Month: February 2022

रौतहट १४ मंसीर। रौतहटको देवाही गोनाही नगरपालिका र यमुनामाई गाउँपालिकाको प्रमुख प्रशासकीय अधिकृत फेरिएका छन्। देवाही गोनाहिमा प्रमुख प्रशासकीय अधिकृतको रुपमा सन्देश यादव र यमुनामाईमा रामश्रेष्ठ यादवले जिम्मेवारी पाएका हुन्।
बुधवार छुट्छुटै कार्यक्रमका बिच यादव द्वयले पदभार ग्रहण गरेका थिए। त्यस अघि देवाही गोनाहीका मेयर प्रेमलाल साह , उपमेयर परनिया देवी पटेल संगै जनप्रतिनिधिहरुले माला र टिका लगाएर स्वागत गरेका थिए। त्यसैगरी यमुनामाईका जनप्रतिनिधिहरुले पनि रामश्रेष्ठ यादव लाई माला र टिका लगाएर स्वागत गरेका थिए। उनले यमुनामाईमा दोस्रोपटक प्रमुख प्रशासकीय अधिकृतको जिम्मेवारी पाएका हुन्।

रौतहट १४ मंसीर। लामो समय देखि बन्द रहेको कटहरियाको खानेपानी सेवा तत्काल सुचारु गराउन मेयर अजयप्रकाश जैसवालले १५ लाख रुपैयाँ भन्दा बढीको चेक हसतान्तरण गरेका छन्।
गत मंगलवार बसेको नगर कार्यपालिका बोर्डको बैठकको निर्णय अनुसार खानेपानीको समस्या समाधान गर्न विद्युत प्राधिकरणको बक्यौता महसुल तिर्न १५ लाख ६ हजार २८० रुपैयाँको चेक हसतान्तरण गरिएको हो। उक्त रकम विधुत प्राधिकरण मौलापुर शाखामा बुझाएर आजैदेखि खानेपानी सञ्चालन गराउने मेयर जैसवालले बताएका छन्।
खानेपानी कार्यालयमा कार्यरत कर्मचारीको तलबको लागि चाँडैनै अर्को बैठक बाट निर्णय गरी उपलब्ध गराउने उनले प्रतिबद्धता जनाएका छन्। साथै खानेपानीको लागि वडा ४ र ५ अन्तर्गत छुटेका घरहरूमा पाईप बिस्तारको लागि दुईलाख रुपैया छुट्याएको छ। मेयर जैसवालले नगरपालिकाले गर्नुपर्ने आफ्नो दायित्व पूरा गरिरहेको छ, खानेपानी उपभोक्ता समितिका अध्यक्ष योगेन्द्र साह, वडा ४ का अध्यक्ष चन्दन कुशवाहा ,५ का अध्यक्ष सर्फलाल गुप्ताले पनि आफ्नो दायित्व पूरा गर्नुपर्ने जिकिर गरेका थिए।
यस अघि खानेपानी उपभोक्ता समितिले लामो समय देखि पानी सप्लाई नगरेको कारण यहाँका सैयौं परिवार शुद्ध खानेपानी बाट वञ्चित भएका थिए।
कटहरिया नगरपालिकाले लामो समय देखिको बक्यौता खानेपानीको विद्युत महसुल नतिरेकोले कारण नेपाल विद्युत प्राधिकरण मौलापुरले दशैं अघिनै खानेपानीको विद्युत मीटर खोलेर लागेको थियो।
विद्युत आपूर्ति अवरुद भएको झण्डै एक महिना देखि कटहरिया ४ र ५ का हजारौँ मानिस शुद्ध पानी पिउन बाट बन्चित भएका थिए ।
खानेपानी उपभोक्ता समितिका अध्यक्ष योगेन्द्र साहका अनुसार मेयर अजयप्रकाश जैसवाल निर्वाचित भए लगत्तै खानेपानी निशुल्क गरिने घोषणा गरेका थिए। तर विद्युत महसुल झण्डै १६ लाख रुपैयाँ बक्यौता समयमा नतिरेको कारण प्राधिकरण ले विद्युत मीटर खोलेर लागेकाले पानी आपूर्ति ठप्प भएको बताएका थिए।
तेस्रो सानो सहरी आयोजना इटहरीको पहलमा कटहरियामा निर्माण गरिएको खानेपानी आयोजनाले वडा ४ र ५ अन्तर्गत १६ सय परिवारमा शुद्ध खानेपानीको आपूर्ति गर्दै आएको थियो। सञ्जय मिश्रा

काठमाडौं । नेपाल वेयरहाउजिङ्ग कम्पनीको अन्तिम दिनसम्ममा कम्पनीको आईपीओमा माग भन्दा ११.९५ गुणा आवेदन परेकाे छ।

सिडिएस एण्ड क्लियरिङ लिमिटेडका अनुसार बुधबार बेलुकी ५ बजेर ८ मिनेटसम्ममा कम्पनीको आईपीओका लागि १२ लाख ५७ हजार ७५६ वटा आवेदन परेको छ । यसैगरी, कम्पनीको एक करोड ३६ लाख ४३ हजार ३्९० कित्ता शेयर माग भएको छ । कम्पनीले ११ लाख ४१ हजार २५० कित्ता शेयर सर्वसाधारणका लागि निष्काशन गरेको हो। यसरी, कम्पनीको आईपीओका लागि आवेदन दिने ११ लाख ४३ हजार ६३१ जनाले शेयर नपाउने देखिन्छ ।

त्यसैगरी, कम्पनीले ११ करोड ४१ लाख २५ हजार रुपैयाँ बराबरको ११ लाख ४१ हजार २५० कित्ता शेयर कम्पनीले सर्वसाधारणका लागि निष्काशन गरेको थियाे। कम्पनीको शेयर निष्काशन तथा बिक्री प्रबन्धक हिमालयन क्यापिटल लिमिटेड रहेको छ। 

दैलेख । पेट्रोलियम पदार्थ उत्खनन् क्षेत्रमा रुख कटान सुरु भएको छ । भैरवी गाउँपालिका–१ जलजलेमा रुख कटान सुरु भएसँगै चिनियाँ प्राविधिक टोलीले अन्य काम पनि सुरु गरेको छ । 

प्रभावित क्षेत्रमा रुख कटानसँगै चिनियाँ प्राविधिक टोलीको क्याम्प निर्माणलगायतका अन्य काम अघि बढाएको खानी तथा भूगर्भ विभाग पेट्रोलियम अन्वेषण प्रवद्र्धन आयोजना प्रमुख दिनेशकुमार नापितले बताए । विभाग र सडक डिभिजन कार्यालय सुर्खेतले डिलिङका लागि आवश्यक उपकरण ल्याउन सुर्खेतदेखि दैलेखको साँघेतडासम्मको कर्णाली राजमार्गका मोड मिलाउने सहमति अनुसार काम अघि बढेको उनको भनाइ छ ।

आयोजना प्रमुख नापितका अनुसार पेट्रोलियम पदार्थ उत्खननका गर्न कर्णाली राजमार्गबाट सहज भए माघबाट दैलेखमा पेट्रोलियम पदार्थ डिलिङको अर्को चरणको काम सुरु हुनेछ । दैलेखको पञ्चकोशी क्षेत्रमा पेट्रोलियम पदार्थ अन्वेषण २०७६ साल असोजदेखि सुरु गरिएको थियो । पेट्रोलियम पदार्थ अन्वेषण तथा उत्खनन् अन्तर्गत पहिलो चरणको काम चिनियाँ प्राविधिक टोलीले यसअघि नै सम्पन्न गरिसकेको छ । सरकारले यसअघि भैरवी गाउँपालिका-१ जलजलेमा जग्गा अधिग्रहणको काम गरिसकेको छ ।

काठमाडौँ-  मंसिर २७ गतेदेखि काठमाडौँ महानगरपालिकाभित्र प्लास्टिकमा प्याक गरिएका सूर्तिजन्य पदार्थको बिक्रीवितरणमा प्रतिबन्ध लगाएको छ। महानगरले स्वास्थ्य विभागले मंगलबार सूचना जारी गर्दै १५ दिनको अवधि दिएर सुर्तीजन्य पदार्थको बिक्रीवितरण, भण्डारण तथा प्रयोग पूर्ण निषेध गरिएको जानकारी दिएको हो।

निषेधित क्षेत्रहरू

शिक्षण संस्था, सरकारी कार्यालय, पुस्तकालय, तालिम तथा जनस्वाथ्यसम्बन्धी संस्था, सार्वजनिक सवारीसाधन, वृद्धाश्रम, विमानस्थल, बाल कल्याण गृह, क्लबहरू, सार्वजनिक शौचालय, होटल, रेस्टुरेन्टहरू, छात्रावास, व्यायामशाला, डिपार्टमेन्ट स्टोर, धर्मशाला, सार्वजनिक प्रतीक्षालय

कामपाले निर्देशन पालना नगरे कडा कारबाही गर्ने चेतावनी दिएको छ । त्यसका लागि २७ गतेदेखि नै कामपाको सबै सार्वजनिक क्षेत्रमा कामपा प्रहरी परिचालन गर्ने भएको छ ।

कामपा प्रहरी प्रमुख प्रहरी उपरीक्षक राजुनाथ पाण्डेले शिक्षण संस्था, सरकारी कार्यालय, पुस्तकालय, तालिम तथा जनस्वाथ्यसम्बन्धी संस्था, सार्वजनिक सवारीसाधन, वृद्धाश्रम, विमानस्थल, बाल कल्याण गृह, क्लबहरू, सार्वजनिक शौचालय, होटल, रेस्टुरेन्टहरू, छात्रावास, व्यायामशाला, डिपार्टमेन्ट स्टोर, धर्मशाला, सार्वजनिक प्रतीक्षालयलगायतका स्थलमा सुर्तीजन्य पदार्थ सेवन र बिक्रीवितरण गर्न नपाइने व्यवस्था गरेको बताउनुभयो । सो व्यवस्थाले ऐनको परिच्छेद २ को दफा ३ मा सुर्तीजन्य पदार्थ नियन्त्रणअन्तर्गत सार्वजनिक स्थल तय गरेको छ ।

ती स्थलमा सेवन गरे सय रुपियाँ जरिवाना गर्न सक्ने व्यवस्था छ । ऐनको अनुच्छेद ५ को उपदफा १७ मा सजायसम्बन्धी व्यवस्थाअनुसार सो क्षेत्रमा धूम्रपान र सुर्तीजन्य पदार्थ सेवा गरे तुरुन्त रोक लगाउन सक्ने पटकपटक सेवन गरेमा बाहिर निकाल्न सक्ने र अटेर गरेमा उक्त रकम जरिवाना गराउने व्यवस्था छ ।

ऐनको दफा ५ अन्तर्गत विभिन्न कसुरमा ५ हजारदेखि १ लाख रुपियाँ जरिवाना गर्नेसम्मको व्यवस्था छ । ‘ऐनअनुसार अनुगमनसँगै कारबाही गर्ने गरी आवश्यक तयारी थालेको कामपा प्रहरी प्रमुख पाण्डेले बताउनुभयो । २७ गतेबाट अनुगमन गर्न सबै प्रहरी परिचालन गर्न लागेको उहाँको भनाइ छ ।

यसअघि ऐन जारी गरेलगत्तै सरकारले प्रहरी परिचालन गरी सार्वजनिक स्थलमा सुर्तीजन्य पदार्थ सेवान गर्नेमाथि तत्काल पक्राउ गरी सय रुपियाँ जरिवाना गर्ने गरेको थियो । राजधानीमा खुलेआम बिक्रीवितरण बढ्न थालेपछि कामपाले कडाइ गर्न थालेको हो ।

‘हामी स्वस्थ सहर निर्माणको अभियानमा छौं, २९औँ महानगर दिवसको सन्दर्भ पारेर जनस्वास्थ्य र वातावरणमा हानि पु¥याउने सुर्तीजन्य वस्तुको भण्डारण, बिक्री र प्रयोगमा रोक लगाउने निर्णय गरेका हौं’ –स्वास्थ्य विभाग प्रमुख पौडेलले भन्नुभयो ।

‘कामपाले जारी गरेको जनस्वास्थ्य ऐन २०८० दफा ४२ अनुसार सुर्ती तथा मदिराजन्य पदार्थ बिक्रीवितरणमा रोक लगाउन सक्ने, निषेध गर्न सक्ने व्यवस्था छ । सोही व्यवस्थाअनुसार सुर्तीजन्य वस्तुको प्रयोगले व्यक्तिको स्वास्थ्यमा परिरहेको नकारात्मक असर रोक्न ऐनको व्यवस्थालाई कडाइका साथ कार्यान्वयन गर्न लागिएको विभागीय प्रमुख पौडेलले बताउनुभयो ।

‘शुरूमा अनुगमन गरेर सचेत गराउनेछौं, नमाने तत्काल कारबाही गर्नेछौं, बिक्रीस्थल बन्द गराउनेछौं’ –कामपा प्रहरी प्रमुख पाण्डेले चेतावनी दिनुभयो । सहरको स्वच्छता, स्वस्थता र वातावरणीय सुधारका लागि धूम्रपान नियन्त्रण गर्न लागेको हो । कामपाले ऐन कार्यान्वयन गर्नुअघि विभिन्न स्थानीय तहले धूम्रपान र सुर्तीजन्य पदार्थ नियन्त्रण गर्न गरेका प्रयासबारेमा अध्ययन गरेको थियो ।प्रमुख पौडेलले २७ गतेबाट राजधानीमा सुर्तीजन्य पदार्थ सेवन तथा बिक्रीलाई पूर्ण प्रतिबन्ध गर्ने र दोस्रो चरणमा हुक्का नियन्त्रणको कार्यक्रम चलाइने बताउनुभयो ।