अनलाइन खाता खोल्न सक्ने सुविधाको सुरुवात गरिसकेको छ । ग्राहकको बैंक सम्बन्धी जिज्ञासा तथा समस्याको छिटो समाधानका लागि ग्राहक सहायता केन्द समेत स्थापना गरेको छ । ग्राहकले सेवाप्रतिनिधिसँग फोन तथा ईमेलमार्फत सम्पर्क गरी आफ्ना बैंकिङ्ग समस्या जानकारी गराउन सक्ने व्यवस्था मिलाइएको बैंकले जनाएको छ । बैंकले १८३ शाखा, ३ विस्तारित काउण्टर, १४० ए.टि.एम., ६ कियोस्क सेवा र ९७ वटा शाखारहित बैंकिङ्ग ईकाईबाट करिव १५ लाख ७२ हजार ग्राहकवर्गलाई आधुनिक बैंकिङ्ग सेवा प्रदान गर्दै आएको छ । (माधव अधिकारी)

काठमाडौँ । लक्ष्मी बैंक लिमिटेडले ठेकेदारको मिलेमतोमा चेक अनादर कार्यमा संलग्न चितवनको क्षेत्रपुरस्थित सन्तोषी निर्माण सेवा प्रालिलाई संरक्षण गरेको छ । प्रालिको नाममा लक्ष्मी बैंक, लालबन्दी शाखा, सर्लाहीस्थित खाता नम्बर ०८२११०००११८ को चेक खातामा रकम नभएको जानीजानी भीम प्रसाद सापकोटाका नाममा जारी गरेको थियो । चेक बाउन्स भएपछि सापकोटाले कर्जा सूचना केन्द्रको कालोसूचीमा राख्न लक्ष्मी बैंक, केन्द्रीय कार्यालयमा चैत्र २२ गते निवेदन दिई आवश्यक दस्तुरवापतको रकम जम्मा गरेका थिए ।तर बैंकले ठेकेदारसँगको मिलेमतोमा दोषीमाथि कार्वाहीको प्रक्रिया अगाडि बढाउन आलटाल गरिरहेको सापकोटाले बताए । बैंकको कालो सूचीमा राख्ने जिम्मेवारी पाएका कर्मचारीले नेपाल राष्ट्र बैङ्कसँगको सेटिङ्गमा नै कालो सूचीमा समावेश गर्ने प्रक्रिया अगाडि नबढाएको बताउने गरेको सापकोटाले जानकारी दिए ।
यसबारेमा बैंकका गुनासो सुन्ने अधिकारी मनोहरराज उप्रेतीलाई सम्पर्क गर्दा यसबारेमा आफूले बुझ्नुपर्ने बताए ।चेक बाउन्सबाट पीडित सापकोटा एक प्रतिनिधि पात्र मात्र हुन् । यस समस्याको निराकरणका लागि सम्बन्धित निकायले आवश्यक कार्वाही नगर्दा उनीजस्ता थुप्रै सर्वसाधारण समस्यामा परेका छन् ।

नेपाल राष्ट्र बैंकबाट ‘क’, ‘ख’ र ‘ग’ वर्गका इजाजतपत्र प्राप्त संस्थाहरुलाई जारी गरिएको एकीकृत निर्देशन, २०७९ बमोजिम कुनै व्यक्ति, फर्म, कम्पनी वा संगठित संस्थाले बैंक तथा वित्तीय संस्थालाई त्यस्तो भुक्तानी नहुने चेक दिएमा समेत यस खण्ड बमोजिम कालोसूचीमा राख्नुपर्नेछ । सो अनुसार नगरेमा बैंक तथा वित्तीय संस्थालाई सोही निर्देशन बमोजिम कारबाही हुने निर्देशनमा उल्लेख छ । बैंकिङ्ग कसुर तथा सजाय ऐन, २०६४ अनुसार आफ्नो खातामा मौज्दात रकम नभएको जानीजानी चेक काटी दिएमा बिगो भराई बिगो बमोजिम जरिवाना र तीन महिनासम्म कैद हुने प्रावधान छ ।

रौतहट १७ जेठ। प्रधानमन्त्री  पुष्पकमल दाहाल प्रचण्डले  गौर हत्याकाण्डका दोषीलाई कारबाहीको दायरामा ल्याउने प्रतिबद्धता जनाएका छन्। आमजनता पार्टी रौतहटका अध्यक्ष त्रिभुवन साहको नेतृत्वमा गौर हत्याकान्डका पीडितहरु  प्रधानमन्त्री प्रचण्ड संग भएकाे भेटमा उक्त  प्रतिबद्धता जनाएका हुन्। मंगलवार विहान बालुवाटारमा भएकाे भेटमा प्रधानमन्त्री प्रचण्डले दरवार हत्याकान्डका साथै गौरको दोषीलाई पनि कार्वाहिको दायरामा ल्याउने आश्वासन दिएको टोलीमा सहभागी रामशरण यादवले बताए। प्रधानमन्त्री प्रचण्डले हत्या गर्नेलाई कारवाही हुन्छ, गौर घट्नाका मृतकलाई सहिद घोषणा गर्ने , तथा परिवारलाई सरकारी जागिर दिने प्रतिबद्धता जनाएको यादवले जानकारी दिएका छन्।

प्रधानमन्त्री प्रचण्ड भेट्नु अघि पीडितहरूको टोली सोमवार गृह मन्त्री नारायण काजी श्रेष्ठलाई पनि भेटेका थिए। भेटमा गृह मन्त्री श्रेष्ठ पनि गौर हत्याकान्डका दोषिलाई कारबाही गर्न प्रतिबद्ध रहेको यादवले जनाएका छन्।

आजपाको जिल्ला अध्यक्ष त्रिभुवन साहको नेतृत्वमा गएको टोलीमा गौर घाटमा मृत्यु भएका बौधिमाई नगरपालीकाको नर्मदेश्वर उपाध्यायको श्रीमती रुपशागर देवी उपाध्याय, रामशरण यादव, लगायत पाँचजना रहेका छन्। 

के हो गौर घटना 

२०६३ साल चैत्र ७ गते रौतहटको सदरमुकाम गौरस्थित राईसमिलको फिल्डमा मधेशी जनाधिकार फोरम र तात्कालीन नेकपा माओवादी एउटै स्थानमा छुट्टै मार्च बनाएर सभा गर्न लाग्दा दुई पक्ष बीच झडप हुदा २७ जना माओवादी कार्यकर्ताको घटनास्थलमै र एकजनाको उपचारका क्रममा मृत्यू भएको थियो । सोही झडपमा कैयौ घाईते भएका थिए । घटनामा बाँसको चारपाटे भाठा र हतियार समेत प्रयोग भएको थियो।

गौरभन्दा करिब १० किलोमिटर उत्तर  पताही टोलको पूर्वपट्टि बागमती नदीको किनारमा  ३ महिला र ८ पुरुषको 

 गाउँभन्दा पश्चिमपट्टि बौधीदेवीको मन्दिरमा ल्याई बाँसको भाटा, ढुंगा र इँटा प्रहार गरी मन्दिरमा बलि दिएर, आगो लगाई हत्या गरेको थियो। 

 आक्रमण पुर्वनियोजित तथा  संगठित रूपमा भएको देखिएको मानवअधिकारवादी संस्था अनौपचारिक क्षेत्र सेवा केन्द्र (इन्सेक) ले ठहर गरेको थियो। तीनजना महिलालाई बलात्कारपछि हत्या गर्ने क्रममा क्रूर यातना दिइएको, आगो लगाउने तथा उनीहरूको संवेदनशील अंगमासमेत प्रहार गर्ने जस्ता अमानवीय कार्य गरिएको पाइएको इन्सेकले आफ्नो प्रतिवेदनमा उल्लेख गरेको थियो।  

गौर हत्याकाण्ड हुँदा तत्कालिन मधेशी जनअधिकार फोरमका अध्यक्ष उपेन्द्र यादव मधेस आन्दोलनको नेतृत्व गरिरहेका थिए। अध्यक्ष यादव कै निर्देशनमा फोरमका कार्यकर्ताले माओवादी कार्यकर्तालाई भाला, छुरा, लाठी र गोली प्रहार गरी निर्मम हत्या गरेको तत्कालीन माओवादी कार्यकर्ता तथा पीडित परिवार ले दाबी गर्दै आएका छन्।

उक्त घटना हुँदा माओबादी तत्कालिन सरकारमा सहभागी थिए। सो समय नेपाली कांग्रेस नेतृत्वको सरकारमा कृष्णप्रसाद सिटौला गृहमन्त्री रहेका थिए।

घटना पछि माओबादीका तत्कालिन नेता प्रभु साहको सक्रियतामा पीडित परिवारले उपेन्द्र यादव लगायत १ सय भन्दा बढी मानीस लाई बिपक्षी बनायर जिल्ला प्रहरी कार्यालय रौतहटमा मुद्दा दर्ता गराएका थिए। तर राजनीतिक घटाना भनेर कूनै सुनवाई न भएकाे पीडितहरुको भनाई रहेको जनकपुर बाट प्रकाशित हुने आजको मधेश दृष्टि दैनिक पत्रीकामा रौतहट बाट सञ्जय मिश्राले लेखेका छन्। 

मेष : (चु, चे, चो, ला, लि, लु, ले, लो, अ) नयाँ कामको थालनी हुनेछ । राजनैतिक कार्यमा सफलता मिल्नेछ । जोशजाँगर र हिम्मत बढ्नेछ । बन्धु बान्धवबाट सहयोग मिल्नेछ ।

मिथुन : (का, कि, कु, घ, ङ, छ, के, को, हा) आज लाभहानी, आयव्यय, सुखदुःख बराबरी खालको समय छ । नयाँ ज्ञान सिक्ने मौका छ, तर समय भने निकाल्न सकिँदैन ।

सिंह : (मा, मि, मु, मे, मो, टा, टि, टु, टे) आज आदर्श ब्यक्तिको सहकार्यले नयाँ अनुभव मिल्नेछ । आँटेको र ताकेको कार्य पुरा होला । नयाँ काममा हात हाल्ने समय छ ।

तुला : (रा, रि, रु, रे, रो, ता, ति, तु, ते) चुनौती सामना गर्नुपर्दा चिन्ता र छटपटी बढ्न सक्छ । अनावश्यक ठाउँमा धन खर्च हुनेछ । लगानी गर्नु उपलब्धीमूलक हुँदैन ।

धनु : (ये, यो, भा, भि, भु, धा, फा, ढा, भे) आज गरेका कामबाट राम्रै लाभ हुनेछ । धर्मकर्ममा मन लाग्नेछ । शुभ तथा नयाँ कार्यको योजना बन्नेछ । प्रेम सम्बन्ध पनि राम्रो हुनेछ ।

बृष: (इ, उ, ए, ओ, वा, वि, वु, वे, वो) विपरित वर्गबाट विशेष सहयोग मिल्नेछ । जोशजाँगर र हिम्मत बढ्नेछ । बिनाप्रतिस्पर्धा फाइदा हुने योग छ । आफन्तले सहयोग गर्नेछन् ।

कर्कट : (हि, हु, हे, हो, डा, डि, डु, डे, डो) आज धर्म, कर्म तथा समाजसेवा जस्ता कार्यमा मन लाग्नेछ । अतिथिका रूपमा सम्मान पाइनेछ । नयाँ कामको थालनी हुनेछ ।

कन्या : (टो, पा, पि, पु, ष, ण, ठ, पे, पो) धार्मिक आस्था बढ्नेछ । अरुलाई प्रभावित पारेर काम बन्नेछ । श्रमको उचित मूल्याङ्कन हुनेछ । मिष्ठान्न भोजनको अवसर मिल्नेछ ।

बृश्चिक : (तो, ना, नि, नु, ने, नो, या, यि, यु) आज नयाँ कार्यको सफल योजना बन्नेछ । आर्थिक लाभ तथा धनार्जन पनि हुनेछ, तर कुनै समाचारले मन भने बिथोल्न सक्छ ।

मकर : (भो,जा,जि,जु,जे,जो,ख,खि,खु,खे,खो,गा,गि) नयाँ कार्य, रोजगार वा नयाँ कामको अवसर मिल्नेछ । आफन्तको प्रगतिमा मन रमाउनेछ । शेयर बजारको लगानीले पनि राम्रै हुनेछ ।

कुम्भ : (गु, गे, गो, सा, सि, सु, से, सो, दा) आज जिद्दीपनाले गर्दा काम बिग्रने डर छ । महत्त्वपूर्ण कार्यमा व्यवधान आइपर्ला । स्वास्थ्य तथा सौन्दर्यतामा धन खर्च हुनेछ ।

मीन : (दि, दु, थ, झ, ञ, दे, दो, चा, चि) रोकिएका काम पुनः सुरु हुन सक्छन् । जोशजाँगर र उमङ्ग बढ्नेछ । शुभकार्यको चर्चा चल्नेछ । वैदेशिक कार्य पनि अघि बढ्नेछ ।