Month: February 2022

काठमाडौँ । पर्यटन व्यवसायीले विद्युत् महशुलमा ५० प्रतिशत छुट गर्न उर्जामन्त्रीसँग माग गरेका छन्। कोभिड–१९ पर्यटन व्यवसाय विपद् समन्वय समितिले शुक्रबार साँझ ऊर्जा, जलस्रोत तथा सिँचाइमन्त्री वर्षमान पुनलाई भेटेर पर्यटन व्यवसाय बन्द रहेको अवस्थामा पनि डिमाण्ड शुल्कबवापत ठूलो रकम विद्युत् प्राधिरणलाई तिनुपर्दा व्यवसायी मारमा परेको भन्दै सो शुल्क मिनाह गर्न माग गरेका हुन्।

विपद् समन्वय समितिका संयोजक एवं ठमेल पर्यटन विकास परिषद्का उपाध्यक्ष भविश्वर शर्मा ढुङ्गानाले बन्दाबन्दीका कारण ठमेलका व्यवसाय बन्द रहेको अवस्थामा विद्युत् युनिट उठेको आधारमा बन्दाबन्दी शुरु भएको मितिदेखि कम्तीमा दुई वर्षसम्म ५० प्रतिशत छुट दिन मन्त्रीसमक्ष आग्रह गरिएको जानकारी दिए।

भेटमा ठमेल पर्यटन विकास परिषद्, ट्रेकिङ एजेन्सिज एशेसिएशन अफ नेपाल (टान) नेपाल एशोसिएशन अफ टुर एण्ड ट्राभल एजेन्टस (नाट्टा), नेपाल पर्वतारोहण सङ्घ (एनएमए, होटल एशोसिएशन अफ नेपाल (हान), टुरिष्ट बस एशोसिएन अफ नेपाल (टिवान), नेपाल एशोसिएएन अफ रयाफ्टिङ एजेन्सिज (नारा), गाउँ पर्यटन प्रवद्र्धन मञ्च (भिटोफ), नेपाल कैलाश यात्रा सङ्घलगायत २ दर्जन संस्थाका प्रतिनिधिको उपस्थिति रहेको थियो।

भेटपछि ऊर्जामन्त्री पुनले बन्दाबन्दीका कारण मुलुकको हरेक क्षेत्रमा समस्यामा परेको भन्दै उक्त समस्या समाधानका लागि सरकार गम्भीर रहेको बताउनुभयो । उहाँले पर्यटन क्षेत्रलाई पहिलेको अवस्थामा फर्काउनका लागि सरकारले गर्नुपर्ने कुनै कसरत बाँकी नराख्ने उल्लेख गर्नुभयो । मन्त्री पुनले पर्यटन क्षेत्रलाई विद्युत् क्षेत्रमा दिने सहुलियतका बारेमा आफूले सम्बन्धित निकायसँग छलफल गर्ने प्रतिबद्धतासमेत व्यक्त गर्नुभयो ।

काठमाडौँ । नेपाल प्रहरीमा जागिर लगाइदिन्छु भनी एक व्यक्तिसँग ३ लाख ५० हजार ठगी गर्ने एक जनालाई प्रहरीले पक्राउ गरेको छ।

महानगरीय प्रहरी परिसर काठमाडौँको टोलीले प्रहरीमा जागिर लगाइदिने भनी ठगी गर्ने रुकुम पश्चिमका २४ वर्षीय अनिल वलीलाई पक्राउ गरी आज सार्वजनिक गरेको हो।

परिसरका प्रमुख एंव प्रहरी वरिष्ठ उपरीक्षक श्यामलाल ज्ञवालीले पक्राउ परेका वलीले विभिन्न व्यक्तिसँग ठगी गरेको निवेदन परेपछि पक्राउ गरिएको जानकारी दिए। पक्राउ परेका वलीको साथबाट सागर अधिकारीको नामको अर्थ मन्त्रालयको नक्कली कार्ड, किर्तिपुर नगरपालिकाको नक्कली राजश्व सङ्कलन गरेको कागजात, प्रतिबन्धित नेकपा माओवादी ‘विप्लव’ समूहको आर्थिक सहयोग गर्ने कागजात बरामद गरेको छ।

काठमाडौं । बैंकको संञ्चालक समितिले सनराईज बैंकका प्रमुख कार्यकारी अधिकृत जनक शर्मा पौडेलको राजिनामा माग गरेको छ। अध्यक्ष अध्यक्ष मोतीलाल दुगड र अधिकृत पौडेलबीचको अनैतिक क्रियाकलापका कारण बैंकनै धराशायी अवस्थामा पुग्न लागेको भन्दै संचालक समितिले सीईओलाई तत्काल राजिनामा दिन अल्टिमेटम दिन निर्देशन दिएको छ।

पछिल्लो समय सञ्चालक समितिमै नलगि दुई जनाको सहमतिमै बैंकका महत्वपूर्ण निर्णयहरु गैर कानूनी तरिकाबाट निर्णय हुन थालेको भन्दै अन्य संचालनहरुले सीईओ शर्मालाई भोली (शनिवार) सम्मको समयसीमा दिएर राजिनामा दिन निर्देशन दिएको बैंक व्यवस्थापन स्रोतले जानकारी दिएको छ।

‘अन्य संचालकहरुले सीईओ शर्मालाई भोलीसम्म पदबाट राजिनामा दिन निर्देशन दिनुभएको छ,’ बैंक उच्च व्यवस्थापन स्रोतले भन्यो, ‘यदि भोलीसम्म सीईओ सरले राजिनामा नदिएको खण्डमा संचालक समितिको बहुमत निर्णयबाट अध्यक्ष र सीईओ दुबैलाई हटाउने चेतावनी दिनुभएको छ।’ विशेषगरी पछिल्लो समय अध्यक्ष र सीईओमा मिलेमत्तोमा बैंक तथा सेयरधनीको स्वार्थभन्दा पनि व्यक्तिगत स्वार्थ केन्द्रित रहेर काम गर्न थालेपछि विवाद चर्किएको स्रोतले जनाएको छ।

अध्यक्ष पौडेल र सीईओ शर्मालाई कमसल धितोमा कर्जा प्रबाह गर्ने र कर्जाको विना पनि आधार भाका सारेको आरोप छ। ‘‘पछिल्लो समय बैंकमा सीईओ र अध्यक्षको मिलेमत्तोमा कमसल धितोमा कर्जा प्रबाह गर्ने र उठाउनु पर्ने कर्जाको पनि विना आधार भाका सार्ने काम गर्दै आउनु भएको छ,’ व्यवस्थापन स्रोतले भन्यो, ‘सीआई र अध्यक्षको विशेष सम्बन्धका कारण आफुलाई फाइदा हुनेगरी निर्णय गर्दा बैंक नै धराशायी हुने अवस्थामा पुगेपछि संचालकहरुले सीईओलाई तत्काल राजिनामा दिन अल्टिमेटन दिनुभएको हो।’ लाखौं सेयरधनी रहेको बैंकमा दुई जनाको मात्र स्वार्थमा निर्णय हुन थालेपछि यसले दिर्घकालिन असर पुर्याउने भन्दै अध्यक्ष बाहेक मालचन्द दुगड, शैलेन्द्र गुरागाईँ, बच्चराज टाटरलगायत सबै संचालकहरुले सीईओलाई तत्काल पदबाट राजिनामा दिन अल्टिमेटम दिएका हुन्। तर, बैंक व्यवस्थापन स्रोतका अनुसार भने सीईओ शर्माले आज शुक्रबार दिनभर काम गरेर अन्तिम समयमा राजिनामा दिएर बाहिरिने मनस्थितीमा रहेको बुझिएको छ।

काठमाडौँ । भाटभटेनी सुपर मार्केटलाई म्याद सकिएको पानी बेचेको कसुरमा ३ लाख रूपैयाँ जरिवाना गरिएको छ।

वाणिज्य, आपूर्ति तथा उपभोक्ता संरक्षण विभागले भाटभटेनीलाई म्याद सकिएको पानी बेचेको कसुरमा ३ लाख रूपैयाँ जरिवाना गरेको हो।

शुक्रबार विभागले भाटभटेनीमा अनुगमन गरेको थियो। अनुगमनमा त्रुटि आईएपछि उपभोक्ता संरक्षण ऐन, २०७५ बमोजिम कारबाही गरेको विभागले बताएको छ।

काठमाडौँ । टाउकोमा गम्भीर चोट लागि उपचाररत विश्व गुरुङको सहयोगार्थ बेलायत र हङकङबाट सङ्कलित रु २ लाख ७५ हजार नगद प्रदान गरिएको छ। पर्वत मोदी गाउँपालिका–१ लौसीबोट घर भई हाल पोखरा १२ फूलबारी सफा मार्गमा बस्दै आउनुभएका उहाँको दुई वर्ष अघि भर्याङबाट लड्दा टाउकोमा गम्भीर चोट लागेको थियो। २५ वर्र्षीय गुरुङको उपचारपछि पनि हालसम्म होस खुल्न सकेको छैन।

उपचारमा १ करोडभन्दा बढी रकम खर्च भइसकेको र हाल उपचारका लागि आर्थिक अभाव भएपछि बेलायतमा रहेका नेपाली, लौसीबोट हङकङ समाज र लौसीबोट बेलायतबाट सङ्कलित सो रकम उहाँकी आमा डिलकुमारी गुरुङलाई प्रदान गरिएको छ।

सहयोग रकम पर्वत घर भई हाल पोखरा १० अमरसिंहचोकमा बस्दै आएका युनाइटेड क्लबका अध्यक्ष लालकाजी गुरुङ र लक्ष्मी गुरुङको संयोजनमा लौसीबोट पोखरा सम्पर्क समाजका अध्यक्ष लोकबहादुर गुरुङ र लौसीबोट गाउँ समाजका अध्यक्ष कुलवीर गुरुङले विश्वका आमा डिलकुमारीलाई हस्तान्तरण गर्नुभएको हो।

काठमाडौँ । सरकारी छाप दस्तखत कीर्ते (दुरुपयोग) र ठगी मुद्दाका फरार प्रतिवादी ललितपुर महांकाल गाउँपालिका २ बस्ने ४३ वर्षीय हरिशरण महतलाई प्रहरीले पक्राउ गरेको छ।

उच्च अदालत पाटनको २०७० चैत १७ गतेको फैसलाले २ वर्ष कैद र ३७ लाख ५० हजार रुपैयाँ जरिवाना भई फरार रहेका महतलाई ललितपुर सातदोबाटोबाट केन्द्रीय अनुसन्धान ब्यूरो महाराजगञ्जबाट खटिएको प्रहरीले पक्राउ गरेको हो।

उनले लोप्साङ् लामा र उनकी श्रीमती च्यूङ्ताङ् लामाको नाममा रहेको काठमाडौं नागार्जुन नगरपालिका ५ स्थित कित्ता नम्बर ८१८ को २—०—२—० क्षेत्रफल जग्गा मालपोत कार्यालय कलंकीका तत्कालीन खरिदार भिम बहादुर राईसँगको मिलोमतोमा काठमाडौं जिल्ला अदालतबाट जारी भएको अधिकृत वारेसनामा लगायत अन्य कागजातहरु नक्कली बनाई किर्ते गरेका थिए। उनले सिन्धुपाल्चोक साबिक फुल्पिङ्कट्टी गाबिस १ बस्ने कमल कुमार श्रेष्ठको नाममा नामसारी गराई कास्की साविक पोखरा उपमहानगरपालिका ३ बस्ने प्रवीणमान श्रेष्ठलाई २०६४ चैत २४ गते ७५ लाख रुपैयाँ मूल्यमा बिक्री गरी सरकारी छाप दस्तखत कीर्ते र ठगी गरेको ठहर भएको हो।

कसूरमा संलग्न खरिदार भिम बहादुर राईलाई सोही ब्यूरोको प्रहरीले २०७४ जेठ २२ गते पक्राउ गरी फैसला कार्यान्वयनको लागि काठमाडौं जिल्ला अदालतमा पेश गरेको थियो। महतलाई फसला कार्यान्वयनको लागि काठमाडौं जिल्ला अदालतमा पेश गरिएको उक्त ब्यूरोले जनाएको छ।