आज उम्मेदवारी फिर्ता लिन सक्ने समय

काठमाडौं । राष्ट्रपति निर्वाचनका लागि दिइएको उम्मेदवारी फिर्ता लिन सक्ने भएका छन् । उम्मेदवारले उक्त निर्वाचनमा प्रतिप्रस्पर्धा गर्न नचाहेमा फिर्ता लिन सक्ने भएका हुन् ।

उम्मेदवारी फिर्ता लिन इच्छुक उम्मेदवारले मंगलबार बिहान १० बजेदेखि अपराह्न ४ बजेसम्मको लागि समय निर्धारण गरिएको छ । यहीँ फागुन २५ मा हुने राष्ट्रपति निर्वाचनका लागि आठ दलीय गठबन्धनको तर्फबाट नेपाली कांग्रेसका वरिष्ठ नेता रामचन्द्र पौडेल र नेकपा (एमाले) उपाध्यक्ष सुवास नेम्वाङ उम्मेदवार छन् । तथापि उनीहरुले उम्मेदवारी फिर्ता लिने सम्भावना कम छ । उम्मेदवारद्वय विरुद्ध हालसम्म उजुरी र दावी विरोध पनि परेको छैन ।

उम्मेदवारी फिर्ता लिने समय सकिएपछि आजै साँझ ५ बजे अन्तिम नामावली प्रकाशित गर्ने राष्ट्रपति तथा उपराष्ट्रपति निर्वाचन कार्यालयकी सहायक निर्वाचन अधिकृत अमृता कुमारी शर्माले जानकारी दिइन्