गृहमन्त्रालय प्रशासन महाशाखामा पण्डितलाई जिम्मेवारी

काठमाडौ । गृह मन्त्रालयको प्रशासन महाशाखा प्रमुखको जिम्मेवारी सहसचिव रुद्र प्रसाद पण्डितलाई दिइएको छ । केहीबेर अघि मात्रै मन्त्री नारायणकाजी श्रेष्ठले शक्तिशाली र महत्त्वपूर्ण मानिने प्रशासन महाशाखा प्रमुखमा पण्डितलाई पठाउने निर्णय गरेका हुन् ।

तत्कालीन महाशाखा प्रमुख केदारनाथ शर्मा कायम मुकायम प्रदेश प्रमुख सचिवमा खटाइएसँगै लामो समय रिक्त हुन पुगेको महाशाखामा पण्डितलाई ल्याइएको हो । ललितपुर प्रमुख जिल्ला अधिकारी रहेका पण्डित बालकुमारी घटनापछि मन्त्रालय झिकाइएको थियो ।

कोरिया जानका लागि चाहिने रोजगार अनुमति प्रणाली (इपिएस) परीक्षा दिन नपाएका युवाहरूको प्रदर्शनसँग भएको झडप र दुई जनाको मृत्युको घटनाको छानबिन गर्न गृह मन्त्रालयले तीन सदस्यीय छानबिन समिति गठन गरेको थियो । फागुन ४ गते घटनाबारे जाँचबुझ गर्न सरकारले गठन गरेको आयोगले उपप्रधानमन्त्री एवम् गृहमन्त्री नारायणकाजी श्रेष्ठलाई प्रतिवेदन बुझाएको थियो । आफनो काम इमानदारीसाथ गरिरहेका तत्कालीन प्रजिअ पण्डित लाई  सरुवा गर्नुपर्ने कुनै कारण थिएन तर घटनाको व्यापक  बिरोध भए सगै सरुवा गरिएको थियो।प्रशासन क्षेत्रका इमान्दार ब्याक्तित्व पण्डितको यो जिम्मेवारीलाई धेरैले खुसी व्यक्त गरेका छन्।