Month: February 2022

प्रतिनिधिसभाको आजको बैठकमा एमसिसी होल्ड

काठमाडौं-निकै बिवादास्पद बन्दै गएको अमेरिकी सहयोग मिलेनियम च्यालेन्ज कर्पोरेशन (एमसिसी) आज संसदमा पेस नहुने भएको छ ।

एमसिसीका लागी बातावरण बनाउन हिजो बोलाइएको सर्वदलिय बैठकमा एमसिसीको सर्मथन भन्दा बिरोध बढी भएसँगै संसदमा पेस नहुने भएको हो ।

आजको बैठकमा अमेरिकी परियोजना अमेरिकी सहयोग मिलेनियम च्यालेन्ज कर्पोरेशन (एमसिसी) पेस गर्ने चर्चा ब्यापक रुपमा चलेको थियो ।

प्रधानमन्त्री शेरबहादुर देउवाले संसदमा एमसिसीअगाडि बढाउन चाहे पनि दलहरूबीच सहमति बन्न नसक्दा अगाडि बढ्न नसकेको हो।

बैठकअघि सभामुख अग्निप्रसाद सापकोटाले आह्वान गरेको कार्यव्यवस्था परामर्श समिति जारी रहेको सभामुखको प्रेसविज्ञ श्रीधर न्यौपानेले बताए ।

आजको बैठकमा एमसिसी पेश गर्ने चर्चा भइरहेपनि पेस नहुने स्रोतले बताएको छ ।

आजको बैठकमा यौनहिंसाविरुद्धका केही ऐन संशोधन गर्ने अध्यादेश र फौजदारी कसुर तथा फौजदारी कार्यविधिसम्बन्धी केही ऐन संशोधन गर्ने अध्यादेशलाई स्वीकृतिका लागि पेस हुने सम्भावित कार्यसूची छ।

तर, बैठकमा प्रमुख प्रतिपक्षी दल नेकपा ९एमाले०को अवरोध भने कायमै राख्ने भएको छ ।

मंगलबारको बैठकमा पनि विरोधलाई जारी राख्ने एमालेका प्रमुख सचेतक विशाल भट्टराई बताए।

प्रतिनिधिसभाको आजको बैठकमा एमसिसी होल्ड

माओवादी बागमती प्रदेश अध्यक्षमा सहयात्री निर्वाचित

लामो रस्साकस्सीबीच नेकपा (माओवादी केन्द्र)ले निर्वाचनको माध्यमबाट बागमती प्रदेश समितिको पदाधिकारी टुङ्गो लगाएको छ ।

गए राति सम्पन्न निर्वाचनबाट माओवादीको बागमती प्रदेश समितिको अध्यक्षमा सरल सहयात्री पौडेल निर्वाचित हुनुभएको छ ।

उहाँले १६२ मत ल्याउनुभयो । पौडेलको प्रतिस्पर्धी दीनानाथ गौतमले ८६ मत ल्याउनुभएको बागमती प्रदेश निर्वाचन समितिले जनाएको छ ।

यस्तै प्रदेश समितिको उपाध्यक्षमा रुपा महर्जन, रामप्रसाद ढुङ्गाना र प्रेमबहादुर पुलामी, सचिवमा इन्द्रबहादुर थिङ, सहसचिवमा दलबहादुर बुर्लाकोटी, माधवप्रसाद लामिछाने र प्रकाश श्रेष्ठ तथा कोषाध्यक्षमा सङ्गीता भट्टराई निर्वाचित हुनुभएको निर्वाचन प्रमुख सुन्दरराज रेग्मीले जानकारी दिनुभयो ।

प्रदेश समितिमा नौ सदस्यीय पदाधिकारी रहने पार्टीको विधानमा व्यवस्था रहेको छ ।

प्रदेश समितिका सदस्यमध्येबाट पदाधिकारी छनोट हुने व्यवस्था विधानमा छ ।

यसअघि माओवादीको दुई भौगोलिक र दुई गैरभौगोलिक प्रदेशको नेतृत्व चयन भइसकेको छ ।

गण्डकी प्रदेशको अध्यक्षमा गायत्री गुरुङ र कर्णाली प्रदेशको अध्यक्षमा विमला केसी तथा उपत्यका विशेष प्रदेशको अध्यक्षमा जगत सिंखडा र सम्पर्क समन्वय प्रदेशको अध्यक्षमा श्रीकृष्ण अधिकारी चयन हुनुभएको माओवादी पार्टी कार्यालयका मुख्यसचिव श्रीराम ढकालले जानकारी दिनुभयो ।

प्रदेशको नेतृत्वका आकांक्षी बढी हुँदा नेतृत्व चयनमा ढिलाइ हुँदै आएको थियो । माओवादीले गत मङ्सिर २५ गते एकसाथ सात भौगोलिक र दुई गैरभौगोलिक प्रदेशको सम्मेलन सम्पन्न गरेको थियो ।

पाँच प्रदेशमा नेतृत्व चयन बाँकी

प्रदेश सम्मेलन सम्पन्न भएको १० दिन बितिसक्दा पनि माओवादीले अझै पाँच प्रदेशको नेृतत्व टुङ्गो लगाउन सकेको छैन ।

प्रदेश नं १, प्रदेश नं २, लुम्बिनी, सुदूरपश्चिम र प्रवास समिति नेतृत्वविहीन बनेका छन् ।

सकेसम्म सहमति नभए निर्वाचनको माध्यमबाट जतिसक्दो छिटो प्रदेश पदाधिकारीको टुङ्गो लगाउन पार्टी हेटक्वार्टरले निर्देशन दिएको मुख्यसचिव ढकालले जानकारी दिनुभयो ।

सेल, टोल, वडा, शाखा, महाशाखा, पालिका तथा प्रदेश सम्मेलन सम्पन्न गरेको माओवादीले यही पुस ११ देखि १३ सम्म राजधानीमा राष्ट्रिय सम्मेलनको आयोजना गरेको छ ।

सम्मेलनले पार्टीका क्रान्तिकारी कार्यदिशा तय गर्ने बताइएको छ ।

माओवादी बागमती प्रदेश अध्यक्षमा सहयात्री निर्वाचित

काठमाडौँ-सभामुख अग्निप्रसाद सापकोटाले आज बिहान प्रतिनिधिसभा कार्यव्यवस्था परामर्श समितिको बैठक बोलाएका छन्।

आज अपराह्न १ बजे प्रतिनिधिसभाको बैठक बस्दैछ ।

बैठकअघि सभामुखले कार्यव्यवस्थाको बैठक बोलाएका हुन् ।

बिहान ११ः३० बजे नयाँ बानेश्वरस्थित सङ्घीय संसद् भवनको शङ्कर हलमा कार्यव्यवस्था परामर्श समितिको बैठक बस्ने सभामुखको सचिवालयले जनाएको छ ।

बैठकमा संसद्को कार्यसूचीलगायत विषयमा छलफल हुने सभामुख सापकोटाका सञ्चारविज्ञ श्रीधर न्यौपानेले जानकारी दिए ।

सभामुखले आवश्यक ठानेको अवस्थामा कार्यव्यवस्था परामर्श समितिको बैठक बस्ने व्यवस्था छ ।

समितिमा सरकारका तर्फबाट कानून, न्याय तथा संसदीय मालिमामन्त्री, प्रमुख प्रतिपक्षीसहित विभिन्न दलका प्रमुख सचेतकको सहभागिता रहन्छ ।

समितिमा बैठकको कार्यसूची, आगामी बैठकलगायत विषयमा छलफल हुनेछ ।

प्रमुख प्रतिपक्षी दल एमालेको निरन्तरको अवरोधका कारण संसद्को कामकारबाही प्रभावित हुँदै आएको छ ।

एमालेले आफूले कारबाही गरेका १४ सांसद पदमुक्त भएको सूचना टाँस नभएसम्म बैठक अवरुद्ध पार्ने बताउँदै आएको छ ।

काठमाडौं-नेकपा (माओवादी केन्द्र) का अध्यक्ष पुष्पकमल दाहाल (प्रचण्ड)ले नेकपा एमालेका अध्यक्ष केपी शर्मा ओली अहिले पनि प्रतिगमनकै बाटोमा रहेको आरोप लगाएका छन्।

समाजवादी प्रेस संगठन नेपालले आयोजना गरेको प्रतिगमनविरुद्धको कार्यक्रममा बोल्दै अध्यक्ष दाहालले एमाले अध्यक्ष ओली संसद अवरुद्ध गरिरहेकाले अहिले पनि प्रतिगमनकै बाटोमा रहेको पुष्टि भएको बताएका हुन्।

उनले ओलीले प्रतिगमनकै निरन्तरतास्वरुप सदन अवरुद्ध गर्ने काम गरिरहेको आरोप लगाएका हुन् ।

तत्कालीन नेकपामा माधवकुमार नेपाल, झलनाथ खनाल र आफूसँग पार्टीको हिस्सा ७५ प्रतिशत रहेको र त्यहीँ देखेर ओलीले संसद विघटन गरेको पनि प्रचण्डले बताए । ‘७५ प्रतिशत हामीसँग थियो । पार्टी यहीँ रुपमा चल्ने हो भने, पार्टीविहीन, चुनाव चिन्हविहीन हुने देख्नुभयो । र, कुटिल दिमागले प्रतिनिधिसभा विघटन गरे अर्काे निर्वाचन जाने र आफू सुरक्षामा हुन आत्मसुरक्षा चाले,’ अध्यक्ष प्रचण्डले भने, ‘बाहिर मलाई पार्टीभित्र कामै गर्न दिइएन र संसद विघटन गरेको हो भनेर भन्नुभयो । पार्टीभित्रको समस्या समाधान गर्ने पार्टीको विधि र विधान हुन्छ । र, संसदीयभित्रका समस्या हल गर्ने आफ्नै विधि र पद्धति हुन्छ । तर, जनताको सार्वभौमसत्तालाई विघटन गर्नुजस्तो निर्लज्जा के हुन्छ । र, अब यस्तो कहिल्यै हुननपाओस् भन्ने सन्देश दिनुछ ।’

बहसका क्रममा अध्यक्ष प्रचण्डले भने– ‘ओलीजी अहिले पनि प्रतिगमनकै बाटोमा छन् । उनले प्रतिगमन नसच्याएको त छँदै थियो । आजभोली तपाईं–हामीले सदनभित्र जे देखेर भोगीरहेका छौँ, त्यो प्रतिगमनकै निरन्तरता हो, उहाँको तर्फबाट । संविधान मिच्ने, लोकतान्त्रिक विधि परम्परालाई मिच्ने र प्रतिगमनका निम्ति वातावरण तयार पार्ने षड्यन्त्रमा उहाँ अहिले पनि लागिराख्नु भएकै छ । त्यो प्रतिगमनकै निरन्तरता हो ।’

उनले अहिले अदालतले ह्वीप नलाग्ने फैसला गरिसकेको, सभामुखले आफूले लिनुपर्ने निर्णय १३ दिनमै लिएको र कतै पनि संविधानको मर्म र भावनाविपरीत नभएको भन्दै अहिले संसद् अवरुद्ध गर्नुको औचित्य प्रतिगमन नै रहेको दाबी गरे।

अध्यक्ष दाहालले निर्वाचन आयोग र संसदले स्वीकार गरिसकेको कुरालाई नमान्नु भनेको लोकतन्त्रविरोधी भएको पुष्टि हुने बताए।

उनले अगाडि थपे,’निर्वाचन आयोगले मान्यता दिएको छ। अदालतले निर्णय गरिदिएको छ। संसदले स्वीकार गरेको छ। ५ दलीय गठबन्धन बनेर सरकार चलिरहेको छ। त्यो कुरालाई अस्वीकार गर्ने जो भनिएको छ यसबाट पनि उहाँको प्रवृत्ति भनेको बिल्कुल लोकतन्त्रविरोधी निरंकुश हो भन्ने कुरा प्रष्ट नै देखिन्छ।’

नेकपा एमालेले सभामुखको राजीनामा माग गर्नुपर्ने कुनै कारण नरहेको समेत बताएका छन् । अध्यक्ष प्रचण्डले भने– ‘ह्वीप लाग्दैन भन्ने अदालतको फैसला छ, सभमुखले १५ दिनभित्र लिनुपर्ने निर्णय १३ दिनमै लिनुभएको छ । त्यहाँ कतै ऐनको उलंघन पनि भएको छैन ।

अध्यक्ष दाहालले संसद् अवरोध गरिरहनुको कारण गठबन्धन तोड्नु रहेको बताए। उनले एमाले अध्यक्ष ओलीले गठबन्धन तोडाउनका लागि कांग्रेसलाई एकलौटी सरकार बन्न दिने र एमालेले त्यसमा सहयोग गर्ने साथै एमसिसी पास गराउन सहयोग गर्ने भनेर खुलेआम तर्क दिइरहेको दाबीसमेत गरे ।

अध्यक्ष प्रचण्डले एमाले अध्यक्ष ओलीले प्रतिगमनकारी शक्तिहरुसँग सहकार्य गर्ने कोसिस गरिरहेको समेत आरोप लागएका छन् ।

उनले भने– ‘उहाँले जस्ता शक्तिहरुसँग सहकार्य गर्ने कोसिस गर्नु भएको छ, ती प्रतिगमनकारी शक्तिहरुसँग नै हुन् । म के देख्छु भने उहाँको त्यो निरन्तर प्रयास भइरहेको छ त्यसले तपाईं–हामी सबैलाई पनि नकारात्मक ढंगले सर्तक हुन मद्दत नै गरेको छ ।’

संसद अबरुद्ध पार्नु प्रतिगमनको निरन्तरता हो : अध्यक्ष नेपाल

काठमाडौं-नेकपा एकीकृत समाजवादीका अध्यक्ष माधवकुमार नेपालले ओली पुनः प्रतिगमनको पक्षमा रहेको बताएका छन् ।

उनले ओलीले पुस ५ मा गरेको संसद बिघटनको प्रतिगमनलाई अहिले संसद अबरुद्ध परेर निरन्तरताका दिएको बताएका हुन् ।

केपी शर्मा ओलीले असंवैधानिक रुपमा प्रतिनिधिसभा विघटन गरेको दिनलाई ‘कालो दिन’को रुपमा व्यख्या गर्दै समाजवादी प्रेस संगठन, नेपालले सोमबार आयोजना गरेको ‘प्रतिगमनको खतरा, लोकतन्त्र र संविधानको रक्षा’ विषयक बहसमा सहभागी अध्यक्ष नेपालले यस्तो बताएका हुन् ।

विगतमा अग्रगमनकारी शक्ति एक हुँदा ओली प्रतिगमन असफल भएपनि ओली पुनः प्रतिगमनको पक्षमा रहेर संसद अबरुद्ध पार्दै आएको नेता नेपालले दावी गरे ।

ओलीले अहिले संसद अबरुद्ध पार्ने लगायतका गतिविधीको हिसाव किताव जनताले गरिरहेको समेत नेता नेपालले बताएका छन् ।

उनले भने ‘अब नेपालमा कुनैपनि प्रतिगमन सफल हुने छैन् । प्रतिगमनविरुद्ध संघर्ष गरेका राजनीतिक शक्ति एकै ठाउँमा छौ कुनै पनि परिस्थितिमा प्रतिगमन सफल हुन दिदैनौ ।’

अध्यक्ष नेपालले नेकपा एमाले वामपन्थी शक्ति नभएर रामपन्थी शक्ति भएको टिप्पणी समेत गरेका छन् ।

उनले ओलीले पछिल्ला समय नेपालमा वामपन्थी शक्तीलाई नै समाप्त पार्ने गतिविधी सञ्चालन गरेको आरोप लगाए ।

अध्यक्ष नेपालले भने– ‘आफूलाई असली वामपन्थी शक्तिको रुपमा दावी गर्दै आएको एमाले वामपन्थी नभएर रामपन्थी भएको छ,उनले भने ‘अग्रगमनकारी नभएर प्रतिगामी भएको छ, कसैवाट परिचालित छ,।’ ओलीले रामपन्थी भएर धर्मको नाममा राजनीति गर्दै छन् । धर्मको राजनीतिले हिंसा निम्त्याउने र सदभाव कायम नगर्ने नेता नेपालले बताए ।

उनले थपे ‘ नेपालको कम्युनिस्ट आन्दोलननै समाप्त पार्ने खेलमा ओली लागेका छन्,त्यो हामी कदापी सफल हुन दिदैनौ। ‘

पार्टी एकता गरेर इतिहासकै शक्तिशाली सरकारको नेतृत्व गर्ने अवसर दिइएका ओली एकाएक प्रतिगमनकारी भइदिएका कारण उपलब्धीहरु नै गुम्ने अवस्था आएको नेता नेपालले बताए ।

अध्यक्ष नेपालले भने ‘ उनी कसैबाट परिचालीत भएर प्रतिगमनकारी भएको हुन् सक्छन् । त्यो परिचालित प्रतिगमन कदापी सफल हुने छैन् । ’

कार्यक्रममा नेपाल सरकारका सुचना तथा सञ्चारमन्त्री ज्ञानेन्द्रबहादुर कार्की,समाजवादी जनता पार्टी,नेपालका संघीय परिषद् अध्यक्ष डा. बाबुराम भट्टराई,नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ लगायतका नेताहरुको उपस्थिती रहेको थियो ।

संसद अबरुद्ध पार्नु प्रतिगमनको निरन्तरता हो : अध्यक्ष नेपाल

प्रतिगमन स्थायी रुपमा कहिले पनि समाप्त हुँदैन: बाबुराम भट्टराई

काठमाडौं-समाजवादी जनता पार्टी,नेपालका संघीय परिषद् अध्यक्ष डा. बाबुराम भट्टराईले प्रतिगमन स्थायी रुपमा कहिले पनि समाप्त नहुने बताएका छन् ।

आज राजधानीमा समाजवादी प्रेस संगठन, नेपालले आयोजना गरेको कार्यक्रमलाई सम्बोधन गर्दै उनले उक्त कुरा बताएका हुन् ।

उनले भने,‘हामी एक भएर ओली प्रतिगमन त परास्त गरेका छौँ । तर, प्रतिगमन स्थायी रुपमा कहिले पनि समाप्त हुँदैन । कुनै न कुनै रुपमा प्रतिगमनले टाउको उठाउँछ । यसतर्फ सबै सचेत हुनुपर्छ । प्रतिगमनको टाउको नकिच्याएसम्म बेला–बेला टाउको उठाइरहन्छ ।’

आज केपी शर्मा ओलीले असंवैधानिक रुपमा प्रतिनिधिसभा विघटन गरेको दिनलाई ‘कालो दिन’को रुपमा व्यख्या गर्दै समाजवादी प्रेस संगठन,नेपालले ‘प्रतिगमनको खतरा, लोकतन्त्र र संविधानको रक्षा’ विषयक बहसमा आयोजना गरेको थियो ।

मन्तब्यकै क्रममा डा. भट्टराईले भने ‘पछिल्लो समय एमसीसी लगायतको नाममा पुनः प्रतिगमन हुन लागेको छ । उनले थपे,‘पुनः प्रतिगमनको खतरा छ । एमसीसी लगायतको नाममा पुनः प्रतिगमन हुन लागेको छ । त्यसैले प्रतिगमनविरुद्ध एक भएर संघर्ष गर्नुपर्छ ।’

ओली प्रतिगमनविरुद्ध संघर्ष गरेका राजनीतिक शक्तिहरुमा एमसीसीको नाममा फुट ल्याएर प्रतिगमन सफल बनाउने योजना बनिरहेको भन्दै भट्टराईले पाँच दलीय गठबन्धन जोगाउनुपर्नेमा जोड दिए ।

प्रतिगमन स्थायी रुपमा कहिले पनि समाप्त हुँदैन: बाबुराम भट्टराई

ओलीको प्रतिगमन गठबन्धनले परास्त गर्यो: मन्त्री कार्की

काठमाडौं-सूचना प्रविधि तथा संचारमन्त्री ज्ञानेन्द्रबहादुर कार्कीले व्यवस्था नै समाप्त पार्नेगरी केपी शर्मा ओलीले रचेको प्रतिगमन पाँच दलीय गठबन्धनले परास्त गरेको बताएका छन् ।

समाजवादी प्रेस संगठन नेपालले काठमाडौंमा आयोजना गरेको ‘प्रतिगमनको खतरा, लोकतन्त्र र संविधानको रक्षा’ शीर्षकको बहस कार्यक्रमलाई सम्बोधन गर्दै नेपाली कांग्रेसका केन्द्रीय सदस्यसमेत रहेका कार्कीले यस्तो बताएका हुन् ।

केपी शर्मा ओलीले असंवैधानिक रुपमा प्रतिनिधिसभा विघटन गरेको पुस ५ गतेलाई ‘कालो दिन’को रुपमा लिँदै समाजवादी प्रेस संगठन नेपालले काठमाडौंमा ‘प्रतिगमनको खतरा, लोकतन्त्र र संविधानको रक्षा’ शीर्षकको बहस कार्यक्रम आयोजना गरेको हो ।

उनले केपी शर्मा ओलीले रचेको प्रतिगमन असफल भएको र अब कसैले पनि व्यवस्थाका निम्ति संघर्ष गर्नु नपर्ने बताएका छन् ।

कार्यक्रम मन्त्री कार्कीले भने– ‘लामो संघर्षको बलमा स्थापित व्यवस्था समाप्त पार्न केपी शर्मा ओलीले प्रतिगमन रचेको भए पनि पाँच दलीय गठबन्धनले प्रतिगमन परास्त गरेकाले अब कसैले पनि राजनीतिक व्यवस्थाका लागि संघर्ष गर्नु पर्दैन ।’

देशलाई प्रतिगमनबाट व्यवस्था बचाएर शेरबहादुर देउवाको नेतृत्वमा नयाँ सरकार गठन गरेर समृद्धिको यात्रामा अघि बढेको भन्दै मन्त्री कार्कीले सम्भावित प्रतिगमनबारे सबै नागरिक सधै सचेत रहनुपर्ने समेत बताए ।

ओलीको प्रतिगमन गठबन्धनले परास्त गर्यो: मन्त्री कार्की