काठमाडौं । स्वास्थ्य मन्त्रालयका ४ जना कर्मचारीलाई कोरोना भाइरसको संक्रमण पुष्टि भएको छ।
मन्त्रालयका अनुसार गत शुक्रबार कोभिड–१९ क्राइसिस म्यानेजमेन्ट समितिको टोलीले स्वास्थ्य मन्त्रालयका ८४ जना कर्मचारीको स्वाब संकलन गरेको ४ जनामा कोरोना पुष्टि भएको हो।
काठमौँ। कोभिड–१९ को महामारीविरुद्घ लड्न भारतीय सेनाले नेपाली सेनालाई दश ‘आइसियु भेन्टिलेटर’ उपहारस्वरुप प्रदान गरेको छ। नेपालका लागि भारतका राजदूत विनयमोहन क्वात्राले ती भेन्टिलेटर प्रधानसेनापति पूर्णचन्द्र थापालाई जङ्गी अड्डामा आज आयोजित कार्यक्रममा प्रदान गरेका छन्।
मानवीय सहायता तथा राहतका लागि लामो समयदेखि भारतीय सेनाले नेपाली सेनालाई सहयोग गर्दै आएको छ। दुई देशका सेनाबीच रहिआएको निरन्तर मानवीय सहयोगअन्तर्गत भेन्टिलेटरहरू उपहारस्वरुप प्रदान गरिएको यहाँस्थित भारतीय राजदूतावासले जनाएको छ।
हस्तान्तरणका क्रममा राजदूत क्वात्राले कोभिड–१९ विरुद्घको लडाइँमा विजय प्राप्तिका लागि नेपालका जनतालाई सबै आवश्यक सहयोग पुर्याउन भारत प्रतिबद्घ रहेको बताए। प्रधानसेनापति थापाले स्वास्थ्य उपकरण प्रदान गरेकामा भारतीय सेनाप्रति आभार व्यक्त समेत गरेका छन्।
काठमाडौँ। अफगानिस्तानको घाज्नी प्रान्तमा शनिबार प्रहरी चौकीलाई लक्षित गरी भएको कार बम बिस्फोटमा ७ जनाको मृत्यु हुनुका साथै १६ जना घाइते भएका छन्।
गृह मन्त्रालयका प्रवक्ता तारेक एरियनका अनुसार सशस्त्र विद्रोहीहरुले बिस्फोटक पदार्थले भरिएको कार घाज्नी शहरको बाहिरी इलाकामा रहेको कोटाल रावा प्रहरी चौकीमा साँझ ७.४५ बजे बिस्फोट गराएका थिए।
प्रवक्ता तारेकले उक्त घटनाको अनुसन्धान थालिएको जानकारी दिनुभयो।
प्रान्तीय सरकारका प्रवक्ता वाहिदुल्लाह जुमाजादाले पनि घटनाको पुष्टि गर्दै आक्रमणकारीहरु प्रहरी चौकीभित्र प्रवेश गर्न खोजेका तर प्रहरीको प्रतिकारले उनीहरुको त्यो प्रयास सफल हुन नपाएको बताउनुभयो।
उक्त आक्रमणको घटना ४ सय जना विवादास्पद तालिबान बन्दीका विषयमा निर्णय गर्न लोया जिर्गा अर्थात समाजका ज्येष्ठ एवं प्रबुद्ध वर्गको बैठक बसिरहेका समयमा भएको छ। लोया जिर्गा बैठकमा अफगानिस्तानका विभिन्न भागबाट आएका तीन हजारभन्दा बढी सदस्यको सहभागिता छ।
घानी सरकारले अफगानिस्तानमा युद्धरत तालिबानका ५ हजार १ सय लडाकूलाई जेलमुक्त गरिसकेको छ । तर तालिबानले जेलमा अझै बन्दी अवस्थामा रहेका ४ सय लडाकूलाई तत्काल रिहाई गर्नुपर्ने माग गर्दै आएको छ। सरकारको भनाईमा यी लडाकू ट्रक बम आक्रमण, अपहरण र नागरिक हत्याका आरोपी हुन्।
सरकार र विद्रोही तालिबानबीच लडाकूको रिहाईसँगै अन्तर–अफगान संवाद हुने र वर्षौंदेखिको गृहयुद्ध समाप्त हुने अपेक्षा गरिएको छ।
यसैबीच, लोया जिर्गाले अफगानी जेलमा बन्दी ४ सय लडाकूलाई मुक्त गर्न सिफारिस गरेको छ।
लहान। लहानस्थित ग्लोबल आइएमई बैंकका एक कर्मचारीमा कोरोना सङ्क्रमण पुष्टि भएपछि बैंक सिल गरिएको छ। साथै सोही बैंकमा काम गर्ने कर्मचारीलाई क्वारेन्टिनमा राखिएको छ।
लहान नगरपालिकाका स्वास्थ्य शाखाप्रमुख रामसुन्दर यादवले महोत्तरी घर भई ग्लोबल आइएमई बैंकमा कार्यरत ३४ वर्षीय कर्मचारीमा शनिबार साँझ कोरोना सङ्क्रमण पुष्टि भएपछि सो बैंकलाई सिल गरी त्यहाँ कार्यरत कर्मचारीलाई यहाँस्थित एक होटलमा क्वारेन्टिमा राखिएको जानकारी दिए।
उनलाई रुघाखोकी र ज्वरोसहितको लक्षण देखिएपछि परीक्षण गर्दा कोरोना सङ्क्रमण देखिएको थियो । उनी अहिले जनकपुरस्थित प्रादेशिक अस्पतालको आइसोलेसन रहेको स्वास्थ्य शाखाप्रमुख यादवले बताए।
सङ्क्रमित ती कर्मचारी केही दिनअघि लहानस्थित आन्तरिक राजश्व कार्यालयमा रहेको बैंकको काउन्टरमा बसेकाले आन्तरिक राजश्व कार्यालयका कर्मचारीलाई समेत क्वारेन्टिनमा राखिएको जनाइएको छ। बैंकका कर्मचारीमा सङ्क्रमण पुष्टि भएसँगै यहाँस्थित आन्तरिक राजश्व कार्यालयले समेत आजदेखि कार्यालयको सम्पूर्ण कार्य बन्द गरेको छ।
कार्यालय प्रमुख कमलबहादुर राजलवटले सूचना प्रकाशन गरी यो विषम परिस्थितिमा कार्यालयका कर्मचारीको पिसिआर परीक्षण गर्नुपर्ने र त्यसको रिपोर्ट नआएसम्म कार्यालयको कामकाज बन्द गरिएको जानकारी दिएका छन्।
काठमाडौँ। बुद्धको जन्मस्थानबारे भारतीय विदेश मन्त्री एस जयशंकरको अभिव्यक्तिमा नेपाली कांग्रेसले आपत्ति जनाएको छ। जयशंकरको बुद्ध महान भारतीय हुन् भन्ने भनाई सार्वजनिक भएपछि कांग्रेस प्रवक्ता शर्माले यसको विरोध गरेका हुन्।
‘भगवान बुद्ध नेपालमा जन्मिएका हुन्। त्यो भाग आजको नेपालमा रहेको पौराणिक र प्रमाणित तथ्यविरुद्ध भारतीय विदेश मन्त्रीको अभिव्यक्तिप्रति हाम्रो गम्भीर आपत्ति छ,’ प्रवक्ता शर्माले समाजिक सञ्जाल ट्विटरमा लेखेका छन्, ‘आवेगको जवाफमा आवेग पस्किएर नेपाल र नेपालीको संवेदनशीलतामा चोट पुर्याउने कार्य हाम्रा लागि किमार्थ स्वीकार्य छैन।’
२०७२ सालमा नेपालमा नाकाबन्दी लगाउँदा विदेश सचिव रहेका जयशंकरले शनिबार आयोजित एक भर्चुअल सम्मेलनमा गौतम बुद्धबारे विवादित अभिव्यक्ति दिएका थिए।
काठमाडौं । लगातार नयाँ रेकर्ड राख्दै आएको सुनको मूल्य आईतबार ब्रेक भएको छ। आईतबार सुनको मुल्यमा ६ सयको गिरावट आएको हो । यही साउन ७ गतेयता रेकर्ड कायम भइरहेको सुनको मूल्यमा १९ दिनपछि ब्रेक लागेको हो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला ९ सय रुपैयाँ घटेर एक १ दुई हजार ६ सय रुपैयाँ कायम भएको छ। हिजो यसको मूल्य १ लाख ३ हजार ५ सय रुपैयाँ निर्धारण गरिएको थियो।
यस्तै, तेजाबी सुनको मूल्य पनि ९ सय रुपैयाँ नै घटेर एक लाख २ हजार १ सय रुपैयाँ कायम भएको छ। चाँदीको मूल्य भने प्रतितोला ५ रुपैयाँ बढेर १ हजार ४ सय १० रुपैयाँ निर्धारण गरिएको सुनचाँदी व्यवसायी महासंघले जनाएको छ।
गत साउन ७ गते छापावाल सुन प्रतितोला १ हजार ३ सय रुपैयाँ बढेर ९४ हजार रुपैयाँ (त्यतिबेलासम्मको सर्वाधिक) कायम भएको थियो। त्यसयता सुनको मूल्य दिनहुँ बढिरहेको थियो।
काठमाडौँ । कोरोना भाइरस सङ्क्रमणबाट अहिलेसम्म विदेशमा १ सय ९१ जना नेपालीको निधन भएको छ। गैरआवासीय नेपाली सङ्घका अनुसार पछिल्लो समय भारतमा थप २ जना नेपालीकोे निधन भएको थियो । शनिबार साँझसम्म नेपालसहित विभिन्न देशमा २ सय ६४ नेपालीको कोरोनाकै कारणले निधन भैसकेको छ।
सङ्घअन्तर्गतको स्वास्थ्य समितिका संयोजक डा. सञ्जीव सापकोटाका अनुसार यस साता भारत, अष्ट्रेलिया, बेल्जियम, पोल्याण्ड, फ्रान्स, कतार, साउदी अरेबियामा रहेका नेपालीमा थप सङ्क्रमण देखिएको छ। गत साताको तुलनामा मध्यपूर्वका देशहरु कतार, युएई, साउदी अरबलगायतमा कोरोना सङ्क्रमणको दरमा कमी आएको छ। यस साता अष्ट्रेलिया रहेका १ सय ४६ नेपालीमा नयाँ सङ्क्रमण थपिएको समितिले जनाएको छ।
समितिका अनुसार गत साता लग्जेम्वर्गमा रहेका नेपाली सङ्क्रमितहरु सङ्क्रमणमुक्त हुँदै गएका छन्। विश्वका ३८ देशमा रहेका नेपालीहरु कोरोना भाइरसबाट सङ्क्रमित भएका छन्। तीमध्ये १६ देशमा रहेका नेपालीको कोरोनाका कारणले निधन भएको छ। कोरोना भाइरसका कारण बेलायत, युएई, साउदी अरब, बहराइन, कुवेत, कतार, आयरल्याण्ड, जापान, टर्की, नेदरल्याण्ड र स्वीडेन, भारत, नेपाल, साउथअफ्रिकालगायतका देशमा रहेका नेपालीको निधन थियो। हालसम्म नेपालसहित विदेशमा रहेका ५५ हजार ९ सय २५ जनामा कोरोना सङ्क्रमण देखिएको छ। ती मध्ये ४७ हजार ४ सय ३७ कोरोना सङ्क्रमणबाट मुक्त भएका जनाइएको छ।
उद्धार जारी
विदेशमा अलपत्र नेपालीको गैरआवासीय नेपाली सङ्घ, नेपाली राजदूतावास र कूटनीतिक नियोगबीचको सहकार्यमा ५८ देशबाट अलपत्र परेका ४६ हजार ३ सय १२ जनाको उद्धार गरिएको छ। ती मध्ये सबैभन्दा धेरै संयुक्त अरब इमिरेट्स १२ हजार ५ सय १, साउदी अरेबिया छ हजार ९ सय ९७, मलेसियाबाट ६ हजार ७ सय ९४, कुवेत ६ हजार ३ सय २९ , कतार ५ हजार २ सय ५१, अफगानिस्तान ३३, ओमान ६ सय ३६, म्यानमार २६, थाइल्याण्ड ३ सय २६, दक्षिण कोरिया ७ सय २०, बङ्गलादेश ८ सय ४१, माल्दिभ्स ७ सय ९, सिङ्गापुर २ सय ९७, हङकङ ८९, पाकिस्तान ७२, बहराइन ९ सय ८०, अमेरिका ४ सय २३, बेलायत २ सय २९, इजरायल १ सय २७, चीन २ सय ८ र टर्कीबाट १ सय १० जना नेपाली स्वदेश फर्किएका छन्।
फिलिपिन्स२ सय १, स्वीट्जरल्याण्ड १०, इराक ३९, दक्षिण सुडान २ सय ५०, सेन्ट्रल अफ्रिकन रिपब्लिक ६८, श्रीलङ्का पाँच, जापानबाट १ हजार २३ जना स्वदेश फर्किएका छन्। भारतबाट हवाई उडानमार्फत ८५ जना स्वदेश फर्किएका छन्। तर स्थलमार्ग हुँदै भारतबाट आएकाहरूको तथ्याङ्क यकिन छैन ।
विदेशमा विविध कारण मृत्यु भएका २ सय ४६ जनाको शव स्वदेश ल्याई परिवारलाई बुझाइएको छ। हालसम्म १ सय ७२ जनाको गन्तव्य मुलुकमै अत्येष्टीका लागि सहमति प्राप्त भएको छ। विदेशमा मृत्यु भएका ४ सय ९४ जनामध्ये अझै ७६ जनाको शव नेपाल ल्याउन बाँकी छ।
बाजुरा । जिल्लाको गौमूल गाउँपालिका –५ ग्वानीमा पहिरामा परी १ जनाको मृत्यु भएको छ । घटनामा एक जना गम्भीर घाइते भएका छन्। मृत्यु हुनेमा गौमूल–४ का भीके कामीका छोरा १० वर्षीय अनिश रहेको जिल्ला प्रहरी कार्यालयका प्रहरी नायब उपरीक्षक टङ्क भट्टराईले जानकारी दिए।
शनिबार राति ग्वानी लेकमा सुतिरहेका बेला माथिबाट पहिरो आउँदा भीके भाग्न सफल भएको र छोरा भाग्न नसकेका कारण च्यापिएर मृत्यु भएको स्थानीयवासी गणेश रोकायाले बताए। पहिरामा परी चार बाख्रा मरेको र अन्य पशुचौपाया घाइते भएका छन्। अहिले थप उद्धारका लागि गौमूल गाउँपालिका घटमुनास्थित प्रहरीचौकीबाट घटनास्थलमा टोली गइसकेको जिल्ला प्रहरी कार्यालयले जनाएको छ।
केही दिनदेखि परेको अविरल वर्षाका कारण विभिन्न स्थानीय तहका सयौँ बस्ती पहिराको उच्च जोखिममा तथा सडक, बिजुली, टेलिफोनलगायत सेवा अवरुद्ध छन्।
काठमाडौँ। भारतमा पछिल्लो २४ घण्टाको अवधिमा कोरोनाभाइरस संक्रमित व्यक्तिको संख्या ६४ हजार ३ सय ९९ जना रहेको केन्द्रीय स्वास्थ्य तथा परिवार कल्याण मन्त्रालयले जनाएको छ।
मन्त्रालयका अनुसार २४ घण्टाको अवधिमा कोरोनाभाइरस संक्रमित व्यक्तिमध्ये ८ सय ६१ जनाको मृत्यु भएको छ। भारतमा यो सहित मृत्यु भएका व्यक्तिको कूल संख्या ४३ हजार ३ सय ७९ पुगेको छ। साथै कूल संक्रमितको संख्या पनि २१ लाख ५३ हजार नाघेको छ।
स्वास्थ्य अधिकारीहरुले कूल संक्रमितमध्ये १४ लाख ८० हजार ८ सय ८५ जना निको भएर डिस्चार्ज भएका छन्। अहिले पनि ६ लाख २८ हजार ७ सय ४७ जना विभिन्न स्वास्थ्य केन्द्रमा उपचार गराइरहेका छन्।
भारतीय चिकित्सा अनुसन्धान परिषदले अगष्ट ८ का दिन ७ लाख १९ हजार ३ सय ६४ जनाको परीक्षण गरिएको जनाउँदै कोरोना संक्रमण देखिन थालेयता हालसम्म कूल २ करोड ४१ नमुना परीक्षण गरिएको बताएको छ।
काठमाडौँ। काठमाडौँको गोंगवु गणेशस्थानमा हत्या गरेको शव फेला परेको छ। शव सुटकेशमा फालिएको र टाउको दुई सय मिटरको दुरीमा जेब्रा झोलामा फेला परेको छ।
गणेशस्थान नजिकै कालो सुटकेशमा शव र शव फेला परेको स्थानभन्दा दुई सय मिटर पर टाउको भेटिएको महानगरीय प्रहरी परिसर काठमाडौंका डिएसपी राजकुमार केसीले बताए। ‘टाउको जेब्रा झोलामा फेला परेको छ’ डिएसपी केसीले भने।
टोखा नगरपालिका–१० स्थित सडक किनारामा राखिएको सुटकेशबाट रगत बगेको देखेपछि स्थानियले प्रहरीलाई खबर गरे लगत्तै काठमाडौं उपत्यकामा कार्यरत प्रहरीका उच्च अधिकारी र फरेन्सिक डाक्टरको टोली घटनास्थल पुगेका छन्।
गत २०७२ मा काठमाडौंको कोटेश्वरस्थित मनहरा खोलामा पनि सुटकेशमा राखिएको अवस्थामा शव फेला परेको थियो। प्रहरीले सो हत्यामा संलग्न ब्यक्तिलाई अझै कानुनी दायरामा ल्याउन सकेको छैन।
काठमाडौँ। सरकारले कोरोना संक्रमण दर बढ्दो भएपछि नियन्त्रण गर्न पछिल्लो ३ दिन देखि जोरबिजोर लागु गरेको छ। तर सरकारको यो निर्णयले व्यावहारिकतामा भने ठिक उल्टो परिणाम दिएको छ। जोरबिजोर भएसँगै उपत्यकाका सार्वजनीक यातायातमा थप यात्रुको चाँप देखापरेको छ।
सार्वजनिक यातायातमा दिउँसोको समयमा केही हलुका देखिएपनि अफिस समयमा भने गाडीमा यात्रुको चाँप बढी नै छ। सिटफुल त छँदै छ अझ उभिएर समेत यात्रुहरु यात्रा गरिरहेका छन्। गाडीमा न त न्युनतम सुरक्षाका मापदण्डहरु नै पुरा छन्। सेनीटाईजर समेत उपलब्ध हुँदैन गाडीमा भएपनि यात्रुलाई त्यत्ति दिईदैन, मात्र चेकिङको लागि राखिएको छ।
ठाउँठाउँमा चेकिङभएपनि त्यत्ति व्यवस्थित तरिकाले नियन्त्रण गरिएको छैन। यात्रुहरु ५० प्रतिशत बढी भाडा तिररे जोखिम मोलिरहेका छन्। गाडी सञ्चालकलाई के मतलब ! आखिर कमाई भएकै छ।
यात्रुको लापरबाहि
कोरोना संक्रमण दिन प्रतिदिन बढिरहेको अवस्था छ तर तर यात्रुहरु भने सजक भएको देखिदैन।, सार्वजनिक यातायातमा यात्रुको चाँप हुँदा हुँदैपनि रोकाएर चढिरहेको देख्रिन्छ। यति सम्म की गाडी चालक ले मिल्दैन भन्दा भन्दै पनि जर्वजस्ति चढिरहेको देखिन्छ।
के हुलमुलमा जानुहुन्न भन्ने हामीलाई थाहा छैन ? हामी आफैपनि सजक हुन पर्ने हैन, कि प्रहरीले लठ्ठी नै लिएर आउनुपर्ने हो ? अफिस समयमा गाडीमा चाँप हुन्छ भन्ने थाहा हुँदाहुँदैपनि हामी किन जोखिम उठाईरहेका छौँ? के हामी केही समय अगाडी वा पछाडी जान सक्दैनौँ ?
पछिल्लो समय कोरोना समुदायमा पुगिसकेको अवस्था छ । नागरिक, समाज र राष्ट्रनै एक भएर लाग्नुपर्ने अवस्था छ। यहि व्यावस्था र संक्रमण दर यसरी नै बढ्दै जाने हो भने केही समयमा इटाली, भारत र अमेरीकाको जस्तो अवस्था नेपालमा नआउला भन्न सकिन्न। त्यसैले यो समयमा एकअर्काेको मुख ताक्ने भन्दापनि आ—आफ्नो ठाउँबाट सक्दो सजकता र सहयोग गर्नु नै राम्रो हुन्छ।
सार्वजनिक यातायातको यो चाँपलाई कम गरि देशमा माहामारीको भयावह स्थिती नल्याउँन जनस्तरबाट पनि सजकता अपनाउनु आवस्यक छ भने नियमन निकायले पनि छिट्टै ध्यान दिओस्।
उपत्यकाको सन्र्दभमा सार्वजनिक यातायात या त बन्द नै गर्नुपर्ने हुन्छ या त जोरबिजोर खारेज गर्यो भने चाँप कम हुन्छ। यदि सम्बन्धित निकायले यसतर्फ हप्ता दश दिन ध्यान दिन सकेन भने कोरोना संक्रमण फैलाउने पहिलो माध्यम नै सार्वजनिक यातायात हुने छन्।
रौतहट। चन्द्रपुर वाड नम्बर ९ चेतनगर बिर्तामा गाउले हरुले बृहत् भेला गरि आफ्नो गाउँ आफैं सरसफाइ अभियान गर्ने नगरपालिकाको मुख नताक्ने निर्णय गरेको समाचार श्याम श्रेष्ठले सम्पत्ति न्युजलाई जानकारी गराउनु भयो।
उहाँका अनुशार प्रभु नारायण चौधरीको अध्यक्षतामा भएको सरसफाइ भेलाले मलिनटोल ,चेतनगगर बिर्ता क्षेत्रमा दाहसंस्कार गराउन नपाइने यस्तो कार्यका लागी अलि टाढा लैजानु पर्ने किनकि वातावरण प्रदुषितका कारण स्थानीयमा केही प्रभाव देखिन थालेकाले स्थानीयले सकृयता देखाएको बताइएको छ।
गाउँ बस्तीमा पिच सडकमा गाइ गोरु बाध्नेर सडक अबरोध कार्य तत्काल हटाउन सबैलाई अपिल गर्ने र नमानेमा दन्डित गराउने सम्मका निर्णयहरु गाउले स्वयंले आफनै उपस्थितिमा गरेको समाचार जानकारी गराएका छन।
चौधरीको अध्यक्षतामा भएको यस्तो निर्णयले यस क्षेत्रको वातावरण संरक्षण मा महत्त्वपूर्ण योगदान पुक्न सक्ने अपेक्षा सहित सरकारको सहयोग भन्दा जनता आफै अग्रसर भएर गरेका यस्ता काम बढी प्रभावकारी बन्ने बिश्वास व्यक्त गरिएको छ।
काठमाडौँ। भारतमा भएको विमान दुर्घटनामा परी मृत्यु भएकाहरुको संख्या १८ पुगेको छ। सरकारी अधिकारीहरुले शनिबार दिएको जानकारीअनुसार दुर्घटनामा परेर अरु कैयौँ यात्रु घाइते पनि भएका छन्।
एयर इन्डिया एक्सप्रेसको जहाज विमानस्थलमै दुर्घटनामा परेको मलापुरम जिल्लाका जिल्ला अधिकारी के गोपाल कृष्णले बताउनुभयो। शुरुमा १७ जनाको मृत्युको खबर आएपनि घाइते मध्ये थप एक जनाको मृत्यु भएपछि कुल मृतकको संख्या १८ पुगेको हो।
मृतक मध्ये एक जना बाहेक अन्य सवैको शव चिन्न नसकिनेगरी जलेर नष्ट भएको पनि घटनास्थलमा पुगेकाहरुले जनाएका छन्। स्थानीय अधिकारीहरूका अनुसार सबै मृतकको सनाखत भइसकेको छ।
घटनामा परी विमान चालक दीपक साथे र उहाँका सह चालक अखिलेश कुमारको पनि मृत्यु भएको छ। विमानमा चालक दलका छ सदस्य र १ सय ८४ यात्रुहरू थिए। घाइतेहरूलाई उपचारका लागि क्यालिकट तथा मलापुरममा रहेका अस्पतालहरूमा पुर्याइएको छ। उपचारमा संलग्न चिकित्सकहरुका अनुसार घाइतेहरु मध्ये १५ जनाको अवस्था गम्भीर रहेको छ।
कोरोनाभाइरसको महामारी फैलिएपछि संयुक्त अरब इमिरेट्स (यूएई)मा अलपत्र परेका भारतीय नागरिकहरू स्वदेश ल्याउदै गरेको विमान दुर्घटनामा परेको हो। युएइको दुवईबाट शुक्रबार राती भारत आउदै गरेको विमान अवतरण गर्ने बेलामा अत्यधिक बर्षाका कारण धावनमार्ग चिप्लो भएकाले धावनमार्गमा चिप्लीएर दुर्घटना भएको प्रारम्भीक विवरण छ।
वर्षाका कारण विमानचालकहरूले अवतरण गर्ने पहिलो प्रयास स्थगित गरेका थिए भने दोस्रो पटक अवतरण गर्ने प्रयास गर्दा दुर्घटना भएको हो । दुर्घटना स्थानीय समयानुसार शुक्रबार बेलुका ७ः४० मा भएको हो ।
सरकारी अधिकारीहरुले ठूलो वर्षा भइरहेका बेला विमान धावनमार्गमा ठोक्किएको र त्यसपछि ३५ फिट भिरालो ठाउँमा गुडेर दुई टुक्रा जनाएका छन्। दर्दनाक दुर्घटना भएको थाहा पाउने वित्तिकै प्रधानमन्त्री नरेन्द्र मोदीले सामाजिक सञ्जाल ट्वीटरमा लेख्दै दुर्घटनामा प्रियजन गुमाउनेका परिवारप्रति समवेदना व्यक्त गर्नुभएको छ।
भारतका नागरिक उड्डयनमन्त्री हरदीप सिंह पुरीले पनि सामाजिक सञ्जाल ट्वीटरमार्फत् भारतको विमान दुर्घटनासम्बन्धी अनुसन्धान गर्ने निकाय एएआईबीले छानविन गर्ने जानकारी दिनुभएको छ।
भारतमा बर्षायाममा धेरै विमान दुर्घटनामा पर्ने र सयौँको मृत्यु हुने गरेको सरकारी अधिकारीहरुले जनाएका छन्।
काठमाडौँ। पछिल्लो २४ घण्टामा काठमाडौं उपत्यकामा थप ६२ जनामा कोरोना संक्रमण पुष्टि भएको छ। जसमा काठमाडौँमा ५६ ललितपुर र भक्तपुरमा ३÷३ जना थपिएका छन् ।
स्वास्थ्य तथा जनसंख्या मन्त्रालयको नियमित प्रेस व्रिफ्रिङमा मन्त्रालयका प्रवक्ता डा जागेश्वर गौतमले काठमाडौँ उपत्यकामा ६२ जना कोरोना संक्रमित भेटिएको जानकारी दिएका हुन् ।
यस्तै, आज नेपालभर ३७८ जनामा कोरोना भाइरसको संक्रमण पुष्टि भएको छ। यससँगै नेपालमा कोरोना संक्रमितको कुल संख्या २२ हजार ५ सय ९२ पुगेको छ ।
काठमाडौँ। प्रधानमन्त्री केपी शर्मा ओलीले रामजन्मभूमि अयोध्याका विषयमा चासो अगाडि बढाउनुभएको छ। उहाँले शुक्रबार माडी नगरपालिका–९ का वडाध्यक्ष शिवहरि सुवेदीलाई टेलिफोन गर्दै अयोध्यापुरीको अध्ययन गर्न अनुरोध गर्नुभयोे।
प्रधानमन्त्री ओलीको भनाइ उद्धृत गर्दै सुवेदीले भन्नुभयो, “त्यहाँ के कस्ता संरचना छन्, केके बनाउनुभएको छ। भारतमा भएको अयोध्याका विषयमा त्यहाँका जनतासमेत विश्वस्त नरहेको पाइएकाले हाम्रो अयोध्याका विषयमा थप अध्ययन र संरक्षणमा जुट्नुपर्छ। तपाईँहरु के के गर्दै हुनुहुन्छ, तुरुन्तै काम अघि बढाउनुप¥यो।”
प्रधानमन्त्रीले आफूले अयोध्याका बारेमा अध्ययन गर्दा प्रमाण बलियो भेटिएको तथा सोमेश्वर गढी, वाल्मिकी आश्रमलगायत स्थानसमेत बलियो आधार भएको बताउनुभएको सुवेदीले जानकारी दिनुभयो । उहाँले भन्नुभयो, “प्रधानमन्त्री अयोध्याका विषयमा माडीको टोलीसँग छलफलका लागि आतुर हुनुहुन्छ ।”
हाल माडीमा रहेका धार्मिक सम्पदा र पुरातात्विक सामग्रीको संरक्षण गर्न अनुरोध गर्दै प्रधानमन्त्री ओलीले आउँदो रामनवमी पर्वमा ठूलो पूजा गरी काम शुरु गरिने बताउनुभएको वडाध्यक्ष सुवेदीले जानकारी दिनुभयो । “पुरातत्विक विभागसँग समन्वय गरेर अध्ययन र संरक्षणमा जुट्न प्रधानमन्त्रीको निर्देशन छ”, सुवेदीले भन्नुभयो । हालको वडा नम्बर ९ यसअघिको अयोध्यापुरी गाउँ विकास समितिमा पथ्र्यो ।
यसैबीच प्रधानमन्त्री ओलीले माडीका नगर प्रमुखसहितका प्रतिनिधिलाई भेट गर्नलाई आज बोलाउनुभएको छ । माडी नगरपालिका प्रमुख ठाकुर ढकालले आज प्रधानमन्त्री ओलीले भेटघाटका लागि बोलाउनुभएको जानकारी दिनुभयो । ढकालका अनुसार वडाध्यक्ष सुवेदी, नेपाल कम्युनिष्ट पार्टी ९नेकपा०का माडी अध्यक्ष प्रभु महतो, सचिव नारदमणि पौडेलसहितको टोली प्रधानमन्त्रीलाई भेट्न काठमाडौँ जाँदै छ । ढकालले भन्नुभयो, “आज दिउँसो प्रधानमन्त्रीज्यूलाई भेट्ने कार्यक्रम छ ।”
प्रधानमन्त्रीले गत असार २९ गते भानुजयन्तीका दिन राम नेपालकै ठोरी क्षेत्रमा जन्मेको हुन सक्ने अभिव्यक्ति दिनुभएको थियो । माडीको अयोध्यापुरी, वाल्मिकी आश्रम, गोद्धकलगायत क्षेत्रमा पुरानो मुद्रा, इँटा, पुराना भवनका अवशेषजस्ता पुरातात्विक वस्तु भेटिँदै आएको छ ।
