Month: February 2022

काठमाडौँ । अद्यावधिक विवरणअनुसार नेपालमा विगत २४ घण्टामा थप १ सय १८ जनामा कोरोना भाइरस संक्रमण पुष्टि भएको छ।

योसँगै मंगलवार अपराह्णसम्म देशभरिमा कोरोना पुष्टि भएका संक्रमितको संख्या १६ हजार ६ सय ४९ पुगेको छ ।

मन्त्रालयका प्रवक्ता डा। जागेश्वर गौतमका अनुसार विगत २४ घण्टामा १ सय २० जना भाइरसमुक्त गएर घर फर्किएका छन्।

गत असार १९ गते सर्वाधिक ७ सय ४० जनामा सङ्क्रमण पुष्टि भएको थियो। सोमवार विगत पाँच हप्तामा सबैभन्दा कम १ सय १८ सङ्क्रमित फेला परेको मन्त्रालयले जनाएको छ।

मन्त्रालयको दैनिक प्रेस ब्रीफिङमा बोल्दै डा. गौतमले सङ्क्रमित हुने क्रम घटिरहेको बताए।

काठमाडौँ । आज शुक्रबार सुनको भाउ घटेको छ। बिहीबार तोलाको ९२ हजार ४ सय रुपैयाँमा कारोबार भएको छापावाला सुनको भाउ २ सय रुपैयाँले घटेर आज ९२ हजार २ सय रुपैयाँमा आईपुगेको छ।

तेजावी सुन आज तोलामा २ सय ५ रुपैयाँले घटेर ९१ हजार ७ सय ६० रुपैयाँमा आईपुगेको छ। चाँदीको भाउ भने आज कुनै परिवर्तन भएको छैन। आज चाँदी तोलाको ९ सय ८० रुपैयाँमा कारोबार भैरहेको छ।

नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ७९ हजार ४५ रुपैयाँ, प्रति १० ग्राम तेजावी सुनको मूल्य ७८ हजार ६ सय ७० रुपैयाँ र प्रति १० ग्राम चाँदीको मूल्य ८ सय ४० रुपैयाँ कायम गरेको छ।

काठमाडौँ । अख्तियार दुरुपयोग अनुसन्धान आयोगले अकूत सम्पत्ति कमाएको अभियोगमा सडक विभागका सिनियर डिजिनल ईन्जिनीयर जितेन्द्र शाक्यविरुद्ध विशेष अदालतमा बिहिबार मुद्धा दायर गरेको छ । उनी हाल सडग विभाग अन्तर्गत हाल मध्यपहाडी लोकमार्ग सडक आयोजना तुल्सीपुर दाङमा कार्यरत रहेका थिए ।

आयोगले शाक्यका बारेमा लामो समयदेखि अनुसन्धान गरेको र सोही आधारमा अकूत सम्पत्ति कमाएको ठहर गर्दै मुद्दा दायर गरेको हो। आयोगको स्रोत अनुसा सिनियर डिभिजनल इञ्जिनीयर शाक्यमाथि एक सय पाँच वटा नक्कली कोटेशन बनाई रु पाँच करोडभन्दा बढी भ्रष्टाचार गरेको अभियोग लागेको थियो । सार्वजनिक सेवामा २०३४ साल साउन २ गते प्रवेश गरेका शाक्यको २०७६ असार ३१ गतेसम्मको सम्पत्तिको जाँच गरेको थियो।

आयोगको अनुसनधान अनुसार रु एक करोड ५६ लाख ६ हजार ४ सय ८० बराबरको आय वैध रहेको पाइएको छ। सोही अवधिमा शाक्यले रु ३ करोड ८१ लाख १० हजार ४ सय ९० बराबरको लगानी तथा खर्च गरेको पाइएको छ। आयोगका अनुसार वैध सम्पत्तिको तुलनामा रु २ करोड २५ लाख चार हजार १० बराबरको सम्पत्तिको स्रोत नखुलेको पाइएको छ।

अवैध रुपमा आर्जन गरेको सम्पत्ति सिनियर डिभिजनल इञ्जिनीयर शाक्यले श्रीमती मिथिला, छोरीहरु ज्योत्सना र उन्नतिको नाममा घर जग्गा खरिद गरेको, बैंकमा जम्मा गरेका, सवारी साधन खरिद गरेको पाइएको छ। आयोगले सिनियर डिभिजनल इञ्जिनीयर शाक्य, उहाँका श्रीमती मिथिलाको नाममा रहेको सम्पत्ति जफत गरी हदैसम्मको कारवाहीको माग गरेको प्रवक्ता प्रदीपकुमार कोइरालाले जानकारी दिनुभयो।

पोखरा । पोखराका विभिन्न स्थानमा पहिरोमा परि चार जनाको मृत्यु भएको छ भने नौ जना घाइते भएका छन्।
राति अन्दाजी २ः४५ बजेको समयमा पोखरा महानगरपालिका–१८ सराङकोट गोठादीस्थित टंकबहादुर थापाको घरमाथिबाट खसेको पहिरोमा पुरिँदा तीन जनाको मृत्यु भएको छ।

जिल्ला प्रहरी कार्यालयका प्रवक्तासमेत रहेका प्रहरी नायब उपरीक्षक सुवास हमालले घटनामा परी घाइते भएका अन्य छ जनालाई उद्धार गरी मणिपाल शिक्षण अस्पताल र पश्चिमाञ्चल अस्पतालमा लगिएको जानकारी दिए।

थापाको घरमा बिहीबार साँझ जन्मदिन मनाउने कार्यक्रम रहेकाले घरमा कति जना थिए र को–को थिए भन्ने खुल्न नसकेको उनले बताए। प्रहरी र स्थानीयवासीले घाइतेको उद्धार गरेका थिए।

त्यसैगरी पोखरा महानगरपालिका–२५ हेमजामा रामचन्द्र अधिकारीको घर पहिरोमा पुरिँदा अधिकारीकी आमा ७० वर्षीया भीमकली अधिकारीको घटनास्थलमै मृत्यु भएको प्रहरीले जनाएको छ।

यस्तै पोखरा–१८ छोरेपाटन सिमलटुँडामा चन्द्रबहादुर मगरको घर माथिबाट खसेको पहिरोमा परी मगरसहित उहाँका श्रीमति शान्ति र छोरा सुशान मगर सामान्य घाइते भएका छन्। उनीहरुको नमस्ते अस्पतालमा उपचार भइरहेको छ।

अविरल वर्षासँगै पोखराको रामघाटस्थित सेती नदी थुनिँदा सुकुम्वासी बस्ती डुबानमा परेको छ। स्थानीयवासीलाई राति नै सुरक्षित स्थानमा सारिएको छ।

म्याग्दी । म्याग्दीको धौलागिरि गाउँपालिका–६ मराङको रिखामा लगातारको वर्षासँगै पहिरो जाँदा आज बिहान सात जना बेपत्ता भएका छन्।

घण्टीवाङ भन्ने ठाउँबाट खसेको पहिरोले दुई परिवारका सात जना बेपत्ता भएका मराङका वडाध्यक्ष राजाराम सुवेदीले जानकारी दिए। उनका अनुसार भीमप्रसाद जुग्जाली र धनबहादुर जुग्जालीको घर पहिरोले बगाएको छ । भीमप्रसादको घरमा चार र धनबहादुरको घरमा तीन जना थिए ।

भिरालो पाखोमा रहेको घण्टीवाङ गाउँ पहिरोले घेरिएको स्थानीयवासीसमेत रहेका वडासदस्य लोकबहादुर पुनले बताए। माथिल्लो भागमा रहेको घण्टीवाङका १३ परिवार पहिरोले विस्थापित भएको उनले बताए। घण्टीवाङ मुनीको रिखामा छ घरको बसोबास थियो। त्यहाँका चार घर विस्थापित भएका छन्। ‘गाउँबाट बाहिर निस्कने सबै बाटो पहिरोले बगाएको छ’, वडासदस्य पुनले भने, ‘पहिरो खसिरहेकाले हामीहरुको पनि भागाभाग छ।’

यसैगरी मराङकै कल्लेनीको धारखोलामा आएको बाढीले दुई वटा घर बगाएको छ। वीरबहादुर पुन र परदेवी पुनको घर बगाएको स्थानीय भुवानी पौडेलले जानकारी दिए। घरका मानिसले भागेर ज्यान बचाएका छन्। भाग्ने क्रममा एक जना घाइते भएका छन्।

काठमाडौं । लम्जुङको बेसिशहर नगरपालिका वडा नम्बर ७ सातबिसेमा पहिरो जाँदा पहिरोमा परि एकै परिवारका तीन जनाको मृत्यु भएको छ। थप चार जना सामान्य घाइते भएका छन्।

गएराति करिब ११ बजे ढुंगासहितको पहिरोले घर पुरिँदा दीपक तामाङ, उनकी श्रीमती र छोराको मृत्यु भएको जिल्ला प्रहरी कार्यालय लम्जुङले जानकारी गराएको छ ।

पहिरोमा पुरिएको अवस्थामा उनीहरुलाई उद्धार गरेर अस्पताल लैजाँदै गर्दा बाटोमै मृत्यु भएको थियो जिल्ला प्रहरि कार्यालय स्रोतले जानकारि दिएको हो ।

दीपककी आमा, बुवा र छोरी भने घर बाहिर रहेकाले सकुशल छन्।

गएराति नै लम्जुङको क्व्होलासोथार गाउँपालिका वडा नम्बर ३ का तुलबहादुर गुरुङको घर पहिरोमा पुरिँदा तुलबहादुरकी बुहारी र एक जना बच्चा घाइते भएका जिल्ला प्रहरी कार्यालय लम्जुङले जनाएको छ । उनीहरुको स्थानीय स्वास्थ्य संस्थामा उपचार भइरहेको छ।

काठमाडौँ । बिहीबार नेपालभर एक सय ८ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार नेपालमा कोरोना संक्रमितको संख्या १६ हजार पाँच सय ३१ पुगेको छ।

मन्त्रालयका प्रवक्ता डा. जागेश्वर गौतमले ४ हजार ५ सय ८८ वटा पिसिआर परीक्षण गर्दा १ सय ८ जनामा संक्रमण देखिएको बताए।

यस्तै बिहीबार १ सय ३९ जना कोरोना संक्रमित डिस्चार्ज भएका छन्। यससँगै अहिले कोरोना निको भएको संख्या ७ हजार ८ सय ९१ जना पुगेका छन्।

हाल नेपालमा कोरोना संक्रमणबाट ३५ जनाको मृत्यु भएको छ।

काठमाडौं । सरकारले छोटो दूरिका सार्वजनिक यातायातका साधन सञ्चालन गर्न दिने निर्णय गरेको छ।

बिहीबार प्रेस ब्रिफिङका क्रममा सरकारका प्रवक्ता अर्थ र सञ्चार तथा सूचना प्रविधिमन्त्री डा. युवराज खतिवडाले सार्वजनिक यातायात सञ्चालकले सुरक्षाका मापदण्ड पूरा गरेर यातायात सञ्चालन गर्न सक्ने बताएका हुन्।
काठमाडौंको हकमा उपत्यका भित्र र बाहिरको हकमा सम्बन्धित जिल्लाभित्र मात्र चल्न पाउने डा. खतिवडाले बताए ।

मन्त्री खतिवडाले ट्याक्सीहरु तत्कालै चल्न सक्ने भए पनि अन्य सार्वजनिक यातायातलाई तयारी गर्न समय लाग्न सक्ने बताए।

ट्याक्सीले पनि काठमाडौं उपत्यकाभित्र र बाहिर सम्बन्धित जिल्लाभित्र मात्र सञ्चालन गर्नुपर्ने र ट्याक्सीमा चालकबाहेक २ जना मात्र चढ्न पाउनेगरि सञ्चालन गर्नुपर्ने बताए।

सार्वजनिक यातायातमा सामाजिक दूरी कायम गर्दा सिट क्षमताको आधा र सिटको एउटा पंक्तिमा एक जनामात्र बस्न पाउनेछन्। ढोकामा स्यानिटाइजर अनिवार्य राख्नुपर्नेछ भने यात्रुले मास्क अनिवार्य लगाउनुपर्नेछ ।

चालक र सहचालकले मास्कका साथै भाइजर र पञ्जा पनि लगाउनुपर्नेछ। एक दिनमा एक पटक बस निसंक्रमण पनि गर्नुपर्नेछ।

यसरी बसलाई सञ्चालन गर्दा सुरक्षाको लागि खर्च लाग्ने भएकाले भाडा भने बढाईएको छ । यसरी बसमा आधा मात्रै यात्रु चढाउन्जेल ५० प्रतिशत बढी भाडा लिन पाउने भएको हो। अब सार्वजननिक सवारीमा चढ्दा हालको भाडाको आधा थप पैसा तिनुपर्नेछ।