Month: February 2022

काठमाडौँ । ६० किलो सुन तस्करी प्रकरणमा थप एक जना पक्राउ परेका छन् ।

प्रहरीको केन्द्रीय अनुसन्धान ब्युरो (सीआईबी) ले पाल्पाका गणेश पौडेललाई पक्राउ गरेको ब्युरो स्रोतले बताएको छ । ।

पौडेलसँगै यो प्रकरणमा पक्राउ पर्नेको संख्या २४ पुगेको छ ।

काठमाडौँ । प्रधानमन्त्री पुष्पकमल दाहाल ‘प्रचण्ड’सँग नेपालका लागि संयुक्त अधिराज्यका नवनियुक्त राजदूत रोब फेनले शिष्टाचार भेटवार्ता गरेका छन्।

प्रधानमन्त्री निवास बालुवाटारमा आज भएको भेटमा उनीहरुबीच द्विपक्षीय आपसी हितका विविध विषयमा कुराकानी हुनाका साथै नेपाल(संयुक्त अधिराज्यबीच सहयोगका बारेमा समेत छलफल भएको परराष्ट्र मन्त्रालयका प्रवक्ता सेवा लम्सालले जानकारी दिए ।

राजदूत फेनले नेपाल आएपछि प्रधानमन्त्री दाहालसँग पहिलो पटक भेटवार्ता गरेका हुन्।

काठमाडौँ । सभामुख देवराज घिमिरेले संसदीय समितिका सभापतिहरूसँग छलफल गर्दैछन् । बुधवार सिंहदरवारमा सभामुख घिमिरे र नवनिर्वाचित संसदीय समितिका सभापतिहरूसँग छलफल शुरु भएको हो। बैठकमा समितिका कामकारबाहीका विषयमा छलफल हुनुका साटै समितिमा विचाराधीन विधेयकहरूका सम्बन्धमा छलफल हुने बताइएको छ।

भदौ ११ गते प्रतिनिधि सभाको १० वटा विषयगत समितिको सभापतिहरू सर्वसम्मत रूपमा चयन भएका थिए। जसअन्तर्गत सार्वजनिक लेखा समिति सभापतिमा नेकपा एमालेका ऋषिकेश पोखरेल, शिक्षा, स्वास्थ्य तथा सूचना प्रविधि समिति सभापतिमा नेकपा (एकीकृत समाजवादी) का भानुभक्त जोशी, पूर्वाधार विकास समिति सभापतिमा राष्ट्रिय प्रजातन्त्र पार्टीका दीपकबहादुर सिंह छन्।

त्यस्तै अर्थ समितिको सभापतिमा नेपाली काँग्रेसका सन्तोष चालिसे, राज्य व्यवस्था तथा सुशासन समिति सभापतिमा नेपाली काँग्रेसका रामहरि खतिवडा, कृषि सहकारी तथा प्राकृतिक स्रोत समितिमा नेपाली काँग्रेसकी डा।आरजु राणा देउवा र उद्योग तथा वाणिज्य र श्रम तथा उपभोक्ता हित समितिको सभापतिमा जनमत पार्टीका अब्दुल खान छन् ।

त्यस्तै अन्तर्राष्ट्रिय सम्बन्ध र पर्यटन समितिको सभापतिमा जनता समाजवादी पार्टीका राजकिशोर यादव, कानून, न्याय तथा मानवअधिकार समितिमा नेकपा (माओवादी केन्द्र) की विमला सुवेदी, महिला तथा सामाजिक मामिला समितिमा एमालेका किरणकुमार साह छन्।

काठमाडौँ । भन्सार विभाग अन्तर्गत भन्सार अधिकृतसहित कार्यालय सहयोगीसम्मका एक सय ३७ कर्मचारीले सामूहिक सरुवा मागेका छन् । ६० किलो सुन पक्राउ प्रकरणपछि अनुसन्धान तथा छानबिनको बहानामा विना कारण दुःख दिने काम भएको भन्दै सामूहिक सरुवा मागेका हुन् ।

घटनामा संलग्नलाई कारबाही गर्ने कुरामा आफ्नो दुई मत नरहेको भन्दै कर्तव्य पालनको सिलसिलामा खटिएका कर्मचारीमाथि अनावश्यक रूपमा धरपकड गर्ने, प्रमाणबिना थुनामा राख्ने, संलग्नता भएको यथेष्ट प्रमाण नहुँदा नहुँदैसमेत पक्राउ गरी दुःख दिने नियत देखिएको भन्दै कार्यालयमा आई काम गर्न मनोवैज्ञानिक त्रास उत्पन्न भएको उनीहरूको भनाई छ ।

कर्मचारीको सरुवा सूचिसहित ः

बुटवल । नेकपा एमालेको लुम्बिनी प्रदेश अधिवेशनको मिति नजिंकिंदै गर्दा गुटगत भेला बढेको छ । प्रदेश अधिवेशनमा अध्यक्षको उम्मेदवारी घोषणा गरेका हरिप्रसाद रिजालले आफ्नो पक्षमा माहोल बनाउन बुटवलको ढवाहास्थित आरम्भ रिसोर्टमा भेला गरेको छ ।

रिसोर्टमा मंगलबार पार्टीका केन्द्रीय सदस्य, संघीय र प्रदेश सांसद समेतको सहभागी छन् । रिजाललाई पार्टी महासचिव शंकर पोखरेल निकट प्रदेशका नेताहरु केन्द्रीय सदस्य बलराम अधिकारी, चेतनारायण आचार्य, शिवराज सुवेदी, भूमिश्वर ढकाल, पाल्पाका नारायणप्रसाद आचार्य, नवलपरासीका थानप्रसाद गैरेले साथ दिएका छन् ।

गोप्य भेलामा यी नेताहरुसहित १० वटा जिल्लाका पार्टी अध्यक्ष र सचिवहरु सहभागी भएका स्रोतको भनाइ छ । भेलामा चुनाव भएमा रिजालको टिमबाट पदाधिकारीमा कुन कुन नेतालाई समावेश गर्ने भन्ने छलफल भएको थियो । प्यूठान जिल्ला अध्यक्ष विजयविराज विष्टका अनुसार सो भेलामा रोल्पा र रुकुमका नेता भने सहभागी थिएनन् ।

जिल्लाबाट छनोट भएका प्रतिनिधिको गुटगत पक्षधरता र चुनावी रणनीतिबारे रिपोर्टिङ र छलफल भएको विष्टले बताए । ‘नेतृत्व चयन सहमतिबाट गर्न अधिकतम पहल गर्ने र हुंदै नभएमा मात्रै चुनावमा जाने भन्ने विषयमा छलफल भयो’, विष्टले भने, ‘शीर्ष नेताहरुलाई सहमतिका लागि दबाव दिन भेला गरिएको हो, त्यस्तो खास अरु केही भएको हैन ।’

एमालेको लुम्बिनी प्रदेश अधिवेशन भदौ १६ र १७ गते हुँदैछ । अध्यक्ष पदका लागि पाल्पाका राधाकृष्ण कंडेल, प्युठानका हरिप्रसाद रिजाल र दाङका लक्ष्मण आचार्य पनि आकांक्षी छन् ।

एमालेको लुम्बिनी प्रदेश अध्यक्ष तथा अधिवेशनबाट पुनः अध्यक्ष पदका आकांक्षी कंडेलले एउटा पक्षले गुटगत भेला गरेको आफूले पनि जानकारी पाएको तर प्रतिनिधिले विवेक प्रयोग गर्नेमा ढुक्क रहेको प्रतिक्रिया दिए ।

‘राधाकृष्ण कंडेललाई रोक्न भेला गरेर रणनीति बनाइयो भन्ने साथीहरुले सुनाउनुभयो तर मलाई यसरी गटबन्दी गर्नु छैन’, कंडेलले भने, ‘छलफल गर्न थियो भने बुटवलमै पार्टी अफिस थियो, रिसोर्टमा छुट्टै भेला गर्दा राम्रो सन्देश गएन ।’

पार्टीको महाधिवेशनमा एक कार्यकाल प्रदेश अध्यक्ष भएर काम गर्ने सहमति अनुसार केन्द्रीय सदस्य नभएकाले प्रतिनिधिले आफूलाई न्याय गर्ने कंडेल बताउँछन् ।

राष्ट्रिय सभाको विधायन व्यवस्थापन समितिले आफ्नो निर्देशन, सुझाव कार्यान्वयनको अनुगमन तथा मुल्याकंन अध्ययन प्रतिवेदन सार्वजनिक गर्दै सरकारले संविधानको व्यवस्था अनुसार भूमिहीन दलितलाई जमिन दिन नसकेको उल्लेख गरेको हो ।

‘भूमिहीन दलितलाई एकपटकका लागि जमिन उपलब्ध गराउने संवैधानिक प्रतिवद्धता कार्यान्वयनसँग सम्बन्धित भूमि सम्बन्धी ऐन, २०२१ को दफा ५२ (क) को कार्यान्वयन गर्ने कुरामा सरकार चुकेको देखिन्छ’, प्रतिवेदनको निष्कर्ष र सुझाव खण्डमा भनिएको छ ।

सरकारले २०७२ असोज ३ गते संविधान जारी गर्दा मौलिक हकहरु ३ वर्षभित्र कार्यान्वयन गर्ने प्रतिवद्धता जनाएको थियो । तर संविधान जारी भएको ८ वर्ष हुन लाग्दा पनि दलितको हक अन्तर्गत समावेश भूमिहीन दलितलाई जग्गा उपलब्ध गराउने प्रतिवद्धता पूरा गर्न नसकेको हो ।

‘त्यसको आवश्यकता, मर्म र फरक प्रबन्ध गर्नुको औचित्यलाई पूर्ण सम्बोधन गर्न नसकिएको स्पष्ट छ । निर्धारित तीन वर्ष अवधि व्यतित भइसकेको र कार्यप्रगतिको तथ्यांकको स्थिति हेर्दा यो देखिन्छ’ प्रतिवेदनमा भनिएको छ ।

संविधानको धारा ४० को उपधारा ५ मा ‘राज्यले भूमिहीन दलितलाई कानून बमोजिम एक पटक जमिन उपलब्ध गराउनुपर्ने’ व्यवस्था छ । यसलाई कार्यान्वयन गर्न बनेको भूमि सम्बन्धी ऐनको दफा ५२(क) मा नेपाल सरकारले भूमिहीन दलितलाई एक पटकका लागि तोकिए बमोजिम तीन बर्षभित्र जमिन उपलब्ध गराउने व्यवस्था गरिएको छ ।

सरकारले राष्ट्रिय भूमि आयोग गठन आदेश २०७८ अनुसार भूमि आयोग गठन गरी भूमिहीनलाई जग्गा उपलब्ध गराउने काम गरिरहेको छ । समितिमा उपलब्ध विवरण अनुसार २०७९ सालको अन्त्यसम्म ४९४ जना भूमिहीन दलितले जग्गाधनी प्रमाणपूर्जा प्राप्त गरेका छन् ।

‘ऐन बमोजिम तीन वर्षभित्र भूमिहीन दलितलाई एक पटकका लागि जमिन उपलब्ध गराउने व्यवस्था कार्यान्वयन नभएको हुँदा उक्त व्यवस्थामा सरकारको धारणा माग गरी अगाडि बढ्ने’, समितिले आफ्नो प्रतिवेदनमा भनेको छ ।

विराटनगर । नेकपा एमाले अध्यक्ष केपी शर्मा ओलीले अमेरिकी सहयोग कार्यक्रम एमसीसी सम्झौताका विषयमा संसदले पासा गरेको १२ बुँदे ब्याख्यात्मक घोषणाको कुनै अर्थ नभएको बताएका छन् ।

उनले तत्कालिन सत्तापक्षले जनता झुक्याउन व्याख्यात्मक घोषणा पास गरे पनि एमसीसीले त्यसलाई नमान्ने उनले बताए । यद्यपि एमसीसी नेपालको संसदले अनुमोदन गरेका हुनाले कार्यान्वयनमा जाने ओलीले बताए ।

‘संसदले अनुमोदन गरेको कुरा कार्यान्वयनमा जान्छ’, ओलीले भने, ‘त्यो १२ बुदे घोषणा भन्ने जुन झुटको खेस्रो छ, त्यो झुटको खेस्रो उहाँहरुले (सत्तापक्षले)नेपाली जनतालाई दिएको धोका मात्रै हो, त्यो धोकाको एउटा प्रमाण हो ।’

१२ बुँदे व्याख्यात्मक घोषणालाई सम्झौताको अंग हुन्छ भनेर तत्कालिन प्रधानमन्त्री र परराष्ट्रमन्त्रीले संसदमा झुट बोलेको ओलीले बताए । ‘१२ बुदे ब्याख्यात्मक घोषणाका सन्दर्भमा तत्कालिन प्रधानमन्त्रीले र परराष्ट्रमन्त्रीले एमसीसीले मानिसकेको छ, सम्झौताको अंग हुन्छ भनेर संसदमा नै बोलेर नेपाली संसदलाई धोका दिनुभयो, झुट बोल्नुभयो र गलत प्रभाव पारेर पास गराउने बाटो लिनुभयो’ ओलीले भने ।

एमसीसी पास गर्र्नु उपयुक्त हो होइन भन्ने विषयमा बेग्लै ढंगले सोच्नुपर्नेमा सरकारले त्यसबेला झुट बोलेर पारित गराएको उनको भनाइ छ ।

प्रधानमन्त्री प्रचण्डले मंगलबार एमसीसीको उपाध्यक्ष नेपाल आएका बेला व्याख्यात्मक घोषणा मान्ने कि नमान्ने भनेर सोध्छु भनेका थिए । ओलीले यस विषयमा प्रधानमन्त्रीले सोध्न नसक्ने बताए ।

‘सोध्न किन पर्‍यो, उहिले नै एमसीसीले जवाफ दिएको छ, उहिले नै भनेको छ, सम्झौता भन्दा वरपर कसका के घोषणामा कुनै सरोकार छैन जान्दैनौं भनेको छ’ ओलीले भने, ‘त्यो जवाफ पनि थाहा छ, उहाँले सोध्ने पनि होइन,‘जनता अल्मल्याउनका लागि बोलेको हो ।’

प्रहरीले बिराटनगरबाट काठमाडौं आइरहेको एक निजी कारबाट २० किलो चाँदी बरामद गरेको छ । बा.प्र.०१–०२५ च १०६९ नम्बरको कार चेकजाँच गर्ने क्रममा चालक पछाडिको सिटमुनि नाइलनको सेतो पहेँलो रङको झोलामा कालो प्लाष्टिक भित्रबाट उक्त परिमाणको चाँदी बरामद भएको हो ।

बीपी राजमार्गअन्तर्गत सिन्धुलीको गोलन्जोर गाउँपालिका–५ मा प्रहरी चौकी गढीको टोलीले सेतो ४ वटा प्लाष्टिकमा चाँदी जस्तो देखिने करिब २० किलो बरामद गरेको बागमती प्रदेश प्रहरी कार्यालयले जनाएको छ।

प्रहरीले उक्त चाँदी, कार, चालक र गाडीमा सवार सप्तरीको राजविराज न नगरपालिका–८ घर भई हाल मोरङको बिराटनगर महानगरपालिका४ बस्ने ३७ वर्षीय शेचन मानन्धरसहितलाई नियन्त्रणमा लिएको छ।

उनीहरुलाई जिल्ला प्रहरी कार्यालय सिन्धुलीमा राखेर थप अनुसन्धान भइरहेको छ।

चिनियाँ शीर्ष तहका नेतृत्वसँग भेटवार्ता गर्नेगरी नेकपा एमालेका महासचिवसहितको टोली आगामी साता चीन भ्रमणमा जाने भएको छ।

महासचिव शंकर पोखरेलको नेतृत्वमा जाने टोलीमा १७ जना नेताहरु सहभागी हुने बताइएको छ।

एमालेको साउन २९ गते बसेको सचिवालय बैठकबाट भदौ १६ गते टोलीलाई चीन पठाउने गरी निर्णय भइसकेको छ।

‘१० र १२ दिनको भ्रमण हुने भनेर सचिवालयबाट निर्णय भएको छ,’ एक पदाधिकारीलेभने, ‘प्रमुख प्रतिपक्षी दलको महासचिव नै भ्रमणमा जाने भएकोले उच्च तहमा भेटवार्ता हुने बताइएको छ।’

प्रधानमन्त्री पुष्पकमल दाहाल प्रचण्ड असोज ४ गते चीन भ्रमणमा जाँदैछन्। चीन भ्रमणमा रहँदा प्रधानमन्त्री प्रचण्डले राष्ट्रपति, प्रधानमन्त्री र चिनियाँ कम्युनिस्ट पार्टीका नेताहरूसँग वार्ता गर्नेछन्।

प्रचण्डको भ्रमणअघि एमाले नेताहरुले चीनको भ्रमण गर्न लागेका हुन् ।

‘केही जिल्ला, क्षेत्र र केही विभागलाई समेटेर भ्रमण दलका सदस्य तय गर्ने भनिएको छ,’ ती पदाधिकारीले थपे, ‘यस्ता भ्रमणले थप हार्दिकता बढाउँछ।’

‘यो पार्टी टोलीको भ्रमण भएकाले नेपालको राजनीतिक अवस्थासहित पार्टीगत सम्बन्धबारे छलफल हुन्छ होला, त्यसबाहेक चीनले नेपाललाई पछिल्लो दिन कसरी हेरिरहेको छ, उसको चाहना के छ त्यो पनि बुझिन्छ’, उनले भने।

भ्रमण दलले चिनियाँ कम्युनिष्ट पार्टीका कुन तहको नेता भेट्ने खुलेको छैन। एमाले प्रचार विभाग प्रमुख राजेन्द्र गौतमका अनुसार उच्च तहका नेतृत्वसँग बेइजिङमा भेटवार्ता हुने सम्भावना छ।

‘उच्च तहकै रुपमा यो भ्रमणलाई लिइएको छ, चिनियाँ कम्युनिष्ट पार्टीले भ्रमणको निमन्त्रणा दिएको हो,’ उनले भने ।

यसअघि जेठ ६ गते नेकपा माओवादी केन्द्रका उपाध्यक्ष अग्नि सापकोटासहितको २० सदस्यीय टोलीले चीनको भ्रमण गरेको थियो। त्यसपछि माओवादीका महासचिव देव गुरुङले चीन भ्रमण गरेका थिए ।

अहिले प्रमुख प्रतिपक्षीमा रहेको एमालेका उच्च तहका नेताहरुलाई भ्रमणमा बोलाएर चीनले केही सन्देश दिन खोजिरहेको देखिन्छ ।

एमालका अन्तर्राष्ट्रिय विभाग प्रमुख डा. राजन भट्टराईले महासचिवसहितको भ्रमण निश्चित भए पनि टोलीमा रहने संख्या र मिति तय नभएको बताए ।

‘भ्रमण गर्ने निश्चित हो, समय र संख्या टुंगो लागेको छैन,’ भट्टराईले भने ।