गौर नगपालिकाको बारुणयन्त्र दुर्घटना चालकसहित ५ घाईते

रौतहट १३ वैशाख । रौतहटको सदरमुकाम गौर नगरपालिकाको बारुण यन्त्र दमकल दुर्घटना हुँदा चालकसहित ५ जना घाईते भएका छन

गौर  ४ गढवा स्थित कुखुरा फर्ममा भएकाे आगलागी नियन्त्रण गर्न गएको ना.१ ग. ७८८ नम्वरको बारुणयन्त्र गएराति साढे १२ बजे  दुर्घटना हुँदा चालक  सहित पाँच जना घाईते भएको  प्रहरीले जनाएको छ।

गौर नगरपालिकाको बारुणयन्त्र सहित अग्नि नियन्त्रणटोली घटास्थलतर्फ जाने क्रममा ब्रेक फेल भएर  दुर्घटना भएको हुनसक्ने जिल्ला प्रहरी कार्यालय रौतहटको अनुमान  छ । दुर्घटनामा गम्भीर घाईते चालक करिम अन्सारी, सुरक्षाकर्मीहरु प्रेम केसरी, किशुन्द्र साहको  जिल्ला अस्पताल गौरमा सामान्य उपचार पछि थप उपचारको लागि विरगंज पठाएको प्रहरिले जनाएको छ।  उनीहरुलाई ढाड, छाती, टाउको तथा हाट खुट्टामा गम्भीर चोट लागेको जिल्ला अस्पताल गौर ले जनाएको छ।

सामान्य घाइतेहरु सुरक्षाकर्मी शिवशंकर पटेल, नथुनी पासवानको गौर अस्पतालमा उपचार भईरहेको  छ ।

दुर्घटना लगतै स्थानीय र प्रहरिले उद्वार गरी घाइतेहरुलाई उपचारको लागि अस्पाताल पठाएको तथा घटना बारे अनुसन्धान भइरहेको जिल्ला प्रहरी प्रवक्ता डिएसपी उमाशंकर यादवले बताए । यसैबीच गौर नगरप्रमुख शम्भु साहले मानविय सेवामा हिडेका बारुणयन्त्र दुर्घटनामा परी घाईते भएका चालकसहित कर्मचारीहरुको शिघ्र स्वास्थ्य लाभको कामना गर्दै उनीहरुको  उपचारमा लाग्ने सम्पूर्ण खर्च नगरपालिकाबाट व्यहोर्ने बताएका छन।