Month: February 2022

काठमाडौं । अर्थमन्त्री विष्णुप्रसाद पौडेलले नेपाल आर्थिक पत्रकार संघ (नाफिज)को नवनिर्वाचित कार्यसमितिलाई स्वागत गरेका छन् । मन्त्री पौडेलले शुक्रबार आफ्नै कार्यकक्षमा नवनिर्वाचित अध्यक्ष मोदनाथ ढकालसहित कार्यसमितिसँग भेट गरेका हुन् ।
सो अवसरमा मन्त्री पौडेलले अर्थ मन्त्रालय र आर्थिक पत्रकारको सम्बन्ध नङ र मासुजस्तो भएको बताए । सरकारको काम कारबाहीलाई समाजले कसरी हेरेको बुझ्नका लागि सञ्चार माध्यममा आएका समाचार तथा टिप्पणी हेर्नुपर्ने उनको बुझाई थियो ।
यसअर्थमा आर्थिक पत्रकारको क्षमता विकासमा आफू प्रतिबद्ध रहेको बताउँदै मन्त्री पौडेलले पत्रकारको आलोचनात्मक टिप्पणीलाई संकुचन कदापी नगर्ने बताए । उनले भने, “तपाईंहरुको आलोचनात्मक समीक्षा निर्वाध प्रष्फुटित हुनुपर्छ ताकि हामी हाम्रो काम कारबाहीको यथार्थ विवरण जान्न सकुँ ।”
मन्त्री पौडेलले नाफिजले यसअघि दिएको सुझाव अध्ययनपछि आफ्नो धारणा सार्वजनिक पनि गरेका छन् । “पत्रकारको समस्याका बारेमा हामी सचेत भएका छौं,” पौडेलले भने, “यी सुझाव र समाधानको उपायलाई लिपिवद्ध गरौं । पत्रकारको लेखन वृत्ति, क्षमता वृद्धि तथा फिल्डमा गएर समाचार संकलन गर्न पहुँच हुनुपर्छ भन्ने कुराई मेले गम्भीर रुपमा मनन गरेको छ र आउने दिनमा लिन्छु पनि ।”
सो अवसरमा मन्त्री पौडेलले कोभिडले सिर्जना गरेको विषम परिस्थितिबाट समाज र अर्थतन्त्रमा गहिरो प्रभाव परेको स्वकिार्दै अब नेपाल र नेपाली जनता कोभिड विरुद्धको लडाईंमा जित्ने क्रममा पुगेको आफूले महसुस गरेको बताए । कोभिडको प्रत्यक्ष प्रभाव राजस्व परिचालन, अन्तर्राष्ट्रिय सहयोग, आर्थिक वृद्धि तथा समाजमा बहुआयामिक रुपमा परेको यसलाई जित्ने राज्यपक्ष र आम नागरिकसमेत सबै सरोकारवाला मिलेर लड्नुपर्र्ने दिन आएको उनको भनाइ छ ।
“सुरुका दिनमा उपचार छैन भनिन्थ्यो, अहिले खोप विकासित भएको छ,” पौडेलले राज्य सबै नागरिकलाई निःशूल्क खोप उपलब्ध गराउने सोचसहित अघि बढेको दाब िगर्दै उनले थपे, “सुरुमा फ्रन्टलाइनर, त्यसपछि वृद्ध हुँदै सबै नेपाली नागरिकलाई निःशूल्क खोप दिइन्छ । यो कार्यका लागि स्रोतको अभाव हुँदैन । र, कुने नागरिकले खोप लगाएवापत् शूल्क तिर्नुपर्दैन ।”
विश्वबजारमा सहज उपलब्ध हुन थालेपछि नेपाली पनि खोपबाट लाभान्वित हुने उनको जिकिर छ । पौडेलले भने, “स्रोतको प्रबन्ध अर्थकै जिम्मेवारी हो । म यो कुरा विश्वस्त गराउन चाहन्छु कि स्रोतको अभाव हुने छैन । जसरी कोभिड परीक्षण र उपचार निःशूल्क गरियो, खोप पनि राज्यले निःशूल्क नै उपलब्ध गराउने छ ।”
आयातको लागि खोप विकास गर्न सफल मुलुकसँग कुटनीतिक कुराकानी भइरहेको जानकारी उनले गराए । अब, आर्थिक जीवनलाई पुरानै लयमा फर्काउन राज्यको प्रयास रहेको बताउँदै उनले अर्थतन्त्रलाई फेरि गतिशील, चलायमान र उपलब्धीउन्मुख बनाउने प्रतिबद्धता गरे । राज्यले निजीक्षेत्रलाई प्रोत्साहन गर्ने नीति सार्वजनिक पनि गरेको उनको भनाइ छ ।
मन्त्री पौडेलले अर्थतन्त्रलाई सबल सक्षम र गतिशील बनाउने जिम्मेवारी आफ्नो काँधमा रहेको बताउँदै रचनात्मक सहयोगका लागि आर्थिक सञ्चारकर्मीसँग आह्वान पनि गरे ।
सो अवसरमा उनले वर्तमान राजनीतिमा बादल झैं समस्याका झाँकी देखिएका र समयानुसार यी विषय समाधान हुने बताए । उनको भनाइ छ, “अस्थिरतालाई हामीले अस्वीकार गरिसकेका छौं ।”
भेटका क्रममा नाफिजका नवनिर्वाचित अध्यक्ष ढकालले नाफिज सक्रिय आर्थिक पत्रकारहरुको साझा संस्था भएको जानकारी गराए । आर्थिक पत्रकारको क्षमता विकास र सीप निर्माण गर्दै उनीहरुको कल्याणकारी र्कामा लाग्ने प्रतिबद्धता सहित आफूले नेतृत्व लिने र त्यसका लागि सरकारी, निजी तथा अन्तर्राष्ट्रिय संघ संस्थासँग सहकार्य गर्ने योजना आफ्नो रहेको उनले सुनाए ।

भोजपुर । भोजपुरमा पहिलोपटक भुवादार जापानी तीतेपातीको व्यावसायिक खेतीको शुरुआत गरिएको छ । थोरै लगानीमा आम्दानी लिन सकिने तथा प्रयोगविहीन जमिनलाई सदुयोग गर्ने लक्ष्यका साथ यसको खेती शुरुआत गरिएको हो ।

अरुण गाउँपालिका–४ चरम्वी र्याङका दुई युवा मिलेर तीतेपातीको व्यावसायिक खेती शुरु गरेका हुन् । छोटो समयमा उत्पादन हुने तथा विभिन्न जडीबुटीका लागि बजार मागसमेत राम्रो भएकाले यो खेतीको शुरुआत गरेको उनीहरुले बताएका छन् । उनीहरुले सङ्खुवासभाबाट विरुवा ल्याएर करिब दुई रोपनी क्षेत्रफलमा करिब आठ हजार तीतेपातीको खेती शुरु गरेका हुन् ।

अहिले दुई रोपनी क्षेत्रफलमा परीक्षणको रूपमा लगाएको र राज्यको तर्फबाट आवश्यक आर्थिक तथा प्राविधिक सहयोग भएमा थप ६० रोपनी क्षेत्रफलमा विस्तार गर्ने योजना रहेको कृषक झिलबहादुर राईले जानकारी दिनुभयो । तीतेपातीलाई प्रत्येक १५ देखि २० दिनमा सङ्कलन गर्न सकिने कृषक राईले बताउनुभयो । कच्चा पदार्थको रूपमा यसको सुकेको पात तथा डाँठ प्रतिकेजी रु ५० मा बिक्री हुने उहाँको भनाइ छ । कृषक राईले भन्नुभयो, “हामीले गत भदौ महिनाबाट व्यावसायिक खेती शुरु गरेका छौँ, हामीले आठ हजार बिरुवा लगाएका छौँ, कच्चा पदार्थ प्रतिकेजी रु ५० देखि ६० सम्ममा बिक्री हुन्छ ।”

डिभिजन वन कार्यालय भोजपुरले जिल्लामा यसको विस्तारका लागि आवश्यक प्रक्रिया अगाडि बढाएको छ । बाँदरलगायत अन्य वन्यजन्तुको कारण स्थानीय बसाइँ सर्दा धेरै जमिन बाँझिदै गएकाले तीतेपाती खेतीलाई विस्तार गर्न सके स्थानीयवासीको आर्थिक विकासमा टेवा पुग्ने कार्यालयको भनाइ छ ।

यसको सम्भावनाको विषयमा थप अध्ययन, अनुसन्धान गर्ने र राम्रो हुने देखिएमा पकेट क्षेत्र बनाएर वैकल्पिक खेतीको रूपमा जिल्लाका अन्य स्थानमा समेत विस्तार गर्ने डिभिजन वन कार्यालय भोजपुरका प्रमुख विष्णुलाल घिमिरेले बताउनुभयो ।

प्रमुख घिमिरेले भन्नुभयो, “दुई युवाले तीतेपातीको व्यावसायिक खेती थाल्नुभएको रहेछ, आज हामीले यसको अनुगमन गरेका छौँ, अब यसको उत्पादन तथा बजारीकरण हेरेपश्चात अन्य ठाउँमा पनि पकेट क्षेत्र बनाएर विस्तार गर्ने हाम्रो योजना छ, जसले बाँझो जमिनलाई आयमूलक बनाउन सहयोग पुग्ने छ ।” बाँदरलगायत अन्य समस्याका कारण धेरै जमिन खेर गएको अवस्थामा तीतेपाती वैकल्पिक खेती हुनसक्नेमा स्थानीयवासी आशावादी देखिएका छन् । जिल्लामा पहिलोपटक खेती शुरु भएकाले आफू पनि यसको खेतीमा लाग्ने तयारीमा रहेको स्थानीय इन्द्रबहादुर कार्कीले बताउनुभयो ।

कार्कीले भन्नुभयो, “तितेपातीको खेती भइरहेको ठाउँमा गएर मैले पनि अनुगमन गरेँ, यसको लगाउने तरिका तथा अन्य प्राविधिक ज्ञानको विषयमा पनि जानकारी लिएँ, वन कार्यालयले पनि चासो लिएकाले मैले पनि खेती विस्तार गर्ने तयारी गरेको छु, वास्तवमा यसले बाँझो जमिनलाई प्रयोगमा ल्याउने देखियो, एकदम उपयोगी पनि लाग्यो ।”

धेरै मानिसहरु अन्यत्र जाँदा खेतीयोग्य जमिन बाँझिदै गएकाले यसको विस्तारमा सहयोग गर्ने वडा कार्यालयले जनाएको छ । तीतेपाती खेतीलाई राम्रो ढङ्गले आयआर्जनमा जोड्न सके बाँझो जमिनसमेत प्रयोगमा आउने कार्यालयको भनाइ छ । नमूनाको रूपमा खेती शुरु भएकाले यसको उत्पादन तथा बजारलाई हेरेर अन्य कृषकलाई समेत प्रोत्साहन गर्ने वडाध्यक्ष प्रेमकुमार राईले बताउनुभयो । उहाँले भन्नुभयो, “विज्ञहरुको कुरा सुन्दा तीतेपाती खेतीको राम्रो सम्भावना देखियो, धेरै लगानी पनि नचाहिने, खेर गइरहेका जमिनलाई प्रयोगमा ल्याउन सकिने भएकाले आगामी दिनमा यसको विस्तारमा कार्यालयको तर्फबाट पनि योजनावद्धरूपमा काम गछौँ ।”

तीतेपातीलाई बाँदरले समेत क्षति नगर्ने तथा आम्दानी लिन सकिने भएपछि वैकल्पिक खेतीको रुपमा विस्तार गर्न सके यसले स्थानीयवासीसँगै राज्यलाई समेत टेवा पुग्ने स्थानीय जानकारहरुले बताउने गरेका छन् ।

काठमाडौँ । ग्लोकल प्रा. लि. द्वारा आयोजित “ग्लोकल टीन हिरो २०२०” को उपाधि रामेछापकी मन्दिरा श्रेष्ठले जित्न सफल भएकी छन् । किशोरकिशोरीहरुमा भएको प्रेरणा र उत्साहलाई प्रस्फुटन गरी उनीहरुले समाजमा गरेको प्रभावकारी कार्यलाई कदर र अरु माझ चिनाउने कार्यक्रम “वाई वाई ग्लोकल टिन हिरो” नेपालको यो छैठौं संस्करण हो । आज भएको अन्लाईन कार्यक्रमको बिच ग्लोकल टीन हिरो नेपाल, २०२० को घोषणा गरिएको हो । भर्चुअल कार्यक्रममा श्रम, रोजगार र सामाजिक सुरक्षा मन्त्रालय, श्री रामेश्वर रे यादब ज्युले बिजेताको घोष्णा गर्नुभएको थियो । शिक्षा, उद्यमशीलता, कूटनीति, एवम अन्य विविध क्षेत्रका ब्यक्तित्वहरुको उपस्थितीमा यो कार्यक्रम सन्चालन गरिएको थियो ।

वाई वाई ग्लोकल टिन हिरोका अन्तिम ६ प्रतिस्पर्धीः एकराज घिमिरे, बातावरण विद्स मन्दिरा श्रेष्ठ, स्वास्थ्य अभिएन्तास रीत काफ्ले, शिक्षिकास सुभाश शर्मा, कोडरस सुलव सुबेदी, नवप्रबर्दक र वैभव नाहटा, उद्द्यमी बीच प्रतियोगिताको बिजेता चयन गरिएको थियो ।
सुश्री मन्दिरा श्रेष्ठ रामेछापकी १९ वर्षीया स्वास्थ्य कार्यकर्ता कर्मी एवमं अभिएन्ता हुन् । उनले “युपीआरमा बाल नेतृत्वको रिपोर्ट, २०२०” को टीम लीडरको रूपमा काम गरेकी छिन् । उनी एकीकृत राष्ट्रिय किशोर किशोरी फोरमको सदस्यको रूपमा पनि सक्रियरुपमा सहभागी भईरहेकी छिन् । त्यस्तै शिक्षामा महिलाको पहुचका लागि काम गर्दै उनी “ट्री पद्ममा चाईल्ड क्लबमा” सामाजिक स्वयम्सेवकको रुपमा काम गरिरहेकी छिन् । स्वास्थ्य क्षेत्रमा कामको अनुभब बटुलदै उनी एसआरएचआर क्षेत्रमा प्रशिक्षकको रुपमा पनि अग्रसर छिन ।
देश भरिका किशोर किशोरीहरुबाट कुल ६०४ आवेदन आएकोमा आज ग्लोकल टीन हिरो उपाधिबाट सम्मानित गरिएको हो । यी किशोरकिशोरीहरु समाजसेवा, बालअधिकार, खेलकुद, कृषि, मिडिया, पत्रकारिता, विज्ञान, प्रविधि र उद्यमशीलता, बातावरण संरक्षणजस्ता विविध क्षेत्रमा काम गरेर सकारात्मक सन्देश प्रवाह गरिरहेका छन । समाजमा रहेका असाधारण युवाहरुको पहिचान र सम्मान गर्नु नै यस कार्यक्रमको उद्देश्य रहेको छ ।

नेपालबाट २०१५ मा सुरु भई, काठमाडौंका किशोर किशोरीहरूलाई मात्र लक्षित गरेर पछि २०१६ सम्ममा यसले नेपालकाकै किशोर किशोरीहरूको लागि राष्ट्रिय मञ्च उपलब्ध गराउन राष्ट्रव्यापी रूपमा आफ्नो कार्य विस्तार गरेको थियो । हालसम्म नेपालका ५ किशोर किशोरिहरुलाई ग्लोकल टिन हिरो नेपालका रुपमा सम्मानित गरिएको छ भने ग्लोकल टिन हिरो ईन्डिया बाट दुईजना सम्मनित भएका छन र श्रिलंकामा एक किसोरि सम्मनित भएका छन । वाई वाई ग्लोकल टिन हिरो २०२० उपाधिको माध्यमबाट उनीहरुलाई थप प्रोत्साहन गरी उनीहरुलाई संसारमाझ चिनाएर अरु किशोरकिशोरीहरुलाई प्रेरणा दिलाउनु पनि यस कार्यक्रमको महत्वपूर्ण उदेश्य रहेको छ ।

अन्तिम ६ प्रतिस्पर्धीकोे कामको सुरुवात र प्रभावको आधारमा र व्यक्तित्व मापदण्ड, ज्ञान र दुरदर्सनको मापनको लागि अन्तर्बाता भएको थियो र आजको समरोहमा २०२० को बिजेता घोषणा गरिएको थियो । यस बर्षको निर्णायक टोलीमा श्री अब्दुल्ला टुन्सर केइसी (टर्कीस एयरलाइन्सका महाप्रबन्धक), श्री उज्ज्वल श्रेष्ठ (पञ्चकन्या समूहका कार्यकारी निर्देशक), श्रीमती रितु एस वैद्य (प्रबन्ध निर्देशक, युनाइटेड ट्रेडर्स सिन्डिकेट प्रा.लि.), श्री वरुन चौधरी (चौधरी समूहका कार्यकारी निर्देशक) र श्री अनिल चित्रकार (सिद्धार्थ इंकका अध्यक्ष) रहनु भएको थियो । यस बर्षको अन्तिम ६ प्रतिस्पर्धीहरुले ६ दिन लामो क्षमता बिकास कार्यशालामा सहभागी हुने अवसर प्राप्त गरेका थिए ।
यस वर्ष प्रतिस्पर्धा विभिन्न स्कूल, कलेज र समुदायहरूमा अन्तर्क्रिरयात्मक सत्रहरू र अनलाइन सक्रियता कार्यक्रम मार्फत किशोर किशोरीहरूमा राष्ट्रव्यापी पुगेको थियो । स्थापनाको वर्षमा, यो काठमाडौं उपत्यका भित्र मात्र सिमित भयता पनि अहिले आवेदनहरू देशका विभिन्न कुनाबाट आएका थिए । देशका विभिन्न स्कूल र कलेजहरूमा सक्रियता र सूचना सत्र सञ्चालन पछि यस वर्ष किशोर किशोरीहरूको लागि कुल अनलाइन पहुँच १०,००,०००ं रहेको थियो ।

देश भरिका प्रतिभावान किशोर किशोरीहरुलाई एकै साथ ल्याउन ग्लोकलसँग बिभिन्न सँगसंस्थाहरु साझेदारका रुपमा जोडीनु भएको थियो । ग्लोकल प्रा लि ले शीर्षक साझेदारको रूपमा वाई वाईसँग साझेदारी गरेको थियो, रणनीतिक साझेदारको रूपमा भारतीय दूतावास र युरोपेली संघ, पहल साझेदारको रूपमा सोल्टी क्राउन प्लाजा, पार्ट्नरका रुपमा कोका कोला, होन्डा, टोयोटा, पंचकन्या, डोल्मा, डिश होम फाइबरनेट, ब्रिटिश कलेज र डब्ल्यूडब्ल्यूएफ नेपाल, आतिथ्य पार्टनरः कोजी होम बीएन्डबी, एयरलाइन्स पार्टनरः टर्किर्श एयरलाइन्स, टेलिभिजन पार्टनर ः योहो टि.भी भ्मगअबतष्यल पार्ट्नरमा किंग्स कलेज, चेल्सी र विद्या संस्कार, एच् एबचतलभचस् ख् ( ऋजष्तचब र समर्थकमाः वर्ल्ड लिंक, ईसेवा, डिश होमगो , युवा, नेपाल युवा परिषद, ब्थ्इल्, प्धष्पक, ख्ष्भध थ्यगच ऋजयष्अभ, न्भलभकष्क ऋयिगम ब्अबमझथ, रहनु भएको थियो ।
किशोरावस्था र उनीहरूको सामाजिक कार्य परियोजनाहरूको राष्ट्रिय मान्यतालाई प्रोत्साहित गर्नु बाहेक, ग्लोकल टीन हीरो अवार्डले युवा नेतृत्व, नवीनता, र देशभर सामाजिक दृष्टिकोणले सकारात्मक प्रभाव पार्ने दिशामा उनीहरूको पाइलाहरू अनुसरण गर्न प्रेरणा दिइरहेका छ् र प्रशस्त अवसरहरू प्रदान गर्दै आएको छ ।

वाई वाई ग्लोकल अन्तराष्ट्रिय टिन सम्मेलन २०२० सम्पन्न
ग्लोकलले डिसेम्बर ९, १० र ११ गतेका दिन वाई वाई ग्लोकल अन्तराष्ट्रिय टिन सम्मेलन पनि भव्यताका साथ सम्पन्न भएको थियो । राष्ट्रिय विकासका बाधाहरु र संसारका विविन्न मुद्धाहरुलाई बुझ्न किशोरकिशोरीहरुको लागि यो एक मौकाको रुपमा आयोजना गरिएको थियो । यस सम्मेलनमा राष्ट्रिय तथा अन्तरास्ट्रिय किशोरकिशोरीहरुको उपस्थिति रहेको थियो । यसबर्षको सम्मेलन ग्लोकलको चौथो संस्करण रहेको थियो भने अफगानिस्थान, भारत, बंगलादेश, इन्डोनेसिया, अमेरिका, श्री लन्का, पाकिशतान तथा भीएतनाम लगाएतका देशहरुबाट उनीहरु सम्मेलनमा अन्लाईन उपस्थिती जनाएका थिए। उक्त सम्मेलनमा किशोरकिशोरीको अनुभव, विचार छलफल तथा ३ छुट्टा छुट्टै प्यानल छलफल भएको थियो । प्यानल छलफलका विषय उद्यमशीलता, शसक्तिकरण तथा सामाजिक दृष्टिकोण रहेको थियो ।

ग्लोकल अन्तरास्ट्रिय टिन सम्मेलन एक त्यस्तो मंच हो जहाँ किशोरकिशोरीहरुले उद्यमशीलता, शसक्तिकरण तथा सामाजिक दृष्टिकोण बारेमा सिक्न सक्छन । मित्रता गास्न र एक अर्काको संस्कृति बझन अन्तरक्रिया कार्यक्रम पनि राखिएको थियो । ग्लोकल अन्तराष्ट्रिय टिन सम्मेलन संसारभरीका किशोरकिशोरीहरु संग सञ्जाल को शुरुवात र विकास को अवसरहरु पहिचान गर्ने अवसर हो। दिगो मित्रता निर्माण र सांस्कृतिक आदानप्रदान का साथै उनीहरूको विचारहरु, दीक्षा, अन्तरदृष्टि, दृष्टिकोण र अनुभव साझा गर्न र विश्व मामिला आधारित प्रभावमा किशोरकिशोरीहरुलाई प्रतिबिम्बित गर्नु पनि यो सम्मेलन को लक्ष्य हो ।

सम्मेलनको दौरान बिभिन्न सत्र र प्यानल छलफलका साथै दुई विभिन्न कार्यशालाहरू पनि आयोजना गरिएको थियो। कार्यशाला श्री शौरब लोहानी ज्युद्वारा ग्रोथ माइन्डसेटको बारेमा आयोजना गरिएको थियो जुन किशोर किशोरीहरूलाई उनीहरूको निश्चित मानसिकताबाट मुक्त हुनका लागि र व्यक्तिगत र व्यावसायिक जीवनमा अथाह प्राप्त गर्न मद्दत गर्ने प्रयास हो। त्यस्तै, उद्यमशीलता सम्बन्धी कार्यशालामा अन्ताप्रेरणाका सीईओ तथा संस्थापक श्री नीरज खनाल ज्युबाट उनीहरूले उद्यमी सम्भावना र मानसिकता विकास गर्ने विचार प्राप्त गरे जुन २१ औं शताब्दीको एक आवश्यक सीप हो ।
सम्मेलनको एक सबै भन्दा रोमाञ्चक क्षेत्र परामर्श सत्र थियो ।सम्मेलनका सहभागीहरूले शिक्षा, उद्यमशीलता, कूटनीति, लगायत नेपालका विभिन्न क्षेत्रका नेताहरूसँग कुराकानी गर्ने अवसर पाएका थिए । परामर्शदातामासुश्री लतिका गोल्यान, निर्देशक, गोल्यान समूह, श्री नरोत्तम अर्याल, अध्यक्ष, किंग्स कलेज, नेपाल, श्री अमुन थापा, संस्थापक तथा सीईओ सस्तो डिल र फैजा परविन, ओपन स्पेस नेटवर्कका संस्थापक, सृष्टि के.सी, डब्लु डब्लु यफ नेपालको अभियान र शिक्षा अधिकारी, गौरव कँडेल, संस्थापक,भ्यू योर चोइस, श्री मनोज ज्ञवाली, नाबिल बैंकका उप महाप्रबन्धक, र दीपेन्द्र बज्राचार्य, माइक्रोसफ्टबाट हुनुहुन्थ्यो ।

तीन दिने वाई वाई ग्लोकल अन्तराष्ट्रिय टिन सम्मेलन विभिन्न देशका प्रतिभाशाली किशोर किशोरीहरुको उपस्थिति र उत्पादक अन्तर्क्रिरया, छलफल र प्रेरणादायक परामर्शसत्र सहीत औपचारिक रुपमा सफलतापूर्वक समापन भएको छ ।