कटहरिया नगरसभा द्वारा झन्डै ४२ करोडको बजेट विनियोजन

रौतहट १२ असार। रौतहटको कटहरिया नगरपालिकाको आठौं नगरसभाले झन्डै ४१ करोडको बजेट विनियोजन गरेको छ। उपमेयर रीता देवी यादव, सबै ९वटै वडा अध्यक्ष लगायत अधिकांस जनप्रतिनिधि द्वारा बिरोध जनाएको कारण स्थगित भएकाे नगरसभा सोमवार सहमतिकै आधारमा सम्पन्न भएको हो । नगरप्रमुख अजयप्रकाश जयसवालको  अध्यक्षतामा सम्पन्न भएको नगरसभाले आर्थिक वर्ष २०८०÷०८१को लागि कुल ४१ करोड,९६ लाख,१६ हजार तीनसय रुपैयाको बजेट विनियोजन गरेको छ।  नगरासभाले स्वास्थ्य, शिक्षा,कृषि लगायत लाई बिशेष प्राथमिकतामा राखेको मेयर जैसवालले बताएका थिए।

 तर उपमेयर रीता देवी यादव, वडा ३ का अध्यक्ष श्यामाकान्त यादव,४ का अध्यक्ष चन्दन कुशवाहा लगायत कैयौं जनप्रतिनिधी ले असन्तुष्टि जनाएका थिए। नगरसभामा मेयर जयप्रकाश जैसवालले बन्दसत्रमा असन्तुष्ट सम्पूर्ण जनप्रतिनिधीको माग सम्बोधन गर्ने प्रतिवद्धता जनाए पछी सहमति भएकाे कार्यपालिका सदस्य मनोज जैसवालले बताएका छन। नगरसभामा जिल्ला समन्वय समिति रौतहटका सभापती राम अयोध्या यादव, लगायत बक्ताहरुले कटहरिया नगरेको विकास प्रति जोरदिएको प्रमुख प्रशासकिय अधिकृत रामप्रकाश साहले जानकारी दिएका छन।