Month: February 2022

हिमालय एयरलाइन्सलाई स्व ग्राउण्ड ह्याण्डलिङको अनुमति पाएको छ । नागरिक उड्ययन प्राधिकरणले एयरलाइन्सलाई आज अनुमति दिएको हो । तिब्बत एयरलाइन्ससँगको साझेदारीमा नेपालमा सञ्चालित उक्त एयरलाइन्सलाई प्राधिकरणको महानिर्देशक स्तरीय निर्णयले असोज ४ गते आफैंले ग्राउण्ड ह्याण्डलिङ गर्न सक्ने अनुमति दिइएको हो ।

तिब्बत एयरलाइन्समा नेपालको यति समूहको साझेदारीमा हिमालय एयरलाइन्स स्थापना भएको हो । वर्तमान सरकारलाई यति समूहसँगको निकटताका आधारमा नेपाल वायु सेवा निगमको व्यवसाय खोसेर हिमालय एयरलाइन्सलाई दिएको आरोप पनि लागिरहेको छ । त्रिभुवन अन्तर्राष्ट्रिय विमानस्थलमा अन्तर्राष्ट्रिय जहाजहरुको ग्राउण्ड ह्याण्डलिङको काम राष्ट्रिय ध्वजाबहाक सञ्चालन गर्ने नेपाल वायु सेवा निगमको आम्दानीको एउटा प्रमुख स्रोत हो । नगद प्रवाहको अभाव भैरहेको बेला निगमको व्यवसाय खोसिएको भनेपनि वास्तविकता भने त्यस्तो होइन । अहिले पनि त्रिभुवन विमानस्थलमा थाइ एयरवेज र एयर इण्डिया आफैंले ग्राउण्ड ह्याण्डलिङको काम गर्छन् । ‘हिमालय एयरलाइन्सले पनि आफ्नो ग्राउण्ड ह्याण्डलिङको काम आफैंले गर्ने अनुमति पाएको हो’, नेपाल नागरिक उड्ययन प्राधिकरणका महानिर्देशक राजन पोखरलले भने, ‘स्वदेशी विमान कम्पनीले आफैंले ग्राउण्ड ह्याण्डलिङ गर्न खोज्दा निगमको भाग खोसेको भन्न मिल्दैन ।’

काठमाडौँ । सानिमा लाइफ इन्स्योरेन्स कम्पनीको प्रमुख कार्यकारी अधिकृत (सिइओ) मा अगम मुुखिया नियुक्त भएका छन् । कम्पनीको सीईओ नियुक्त गर्नको लागि बीमा क्षेत्रको नियामक निकाय बीमा समितिले स्वीकृति दिनुपर्ने कानुनी व्यवस्था अनुसार समितिले शुक्रबार नियुक्तीका लागि स्विकृति दिएको हो ।

मुखिया रिलायवल लाइफ इन्स्योरेन्स कम्पनीमा डेपुटी सिइओको रुपमा रहेका थिए । प्रमुख कार्यकारी अधिकृत पदमा उनले ४ वर्षका लागि नियुक्ती पाएका हुन् ।

सानिमा लाइफमा सीईओ पद खाली थियो । कम्पनी २०७४ सालमा संचालनमा आएको भएपनि महाप्रबन्धकको रुपमा शिवराम तिमिल्सिनाले व्यवस्थापनको नेतृत्व गरिरहेका थिए ।

नेपाल लाइफ इन्स्यारेन्स कम्पनीमा १० वर्ष काम गरेका मुखिया सो कम्पनीको एसिस्टेन्ट जनरल म्यानेजरको जिम्मेवारीमै रहेकै बेला रिलायवल लाइफ इन्स्यारेन्स कम्पनीको डेपुटी प्रमुख कार्यकारी अधिकृतको जिम्मेवारीमा गएका थिए । बीमा क्षेत्रमा करिब १५ वर्ष काम गरेको अनुभव भएका मुखिया बीमा बजारमा नयाँ नयाँ प्रडक्ट ल्याउनेमा खास दख्खद राख्ने व्यक्तिका रुपमा परिचित छन् । उनले अन्तराष्ट्रिय श्रम संगठन ९आइएलओ० मा प्रोजेक्ट कन्सल्ट्यान्टको रुपमा पनि काम गरेको अनुभव संगालेका छन् ।

काठमाडौँ । नेपाली बजारमा पछिल्लो समय सुनको मूल्य लगातार घटिरहेको थियो । आज शुक्रबार सुनको मूल्यमा ८ सयले बढेको छ । बिहीबार ९३ हजार १ सयमा कारोबार भएको छापावाला सुन आज ८ सयले बढेर ९३ हजार ९ सयमा कारोबार भएको सुन चाँदि महासंघले जनाएको छ ।
त्यस्तै आज तेजावी सुनको मूल्य पनि बढेको छ । आज तेजावी सुन ९३ हजार ४ सयमा कारोबार भईरहेको छ । यो अघिल्लो दिनको भन्दा ८ सय बढी हो । यसरी नै चाँदीको मूल्य पनि बढेको छ । चाँदीको मूल्य आज ४० रुपैयाले बढेर ११ सय ६० मा कारोबार भइरहेको छ ।

दार्चुला । सुदूरपश्चिम प्रदेशको दार्चुला जिल्लामा नेपाल प्रहरीका एकजना मृत भेटिएका छन् । दार्चुला जिल्लाको महाकाली नगरपालिका ४ न बंगाबडाको होटलमा नेपाल प्रहरीका सई मृत फेला भेटिएका हुन् । महाकाली नगरपालिका–४ बंगाबडाको एक होटलमा बाससेका कैलाली टीकापुरका सई ध्रुव रावल आज बिहान मृत फेला परेको जिल्ला प्रहरी कार्यालय दार्चुलाका प्रहरी निरीक्षक सुरेन्द्रप्रसाद जोशीले जानकारी दिए ।

उनको शव शुक्रबार बिहान होटलको बाथरुम अगाडि लडिरहेको अवस्थामा फेला परेको जिल्ला प्रहरी कार्यालय दार्चुलाले जनाएको छ । प्रहरीका अनुसार सई रावलको सरुवा इलाका प्रहरी कार्यालय हुतीमा भएको थियो । उनी बाथरुममा लडिरहेको अवस्थामा भेटिएपछि जिल्ला अस्पताल दार्चुलामा लगिएको थियो । तर डाक्टरहरुले उनलाई मृत घोषणा गरेका थिए । सई रावलको मृत्यु कसरी भयो भन्ने विषयमा अनुसन्धान भइरहेको प्रहरीले जनाएको छ ।

काठमाडौा । नेपाल धितोपत्र बोर्डबाट ईजाजत पत्र प्राप्त नबिल इन्भेष्टमेण्ट बैकिंग लिमिटेड र नेपाल राष्ट्र बैंकबाट ईजाजत पत्र प्राप्त कामना सेवा विकास बैंकबिच संस्थागत परामर्श सेवासम्बन्धि सम्झौता सम्पन्न भएको छ । असोज ५ गतेका दिन दुई बैंकबीच सम्झौता भएको हो ।

कामना सेवा विकास बैंकको तर्फबाट प्रमुख कार्यकारी अधिकृत प्रबिन बस्नेत र नबिल इन्भेष्टमेण्ट बैङ्किङ लिमिटेडको तर्फबाट प्रमुख कार्यकारी अधिकृत सबिर वादे श्रेष्ठले उक्त सम्झौता पत्रमा हस्ताक्षर गरेका छन् । सम्झौताबाट कामना सेवा विकास बैंकले संस्थागत परामर्श सेवासम्बन्धि सेवाहरु यस कम्पनीबाट प्राप्त गर्न सक्ने छ ।

संस्थागत परामर्श सेवासम्बन्धि अन्य जानकारीः

संस्थागत परामर्श सेवा भन्नाले विज्ञ तथा व्यवसायिक वित्तिय परामर्शदाताहरूद्वारा विभिन्न व्यक्ति तथा व्यवसायलाई प्रदान गरिने विशेष प्रकृतिको परामर्श सेवालाई संस्थागत परामर्श सेवा भनिन्छ । अंग्रेजीमा यसलाई फाइनान्सियल एडभाइजरी अथवा कर्पोरेट एडभाइजरी पनि भनिन्छ । अर्को शब्दमा भन्दा फाइनान्सियल एडभाइजरी तथा वित्तिय कन्सलटेन्सीको काम नै संस्थागत परामर्श सेवा हो ।

नविल ईन्भेष्टमेण्ट बैङ्किग लिमिटेडले वित्तिय क्षेत्रमा पूँजीको परिचालन, लगानीका सम्भावित क्षेत्रहरू, सम्भावित नाफा÷जोखिमको अवस्थिति÷मुल्यांङ्कन लगायतका बिषयमा परामर्श दिने गर्दै आएको छ । व्यवसायको रणनीतिक विस्तार, भविष्यको योजना, प्रतिस्प्रर्धात्मक क्षमताको अभिवृद्धि गर्ने जस्ता आफ्नो व्यवसायको सुक्ष्म व्यवस्थापनमा सहयोगी कार्य गर्न पनि संस्थागत परामर्शदाताको आवश्यकता÷खोजी हुने गरेको पाईन्छ ।

यसका साथै व्यवसायलाई आवश्यक पूँजीको उपलब्धता, लगानीकर्ताको लागि उपयुक्त व्यवसाय र व्यवसायीको खोजी साथै व्यवसायका लागि उचित मूल्यांङ्कन गर्न सक्ने लगानीकर्ताको खोजीमा समेत संस्थागत परामर्शदाताले समन्वयकारी÷सहयोगी भुमिका निर्वाह गर्दछन् । विभिन्न व्यवसायमा अन्तरनिहित जोखिमको न्यूनीकरण गर्न, जोखिम बहन गर्ने क्षमता अनुरूपको व्यवसायको विस्तार र जोखिम बहन गर्ने क्षमताको समष्टिगत अभिबृद्धिमा संस्थागत परामर्श सेवा प्रदायहरूले विशेष विज्ञता हाँसिल गरेका हुन्छन् । संस्थागत परामर्श सेवा आफैमा एउटा छुट्टै उद्योग हो ।

यसले प्रत्यक्ष तथा अप्रत्यक्ष रूपमा राष्ट्रिय आय र उत्पादकत्वलाई बुद्धि गर्न सहयोग गरिरहेको हुन्छ । अर्थतन्त्रसँग प्रत्यक्ष सरोकार राख्ने परियोजना तथा कम्पनिलाई विभिन्न हिसाबले सहयोग गरी एउटा भिन्न पहिचान÷मुल्य सिर्जना गर्न सक्षम भएकोले गर्दा नै यसको महत्व दिनानुदिन बढ्दै गएको पाइन्छ ।

वित्तिय अनुशासन, लगानीको सुनिश्चितता, जोखिमको न्यूनीकरण, विस्तृत तथा वैज्ञानिक अनुसन्धान पद्धतिमा आधारित कार्यप्रणालीले गर्दा नेपालमा पनि संस्थागत परामर्श सेवाको उपयोग व्यवसायिहरुले व्यवसायिकरुपमा बढाउँदै लगेका छन् । परामर्श सेवा लगानीका क्षेत्रमा मात्रै सीमित नभई यसले वित्तीय क्षेत्रमा अन्य विबिध÷धेरै सेवाहरु प्रदान गर्दछ । नाफामुलक संस्थाले मात्र नभएर गैह्र नाफामुलक संस्थाले समेत परामर्श सेवाको उपयोग गर्न सक्दछन् ।

२०७४ को चैतबाट नेपाल धितोपत्र बोर्डले लाईसेन्स दिएपछि संस्थागत परार्मश सेवाको औपचारीक सुरुवात भएको हो । नेपालमा नबिल इन्भेष्टमेण्ट बैङ्किग लिमिटेडले धितोपत्र बोर्डबाट अनुमति लिएर यो सेवा प्रदान गरिरहेकोछ । नबिल इन्भेष्टमेण्ट बैङ्किग लिमिटेडले क्यापिटल मार्केट तथा इन्भेष्टमेन्ट बैङ्किगको दृष्टिकोणबाट यस कम्पनीले आफ्नो कार्यपद्धतिलाई अगाडि बढाइ रहेको छ । संस्थागत परामर्शदाताको रुपमा नबिल इन्भेष्टमेण्ट बैङ्किग लिमिटेडबाट कामना सेवा विकास बैंकले निम्न लिखित सेवाहरू आफ्ना ग्राहक वर्गहरुलाई प्रदान गर्न सक्नेछस्
१. संगठित संस्थाको संरचना हेरफेर
२. मुल्याङ्कन
३. हेज फण्ड
४. प्राइभेट इक्विटी
५. व्यवसायिक योजना
६. सम्पत्ति व्यवस्थापन
७. लोन सिन्डिकेशन
८. मर्जर तथा एक्युजिसन
९. वर्किङ क्यापिटल फाइनान्सिङ
१०. लगानी सम्बन्धि परामर्श
११. भेन्चर क्यापिटल
१२. प्रत्यक्ष वैदेशीक लगानी सम्बन्धि सेवा

काठमाडौँ । नेपाल राष्ट्र बैंकका गभर्नर महाप्रसाद अधिकारी पुनः होम क्वारेण्टिनमा बसेका छन् । बैंकका एकजना डेपुटी गभर्नरलगायत केन्द्रीय कार्यालयका सातजना कर्मचारीलाई हिजो कोरोना संक्रमण पुष्टि भएपछि अधिकारीले आजदेखि होम क्वारेण्टिनबाटै कार्यालयको काम गर्ने भएका हुन् । झण्डै एक महिनाअघि पनि उनी एक साता होम क्वारेण्टिनमा बसेका थिए ।

स्रोतका अनुसार बैंक सुपरीवेक्षण विभाग र संस्थागत योजना विभागका २४ जना कर्मचारीको स्वाब परीक्षण गर्दा सात जनामा कोरोना संक्रमण पुष्टि भएको हो । तीमध्ये एक जना डेपुटी गभर्नर शिवराज श्रेष्ठ, दुई जना संस्थागत योजना विभागका, तीन जना बैंक सुपरीवेक्षण विभागका र एक जना सामान्य सेवा विभागका कर्मचारी रहेको बताइएको छ ।

केन्द्रीय कार्यालयमा एकैपटक सातजनामा कोरोना पुष्टि भएपछि आजदेखि केन्द्रीय बैंकको काम नै प्रभावित हुनसक्ने एकजना कार्यकारी निर्देशकले बताएका छन् । गत साउन र भदौमा मात्र अधिकांशको स्वाब परीक्षण गरिएको थियो । तर, त्यत्तिबेला परीक्षण नेगेटिभ आएपछि कर्मचारीले आफू सँधैका लागि कोरोनामुक्त भएको झैँ व्यवहार गरेकाले अहिले भित्रभित्रै फैलिएको हुनसक्ने स्रोतको दाबी छ ।