Month: February 2022

काठमाडौँ । नेपाल कम्युनिष्ट पार्टी (नेकपा) नामको सम्बन्धमा परेको मुद्दाको फैसलामा पुनरावलोकन गर्न सर्वोच्च अदालतले अनुमति नदिने आदेश जारी गरेको छ ।
प्रधानन्यायाधीश चोलेन्द्रशम्शेर जबरा, र अन्या न्यायाधीशहरु तेजबहादुर केसी र प्रकाशकुमार ढुङ्गानाको पूर्ण इजलासले आज पहिलाकै फैसला सही भएको ठहर गर्दै नेकपा विवादको मुद्दाका पुनरावलोकन अनुमति नदिने आदेश जारी गरेको हो ।
सर्वोच्च अदालतले गत फागुन २३ गते नेपाल कम्युनिष्ट पार्टी नेकपा ऋषि कट्टेलको पार्टीको भएको र तत्कालीन नेकपा (एमाले) र तत्कालीन नेकपा माओवादी केन्द्र कानूनीरूपमा अलग–अलग पार्टी भएको भनी फैसला सुनाएको थियो । उक्त फैसलाको पुनरावलोकन गर्न गत फागुन १७ गते नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले सर्वोच्च अदालतमा पुगी पुनरावलोकन निवेदन दर्ता गरायका थीय ।
पुनरावलोकन निवेदनमा गत फागुन २३ गतेको फैसला सर्वोच्च अदालतको यसअघि प्रतिपादित नजिर र सिद्धान्तको प्रतिकूल गम्भीर त्रुटिपूर्ण रहेको हुँदा पुनरावलोकन हेरी त्रुटिपूर्ण आदेश बदर गरी संविधानअनुसार इन्साफ दिलाइपाऊँ भनी सर्वोच्चमा रीट दायर गरेका थीय ।
उक्त पुनरावलोकन निवेदनमाथि सुनुवाइ गर्नका लागि अदालतले अनुमति दिनुपर्ने हुन्छ । अदालतले पहिलाको फैसला सही भएको ठहर गर्दै आज पुनरावलोकनका लागि अनुमति नदिने आदेश जारी गरेको हो ।

काठमडौँ । सत्तारूढ नेकपा एमालेको सिफारिस अनुसार निर्वाचन आयोगले जानकीदेवी रामलाई रिक्त प्रतिनिधिसभाको सांसद पदको सपथका लागि संसद सचिवालयलाई पत्राचार गर्ने भएको छ।
निर्वाचन आयोगको आज बसेको बैठकले जानकीदेवीको नाम संसद सचिवालयलाई पठाउने निर्णय गरेको प्रवक्ता राजकुमार श्रेष्ठले जालकारी दिए।
एमाले सांसद सानु शिवाको निधनपछि दलित महिलाको क्लष्टरमा एक सांसद पद रिक्त रहेको थियो। दलित महिलाको क्लष्टरमा जानकीदेवीको अघि धनकुमारी सुनारको नाम थियो। तर उनले नेकपा एमाले परित्याग गरिसकेकी छन्। उनी विश्वभक्त दुलाल आहुतीको पार्टीमा प्रवेश गरेकी थिइन्। निर्वाचन आयोगले नाम संसद सचिवालयमा पठाएपछि सभामुख अग्नि सापकोटाले जानकीदेवीलाई सपथ ग्रहण गराउनेछन्।

काठमाडौं । प्रधानमन्त्री केपी शर्मा ओलीले आकस्मिक मन्त्रिपरिषद्को बैठक आह्वान गर्नुभयको छ । प्रधानमन्त्री ओलीले आज साँझ ६ बजेलाई सिंहदरबारमा
आकास्मीक बैठक आह्वान गर्नुभयको हो । भूकम्प पुनः निर्माण पछि नयाँ भवनमा प्रधानमन्त्रीको कार्यालय सरेपछि पहिलोपटक बैठक बस्न लागेको कृषि मन्त्री पद्मा अर्यालले बताउनुभयो । रेट्रोफिटिङ गरेको कार्यालय प्रधानमन्त्री ओलीले गत फागुन ३ गते उद्घाटन गर्नुभयको थियो । यसअघि बैठक प्रधानमन्त्री निवास बालुवाटारमा बस्ने गरेको थियो ।