पूर्ब प्रधानमन्त्री नेपालको कुलमान घिसिङलाई सधैं साथ, अरु निकायमा पनि कुलमान बनुन्

काठमाडौँ । नेपाल विद्युत प्राधिकरणको कार्यकारी निर्देशक कुलमान घिसिङले आफ्नो कार्यकालको चारवर्षे कार्यकाल यही भाद्र २९ गते पूरा गर्दैछन्। चार वर्ष अगाडि चौतर्फी चुनौतीको चाङसँग सामना गरिरहेको प्राधिकरणले १८ घण्टा लोडसेडिङ त थियो नै त्यससँगै कर्मचारीहरूलाई तलब खुवाउन कुन बैंकले पत्याउला भन्ने अबस्थामा घिसिङ कार्यकारी निर्देशकको कुर्सीमा बस्न पुगे।

दैनिक लोडसेडिङको मार खेपिरहेकाले संस्था प्रति जनताको आक्रोस र अविश्वास बढिरहेको थियो । त्यति मात्रै होईन संस्था ३१ अर्व भन्दा बढी ॠणको भारमा पर्दा कर्मचारीहरु समेत जागिरको विकल्प सोच्ने अवस्थामा पुग्दै थिए।

दिन प्रतिदिन धरासायी वन्दै गईरहेको संस्था नेपाल विद्युत प्राधिकरणको कार्यकारी निर्देशकको जिम्मेवारीमा चुनौती बोकेर प्रवेश गरेका कुलमान घिसिङको चारवर्षे कार्यकालको अन्तिम चौमासिक चलिरहदा रौतहट टाइम्सको एक कार्यक्रममा उनका कामलाई नजिकैबाट नियालिरहेका पुर्ब प्रधानमन्त्री माधबकुमार नेपालले सम्मान गर्दै कुलमान घिसिङले गरेका कामहरू र इमानदारीपनलाई अरु निकायले पनि अनुशरण गर्नुपर्छ, अरुलाइ सन्देश दिनका निम्ति पनि पुन थप एक कार्यकाल कुलमानलाई प्राधिकरणमा दोहोर्याएर सेवा दिनोस मेरो सहयोग रहन्छ भन्नुभएको थियो।२०७६ चैत महिनामा पुर्ब प्रधानमन्त्री नेपालले काम सहितको संदेश दिने हिसाबले पनि दोहोरिन गर्नुभएको आग्रह यतिबेला कुलमान घिसिङ लाई सेवा सकिन हप्ता दिन बाकी रहदा जनस्तरबाट ब्यापक रुपमा पुनः नियुक्तिका लागि आवाज उठेको छ।

घिसिङले घाटामा गएको सस्थाको ३१ अर्ब भन्दा वढी ॠण चुक्ता मात्र गरेनन् यो बीचमा ११ अर्ब नाफा सम्म को हैसियतमा सस्थालाइ पुर्याउन सफल भए।

किन गरेपूर्ब प्रधानमन्त्री नेपालले कुलमानको समर्थन

उनको लगन र मेहनतले ३५ प्रतिशतको विद्युत चुहावटलाई घटाएर १५ प्रतिशतमा झरेको छ । यो दर आगामी दिनमा अझ घट्ने विश्वास सहित पुर्ब प्रधानमन्त्री नेपालले उनका जनप्रिय कामलाई समर्थन गर्नुभएको हो ।

दैनिक १८ घन्टाको लोडसेडिङ ब्यहोरिरहेको हाम्रो समाजलाई चुनौतिकाबीच लोडसेडिङ मुक्त बनाइ उज्यालो दिएर जाने कुलमानले आम नेपालीको मन मनमा कुलमानको छाप छोडेर सेवा सकिनै लाग्दा सर्बसाधारण जनताले प्रयोग गर्ने विद्युतको महसुल शुल्क पनि घटाउन सफल भए यसमा सबैको सहयोग होला तर इमानदारीपूर्वक काम गरेकोले नै यो सब सम्भब भएको हो। यो ४ वर्षे प्राधिकरणको यात्राका क्रममा शुरु भएका जलविद्युत आयोजनाबाट बिजुली बेचेर धनी देश बनाउने अभियानमा सहयोग पुर्याउन र अरु निकायमा सन्देश दिनका निम्ति पनि कुलमानलाई दोहोर्याउनु पर्ने पक्षमा पुर्ब प्रधानमन्त्री नेपाल रहनुभएको बताइएको छ।

कुलमानलाइ चिलिमेबाट हटाउदा बालुवाटारमा खैलाबैला

जतिबेला चिलिमे जलविद्युत कम्पनी लिमिटेडमा प्रमुख भएर काम गरे। त्यतिबेला रसुवा र नुवाकोटका जनताको आर्थिक अबस्थामा सुधार मात्र ल्याएनन्, कमजोर अबस्था भएका गरिबजनताका लागी ठूलो सहारा बनेर उदाए भने बिदेशि लगानी बाहेक केही गर्न सकिदैन भन्ने नेपाली मानसिकता बोकेकाहरुका लागी स्वदेशी लगानीमा सफल विद्युतउत्पादन योजना चलाउदै थिए कुलमान जसलाई एकाएक तत्कालीन उर्जा मन्त्री राधा ज्ञवालीले सरुवा गरि केन्द्रमा थन्क्याउने काम गरेकी थिइन। त्यतिबेला प्रधानमन्त्री सुशील कोइराला थिए। तर माफियाहरुको सल्लाहमा रातारात कुलमानलाई विद्युत प्राधिकरणको जगेडामा सरुवा गरि सो स्थानमा रामगोपाल शिवाकोटीलाई लगिएको थियो।

त्यतिबेलाका कार्यकारी निर्देशक रामचन्द्र पाण्डे (छोटो समय) मुकेश काफ्लेले बस्ने कुर्सी समेत नदिएर महिनौ हल्लाइरहेका थिए। सो बखत ईमानदार साथ दैब भने जस्तै भोलिपल्ट बालुवाटारमा प्रधानमन्त्री कोइराला सहितको उपस्थितिमा बसेको बैंठकमा पुर्ब प्रधानमन्त्री माधबकुमार नेपालले कुलमान घिसिङले गरेको राम्रा कामको तारिफ गर्दै कुन माफिया हो जसले इमानदारपुर्बक काम गर्दै गरेका स्वदेशी लगानीलाई सफलताका साथ काम गरिरहेको अबस्था पनि निकाल्यो। त्यो माफियालाई म चिन्न चाहान्छु। जलविद्युत क्षेत्रमा माफियाकरण बढ्यो। यो सहन सकिदैन। तत्काल घिसिङलाई चिलिमेमा फर्काउनुस र जलविद्युत क्षेत्रलाई माफियाकरण बाट जोगाउनुस,पुर्ब प्रधानमन्त्री नेपालले कडकिएर भनेपछि बालुवाटार बैठकमा झन्डै ३०मिनेट खैल्लाबैल्ला मच्चिएको थियो। त्यतिबेला न पुर्ब प्रधानमन्त्री नेपाललाई घिसिङले भेटेका थिए न परिचय नै थियो। तर पुर्ब प्रधानमन्त्री नेपालले घिसिङका काम भने रसुवा पार्टीअन्तर्गत जनताको तहबाट बुझिरहेकाले एकाएक बालुवाटार बैठकमै हस्तक्षेप गर्नपुगेका थिए। ईमानदार राष्ट्र सेवकलाई साथ दिने पुर्ब प्रधानमन्त्री नेपाल जलविद्युत माफियाहरुको बिरोध गर्नेमात्र होइन भ्रष्टाचार र बेधितिको खुलेर बिरोध गर्ने पुर्ब प्रधानमन्त्रीका रूपमा चिनिन्छन।