Month: February 2022

काठमाडौँ । शिक्षा, विज्ञान तथा प्रविधिमन्त्री गिरिराजमणि पोखरेलले कोरोना जोखिमको विषम स्थितिमा कक्षा १२ को परीक्षा विद्यार्थी जहाँ छन्, त्यहीँबाट पनि दिन सकिने गरी तयारी गर्न राष्ट्रिय परीक्षा बोर्डलाई निर्देशन दिएका छन् ।

आगामी मङ्सिर ९ देखि १६ गतेसम्म सञ्चालन हुने सो परीक्षाका सन्दर्भमा आज शिक्षामन्त्री गिरिराजमणि पोखरेलले बोर्डका पदाधिकारीलाई सिंहदरबारस्थित मन्त्रालयमा निर्देशन दिँदै विद्यार्थीहरु जहाँ छन्, त्यहीँबाट स्वास्थ्य मापदण्ड पूरा गरी परीक्षामा सामेल गराउन भनेका हुन्। मन्त्री पोखरेलले विद्यार्थीलाई इन्टरनेटमा समस्या भएमा सम्बन्धित विद्यालयले डाटामार्फत सुविधा दिएर बोर्डमा लेखेर परीक्षा दिलाउन निर्देश गर्नुभएको मन्त्री पोखरेलका सचिवालयका सदस्य विनोद न्यौपानेले जानकारी दिए। छलफलमा जिल्लास्थित शिक्षा विकास तथा समन्वय इकाइ र स्थानीय तहलाई थप प्रभावकारी बनाउने पनि निर्णय भएको छ । छलफलमा मन्त्रालयका सचिव गोपीनाथ मैनाली, बोर्डका अध्यक्ष डा चन्द्रमणि पौडेल, सदस्यसचिव दुर्गाप्रसाद अर्याल र मन्त्रालयका सहसचिव दीपक शर्मा सहभागी थिए ।
परीक्षा सामाजिक दूरीसहित छोटो अवधिका सञ्चालन गरी ४० प्रतिशत प्राप्ताङ्कका लागि लिइने गरी तयारी भएको छ । विद्यार्थीको २० प्रतिशत नम्बर आन्तरिक मूल्याङ्कन र ४० प्रतिशत कक्षा ११ को नम्बरबाट गणना गरिनेछ । बोर्डले जिल्ला बाहिर रहेका परीक्षार्थीको विवरण सङ्कलन गरी परीक्षामा सामेल गराउन तयारी गरेको छ ।
बोर्डले सार्वजनिक गरेको परीक्षा कार्यतालिकामा कोभिड १९ सङ्क्रमित भएका परीक्षार्थीलाई परीक्षामा सामेल नहुन अनुरोध गर्दै त्यस्ता परीक्षार्थीका लागि नेपाल सरकारको मान्यताप्राप्त प्रयोगशालाको रिपोर्टका आधारमा पछि छुट्टै व्यवस्था गर्नेछ । कोरोना महामारीको जोखिमका कारण गत वैशाख ८ गतेदेखि हुने भनिएको सो परीक्षा स्थगन भएको थियो ।

काठमाडौँ । पूर्वसभामुख तथा प्रतिनिधिसभा सदस्य कृष्णबहादुर महरालाई पत्नी शोक परेको छ । उनकी पत्नी सीताको उपचारका क्रममा आज बिहान थापाथलीस्थित नर्भिक अस्पतालमा निधन भएको हो ।

१० वर्षदेखि माइस्थेनिया रोगबाट पीडित महरालाई पछिल्लो समय श्वासप्रश्वास र निमोनियाको समस्या देखिएपछि यही कात्तिक १४ गते थप उपचारका लागि दाङबाट काठमाडौँ ल्याइएको थियो । दशैँमा पुख्र्यौली घर रोल्पा मेवाङ गएको बेला स्वास्थ्यमा समस्या देखिएपछि उनलाई यही कात्तिक १३ गते दाङमा रहेको गोर्खा अस्पतालमा भर्ना गरिएको थियो ।

उपचारका क्रममा उनमा कोरोना पुष्टि भएको पारिवारिक स्रोतले जनाएको छ । पूर्वसभामुख पत्नी महरा ५९ वर्षकी थिईन । उनको पूर्वसभामुख महरासँग २०३५ सालमा विवाह भएको थियो । उनको दुई छोरा र दुई छोरी छन् ।

काठमाडौँ । हेलम्बुलाई स्याउको गाउँ बनाइने भएको छ । करिब ३७ वर्षपछि सिन्धुपाल्चोकको पर्यटकीय गाउँ हेलम्बुमा फेरि स्याउ फल्न थालेपछि हेलम्बुलाई पुनः स्याउको गाउँ बनाउन स्थानीयवासी जुटेका छन् । विसं २०४० सालपछि स्याउ फल्न छाडेको र स्याउमा रोग लागेपछि स्याउका रूख नै काटिएको थियो ।

अहिले हेलम्बुलाई फेरि स्याउको गाउँ बनाउन स्थानीय युवाहरू जुटेका छन् । स्याउ फल्न शुरू गरेको पहिलो वर्षमै ३०० किलोभन्दा बढी स्याउ बजारमा बेचिसकेको स्थानीय रेन्जेन ह्योल्मोले बताए । हेलम्बु क्षेत्रमा वर्षा भइरहने र बढी चिसो हुने भएका कारण स्याउ मीठो हुने पनि उनले बताए ।

स्याउकै कारण हेलम्बुको पहिचान भएको र त्यसलाई गुम्न नदिने अठोटका साथ फेरि खेती शुरू गरेको पेमाल्हामु शेर्पाले बताए । स्याउ फल्न शुरू गरेकाले अब स्थानीय सरकारले बजार र प्राविधिकको प्रबन्ध गर्नु पर्ने किसानहरूको भनाइ छ । “गाउँमा कृषि प्राविधिक नहुँदा रोग र कीराको प्रकोपबाट स्याउका बोटलाई जोगाउन समस्या परेको छ”, मेलम्चीघ्याङका कामी लामाले भने, “सरकारले यसतर्फ ध्यान देओस् भन्ने चाहन्छौँ ।” त्यस्तै स्याउ फुल्ने समयमा असिना पर्ने गरेका कारण थप समस्यामा परेको उनले भने ।

नेपाल मात्रै नभई भारत र तेस्रो मुलुकमा समेत चर्चा कमाएको हेलम्बुको स्याउ पहिलेजस्तै फेरि लटरम्मै फलाउन र हेलम्बुलाई चिनाउन सबै गाउँमा स्याउका बिरुवा रोपिएको छ । हेलम्बु मात्र होइन अहिले यस क्षेत्रका मनोरम गाउँ किउल, बरुवा र बाँसखर्कका हिमाली गाउँमा पनि स्याउ खेती शुरू गरिएको छ । बजार नभएकाले पहिले उत्पादन गरिएको स्याउ किसानले गाईवस्तुलाई खुवाउने गरेका थिए ।

गाउँपालिकाले पनि स्याउ उत्पादन गर्ने किसानहरूलाई विशेष सहुलियत दिने र हेलम्बुलाई स्याउको गाउँ बनाउने लक्ष्य राखेको गाउँपालिकाका अध्यक्ष निमा ग्याल्जेन शेर्पाले बताए । मनाङ एग्रोबाट बिरुवा ल्याएर परीक्षण गरिएकोमा राम्रो उत्पादन भएका कारण अब अन्य ठाँउमा पनि लगाइने गाउँपालिकाले बताएको छ ।

वि.सं. २०७७,कार्तिक–१९, बुधवार,ई.सं.२०२० नबोम्वर ०४,शक संवत्–१९४२,नेपाल संवत्–११४० कौलागा,प्रमादी,दक्षिणायन,शरद,कार्तिक कृष्णपक्ष तिथि–चतुर्थी , २६ः११ बजे उप्रान्त पञ्चमी,नक्षत्र–मृगशिरा , २७ः०३ बजे उप्रान्त आर्द्रा,योग–परिघ ०६ः२९ बजेदेखि शिव , ३०ः०९ बजे उप्रान्त साध्य,करण–वव १३ः४१ बजेदेखि वालव , २६ः११ बजे उप्रान्त गर,चन्द्रराशि–वृष,आनन्दादि योग–अमृत, सूर्योदय–०६ः१७, सूर्यास्त–१७ः१६,दिनमान–२७ घडी २६ पला ।

मेष (चू,चे,चो,ला,लि,लू,ले,लो,अ) – मनमा कुरा खेल्नेछ,अपराह्नदेखि काम बिग्रने भयले सताउन सक्छ,आर्धिक लेनदेनमा विवाद हुनेछ,तातो रिस गर्नाले काम बिग्रिनेछ,यात्रा घातक बन्ने छ ,आजको शुभ अंक १० रहेको छ ।

बृष (ई,ऊ,ए,ओ,वा,वी,वू,वे,वो) – नसोची दियको बोलि वचनले गर्दा अफ्ठेरोमा परिनेछ,अध्ययनमा सफल हुनुका साथै ज्ञानलाई सदुपयोग गर्ने अवसर प्राप्त हुनेछ,दिन भरि दोधारमा बित्नेछ,आजको शुभ अंक ३ रहेको छ ।

मिथुन(का,की,कू,घ,ङ,छ,के,को,हा) – मित्रजनको सद्भाव कायम रहे पनि अप्ठ्यारा परिस्थिति सामना गर्नुपर्ला,स्वास्थ्यका लागि खानपानमा सजग रहनुहोला,घरपरिवारमा मेलमिलाप हुनेछ,आजको शुभ अंक २ रहेको छ ।

कर्कट(ही,हू,हे,हो,डा,डी,डु,डे,डो) – धर्मकर्म तथा परोपकारमा प्रवृत्त भइएला,स्वास्थ्यका लागि खानपानमा सजग रहनुहोला,दाम्पत्य जीवन सुखद तथा समृद्ध बन्ने देखिन्छ,आजको शुभ अंक १ रहेको छ ।

सिहं(मा,मी,मू,मे,मो,टा,टी,टू,टे) – बिबादिद काममा लगनशीलताले मात्र परिस्थितिलाई बदल्न सक्छ,बेसुरमा दिइएको वचनले अप्ठ्यारो पर्नेछ,विश्वास जित्नै अघि बढ्न सकिने छ,आजको शुभ अंक ६ रहेको छ ।

कन्या(टो,पा,पी,पु,ष,ण,ठ,पे,पो)– भेटघाटमा बेस्ताता भइनेछ,शत्रुहरु परास्त हुनेछन,पढाइ लेखाईको क्षेत्रमा उच्चतम सफलता हात लाग्नेछ,खानपानमा विचार गर्नु होला,आजको शुभ अंक ५ रहेको छ ।

तुला(रा,री,रु,रे,रो,ता,ती,तू,ते) – शत्रुहरु हावी हुनेछन,कमजोरीको फाइदा लिनेहरू सक्रिय रहने विश्वासघात हुन सक्छ,ठुला व्यक्ति संगको भेटघाटले कार्यशक्तिमा पढ़ावा दिनेछ,आजको शुभ अंक ९ रहेको छ ।

बृश्चिक (तो,ना,नी,नू,ने,नो,या,यी,यू)– खानपान र हिडडुलमा बिशेष चनाखो रहनुपर्ला,आफ्नै विवेक ले काम गर्नु होला,साझे दारीको काममा संकट आउनेछ,दैनिकी कार्य सहज हुनेछ,आजको शुभ अंक २ रहेको छ ।

धनु(ये,यो,भा,भी,भू,ध,फा,ढा,भे)– संकल्प गरेको काम सफल हुनेछ,धार्मिककार्यमा वैज्ञानिक माध्यमहरुले अघिबढाउन सफल हुनुहोला,धार्मिक कार्यमा समय बित्नेछ,मुद्दा मामिला परिनेछ,आजको शुभ अंक ७ रहेको छ ।

मकर(भो,जा,जी,जू,जे,जो,ख,खी,खू,खे,खो,गा,गी) – संघर्ष गरेरै अधिकार स्थापित गर्न सकिनेछ,पेट सम्बन्धि समस्या हुनेछ,परिवारमा सामान्य विवाद हुनेछ,विश्वास गरेका व्यक्तिले धोका दिने छन्,आजको शुभ अंक ४ रहेको छ ।

कुम्भ(गू,गे,गो,सा,सी,सू,से,सो,दा)– आम्दानी बढ्ने छ,सकारात्मक सोचाई रहने छ,स्वास्थ्यमा समस्या आउने छ,आफ्ना योजना गोप्य राखेर अघि बढ्दा फाइदा हुनेछ,भोज भतेरमा ख्याल गर्नु होला,आजको शुभ अंक ८ रहेको छ ।

मीन(दी,दू,थ,झ,ञ,दे,दो,चा,ची) – बोलीमा विचार पुराउनु होला,अपराह्नदेखि काम बिग्रने भयले सताउन सक्छ,विविध काममा अवरोध आउनेछ,आफन्त बाट सहयोग हुनेछ, सहयोगी मित्रहरु बढ्नेछन्,आजको शुभ अंक ७ रहेको छ ।

दीपकराज गिरी, दीपाश्री निरौला, केदार घिमिरे र जितु नेपालको समुहलाई नेपाली फिल्म क्षेत्रको शक्तिशाली टिम भन्ने गरिन्छ । ‘६ एकान ६’ देखि पछिल्लो रिलिज फिल्म ‘छ माया छपक्कै’ सम्म आइपुग्दा यो टिमले बनाएका हरेक फिल्मले बक्सअफिसमा ठूलो सफलता हात पारेका छन् । यसैले यो टिमका फिल्मसँग हलमा जुध्न र दुश्मनी होल्न हत्तपत्त कसैले हिम्मत गर्दैनन् ।

तर, फिल्म क्षेत्रमा आफ्नो प्रभुत्व कायम गरेको ‘छक्का पञ्जा’ टिम फुटको संघारमा पुगेको छ ।‘६ एकान ६ र ‘वडा नम्बर ६’ पछि दीपक(दीपाको टिमबाट सिताराम कट्टेल र कुञ्जना घिमिरे अलग भए । अब जितु नेपाल पनि बाहिरिएको चर्चा चलेको छ । ‘छक्का पञ्जा’ टिमका भरपर्दा कलाकार मानिने जितुमाथि दीपकराज गिरी र दीपाश्री निरौलाले प्रतिसोध साँधेको कतिपयको टिप्पणी छ ।

‘छक्का पञ्जा’ टिममा विवाद उत्पन्न हुनुको प्रमुख कारण ‘मुन्द्रेको कमेडी क्लब’ बाट दीपाश्रीको बर्हिगमनलाई मानिएको छ । ‘महानायक’ विवादमा मुछिएपछि शोको निर्माण कम्पनी ‘कि इन्टरटेन्मेन्ट’ लाई प्रायोजक कम्पनीले दीपाश्रीलाई अध्यक्षबाट हटाउन दबाब दिएका थिए । उनलाई शोमा राख्न जितु नेपालले पनि अडान नराखेपछि दीपाश्रीलाई शोबाट हटाइएको बताइन्छ ।

तर, ‘मुन्द्रेको कमेडी क्लब’ बाट दीपाश्रीलाई हटाउनुमा जितुको नै प्रमुख हात रहेको भन्ने बुझाइ ‘छक्का पञ्जा’ टिमको छ । यसैको प्रतिसोध साँध्न दीपक(दीपाले ‘छक्का पञ्जा’ टिमबाट जितुलाई हटाउने निर्णय गरेको स्रोत बताउँछ । यद्यपि, यो टिमबाट जितु नेपाल अलग भएको आधिकारिक जानकारी दीपक(दीपाले दिएका छैनन् । तर, टिम परिवर्तन हुनसक्ने संकेत भने दिएका छन् ।

स्रोतका अनुसार, ‘मुन्द्रेको कमेडी क्लब’ को अध्यक्षबाट दीपाश्रीलाई हटाउने निर्णय भएदेखि जितु र दीपक(दीपाबीच भेटघाट र फोनवार्ता भएको छैन । यो कुरा जितु स्वयं स्वीकार गर्छन् । केही समयदेखि आफूहरुबीच कुराकानी नभएको जितुको स्वीकारोक्ति छ । दशैंअघि ‘छक्का पञ्जा ४ र छ माया छपक्कै २’ फिल्मको विषयमा भएको छलफलमा समेत जितु नेपाल अनुपस्थिति थिए ।

‘मुन्द्रेको कमेडी क्लब’ पूर्ननिर्माण भए झैँ ‘छक्का पञ्जा’ टिम पनि पूर्ननिर्माण हुने दीपकराज गिरीले बताएका छन् । अब बन्ने एकरदुईवटा फिल्ममा जितु नदेखिन सक्ने संकेत उनले गरेका छन् । कलाकार परिवर्तन नहुँदा फिल्मको लुक एउटै भएकाले अब बन्ने फिल्ममा कास्टिङमा हेरफेर हुनसक्ने उनको भनाई छ । तर, जितुसँग सम्बन्ध विग्रिएको कुरालाई उनी अफवाह बताउँछन् ।

‘छक्का पञ्जा’ टिममा शिवहरी पौडेल, निर्मल शर्मा र विल्सन विक्रम राईको प्रवेश भएको दीपकराजले जानकारी दिएका छन् । किरण केसी पनि यो टिमसँग सहकार्य गर्न तयार रहेको बुझिएको छ । जितु नेपाललाई हटाएर दीपक–दीपा ‘छक्का पञ्जा’ टिमलाई थप बलियो बनाउने कसरतमा देखिएका छन् । जितु विनाको दीपकदीपाको समुह कस्तो बन्ला ? त्यो भने हेर्न बाँकी नै छ । स्रोतः फिलिमी खबर