काठमाडौं । सरकारले नेपाल प्रहरीका दुई डीआईजीलाई एआईजीमा बढुवा गरेको छ।
सोमबार बसेको मन्त्रिपरिषद्को बैठकले रिक्त रहेका एआईजी पदमा डीआईजीद्वय निरज शाही र प्रद्युम्न कार्कीलाई बढुवा गरेको हो।
गृहमन्त्रालयको बढुवा समितिको असार ३१ गते बसेको बैठकले उनीहरुलाई एआईजीमा बढुवा सिफारिस गरेको थियो।
गृहसचिव महेश्वर न्यौपानको अध्यक्षतामा बसेको वैठकले शाहीलाई एक नम्बरमा र कार्कीलाई दुई नम्बरमा बढुवा सिफारीस गरेको थियो।
काठमाडौँ । बर्दियाम क्वारेन्टाइनभित्रै एक पुरुषले आत्महत्या गरेका छन् । जिल्लाको थाकुद्धार नरपालिका–४ का ४३ वर्षीय रामबहादुर साउदले क्वारेन्टिनभित्रै झुण्डिएर आत्महत्या गरेका हुन्।
उनी केही दिनअघि भारतबाट स्वदेश आएरका थिए भने मानसिक रुपमा अस्वस्थ रहेको जिल्ला प्रहरी कार्यालय बर्दियाले जनाएको छ ।
काठमाडौँ । भरतपुर महानगरपालिका–१४ का राजकुमार गुरुङको हत्यामा संलग्न पाँच जनालाई प्रहरीले पक्राउ गरी सोमबार कर्तव्य ज्यान मुद्दा दर्ता गराएको छ। पक्राउ पर्नेमा तनहुँ भानु नगरपालिका–४ घर भई भरतपुर महानगरपालिका–१० बस्ने ३४ वर्षीय कमल गन्धर्व, रौतहटको गजुरा नगरपालिका–१ घर भई सोही स्थान बस्ने ३० वर्षीय अमरबहादुर थिङ, दाङ घोराही उपमहानगरपालिका घर भई सोही स्थान बस्ने २४ वर्षीय सागर ओली, भरतपुर महानगरपालिका–८ बस्ने ३१ वर्षीय प्रकाश विक र एक बालक रहेको जिल्ला प्रहरी कार्यालयका प्रवक्ता प्रहरी नायब उपरीक्षक सूर्यबहादुर थापाले जानकारी दिए।
भरतपुर महानगरपालिका–१० मैयादेवी कन्याकलेज नजिकको झाडीमा गत असार २३ गते ४१ वर्षीय गुरुङको शव भेटिएका थियो ।
हत्यामा संलग्न दुई फरार रहेको, गुरुङले कमल गन्धर्वसँग ठेला रिक्सा केही समयका लागि मागी लगेको र सोही ठेला पदमपुरमा लगी बिक्री गरेको भन्ने विषयमा विवाद हुँदा गुरुङको हत्या भएको अनुसन्धानबाट खुलेको उनले बताए।
काठमाडौँ । धितोपत्र बजारमा सेयर कारोबार मापक नेप्से परिसूचक आज झिनो अङ्कले ओरोलो लागेको छ। नेपाल स्टक एक्सचेञ्जका अनुसार कारोबार मापक नेप्से परिसूचक आज २।६२ ले घटेर एक हजार ४६२.४८ मा पुगेको छ।
यस्तै सेन्सेटिभ परिसूचक ०.२२ ले घटेर ३०७.३१ मा पुगेको छ। स्टकका अनुसार कूल १८७ कम्पनीको ४२ लाख ५७ हजार १६१ कित्ता सेयर रु एक अर्ब ८१ करोड २५ लाख ५० हजार ३८ मूल्यमा खरिद बिक्री भए।
आज कारोबार भएका कूल १२ उपसमूहमध्ये आज चार उपसमूहको शेयर उकालो लाग्दा आठ उपसमूहको शेयर भने ओरालो लागेको छ। विकास बैंक ४.१८, उत्पादन ५.०३, अन्य ५.७१ र लघुवित्त १२.४६ ले उकालो लागेको छ। यस्तै, बैंकिङ १.२५, व्यापार ७.०७, होटल ३२.९१, जलविद्युत् २.५९, वित्त ०.९४ र निर्जीवन बीमा १५०.४१, जीवन बीमा ८८.७७ र सामूहिक लगानी कोष ०.०१ ले घटेका छन्।
कारोबारका आधारमा आज नेपाल लाइफ इन्सोरेन्स शीर्ष स्थानमा रहेको छ। सो कम्पनीको रु १७ करोड ४४ लाख १९ हजार ९४७ मूल्यमा कारोबार भई शीर्ष स्थानमा रहेको छ । यस्तै नेपाल पुर्नबीमा कम्पनी रु १४ करोड ८८ लाख ६१ हजार १९४, नबिल बैंक रु नौ करोड नौ लाख नौ हजार ५५, एनआइसी एशिया लघुवित्त रु सात करोड ७९ लाख २० हजार ८५, एनआइसी एशिया बैंक रु छ करोड नौ लाख ९२ हजार ७९७ बराबरको कारोबार शीर्ष स्थानमा रहे ।
श्रीराम सुगर मिल्स ४.९७, नेपाल बैंक लिमिटेड ४.८७, कालिका पावर ४.५५, मितेरी डेभपलपमेन्ट बैंक ४.५३, प्रभु बैंकका लगानीकर्ताले ४.३८ प्रतिशतले कमाए । यस्तै लाइफ इन्स्योरेन्स कर्पोरेशन ०.०७, राष्ट्रिय बीमा कम्पनी ०.१०, ग्लोबल आईएमई समुन्नत स्किम–१ ०.११ र नबिल बैंकका लगानीकर्ताले ०.१२ प्रतिशतले गुमाए।
बन्द उद्योगको सेयर कारोबार
सेयर बजारमा आज एउटा रमाइलो घटनाक्रम भने देखियो । उद्योग बन्द गर्ने सूचना दिएको श्रीराम सुगर मिल्सको सेयरमा लगानीकर्ताका आकर्षण देखियो । आज बिहान नेप्सेलाई उद्योग बन्द भएको सूचना दिएको सो उद्योगको सेयर प्रतिकित्ता ३३८ मा कारोबार भयो । आज सो उद्योगको सेयर प्रतिकित्ता रु १६ ले वृद्धि भयो ।
प्रतिकित्ता रु ३२२ मा कारोबार शुरु भएको सो कम्पनीको सेयरमा एकाएक वृद्धि भई ३३८ पुग्यो तर उद्योग बन्द भएको सूचना भने यसअघि नै सार्वजनिक भइसकेको थियो । जानकारहरुका अनुसार उद्योगले चर्चेको जग्गा बिक्री गरी उखु किसान, कर्मचारीलगायत अन्यलाई समेत भुक्तानी गर्ने तयारी गरेको भन्ने हल्ला बजारमा फैलिएसँगै श्रीराम सुगर मिल्सको सेयरमा वृद्धि भएको हो ।
कर्मचारीलाई तलबभत्तासम्म खुवाउन नसकेको भन्दै उद्योगले आइतबारदेखि बन्द भएको नेप्सेलाई जानकारी दिएको छ । आव २०७५÷७६ सम्म कम्पनीको कूल घाटा रु दुई अर्ब १७ करोड ७५ लाख ५८ हजार ३७६ पुगेको छ । नेपालको पुरानोमध्येको एक श्रीराम सुगर मिल्स बन्द भएपछि रौतहट आसपासका किसानलाई भने आफूले लगाएको उखु बिक्री गर्न समस्या देखिएको छ । मङ्गलबारदेखि भने सो कम्पनीको सेयर नियमित कारोबार हुनेछैन ।
काठमाडौँ। विश्वमा सोमबारसम्म १ करोड ६४ लाख ३२ हजार ११० जना व्यक्ति कोरोना भाइरस सङ्क्रमित भएका छन्।
कोरोना भाइरस सङ्क्रमणको कारण विश्वभरी ६ लाख ५२ हजार ४ सय ३७ व्यक्तिको मृत्यु भएको विश्व स्वास्थ्य संगठन (डब्लुएचओ)ले शनिबार जानकारी दिएको छ।
सङ्क्रमितमध्ये हालसम्म १ लाख ५६ हजार ५ सय ५४ व्यक्ति कोरोना मुक्त भएका छन् । विश्वभरमा ५७ लाख २१ हजार ८ सय ४४ व्यक्ति कोरोना भाइरस सङ्क्रमित रहेका उनीहरुको उपचार भइरहेको छ। सङ्क्रमितमध्ये ६६ हजार २ सय २९ जनाको अवस्था गम्भीर रहेको जनाइएको छ।
चीनको हुबे प्रान्तको वुहान शहरबाट गत वर्षको डिसेम्बरको अन्त्यबाट शुरु भएको कोरोना भाइरस सङ्क्रमणको कारण अमेरिका सबैभन्दा बढी प्रभावित भएको छ।
डब्लुएचओकाअनुसार संयुक्त राज्य अमेरिकामा मात्र ४३ लाख ७१ हजार ८ सय ३९ जनामा कोरोना भाइरसका सङ्क्रमित रहेका छन्। यस प्रकोपका कारण अमेरिकामा एक लाख ४९ हजार ८ सय ४९ व्यक्तिको मृत्यु भइसकेको बताइएको छ।
दक्षिण अमेरिकामा ३७ लाख ४२ हजार ३ सय ६६ जना कोरोना भाइरस सङ्क्रमति रहेका छन्। यहाँ एक लाख ३४ हजार २ सय ५६ जनाको मृत्यु भएको छ। उत्तर अमेरिकामा ५१ लाख २९ हजार ९ सय ६ जना कोरोना भाइरस सङ्क्रमति रहेका छन्। यहाँ दुई लाख ८ हजार ५ सय ९६ जनाको मृत्यु भएको छ।
युरोपमा २७ लाख ८४ण् हजार ८ सय ४२ जना कोरोना भाइरस सङ्क्रमित रहेका छन् भने दुई लाख १ हजार ५ सय ३२ को मृत्यु भएको छ। एसिया ३९ लाख ५ हजार ४ सय ३९ जनामा कोरोना भाइरस सङ्क्रमण रहेको छ भने ८७ हजार ४ सय ६५ जनाको मृत्यु भएको छ।
अफ्रिकामा आठ लाख ५० हजार ६ सय २८ जनामा कोरोना भाइरस सङ्क्रमण रहेको छ भने १७ हजार ८ सय ८ जनाको मृत्यु भएको छ। ओसियानामा १६ हजार ६ सय ६४ जनामा कोरोना भाइरस सङ्क्रमण रहेको छ भने १ सय ८३ जनाको मृत्यु भएको छ।
काठमाडौँ। बलिउडकी चर्चित अभिनेत्री ऐश्वर्या राय बच्चन र उनकी छोरी आराध्याको कोरोनाभाइरसको परीक्षण रिपोर्ट नेगेटिभ आएपछि अस्पतालबाट डिस्चार्ज भएका छन्। पछिल्लो रिपोर्ट नेगेटिभ आएपछि उनीहरु अस्पतालबाट डिस्चार्ज भएका छन्।
ऐश्वर्या र आराध्या डिस्चार्ज भएको अभिषेक बच्चनले पुष्टि गरेका छन्।
सामाजिक संजाल ट्वीट गर्दै उनले आफ्नो श्रीमती ऐश्वर्या र र छोरी आराध्याको कोरोना परिक्षणको रिपोर्ट नेगटिभ आएपछि अस्पतालले डिस्चार्ज गरेको जानकारी दिएका हुन्। तर, अमिताभ र अभिषेक भने अझैपनि अस्पतालमै छन्। जुलाई ११ देखि अमिताभ र अभिषेक अस्पतालमा भर्ना भएका छन् भने ऐश्वर्या र आराध्यालाई हल्का लक्षण देखापरेपछि जुलाई १२ मा अस्पतालमा भर्ना गरिएको थियो।
नेकपा भित्रको राजनीतिक किचलो देख्दा मलाई अनौठो लाग्छ, समृद्धि हामिले नबुझेको हो कि, साँच्चिकै समृद्धि नपाएको हो भनेर । हिजो बिहान चुनावी माहोलमा नारा लगाइयो सुखी नेपाली, समृद्ध नेपालू भनेर आखिर समृद्धि पाइयो त? गाउँ गाउँमा सिंहदरबार भनियो, यहि हो त सिंहदरबार? कि दरबार राजधानीमा राखेर सिंह स्थानीय स्तरमा पठाएको हो?
देश प्रजातन्त्र, लोकतन्त्र हुँदै संघीय गणतन्त्रमा आई पुग्यो। अब खाँंचो समृद्धि कै छ। हिजो बिहान चुनावको बेलामा घर घर गैयो, अनि भनियो हामिलाई भोट दिनुभयो भने समृद्धि पाउनु हुन्छ, यहि नै हो समृद्धिरु खै कहाँ हराए ती नेता? मनमा धेरै प्रश्न हरु उत्पन्न हुने गर्छन। चुनावको समयमा हिंड्न् सक्ने मान्छे लाई पनि मोटरसाइकल प्रयोग गरेर मतदान स्थल सम्म ल्याइयो, खै त ती मोटरसाइकल अहिले मान्छे बिरामी भै मर्नै लाग्दा पनि कहाँ हराए? मतदान गर्नकै निम्ति एउटा ८० वर्षको वृद्धलाई बोकेर मतदान गराइयो। कति मान्छे बिहान ५ बजे देखि नै लाइनमा बसेर मतदान गरे आखिर त्यहीँ कागजमा छाप लगाउनको लागि हो त मतदान? मतदान गर्नुको अर्थ के हो त? उम्मेदवारलाई जिताउने, पठाउने मात्र हो? आखिर ८० वर्षको वृद्धलाई पनि मतदान गराउनुको औचित्य बुझिदिनुपर्यो नेता ज्यू, घामपानी नभनी लाइनमा बसेर गरेको मतको कदर गरिदिनु पर्यो नेता ज्यू।
हामी समृद्धि कै खोजिमा छौ अब ।
२०५५/५६ तिर खनेको बाटोको अवस्था हेरौ उस्तै छ। देशमा संघीयता आइ सक्यो बिचरा ! त्यो बाटो भने उहीँ जनयुद्ध, उहीँ संकट काल मै अल्झी रह्यो। हामी यहि बाटो बाट नै समृद्धिको आशा बोकेका छौ। स्कुलको अवस्था हेरौं उस्तै छ नयाँ\नयाँ अत्याधुनिक भवन बनाउने, शिक्षाको स्थितीमा सुधार भने न आउने। आखिर नयाँ भवन बनाउदैमा शिक्षामा सुधार आउँछ भन्ने छैन। मेरो भनाई यो पनि होइन कि शिक्षालाई सुधार गर्नको निम्ति पुरानै भवनमै पढाउन पर्छ भनेर, नयाँ भवन संगसंगै नयाँ शैली पनि आउनु पर्यो। आखिर २,४ जना आफ्नो मान्छेलाई राहत तथा अनुदान दिदैमा समृद्धि आउदैन नेता ज्यू। धेरै युवालाई विदेश पठाएर रेमिट्यान्स भित्राउदैमा समृद्धि आउदैन नेता ज्यू । वृद्ध भत्ता ३ हजार गराउदैमा समृद्धि आउदैन नेता ज्यू । अब जनताको मर्म बुझिदिन पर्यो नेता ज्यू।
हामी सबै नेपालीको बानी भने भष्ट्रचार रोक्न पर्छ, विकास गर्न पर्छ भन्ने अनि विकासतर्फ भने नलाग्ने। भष्ट्रचार रोक्दैमा विकास हुन्छ भन्ने हाम्रो सोच पनि कतै गलत हो कि भन्ने लाग्छ कहिलेकाहीँ अब भष्ट्रचार रोक्ने सङ्गसङ्गै विकासतिर पनी जोडिन आवश्यक देखिन्छ। कहिलेकाहीँ लाग्छ कतै नपढेको गुरुले पो हाम्लाई पढाइ रहेको छ कि? सबैले कुरा चाहिँ गर्ने तर गरेर चाहिँ कसैले नदेखाउने। यो पनि कमजोरी हो कि?
अब स्थानीय सरकारले स्थानिय स्तरमा रहेका स्रोत र साधनको प्रयोग गराई युवाहरूलाई कृषि तथा पशुपालनमा जोड्नु पर्ने आवश्यक देखिन्छ। कृषि र पशुपालनमा जोडेर मात्र आत्मनिर्भर बनाउन सकिन्छ जस्तो लाग्दैनन मलाई, उत्पादन भएका कृषि उपजहरुको बजार व्यवस्थापन पनि गर्न सकेमा स्थानीय सरकारको औचित्यपूर्ण हुने थियो ।
अब युवाहरूलाई वैदेशिक रोजगारमा पठाएर होइन देशमै उत्पादनमा जोड्न आवश्यक देखिन्छ । आर्थिक वर्ष २०७६र७७ मा तीन लाख भन्दा धेरै नेपाली नागरिकले वैदेशिक रोजगारको श्रम स्वीकृति लिए । हामिले सोही आर्थिक वर्षमै नौ अर्बको बढीको त तरकारी मात्र भित्रायौ । यो हामी नेपालीको लागि राम्रो लक्षण कदापी होइन।
अहिले बनेको संघीय सरकारले अब सबै युवाहरूलाई आत्मनिर्भर बनाउने नीति बनाउन पर्ने देखिन्छ। स्थानीय सरकारले विभिन्न किसिमको प्याकेज ल्याउनपर्ने देखिन्छ। सबैलाई आत्मनिर्भर बनाए पछि मात्र समृद्धिको नाराको सौहार्दपुर्ण औचित्य रहने छ।
लेख लेखकको व्यक्तिगत विचार हो ।
काठमाडौँ । पछिल्लो २४ घण्टामा कोरोना संक्रमणका कारण नेपालमा थप ३ जनाको मृत्यु भएको छ।
पर्सा, धनुषा र बाराका दुई जनाको मृत्यु भएको प्रवक्ता गौतमले जानकारी दिए।
पर्सा वीरगञ्जका ६५ वर्षीय, धनुषाका ३८ वर्षीय र बाराको ६० बर्षिया पुरुषको मृत्यु भएका भएको हो।
वीरगञ्जको आदर्श नगर निवासी भारतीय नागरिक ६५ वर्षीय पुरुषको कोरोना परीक्षण रिपोर्ट पोजेटिभ आएको नारायणी अस्पतालका मेडिकल सुपरिटेन्डेन्ट डाक्टर मदनकुमार उपाध्यायले जानकारी दिए।
यस्तै धनुषाको शहीद नगरपालिका ८ का ३८ वर्षीय पुरुषको पनि मृत्यु भएपछि गरिएको कोरोना परीक्षण रिपोर्ट पोजेटिभ आएको छ। अत्यधिक ज्वरो र रुघाखोकी लागेपछि उनी शनिवार प्रादेशिक अस्पताल पुगेका थिए। अस्पतालले उनलाई आइसोलेशन कक्षमा भर्ना गरेपनि अवस्था बिग्रिँदै गएपछि अस्पतालले विपी कोइराला स्वास्थ्य विज्ञान प्रतिष्ठान धरान रिफर गरेको थियो। तर धरान लैजाँदै गर्दा उनको बाटैमा मृत्यु भएको थियो।
यस्तै बाराका ६० वर्षीय कोरोना संक्रमित पुरुषको पनि साउन १२ गते मृत्यु भएको मन्त्रालयले पुष्टि गरेको छ । उनको त्रिवि शिक्षण अस्पताल महाराजगञ्जमा मृत्यु भएको हो । उनी न्युमोनिया र मस्तिष्कघातका बिरामी थिए । योसँगै नेपालमा कोरोना संक्रमणबाट मृत्यु हुनेको संख्या ४८ पुगेको छ ।
काठमाडौँ । पछिल्लो २४ घण्टामा नेपालमा कोरोना भाइरस (कोभिड—१९) का १ सय ३९ जना नयाँ संक्रमित थपिएका छन्।
स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डाक्टर जागेश्वर गौतमका अनुसार विगत २४ घण्टामा सो संख्याका संक्रमित थपिएका हुन्। यो सँगै मुलुकभर कुल संक्रमित हुनेको संख्या १८ हजार ७ सय ५२ पुगेको छ।
मन्त्रालयका अनुसार सबैभन्दा धेरै दैलेखमा २८ जना कोरोना संक्रमित थपिएका छन्।
सप्तरीमा २१, पर्सामा २०, धनुषा र महोत्तरीमा १०–१० जनामा संक्रमण पुष्टि भएको छ। यस्तै बैतडीका ४, काठमाडौं, ललितपुर र कास्कीका ३–३ जना, सल्षनका २ तथा सिराहा, काभ्रे, बाँके, रुपन्देही र सुर्खेतका एकएक जनामा पनि संक्रमण देखिएको छ।
सोमबार ६ सय २६ जना संक्रमित निको भएर घर फर्किएका छन्। योसँगै अहिलेसम्म निको हुनेको सङ्ख्या १३ हजार सात सय ५४ पुगेको छ। अब ४ हजार ९ सय ५० जना सङ्क्रमित उपचार गराइरहेका छन्। यस्तै १६ हजार तीन सय ७१ जना विभिन्न क्वरेण्टीनमा बसिरहेका छन्।
नेपालमा अहिलेसम्म ३ लाख ४७ हजार २ सय ७५ जनाको पिसिआर परीक्षण भएको छ।
काठमाडौँ । सुनसरीको धरान उपमहानगरपालिका–३ स्थित तरकारी बजारमा आगलागी भएको छ। आगलागीमा परेर ११ वटाभन्दा बढी पसल जलेर नष्ट भएको जिल्ला प्रहरी कार्यालय सुनसरीले जनाएको छ।
बजारको अघिल्लो भागमा रहेको कस्मेटिक र फलफूल पसल जलेर नष्ट भएको छ। धरान उपमहानगरपालिकाको बारुणयन्त्रण र स्थानीयवासीले आगलागी नियन्त्रणमा लिएको र क्षतिको विवरण आउन बाँकी रहेको प्रहरीले जनाएको छ।
काठमाडौँ । बाजुराको हवाई सेवा पुनःसञ्चालनमा आएको छ। गत चैत ११ गतेदेखि आन्तरिक उडान बन्द गरेका हवाई सेवा कम्पनीले जिल्लामा उडान पुनःसञ्चालन गरेका छन्। सरकारको मापदण्ड पूरा गरी केही दिनदेखि उडान शुरु भएको नागरिक उड्डयन कार्यालय कोल्टीले जनाएको छ।
कार्यालयका प्रमुख श्रीकृष्ण रिजालले आरडिटी अनिवार्य गरेर मास्क, पञ्जालगायत स्वास्थ्य सुरक्षाका प्रयोग गरी उडान शुरु गरिएको बताउनुभयो। आगामी दिनमा पनि सम्पूर्ण सुरक्षा प्रक्रिया पूरा गरेर बाजुराबाट यात्रुलाई नेपालगञ्ज र सुर्खेत पठाइने बडिमालिका एयर कार्गो सेवा राजा एयरपोट प्रतिनिधि ज्ञानु बमले जानकारी दिनुभयो।
वर्षाका कारण साँफे मार्तडी सडकदेखि जिल्लाका अन्य ग्रामीण सडक पूर्णरुपमा बन्द भएका छन्।
काठमाडौं । आर्थिक वर्ष २०७७/७८ मा मुख्य सचिव लोकदर्शन रेग्मीसहित २ हजार ४ सय ८० कर्मचारीले अनिवार्य अवकाश पाउँदै छन्। राष्ट्रिय किताबखाना (निजामती)ले सार्वजनिक सूचना जारी गर्दै चालू आर्थिक वर्षमा मुख्य सचिव रेग्मी, २९ सचिव सहित २ हजार ४ सय ८० जनाले अवकाश पाउने जानकारी गराएको हो। सुचनामा उमेर वा सेवा अवधिका कारण अनिवार्य अवकाश पाउने कर्मचारीले अवकाश हुने मितिभन्दा ६ महिनाअगावै निजामती सेवा नियमावली २०५० बमोजिमको फाराम भरी आफू बहाल कार्यालयमार्फत राष्ट्रिय किताबखानामा पठाउन अनुरोध गरिएको छ। किताबखानाका महानिर्देशक ऋषिराम तिवारीद्वारा हस्ताक्षरित सूचनामा अनिवार्य अवकाश हुने सम्बन्धित कर्मचारीको अनिवार्य अवकाशसम्बन्धी सूचनाको पत्र कारणवश प्राप्त नभएमा सबैलाई यसै सूचनाको आधार मानी अवकाश लिने दिने व्यवस्था गर्नू भनी आह्वान गरिएको उल्लेख छ।
लोकदर्शन रेग्मीले कात्तिक ७ मा अनिवार्य अवकाश पाउनेछन्। नेपाल कानुन आयोगका सचिव चिरञ्जीवी खनालको कात्तिक २ मा अवकाश हुने भएको छ। कृषि तथा पशुपन्छी विकास मन्त्रालयका सचिव राजेन्द्रप्रसाद भारी कात्तिक १ मा सरकारी सेवाबाट बिदा हुने भएका छन्। परराष्ट्र सचिव शंकरदास बैरागी, संस्कृति, पर्यटन तथा नागरिक उड्डयन मन्त्रालयका सचिव केदारबहादुर अधिकारी, सार्वजनिक खरिद अनुगमन कार्यालयका सचिव मोहनकृष्ण सापकोटा असोज २२ गते एकै दिन अनिवार्य अवकाश हुनेछन्। राष्ट्रिय सूचना आयोगका सचिव मणिराम ओझा कात्तिक २० मा बिदा हुनेछन्।
त्यस्तै कृषि तथा पशुपन्छी विकास मन्त्रालयका अर्का सचिव प्रकाश माथेमाको मंसिर १ मा अवकाश हुँदैछ। अवकाश पाउने अन्यमा पुनर्निर्माण प्राधिकरणका सचिव रामकृष्ण सापकोटा (मंसिर १५), लोकसेवा आयोगका सचिव आनन्दराज ढकाल (पुस २९), उद्योग, वाणिज्य तथा आपूर्ति मन्त्रालयका सचिव चन्द्रकुमार घिमिरे (माघ ८), गण्डकी प्रदेशका प्रमुख सचिव विष्णुप्रसाद नेपाल (चैत २), प्रधानमन्त्री तथा मन्त्रिपरिषद् कार्यालयका सचिव डा. तीर्थराज ढकाल (चैत २७), वन तथा वातावरण सचिव डा. विश्वनाथ ओली (२०७८ वैशाख ७), सहरी विकास मन्त्रालयका सचिव मधुसूदन अधिकारी (वैशाख २४), शिक्षा मन्त्रालयको विज्ञान तथा प्रविधि सचिव डा. सञ्जय शर्मा (२०७८ जेठ ६), खानेपानी मन्त्रालयका सचिव माधव बेलवासे (जेठ १४), रक्षा मन्त्रालयका सचिव रेश्मिराज पाण्डे (असार १७), महालेखा निरीक्षक गोपीनाथ मैनाली (असार १) र हालै सचिवमा बढुवा भएका बाग्मती प्रदेशका प्रमुख सचिव डा. मानबहादुर बिके (वैशाख ६) छन्।
यिनै १९ जनामध्ये एकजना मुख्य सचिव हुनेछन् भने बाँकी १८ जनाको अवकाश हुनेछ। परराष्ट्र सचिव वैरागी, पर्यटन सचिव अधिकारी, सार्वजनिक अनुगमनका सचिव सापकोटा र उद्योग सचिव घिमिरे प्रमुख दाबेदार देखिएका छन् भने वन सचिव ओली, सहरी विकास सचिव मधुसूदन अधिकारी पनि लविङमा छन्।
अनिवार्य अवकाश पाउने सहसचिवमा अच्युतप्रसाद ढकाल, लावण्यकुमार ढकाल, लेखनाथ शर्मा, कुमारबहादुर खड्का र दीपेन्द्र काफ्ले छन्। यस्तै सहसचिवमा वीरबहादुर राई, भीमसेन तिमिल्सिना, भेषबहादुर कार्की, शंकरप्रसाद सुवेदी, कैलाशराज पोखरेलले पनि चालू आर्थिक वर्षमा अवकाश पाउँदैछन्। किताबखानाका अनुसार अनिवार्य अवकाश पाउने अन्य सहसचिवमा रामकृष्ण गुरागाईं, बलराम मि श्र, सरोजकुमार प्रधान, भगवानप्रसाद गुप्ता, हरिप्रसाद दाहाल, नवराज काफ्ले, श्यामराज अधिकारी, सुरेन्द्रप्रसाद नेपाल, विष्णुकुमार कार्की, प्रवीणराज अर्याल, भेषनाथ शर्मा, वंशी शर्मा, सनतकुमार दवाडी, विष्णुप्रसाद अधिकारी छन् ।
यसैगरी अवकाश पाउने सहसचिवमा नरनाथ गिरी, कौशलकिशोर झा, तेजबहादुर सुवेदी, प्रेमराज जोशी, कालीप्रसाद पोखरेल, तेजराज पाण्डे, भक्तबहादुर ढकाल, शम्भुबहादुर खड्का, नारायण अधिकारी, केदारप्रसाद पनेरू, टीकाराम ज्ञवाली, यज्ञबहादुर हमाल, चन्द्रमान श्रेष्ठ, दिगम्बर ठाकुर, किशोर जोशी, रूपनारायण भट्टराई, मुरारी महत, उपेन्द्रकुमार खनाल, विद्यानाथ भट्टराई, महेश्वरनरसिंह केसी, डिल्लीराम सेढाईं, धरुबमणि ज्ञवाली, मदन थापा, माधवप्रसाद पौडेल, यज्ञराज बोहरा, यादव सुवेदी, लक्ष्मणप्रसाद पौडेल, बलराम थापा, दीपक केसी, नरेन्द्रसिंह भण्डारी, द्रोण पोखरेल, जीवनप्रकाश श्रेष्ठ, हरि बखती, दीर्घनारायण पौडेल, राजेश पौडेल, कान्चनराज पाण्डे छन्। उपसचिव, शाखा अधिकृत, नायब सुब्बादेखि कार्यालय सहयोगीसम्मका अवकाशको लिस्ट किताबखानाले सूचना जारी गरी सार्वजनिक गरेको छ। किताबखानाले प्रत्येक आर्थिक वर्षको सुरुमा अनिवार्य अवकाश हुने कर्मचारीको नामावली सार्वजनिक गर्ने गरेको छ।
काठमाडौं। सरकारले १० करोड रुपैयाँ बराबरको आन्तरिक ऋण उठाउने भएको छ। केन्द्रीय बैंकको ट्रेजरी बिलमार्फत ऋण उठाउन लागेको हो।
मंगलबार जारी हुने यस ट्रेजरी बिलका लागि आज सोमबार दिउँसो ३ बजे बोलकबोल हुने स्रोतले जनाएको छ। राष्ट्र बैंकले ९१ दिनका लागि १० करोड रुपैयाँ बराबरको ट्रेजरी बिल जारी गर्नेछ। यो ट्रेजरी २०७७ साल कात्तिक ११ गते परिपक्क हुनेछ।
ट्रेजरी बिल १ वा १ वर्ष भन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो । सरकारलाई आवश्यक पर्ने अल्पकालीन अवधिको (बढीमा एक वर्ष) स्रोत जुटाउन यो बिल बिक्री गरिन्छ। भुक्तानी मिति अगावै ट्रेजरी बिलको प्रमाणपत्र खरिद गर्न, वैधानिक तरलता अनुपात, स्थायी तरलता सुविधा तथा अन्तर बैंक कारोबारमा प्रयोग गर्न सकिने व्यवस्था छ ।
व्यक्तिको हकमा ट्रेजरी बिलको प्रमाणपत्र धितो राखी बैंक तथावित्तीय संस्थाबाट ऋण लिन पनि पाइनेछ। सबै वर्गका बैंक तथा वित्तीय संस्था, संगठित संस्था तथा सर्वसाधारण नागरिक समेत ट्रेजरी बिलको बोलकबोलमा सहभागी हुन सक्नेछन्। बोलकबोलमा सबैभन्दा बढी मूल्य तोक्ने संस्थालाई पहिलो प्राथमिकतामा राखी क्रमैसँग आह्वान रकमसम्म ट्रेजरी बिलको बाँडफाँट हुने गर्दछ।
काठमाडौं । आर्थिक वर्ष २०७७/७८ मा मुख्य सचिव लोकदर्शन रेग्मीसहित २ हजार ४ सय ८० कर्मचारीले अनिवार्य अवकाश पाउँदै छन्। राष्ट्रिय किताबखाना (निजामती)ले सार्वजनिक सूचना जारी गर्दै चालू आर्थिक वर्षमा मुख्य सचिव रेग्मी, २९ सचिव सहित २ हजार ४ सय ८० जनाले अवकाश पाउने जानकारी गराएको हो। सुचनामा उमेर वा सेवा अवधिका कारण अनिवार्य अवकाश पाउने कर्मचारीले अवकाश हुने मितिभन्दा ६ महिनाअगावै निजामती सेवा नियमावली २०५० बमोजिमको फाराम भरी आफू बहाल कार्यालयमार्फत राष्ट्रिय किताबखानामा पठाउन अनुरोध गरिएको छ। किताबखानाका महानिर्देशक ऋषिराम तिवारीद्वारा हस्ताक्षरित सूचनामा अनिवार्य अवकाश हुने सम्बन्धित कर्मचारीको अनिवार्य अवकाशसम्बन्धी सूचनाको पत्र कारणवश प्राप्त नभएमा सबैलाई यसै सूचनाको आधार मानी अवकाश लिने दिने व्यवस्था गर्नू भनी आह्वान गरिएको उल्लेख छ।
लोकदर्शन रेग्मीले कात्तिक ७ मा अनिवार्य अवकाश पाउनेछन्। नेपाल कानुन आयोगका सचिव चिरञ्जीवी खनालको कात्तिक २ मा अवकाश हुने भएको छ। कृषि तथा पशुपन्छी विकास मन्त्रालयका सचिव राजेन्द्रप्रसाद भारी कात्तिक १ मा सरकारी सेवाबाट बिदा हुने भएका छन्। परराष्ट्र सचिव शंकरदास बैरागी, संस्कृति, पर्यटन तथा नागरिक उड्डयन मन्त्रालयका सचिव केदारबहादुर अधिकारी, सार्वजनिक खरिद अनुगमन कार्यालयका सचिव मोहनकृष्ण सापकोटा असोज २२ गते एकै दिन अनिवार्य अवकाश हुनेछन्। राष्ट्रिय सूचना आयोगका सचिव मणिराम ओझा कात्तिक २० मा बिदा हुनेछन्।
त्यस्तै कृषि तथा पशुपन्छी विकास मन्त्रालयका अर्का सचिव प्रकाश माथेमाको मंसिर १ मा अवकाश हुँदैछ। अवकाश पाउने अन्यमा पुनर्निर्माण प्राधिकरणका सचिव रामकृष्ण सापकोटा (मंसिर १५), लोकसेवा आयोगका सचिव आनन्दराज ढकाल (पुस २९), उद्योग, वाणिज्य तथा आपूर्ति मन्त्रालयका सचिव चन्द्रकुमार घिमिरे (माघ ८), गण्डकी प्रदेशका प्रमुख सचिव विष्णुप्रसाद नेपाल (चैत २), प्रधानमन्त्री तथा मन्त्रिपरिषद् कार्यालयका सचिव डा. तीर्थराज ढकाल (चैत २७), वन तथा वातावरण सचिव डा. विश्वनाथ ओली (२०७८ वैशाख ७), सहरी विकास मन्त्रालयका सचिव मधुसूदन अधिकारी (वैशाख २४), शिक्षा मन्त्रालयको विज्ञान तथा प्रविधि सचिव डा. सञ्जय शर्मा (२०७८ जेठ ६), खानेपानी मन्त्रालयका सचिव माधव बेलवासे (जेठ १४), रक्षा मन्त्रालयका सचिव रेश्मिराज पाण्डे (असार १७), महालेखा निरीक्षक गोपीनाथ मैनाली (असार १) र हालै सचिवमा बढुवा भएका बाग्मती प्रदेशका प्रमुख सचिव डा. मानबहादुर बिके (वैशाख ६) छन्।
यिनै १९ जनामध्ये एकजना मुख्य सचिव हुनेछन् भने बाँकी १८ जनाको अवकाश हुनेछ। परराष्ट्र सचिव वैरागी, पर्यटन सचिव अधिकारी, सार्वजनिक अनुगमनका सचिव सापकोटा र उद्योग सचिव घिमिरे प्रमुख दाबेदार देखिएका छन् भने वन सचिव ओली, सहरी विकास सचिव मधुसूदन अधिकारी पनि लविङमा छन्।
अनिवार्य अवकाश पाउने सहसचिवमा अच्युतप्रसाद ढकाल, लावण्यकुमार ढकाल, लेखनाथ शर्मा, कुमारबहादुर खड्का र दीपेन्द्र काफ्ले छन्। यस्तै सहसचिवमा वीरबहादुर राई, भीमसेन तिमिल्सिना, भेषबहादुर कार्की, शंकरप्रसाद सुवेदी, कैलाशराज पोखरेलले पनि चालू आर्थिक वर्षमा अवकाश पाउँदैछन्। किताबखानाका अनुसार अनिवार्य अवकाश पाउने अन्य सहसचिवमा रामकृष्ण गुरागाईं, बलराम मि श्र, सरोजकुमार प्रधान, भगवानप्रसाद गुप्ता, हरिप्रसाद दाहाल, नवराज काफ्ले, श्यामराज अधिकारी, सुरेन्द्रप्रसाद नेपाल, विष्णुकुमार कार्की, प्रवीणराज अर्याल, भेषनाथ शर्मा, वंशी शर्मा, सनतकुमार दवाडी, विष्णुप्रसाद अधिकारी छन् ।
यसैगरी अवकाश पाउने सहसचिवमा नरनाथ गिरी, कौशलकिशोर झा, तेजबहादुर सुवेदी, प्रेमराज जोशी, कालीप्रसाद पोखरेल, तेजराज पाण्डे, भक्तबहादुर ढकाल, शम्भुबहादुर खड्का, नारायण अधिकारी, केदारप्रसाद पनेरू, टीकाराम ज्ञवाली, यज्ञबहादुर हमाल, चन्द्रमान श्रेष्ठ, दिगम्बर ठाकुर, किशोर जोशी, रूपनारायण भट्टराई, मुरारी महत, उपेन्द्रकुमार खनाल, विद्यानाथ भट्टराई, महेश्वरनरसिंह केसी, डिल्लीराम सेढाईं, धरुबमणि ज्ञवाली, मदन थापा, माधवप्रसाद पौडेल, यज्ञराज बोहरा, यादव सुवेदी, लक्ष्मणप्रसाद पौडेल, बलराम थापा, दीपक केसी, नरेन्द्रसिंह भण्डारी, द्रोण पोखरेल, जीवनप्रकाश श्रेष्ठ, हरि बखती, दीर्घनारायण पौडेल, राजेश पौडेल, कान्चनराज पाण्डे छन्। उपसचिव, शाखा अधिकृत, नायब सुब्बादेखि कार्यालय सहयोगीसम्मका अवकाशको लिस्ट किताबखानाले सूचना जारी गरी सार्वजनिक गरेको छ। किताबखानाले प्रत्येक आर्थिक वर्षको सुरुमा अनिवार्य अवकाश हुने कर्मचारीको नामावली सार्वजनिक गर्ने गरेको छ।
काठमाडौँ । लागु औषध अफिमसहित ३ जना पक्राउ परेका छन्। रुकुमपूर्व जिल्लामा ९ किलो १ सय ग्राम अफिमसहित पुथाउत्तरगंगा गाउँपालिकाका १ पुरुष र २ महिलालाई प्रहरीले पक्राउ गरेको छ।
पक्राउ पर्नेमा पुथा उत्तरगङ्गा गाउँपालिका–१ मैकोटका ४० वर्षीय अमरजित पुन, सोही ठाउँकी ३४ वर्षीया प्रतिभा पुन र वडा नं ५ हुकामकी ३५ वर्षीया गाइने कामी रहेका छन्।
अफिम ओसारपसार हुँदैछ भन्ने गोप्य सूचनाको आधारमा जिल्ला प्रहरी कार्यालयबाट प्रहरी निरीक्षक दिनेश गुरुङको नेतृत्वमा खटिएको प्रहरी टोलीले अफिमसहित उनीहरुलाई पक्राउ गरेको जिल्ला प्रहरी कार्यालय रुकुमपूर्वका प्रहरी नायब उपरीक्षक गजुसिद्धी बज्राचार्यले बताए।
पुथाउत्तरगङ्गा गाउँपालिका–१२ ओखमा भल्का नयाँ बजारदेखि जामाबगर जाने कच्ची सडकबाट ९ गते साँझ उनीहरुलाई पक्राउ गरी आइतबार पत्रकार सम्मेलन गरी प्रहरीले जानकारी दिएको हो।
यस्तै उनीहरुको साथबाट अवैध लागु औषध नापतौल गर्न प्रयोग हुने एक थान डिजिटल तराजुसमेत बरामद गरिएको प्रनाउ बज्राचार्यले बताए । उनीहरुमाथि थप अनुसन्धान भइरहेको प्रहरीले जनाएको छ।
पछिल्लो चरणमा सरकारी सवारी साधनमासमेत लागु औषध ओसारपसार भइरहेको जानकारी प्रहरीमा आएको भन्दै त्यसमाथि पनि शुक्ष्म निगरानी राखिरहेको उनकोको भनाइ छ। लागु औषधको ओसारपसारमा संलग्न हुने जुनसुकैलाई पनि प्रहरीले कारवाही गर्ने भन्दै त्यस्ता क्रियाकलापमा संलग्न नहुन प्रहरीले आग्रह गरेको छ।
