कास्कीमा पहिरो, एकै घरका ३ जनाको मृत्यु

कास्की । शुक्रवार बिहान कास्कीमा पहिरोमा परि एकै परिवारका ३ जनाको मृत्यु भएको छ। कास्कीको माछापुच्छ्रे गाउँपालिका—८ खोराकोमुख स्थित प्रेम विकको घरमाथिबाट आएको पहिरोले घर पुर्दा उनीहरुको मृत्यु भएको जिल्ला प्रहरी कार्यालय कास्कीका प्रवक्ता डिएसपी सुवास हमालले जानकारी दिए।

पहिरोमा परी मृत्यु हुनेहरुमा १४ वर्षका समीर विक, १६ वर्षका रोजिना विक र १६ वर्षका कुशल विक छन् । उनीहरु प्रम विकका नातीनातिना हुन्। उनीहरु सबैको घटनास्थलमै मृत्यु भएको प्रहरीले जानकारी दिएको छ। पहिरोले विकको घरको १ कोठा समेत पुरेको छ।

पहिरो गएको समयमा घरमा ६ जना थिए, तर ३ जना शकुसल छन्।