म विश्वस्त छु, यो संकटले हाम्रो लागि अवसर ल्याउदैछः सहसचिव ज्ञवाली

काठमाडौँ । नयाँ वर्ष ०७७ को पावन अवसरमा कानुन मन्त्रालयका सहसचिव धनराज ज्ञवालीले सम्पुर्णमा शुभकामना व्यक्त गर्नुभएको छ ।
उहाँले सरकार मन परे पनि मन नपरेपनि यो कोरोना विरुद्धको अभियानमा सबैले हातमा हात मिलाउन समेत आग्रह गर्नुभयो । उहाँले भन्नु भयो –‘यो कोभिड–१९ महामारी सत्ताको कारण जन्मिएको समस्या होइन । अहिले भएको बन्दाबन्दी सरकारले आफ्नो कुनै नीति लागू गराउन वा आफ्नो बिरुद्धको कुनै बिरोध नियन्त्रण गर्न जारी गरेको निषेधाज्ञा पनि होइन । तथापि कसैलाई यो सरकार बैगुनी लागेको छ, सरकार मन परेको छैन भने पनि यो बन्दाबन्दीको पालना गरौं । बैगुनीलाई गुनले मार्ने पनि हाम्रो संस्कार हो । त्यही रुपमा भए पनि यसको पालना गरौं । आफ्नो वरिपरि बन्दाबन्दीको उल्लंघन भएको देखिए आफू सक्दो भूमिका निर्वाह गरौं ।’
यो महामारीको उद्गमस्थल र महामारीको अर्को एपिसेन्टर बन्ने गंभीर जोखिममा रहेका विश्वका दुई जन महाशक्तिको बीचमा रहेर पनि हामी आजसम्म जुन सुरक्षित अवस्थामा रहनु यो आफैमा अत्यन्त सन्तोषजनक अवस्था रहेको सहसचिव ज्ञावलीको भनाइ छ । अब अलिकति थप धैर्यता राख्यौं भने हामी सांच्चिकै संभावना र अवसरको अर्कै क्षितिजमा हुने उहाँले बताउनुभयो ।

ज्ञवालीले गैरआवसीय नेपाली प्रति चिन्ता र सहानुभूति जनाउनु भएको छ । ‘जीविकोपार्जन र परिवारको लागि लाहुर गएका हाम्रा दाजुभाई दिदी बहिनीहरु दशगजामा अत्यन्त दुरुह अवस्थामा घर फर्किने दिन कुर्दै छन् । उनीहरुलाई घर फर्काउनै पर्छ तर त्यसका लागि घर सुरक्षित गर्नै पर्छ । नेपालमा केही हुन्न वा क्यारियर छैन भन्दै अनेक उपायमा मलेक्ष भासिएकाहरु पनि यो बेला घरै भएको भए भन्दै होलान । यिनीहरुलाई पनि देश फर्काएर यिनले विदेशमा बगाएको आधा मात्रै पसिना देशमा बगाउन उत्प्रेरित गर्न सकियो भने हाम्रा गाँउ फेरि गुल्जार हुनेछन् ।’ उहाँले भन्नुभयो ।
फेसबुक लगायत सबै सामाजिक संजाल नयाँ नयाँ अडियो भिजुयल शुभकामनाले भरिएको बताउँदै सबैमा शुभकामना व्यक्त गर्नु भएको हो ।
उहाँले आफु आफ्नो जिम्मेवारी प्रति पुरा सजग रहेर आफ्ना घर, मेरो छिमेक, मेरो देशमा फैलिन नदिन आफूसक्दो प्रयाश गर्ने प्रतिबद्धता समेत जनाउनु भएको छ । साथै उहाँले यो महासंकटबाट हामी सबैलाई बचाउन सीमित साधन स्रोत र सुबिधाका बाबजूद अहोरात्र खटिरहनु भएका स्वास्थ्यकर्मी, सुरक्षाकर्मी, नेपाल सरकारका सबै विशेष धन्यबाद समेत व्यक्त गर्नु भएको छ ।
यसैगरी उहाँले हरेक संकटले त्यसमा टिक्नेहरुका लागि अवसर बोकेर आउने बताउँदै यो संकटले नेपालीको लागि अवसर ल्याउनेमा विश्वस्त रहेको बताउनु भयो ।