Month: February 2022

काठमाडौँ । पूर्व प्रधानमन्त्री तथा नेकपाका वरिष्ठ नेता माधवकुमार नेपालले नवनियुक्त राजधानी दैनिकका सम्पादक सागर पण्डितलाई शुभकामना प्रदान गर्नु भएको छ।

नेपालको ब्रोटिसिट पत्रिका राजधानी दैनिकमा मंगलबारदेखि सम्पादकको जिम्मेवारी सम्हाल्ने गरी पण्डित नियुक्त हुनुभएको हो।

नयाँ पत्रिका,आन्नपुर्ण दैनिक लगायत धेरै पत्रिकामार्फत राष्ट्रिय रूपमा पत्रकारिता क्षेत्र मार्फत पत्रकारीतामा धेरै योगदान दिदै आउनु भएका पण्डित राजधानी दैनिकको सम्पादकमा बढुवा हुनुभएको हो।

उहाँलाई विभिन्न क्षेत्र बाट बधाई र शुभकामना आउने क्रम जारी छ। यसै बीच पुर्ब प्रधानमन्त्री माधबकुमार नेपालले सम्पादक पण्डित लाई बधाई तथा शुभकामना दिनुभएको समाचार जानकारीमा आएको छ। नेपालको प्रशासन क्षेत्रको बिज्ञ मात्र नभै समग्र प्रशासन क्षेत्रलाई नजिक बाट नियाल्ने यस क्षेत्रमा गहिरो अध्यनका साथ रिपोर्टिङ गरिरहनुभएका पण्डित व्यावसायिक पत्रकारका रूपमा चिनिन्छन।

बैतडी । बैतडीमा महिला स्वास्थ्यकर्मीलाई कुटपिट गरी फरार रहेका २ जनालाई प्रहरीले सोमबार अपराह्न नियन्त्रणमा लिएको छ। जिल्लाको पुर्चौडी नगरपालिका–३ का २४ वर्षीय मोहन कुँवर र २१ वर्षीय वीरेन्द्र कुँवरलाई प्रहरीले नियन्त्रणमा लिएको हो।

नियन्त्रणमा लिइएका ती दुवै जनामाथि पुर्चौडीकै न्वादेउ स्वास्थ्यचौकी अन्तर्गतको नकाली नगर स्वास्थ्य केन्द्रमा कार्यरत २५ वर्षीया अनमी जानकी भट्ट र ३१ वर्षीया कार्यालय सहयोगी बिमला कुँवरमाथि कुटपिट गरेको आरोप छ। ती दुवै जनालाई उनीहरुकै घरबाट नियन्त्रणमा लिइएको इलाका प्रहरी कार्यालय पाटनका प्रहरी निरीक्षक धनदेव साउदले जानकारी दिए। उनले भने, “नियन्त्रणमा लिएका दुवैमाथि अनुसन्धान हुन्छ, आवश्यक देखिए मुद्दा चलाउँछौँ।”

आइतबार स्वास्थ्य केन्द्रमै बिरामीको उपचार गरिरहेका बेला आफूमाथि ती युवकले कुटपिट गरेको भन्दै जानकीले प्रहरीमा उजुरी दिनुभएको थियो। स्थानीय एक वृद्धा बिरामीलाई स्लाइन चढाइरहेका बेला ती युवकहरुले कुटपिट गरेको उउनले बताए। उनले भने, “वृद्धा आमा कान नसुन्ने भएकाले उहाँसँग ठूलो स्वरले बोल्दा स्वास्थ्यकर्मीले सेवा दिने तरिका यही हो भनेर गालीगलौज गर्दै कुटपिट गरे।” ती युवाको कुटपिटबाट जानकीको हातको औला भाँचिएको, मुख, छाती र टाउकोमा चोट रहेको छ। अनमी जानकीसँगै कार्यालय सहयोगी विमलामाथि हातपात गर्नुका साथै ती दुवै जनाले कार्यालयमा रहेका कागजात पनि च्यातेको बताइएको छ।

यसैबीच स्वास्थ्यकर्मीमाथि ड्युटीमै रहेका बेला स्वास्थ्य संस्थामै कुटपिट र दुव्र्यवहार भएकाले आफूहरु असुरक्षित रहेको न्वादेउ स्वास्थ्य चौकीका इञ्चार्ज गणेश धानुकले बताए। उनले भने, “स्वास्थ्यकर्मीमाथि कुटपिट गर्ने जोसुकैलाई पनि कानूनी कारवाही हुनुपर्छ, स्वास्थ्यकर्मीलाई काम गर्ने वातावरण बन्नुपर्छ।”

काठमाडौँ। वाग्मती प्रदेशअन्तर्गत पर्ने मकवानपुर जिल्लामा पनि गत आव २०७६÷७७ मा जिल्ला अदालतमा सम्बन्धविच्छेदका लागि ५ सय ३१ मुद्दा दर्ता गरिएको थियो। तीमध्ये ३०० मुद्दा फछ्र्योट गरी पत्नी र पतिबीच सम्बन्धविच्छेद गरिएको जिल्ला अदालत मकवानपुरले जनाएको छ।

जिल्ला अदालतमा अघिल्लो आव २०७४÷७५ मा दर्ता भएका ५ सय १२ सम्बन्धविच्छेदका मुद्दामध्ये अदालतले ३ सय ३३ मुद्दा फछ्र्र्योट गरेको थियो। जिल्ला अदालतमा विवाहित पत्नीहरुले पतिबाट पारिवारिक हिंसा, दुव्र्यवहार गर्नुका साथै खान लगाउन नदिएको भनी सम्बन्धविच्छेद गरी पाऊँ भनी दिइएको निवेदनअनुसार जिल्ला अदालतको इजलासमा कानूनी बहस हुँदा बरु पत्नीबाटै ६० प्रतिशत पतिमाथि नै आर्थिक र पारिवारिक विवादको कारणबाटै सम्बन्धविच्छेद बन्न पुगेको जिल्ला अदालतका स्रेस्तेदार तीर्थराज भट्टराईले बताए।

विवाहित पत्नीले पतिभन्दा अन्य व्यक्तिसँग हेलमेल गरी अधिक खर्च गरेको भनी पतिले आरोप लगाउँदा करिब ४० प्रतिशत जति विवाहित पत्नी सम्बन्धविच्छेदको शिकार हुनुपरेको पनि श्रेस्तेदार भट्टराईले जानकारी दिए। अदालतको इजलासमा नवविवाहित युवतीले आफ्नो पतिसँग अब कुनै अंशबण्डाको हिस्सा नलिने स्वीकार गर्दै अन्य व्यक्तिसँग नाता जोड्ने मनसाय राखी सम्बन्धविच्छेद गर्ने उद्देश्य राखी निवेदन दर्ता गरिएको पनि श्रेस्तेदार भट्टराईले उल्लेख गरे।

यसैगरी जिल्ला अदालत मकवानपुरले गत आव २०७६÷७७ मा बाल हिंसा, चोरी र नाबालकले नाबालिकालाई प्रलोभनमा पारी जबर्जस्ती अनुचित कार्य गर्न बाध्य बनाइएको मुद्दामा जिल्ला अदालतका न्यायाधीश डिल्लीरत्न श्रेष्ठको बाल इजलासले केही नाबालिकालाई सम्बन्धित अभिभावकको जिम्मा र केही नाबालकलाई सुधारगृहमा कैद भुक्तानको लागि पठाएको जनाएको छ।

जिल्ला अदालतमा बाल हिंसा अनुचित कार्य गर्ने र चोरी अभियोग सम्बन्धमा समेत गत आवमा २७ मुद्दा दर्ता गराएकामध्ये २० मुद्दाको फछ्र्र्यौट गरी बालबालिकाको इजलासबाट थप सुरक्षागृहमा बालबालिकालाई पठाइएको पनि जिल्ला अदालतले जनाएको छ।

काठमाडौँ। समता लघुवित्त वित्तीय संस्था लिमिटेड (SMATA) को वार्षिक प्रतिशेयर आम्दानी घटेको छ।

अघिल्लो आर्थिक वर्षमा वार्षिक ४२ दशमलव ५० रुपैयाँ रहेको प्रतिशेयर आम्दानी १५ दशमलव ६५ रुपैयाँले घटेर २६ दशमलव ८६ रुपैयाँमा संकुचित बनेको छ।

असार मसान्तसम्ममा लघुवित्तले ५ करोड १३ लाख २८ हजार रुपैयाँ खुद नाफा आर्जन गरेको छ। अघिल्लो आर्थिक वर्षमा लघुवित्तले २ करोड ५७ लाख ९१ हजार रुपैयाँ रुपैयाँ खुद नाफा आर्जन गरेको थियो।

चुक्ता पूँजी ६ करोड ६ लाख ७२ हजारबाट १९ करोड ११ लाख १६ हजार रुपैयाँमा वृद्धि गरेको लघुवित्तको जगेडा कोषको अकार पनि ८ करोड ४२ लाख ५६ हजारबाट बढेर १२ करोड ६६ लाख ५६ हजार रुपैयाँ सञ्चित भएको छ।

असार मसान्तसम्ममा लघुवित्तले ६० करोड ६३ लाख २५ हजार रुपैयाँ निक्षेप संकलन तथा ८७ करोड ४८ लाख ६४ हजार रुपैयाँ सापटीबाट १ अर्ब ७१ करोड ५९ लाख ३७ हजार रुपैयाँ कर्जा लगानी गरेको छ। जसबाट लघुवित्तले १२ करोड ३४ लाख ७९ हजार रुपैयाँ खुद ब्याज आम्दानी गरेको छ। अघिल्लो आवमा ७ करोड ७ लाख २९ हजार खुद ब्याज आम्दानी गरेको थियो।

लघुवित्तको सञ्चालन नाफा ३ करोड ५५ लाख, प्रतिशेयर नेटवर्थ १६४ दशमलव १५ रुपैयाँ, मूल्य आम्दानी अनुपात २४ दशमलव ५७ गुणा छ। लघुवित्तको निष्क्रिय कर्जा अनुपात १ दशमलव ९२ प्रतिशत छ। समीक्षा अवधिमा ० दशमलव ६३ प्रतिशतले बढेको हो।
अघिल्लो आर्थिक वर्षको नाफाबाट ५ प्रतिशत बोनस वितरण र चुक्ता पूँजीके २०० प्रतिशत हकप्रद बिक्री गरेर चुक्ता पूँजी बढाएको लघुवित्तको नाफा अपेक्षित बढ्न नसकेपछि इपिएस घटेको हो।

समता लघुवित्त वित्तीय संस्था लिमिटेड र घरेलु लघुवित्त एक आपसमा मर्जर प्रकृयामा रहेका छन्। घरेलु लघुवित्तको १०० कित्ता शेयर बराबर समताको ८० कित्ता शेयर आदान प्रदान हुने गरी यी दुई कम्पनीबीच एक आपसमा गाभ्ने गाभिने सम्बन्धी सम्झौतामा भएको छ। एकीकृत संस्थाको चुक्ता पूँजी २४ करोड ३ लाख पुग्नेछ।