Month: February 2022

काठमाडौं । साझा यातायातले पहिलो चरणमा परीक्षणका लागि ल्याउन लागेका तीन वटा तातोपानी नाका आइपुगेको छ ।

चीनको उकालो सडकमा बिजली बसको ‘ग्रेडबिलिटी टेस्ट’ (उकालो तान्न सक्ने क्षमता) परीक्षण गरेपछि नेपालतर्फ ल्याइएको दी गो’ कम्पनीले जानकारी दिएको छ ।

पहिलो चरणमा साझाले तीन वटा बिजुली बस काठमाडौं ल्याउँदै छ ।

चीनको नानजिंगस्थित सीएचपीसी कम्पनीको विद्युतीय बसको कारखनामा ती बस तयार भएका हुन् ।

ती बस काठमाडौं आइपुगेपछि उपत्यकाका सडकमा प्ररीक्षण सफल हुनासाथ बाँकी ३७ वटा पनि ल्याउने साझाले जानकारी दिएको छ ।

काठमाडौं – मन्त्रिपरिषद्का पूर्वअध्यक्ष खिलराज रेग्मीले जनताको सुख, शान्ति र समृद्धि नै राज्यको मुख्य उद्देश्य रहेको हुँदा सबै प्रयासहरू त्यसैतर्फ केन्द्रित हुनु आजको आवश्यकता रहेको बताउनुभएको छ ।

नववर्ष–२०७९ को उपलक्ष्यमा सम्पूर्ण नेपाली दिदीबहिनी तथा दाजुभाइमा शुभकामना व्यक्त गर्दै उहाँले हामी त्यसतर्फ कति केन्द्रित भयौँ, समीक्षा गर्नुपर्ने आवश्यकता रहेको छ भन्नुभयो ।

पूर्वअध्यक्ष रेग्मीले सन्देशमा भन्नुभएको छ, “लामो समयदेखि आर्थिक, सामाजिक र सांस्कृतिकरूपले समृद्ध हुने आकाङ्क्षा राखेका हामी नेपालीहरू आफ्नो सुखद् भविष्यका लागि अनवरत सङ्घर्ष गरिरहेका छौँ ।”

राजनीतिकरूपले असङ्गतिपूर्ण अवस्थामा पुगेकै कारण कार्यपालिका, न्यायपालिका र संसद्लगायत धेरै क्षेत्र लथालिङगतर्फ उन्मुख रहेको बताउँदै उहाँले स्थानीय निर्वाचनलाई प्रत्यक्ष प्रजातन्त्रको प्रारूप पनि मान्न सकिने भएकाले हाम्रा मान्छे नभई योग्य र राम्रा मान्छेलाई उम्मेदवार बनाउन राजनीतिक दललाई सुझाव दिनुभयो ।

उहाँले सन्देशमा भन्नुभएको छ, अर्थतन्त्रलाई बेलैमा सम्हाल्दै राजनीतिक दल, नेतृत्व तहका व्यक्ति र नेपाली मात्रले नयाँ वर्ष राजनीतिकरूपले स्थिर र सवल, विकास र समृद्धिका लागि सही नीति र कार्यदिशा अवलम्बन गरी अन्तर्राष्ट्रिय सम्बन्धका दृष्टिले बढी सन्तुलित एवं विश्वसनीय बनाई स्वस्थ एवं सवल राष्ट्रको रूपमा पहिचान दिँदै अघि बढ्न सफल होऔँ भन्ने कामना गर्दछु ।

बुटवलमै प्राविधिक शिक्षाको उच्च तहका कक्षा सञ्चालनका लागि यहाँको पुरानो प्राविधिक शिक्षण संस्था बुटवल टेक्निकल इन्ष्टिच्युट (बीटीआइ)मा स्नातक तहको अध्यापन हुने भएको छ ।

आगामी शैक्षिक सत्रदेखि सो तहको अध्यापन सुरु हुन लागेको हो ।

बुटवल उपमहानगरपालिकाको सहयोगमा इन्स्टिच्युट र काठमाडौँ विश्वविद्यालय काठमाडौँको सहकार्यमा चार वर्षे ब्याचलर अफ टेक्निकल एजुकेशन (बीटेकएड), जनरल मेकानिकल इन्जिनियरिङ जनरल विषयको पठनपाठन गर्ने गरी गत पुसमा सम्झौता भएको थियो ।

यो कार्यक्रमले लामो समयदेखि स्नातक कार्यक्रम सञ्चालन गर्ने योजना पूरा भएको उपमहानगरका प्रमुख शिवराज सुवेदीले बताउनुभयो ।

आगामी असोजदेखि सुरु हुने शैक्षिक सत्रबाट कक्षा सञ्चालन गर्ने तालिका तय भएको बीटीआइका कामु कार्यकारी निर्देशक इन्जिनियर अभिमन्यु पन्थीले जानकारी दिनुभयो ।

विसं २०२१ मा तीन जना प्राविधिक तालिम दिइ सुरु भएको बीटीआइले हालसम्म २५ भन्दा धेरै प्राविधिकले तालिम प्राप्त गरिसकेका छन् ।

हाल उक्त इन्स्टिच्युटमा दुई वर्षे १२१ जना, चार वर्षे ७६ जना, प्रिडिप्लोमा १५३ जना गरी जम्मा ३३२ अध्ययनरत छन् ।

यसबाहेक छोटो अवधि तालिम कार्यक्रमअन्तर्गत तीन हजार १८४ ले तालिम लिइसकेका छन् ।

बीटीआइबाट उत्पादिन प्राविधिक जनशक्ति हाल देशका विभिन्न उद्योगमा रोजगार पाएर खपत भएका छन् ।

विभिन्न उद्योगीले यहाँबाट उत्पादित जनशक्तिलाई रोजगार प्रदान गर्दैआएको रुपन्देही उद्योग सङ्घका अध्यक्ष माधव पौडेलले जानकारी दिनुभयो ।

बीटीआइमै तीन वर्षे शैक्षिक डिप्लोमा कार्यक्रम थप गर्ने र छिट्टै बीटीआइलाई इन्जिनियरिङ कलेजको रुपमा विकास गर्ने योजना रहेको बीटीआइका कामु निर्देशक पन्थीको भनाइ छ ।

यस्तै बीटीआइबाट उत्पादित जनशक्तिबाट सयौँ उद्योगको स्थापना र सञ्चालन भएका छन् ।

उद्योग सञ्चालनका लागि दक्ष जनशक्तिको अभाव र सीप नभएको जनशक्ति मात्र उत्पादन गर्दा काम नपाउने र बेरोजगार बन्नुपर्ने भएकाले नेपालमै पहिलो पटक विसं २०२० मा प्राविधिक जनशक्ति उत्पादन गर्ने प्रशिक्षण केन्द्रका रुपमा बीटीआइको स्थापना भएको हो ।

यस संस्थामा हाल डिप्लोमा तालिम कार्यक्रमअन्तर्गत चार वर्षे मेकानिकल, बिल्डिङ र इलेक्ट्रिकल, जुनियर टेक्निसियनअन्तर्गत दुई वर्षे मेकानिकल, बिल्डिङ, कार्पेन्ट्री र बिल्डिङ एण्ड कन्स्ट्रक्सन, प्रिडिप्लोमा तालिम कार्यक्रमअन्तर्गत दुई वर्षे मेकानिकल र इलेक्ट्रिकल, एक हप्तादेखि छ महिनाका मागमा आधारित विभिन्न तालिम सञ्चालन हुँदै आएका छन् ।

काठमाडौं । अख्तियार दुरुपयोग अनुसन्धान आयोगले ३ लाख रुपैयाँ घुस लिएको आरोपमा प्रधानाध्यापकसहित २ जनालाई पक्राउ गरेको छ ।

पक्राउ पर्नेमा बिश्वेश्वर प्रसाद कोइराला आदर्श माध्यमिक विद्यालय, जोकहा, घिउरा, रौतहटका प्रधानाध्यापक राकेशकुमार ठाकुर र दिपेन्द्र सर्जिकल पसलका सञ्चालक दिपेन्द्रकुमार झा छन् ।

प्रधानाध्यापक ठाकुरले करार अवधि थप गर्नका लागि घुस लिएको अख्तियारको आरोप छ । उनीहरुलाई रौतहटको यमुनामाई गाउँपालिकाको सरुअठ्ठाबाट रंगेहात पक्राउ गरेको अख्तियारले जनाएको छ ।

काठमाडौं- आज पनि जल तथा मौसम पूर्वानुमान महाशाखाले जनाएको अनुसार हाल नेपालमा पश्चिमी वायुको साथै स्थानीय वायुको सामान्य प्रभाव रहेको छ।
आज दिउँसो प्रदेश १, बागमती प्रदेश र गण्डकी प्रदेशमा आंशिक देखि सामान्य बदली रहि बाँकी भू-भागमा आंशिक बदली रहने छ।

प्रदेश १, बागमती प्रदेश र गण्डकी प्रदेशका पहाडी भू(भागहरूका थोरै स्थानहरूमा मेघ गर्जनरचट्याङ्ग सहित हल्का वर्षाको सम्भावना रहेको छ।

त्यसैगरी राती पनि प्रदेश १, बागमती प्रदेश, गण्डकी प्रदेश र लुम्बिनी प्रदेशमा आंशिक देखि सामान्य बदली रहि बाँकी भू-भागमा मौसम सामान्यता सफा रहने छ। प्रदेश १ को पहाडी भू-भागको एक-दुई स्थानहरूमा मेघ गर्जन र चट्याङ्ग सहित हल्का वर्षाको सम्भावना रहेको मौसम पूर्वानुमान महाशाखाले जनाएको छ।