बिभीन्न निर्णय सहीत आम मुस्लिम मोर्चाको बैठक सम्पन्न

रौतहट १२ असार। प्रभु साह नेतृत्वको आम जनता पार्टी निकट आम मुस्लिम मोर्चाको बैठक सोमबार रौतहटको चन्द्रनिगाहपुरमा सम्पन्न भएको छ।

पुर्व मन्त्री तथा पार्टी अध्यक्ष प्रभू साह को प्रमुख आतिथ्तामा बैठक सम्पन्न भएको हो। बैठकमा  ईस्लामिक शिक्षा ऐन सहित मदर्सा बोर्ड गठन तथा मुस्लिम यूनिवर्सिटीको लागि संघर्ष गर्ने निर्णय सहित आम मुस्लिम मोर्चाको ऐतिहासिक केन्द्रीय कमिटिको बैठक  सम्पन्न भएको छ । सोमवार चन्द्रपुरमा बसेको  बैठकले देशमा बढ़दो लुट भ्रष्टाचारको विरुद्ध सशक्त ढंगले लाग्नुको साथै मुस्लिमको हक हितको लागि संघर्ष गर्न प्रत्येक जिल्ला र पालिकामा “संघर्ष समिति” गठन गर्दै संगठनमा महत्वपूर्ण कार्यविभाजन सहित संगठन विस्तारलाई तिव्रता दिने निर्णय भएको मुस्लिम मोर्चाको केन्द्रीय अध्यक्ष लालबाबु मन्सुरले वताएका छन। बैठकमा मोर्चा संग आवद्ध दर्जनौं मुस्लिम नेता तथा अगुवा कार्यकर्ताहरूको सहभागीता रहेको थियो। पछिल्लो समय आमजनता पार्टी पूर्ण रूपमा सक्रिय भएर संगठन विस्तारमा लागेको देखिएकाे छ।