Month: February 2022

काठमाडाैं । नेपाल आयल निगमले डिजेलकाे मूल्य प्रतिलिटर ४ रूपैयाँ घटाउने निर्णय गरेकाे हाे । अब काठमाडाैं उपत्यका, पाेखरा र दिपायलमा एक लिटर डिजेलकाे १६४ रुपैयाँ पर्नेछ। निगमका अनुसार मंगलबार राती १२ बजेबाट नयाँ मूल्य लागू हुनेछ ।

यसैगरी, दाेस्राे वर्ग अर्थात् सुर्खेत र दाङमा डिजेल प्रतिलिटर १६३ रूपैयाँ पर्ने निगमले जनाएकाे छ । यस्तै, पहिलाे वर्ग अथवा चारआली, विराटनगर, जनकपुर, अमलेखगंज, भलवारी, नेपालगंज, धनगढी र वीरगंजमा १६१.५० रूपैयाँ तिर्नुपर्ने भएकाे छ । मट्टीतेलकाे मूल्य पनि डिजेल बराबर नै रहेकाे छ ।

पेट्रोल, हवाइ इन्धन र एल.पि.ग्यासको मूल्य भने निगमले यथावत राखेकाे छ । भारतबाट मूल्य बढेर आएकाे भएतापनि पेट्राेल र ग्यासकाे उपभोक्ता मूल्य भने बढाइएकाे छैन।

इण्डियन आयल कर्पाेरेशनले आज पेट्राेल र ग्यासकाे मूल्य बढाउर पठाएकाे भएपनि उपभाेक्ताकाे हितलाई मध्यनजर गर्दै मूल्य यथावत राखेकाे निगमले बताएकाे छ । भारतले पेट्राेलकाे मूल्य प्रतिलिटर १ रूपैयाँ ५१ पैसाले बढाएर र डिजेलकाे ३ रूपैयाँ ६३ पैसाले घटाएर पठाएकाे थियाे । यस्तै, ग्यासकाे मूल्य पनि प्रति सिलिण्डर ९३ रूपैयाँ ६० पैसाले बढाएर पठाएकाे भएतापनि उद्दाेग, वाणिज्य तथा आपूर्ति मन्त्रालयकाे निर्देशन बमाेजिम मूल्य यथावत राखेकाे समेत निगमले विज्ञप्तीमा उललेख गरेकाे छ ।

काठमाडौँ। मानव बेचबिखनमा संलग्न रहेको आरोपमा एकजना प्रहरी नै पक्राउ परेका छन् । प्रहरीले त्रिभुवन अन्तर्राष्ट्रिय विमानस्थलमा कार्यरत प्रहरी जवान जीवराज तामाङलाई पक्राउ गरी आजै अदालतबाट म्याद लिई अनुसन्धान सुरु गरेको छ ।

काठमाडौं उपत्यका अपराध अनुसन्धान कार्यालयका प्रहरी उपरीक्षक रविन्द्र रेग्मीले मानव तस्करीमा ‘कनेक्सन’ देखिएपछि उनलाई पक्राउ गरिएको जानकारी दिए । उनीसँगै अर्का एक व्यक्ति समेत पक्राउ गरेको पनि उनको भनाइ छ ।

प्रहरीको अनुसन्धानमा मानव बेचबिखनका गिरोहसँग मिलेर नक्कली कागजात बनाउने र भ्रमण भिसामा  नागरिकलाई विदेश पठाउने कार्यमा उनको संलग्नता भएको पाइएको प्रहरीको दाबी छ ।

काठमाडौं । आईसीसी टी–२० क्रिकेट विश्वकप छनोटको आफ्नो दोस्रो खेलमा मलेसियालाई सजिलै हराउँदै घरेलु टोली नेपाल एक खेलअघि नै सेमिफाइनलमा प्रवेश गरेको छ ।

टस जितेर पहिले ब्याटिङ गरेको मलेसियाले दिएको १६६ रनको लक्ष्य नेपालले १८ ओभर खेल्दै चार विकेटको क्षतिमा भेट्टाएको थियो । नेपालका लागि कुशल मल्ल र कुशल भुर्तेलले आक्रामक ब्याटिङ गरे ।

मल्लले ३४ बलमा ७ छक्का र २ चौकासहित ६५ रन बनाए । ओपनर भुर्तेलले २५ बलमा ४ छक्का र ४ चौकासहित ४३ रन बनाएका थिए ।

अर्का ओपनर आशिफ शेखले २३ बलमा ३२ रन बनाए । कप्तान रोहित पौडेल भने २ रनमै आउट भएका थिए । 

यसपछि आएका सन्दीप जोराले अविजित १८ तथा विवेक यादवले २ रन जोडेपछि नेपालले लक्ष्य भेट्टयो । 

नेपालले ५.२ ओभरमा ५२ रन बनाएको अवस्थामा पहिलो विकेट गुमाएको थियो । 

मलेसियाका मुहम्मद अमिरले सर्वाधिक ३ विकेट लिए । 

त्यसअघि अविनाश बोहराले ४ विकेट लिँदा मलेसियाले ९ विकेट गुमाएर १६५ रन बनाएको थियो । उसका सइद अजिजले सर्वाधिक ६८ रन बनाएका थिए ।

नेपालको जितसँगै समूह ए बाट सेमिफाइनल पुग्ने अर्को टिम ओमान बनेको छ । ओमानले मंगलबार बिहान सिंगापुरविरुद्ध जित निकालेको थियो । पराजयसँगै सिंगापुर र मलेसिया भने बाहिरिएका छन् ।

बुधबार नेपाल र ओमानबीच समूह विजेता र उपविजेताका निम्ति प्रतिस्पर्धा हुनेछ ।

काठमाडौँ। काभ्रेमा गाडी दुर्घटना हुँदा दुई जनाको मृत्यु भएको छ । एक जना गम्भीर घाइते भएका छन्।

मंगलबार दिउँसो २:१०मा पनौती नगरपालिका-२ सिलाभन्ज्याङस्थित कुशादेवीबाट नयाँगाउँ जाँदै गरेको बा ४ ख ६७२३ नम्बरको पराल बोकेको निसान गाडी ब्रेक फेल भएर दुर्घटनामा परेको जिल्ला प्रहरी कार्यालय काभ्रेले जानकारी दिएको छ।

मृत्यु हुनेमा चालक कुशादेवी बस्ने ४० वर्षीय रविन आचार्य र बेथानचोक गाउँपालिका-२ बस्ने ५० वर्षीय शिवबिक्रम केसीरहेका छन्।

यस्तै बेथानचोक गाउँपालिका-२ का ४५ वर्षीय सारदा तिमल्सिनाको टाउको, घाँटी र दुबै हात-खुट्टामा गम्भीर चोट लागेको प्रहरीले जनाएको छ।

काठमाडौं । भारत सरकारले स्थानीय बजारमा बढ्दो मूल्यलाई नियन्त्रण गर्न प्याज निर्यातमा मूल्य तोकेको छ । भारतले निर्यातका लागि प्रतिटन प्याजको मूल्य न्यूनतम ८ सय अमेरिकी डलर मूल्य तोकेको हो ।

स्वदेशी बजारमा प्याजको उपलब्धता कायम राख्न यो कदम चालिएको हो। यो नियम आईतवारदेखि पुस ३१ गतेसम्म लागू हुने संघीय उपभोक्ता मामिला, खाद्य तथा सार्वजनिक वितरण मन्त्रालयले जनाएको छ।

यस निर्णयसँगै सरकारले बफरका लागि थप २ लाख टन प्याज खरिद गर्ने घोषणा गरेको छ भने ५ लाख टनभन्दा बढी खरिद भइसकेको मन्त्रालयले जनाएको छ।

भारतमा विगत दुई हप्तामा प्याजको मूल्य ५० प्रतिशतभन्दा बढीले बढेको प्रतिवेदनले जनाएको छ।

रौतहट । यहँकी सुस्मिता चौलागाईंद्वारा अभिनित पहिलो लोकदोहोरी गीत “मालचरी”को म्यूजिक भिडियो सार्वजनिक भएको छ । कुलेन्द्र विक र सुनिता बुढाक्षेत्रीको स्वर रहेको सो गीतको म्यूजिक भिडियो दिपक घिमिरे नामको युट्युव च्यानल मार्फत सार्वजनिक गरिएको छ ।

कार्तिक ११ गते सार्वजनिक भएको सो म्यूजिक भिडियोलाई सोमबार बिहानसम्म ८५ हजार भन्दा बढिले हेरिसकेका छन् । म्यूजिक भिडियोमा चौलागाईंसँगै अर्जुन सापकोटाको अभिनय रहेको छ । युगल जोडीको माया, प्रेम , मिलन , विछोडको कथामा बनेको म्यूजिक भिडियोले दर्शकको मन जित्ने विश्वास निमार्ण पक्षले लिएको छ ।

कृष्ण लामिछानेको शब्द तथा संगीत रहेको सो गीतको म्यूजिक भिडियोको निर्देशन पनि लामिछाने आफैले गरेका छन् । टप्पक्क जिब्रोमा बस्ने लय, मिठो स्वर र सुमधुर संगीतले सजिएको “मालचरी” गीतले संगीतप्रेमी श्रोता, दर्शकको मन जित्ने विश्वास कलाकार चौलागाईंले लिएकी छिन् ।

सामाजिक संजाल टिकटकमा समसामायिक विषयवस्तुमा आधारित भएर छोटो संवाद सहितको भिडियो बनाएर ३ लाख ५८ हजार भन्दा बढि फलोवर्स कमाएकी चौलागाईं टेलिसिरियल “तमाशा” मा मुख्य भूमिका अभिनय गर्दै आइरहेकी छिन् । ‘म कलाकारिताको माध्यमबाट आफ्नो जिल्ला र देशको नाम राख्न चाहन्छुँ’ उनी भन्छिन्, ‘यो म्यूजिक भिडियोलाई हेरेर, मन पराएर सबैले मलाई साथ दिनुहुन्छ भन्ने विश्वास लिएको छुँ ।’

बारा- बाराको कलैया उपमहानगरपालिकामा सोमबार दिउँसो गोली हानी विद्यालयका प्रधानाध्यापकको हत्या गरेको आरोपमा तीन जना शंकास्पद व्यक्ति पक्राउ परेका छन् ।

पक्राउ पर्नेहरूको परिचय खुलाइएको छैन । कलैया उपमहानगरपालिका वडा नम्बर–६ स्थित बाल एकता बोर्डिङ स्कुलका प्रधानाध्यापक रूपेश स्वर्णकारको सोमबार दिउँसो गोली हानेर हत्या भएको थियो ।

गोली लागेर घाइते उनलाई प्रारम्भमा कलैयाकै प्रादेशिक अस्पतालमा प्राथमिक उपचार छि थप उपचारका लागि वीरगन्जस्थित नेपाल मेडिसिटी वयोधा हस्पिटल लगिएकाे थियो । उपचारकै क्रममा उनको मृत्यु भएको हो ।

सरल र शान्त स्वभावका उनीमाथि दुई वटा मोटरसाइकलमा आएका चार जना अपरिचित व्यक्तिले गोली प्रहार गरेको प्रत्यक्षदर्शीले बताएका छन् ।

प्रहरीले घटनामा पेशेवर सुटरहरुको प्रयोग गरिएको हुनसक्ने आशंका गरेको छ । प्रहरीले घटनामा थप अनुसन्धान गरिरहेको छ ।

काठमाडौँ । संघीय संसदको प्रतिनिधिसभा बैठक आज बस्दैछ । बैठक दिउँसो १ बजेका लागि बोलाइएको छ । आजको बैठकमा विद्यालय शिक्षा विधेयक-२०८० पेस गर्ने सम्भावित कार्यसूची रहेको छ ।

विधेयकलाई प्रस्तुत गर्न अनुमति माग्ने प्रस्तावमाथि सांसद प्रेम सुवालको विरोधको सूचना निर्णयार्थ प्रस्तुत भएपछि शिक्षा, विज्ञान तथा प्रविधिमन्त्री अशोककुमार राईले विद्यालय शिक्षा विधेयक, २०८० पेस गर्नेछन् ।

विद्यालय शिक्षा विधेयक संसदमा दर्ता भएसँगै विवाद भएको थियो । शिक्षकहरू आन्दोलित भएपछि सरकारले वार्ता गरी उनीहरूका माग सम्बोधन गर्ने भएपछि विधेयक अघि बढाउन लागिएको हो । त्यसअघि बैठकमा सभामुख देवराज घिमिरेले राष्ट्रपतिको कार्यालयबाट प्राप्त कार्यभार तोकिएको सम्बन्धी पत्रको ब्यहोरा पढेर सुनाउने कार्यसूची छ ।

आजकै बैठकमा सभामुख घिमिरेले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार तोकिएको सम्बन्धी पत्रहरूको ब्यहोरा पढेर सुनाउनेछन् ।

राजविराज । सप्तरीको बलान विहुल गाउँपालिकामा डीपीआर (विस्तृत परियोजना प्रतिवेदन) को नाममा ब्रह्मलुट मच्चाएको पाइएको छ । आर्थिक वर्ष ०७८/७९ मा तत्कालीन प्रदेश नं. २ सरकारबाट सशर्त अनुदानतर्फ चारवटा योजनाका लागि पठाइएको बजेटमध्ये ५–५ लाखका दरले २० लाख रुपियाँ कटौती गरी ब्रह्मलुट मच्चाएको पाइएको हो ।

‘गाउँपालिकाका अध्यक्ष खेमचन्द्र यादव र तत्कालीन निमित्त प्रमुख प्रशासकीय अधिकृत मो. नसिम राइनले मिलोमतो गरी डीपीआरका लागि योजनाकै बजेट कटौती गरेका छन्’, स्रोतले भन्यो– ‘त्यति बेला भर्खरै जनप्रतिनिधिहरु निर्वाचित भएर आएका थिए, पैसाका लागि मरिहत्तै गरी डीपीआरको नाममा आधा जति रकम खाए ।’

प्रदेश सरकारको सशक्त अनुदानतर्फ चारवटा वडामा पीसीसी ढलानका लागि कुल १ करोड रुपियाँ बजेट आएको थियो । तर, पीसीसी ढलानमा थोरै बजेट खान पाइने भएपछि सोही बजेटबाटै २० लाख रुपियाँ कटौती गरी ब्रह्मलुट मच्चाएको स्रोतको दाबी छ । ‘पछि कसैले अख्तियार दुरुपयोग अनुसन्धान आयोगमा उजुरी गरेपछि छानबिन भइरहेको बुझिन आएको छ’ –उनले भने ।

आयोगका एक कर्मचारीका अनुसार सो विषयमा छानबिन जारी रहेको छ । ‘छानबिनकै क्रममा गाउँपालिकासँग आवश्यक कागजातसमेत माग मगाइसकेको छ’, उनले भने– ‘थप केही भन्न सकिँदैन, छानबिन हुँदैछ ।’ गाउँपालिकाका प्रमुख प्रशासकीय अधिकृत अमरेन्द्र कुसियैतले योजनाको रकम कटौती गरी तयार पारिएको डीपीआरको विषयमा अख्तियार दुरुपयोग अनुसन्धान आयोगबाट केही कागजातहरु माग गरेको स्वीकार गरे । ‘आयोगले माग गरेको कागजातहरुसहित हामीले जवाफ पठाइसकेका छौं’ –उहाँले भन्नुभयो ।

गाउँपालिकाका अध्यक्ष यादवले गाउँ कार्यपालिकाको निर्णयबाट डीपीआरको कार्य भएको बताउनुभएको छ । ‘गाउँ कार्यपालिकाको निर्णयबाटै डीपीआरको कार्य भएको थियो, त्यसमा कसैले पनि एक रुपियाँ खाएको छैन्’, उहाँले भन्नुभयो– ‘हाम्रो पालिकामा पीसी (कमिसन) मुक्त गाउँपालिका हो, कुनै पनि योजनामा पीसी लेनदेन हुँदैन ।