तुलसीको बीउ रोपेर निर्जला एकादशी मनाइँदै

काठमाडौँ ।घरको मठमा तुलसीको बीउ रोपेर आज सनातन धर्मावलम्बीले निर्जला एकादशी पर्व मनाउँदै छन् ।यस दिन रोपेको बीउ एक महिनापछि आषाढ शुक्ल एकादशी अर्थात हरिशयनी एकादशीका दिन रोपिन्छ । वैदिक परम्परा अनुसार हरेका वर्ष ज्येष्ठ शुक्ल एकादशीका निर्जला एकादशी मनाइन्छ ।यस दिन पानी समेत नपिई व्रत गर्नाले अभीष्ट फल पाइने शास्त्रीय मान्यता रहेको छ ।सक्नेले पानी नखाई व्रत गरेपनि नसक्नेका लागि फलफूल खाएर बस्ने प्रचलन छ ।
आषाढ शुक्ल एकादशीदेखि कार्तिक शुक्ल एकादशीका दिनसम्म अर्थात चतुर्मासमा तुलसीको विशेष पूजा गरिन्छ ।आयुर्वेदिकरूपमा पनि लाभकारी औषधि मानिने तुलसी विभिन्न रोगको उपचारमा प्रयोग गरिन्छ । तुलसीमा धेरै अक्सिजन पाइने आधुनिक विज्ञानले प्रमाणित गरेको छ । यसलाई तुलसी हुर्काई बढाई दामोदरसँग विवाह गरिने भन्ने पनि बुझिन्छ ।
चतुर्मासमा स्नान, पूजन र दान गर्नाले मनोकाङ्क्षा पूरा हुने धार्मिक मान्यता रहेको छ ।