Month: February 2022

काठमाडौं – रौतहटको चन्द्रपुर नगरपालिकामा नेपाली कांग्रेसका नगर प्रमुख उमेदवार संजय काफले बिजयी भएका छन ।
उपप्रमुखमा कांग्रेसकै जयमाला चौधरी निर्वाचित भएकी छन् ।

चन्द्रपुर नगरपालिकाको नगरप्रमुखमा कांग्रेस उम्मेदवार काफ्लेले ९ हजार १ सय ६३ मत ल्याइ निर्वाचित भएका छन् । उनले निकटतम प्रतिद्वन्द्वी नेपाल कम्युनिष्ट पार्टी (एमाले) उम्मेदवार शिवप्रसाद आचार्यलाई २ हजार ६ सय ३९ मतान्तरले पराजित गरेका हुन् । पराजित एमाले उम्मेदवार शिवप्रसाद आचार्यले ६ हजार ५ सय २४ मत पाए ।

उपप्रमुखमा नेपाली कांग्रेसकी चौधरीले ११ हजार ३ सय ७८ मत पाएर निर्वाचित भएकी छन् । चौधरीकी निकटतम प्रतिद्वन्द्वी नेकपा माओवादी केन्द्रकी देवकी नेपालले ७ हजार ६ सय ४० मत पाएकी छन् ।

यसैगरी चन्द्रपुर नगरपालिकाको १० वटै वाडमा नेपाली कांग्रेस,नेकपा एमाले र नेकपा माओबादीका उमेदवारहरु बिजयी भएका छन । चन्द्रपुर नगरपालिका वाड नं १० मा नेकपा एमालेका उमेदवार टंकेश्वर चौधरी बिजयी भएका छन ।

उनले ११५८ मत ल्याइ वाड अध्यक्ष पदमा बिजयी भएका हुन । उनको निकटतम प्रतिद्धन्दी नेपाली कांग्रेसका उमेदवार जयराम चौधरीले १११५ मत ल्याएका थिए । जयराम चौधरी यस अघिका वाड अध्यक्ष हुन ।

यसैगरी वाड नं ९ मा पनि नेपाली कांग्रेसका नबराज देबकोटा बिजयी भएका छन । देबकोटाले १ हजार २ सय २४ मत ल्याइ बिजयी भएका थिए । उनका निकटतम प्रतिद्धन्दी नेकपा एमालेका उमेदवार लिलाधर चौधरीलाइ हराएका थिए । चौधरीले १ हजार ३८ मत ल्याएका थिए ।

त्यस्तै चन्द्रपुर नगरपालिकाको वाड नं ८ मा नेपाली कांग्रेसका वाड अध्यक्ष उमेदवार जितेन्द्र चौधरीले १८ मतको अन्तरले बिजयी भएका हुन उनले नेकपा एमालेका उमेदवार पासपत चौधरीलाइ हराएका हुन । पासपत चौधरी यस अघिका वाड अध्यक्ष पनि हुन ।

यस अघि चन्द्रपुर नगरपालिकाको वाड नं. ७ मा नेपाली कांग्रेसका वाड अध्यक्ष उमेदवार बिष्णु उप्रेती निर्वाचित भएका छन । उप्रेतीले ९ सय ९५ मत ल्याएर बिजय भएका हुन । उनका निकटतम प्रतिद्वन्द्वी नेकपा एमालेका जयनारायण साहले ६ सय २८ मत ल्याएका थिए भने माओवादी केन्द्रका उम्मेदवार उमेश सहनील ५ सय २९ मत ल्याएका थिए ।

यसैगरी वाड नं. ६ मा मा नेकपा माओबादीका वाड अध्यक्ष उमेदवार सहदेब केसी बिजयी भएका छन । मत गणनाको अन्तिम परिणाम अनुसार उनले ११६३ मत ल्याइ वाड अध्यक्षमा बिजयी भएका हुन । उनका निकटतम प्रतिद्धन्दी नेपाली कांग्रेसका नेत्र कुश्वारले १०८८ मत ल्याएका थिए ।

यसैगरी चन्द्रपुर नगरपालिका वाड नम्बर ५ मा नेपाली कांग्रेसका उमेदवार निलहरी कोइराला बिजयी भएका छन । नेपाली कांग्रेसका पुराना नेता कोइरालाले फराकिलो मत सहित वाड अध्यक्ष पदमा बिजयी भएका हुन । उनको निकटतम प्रतिद्धन्दीमा नेकपा एमालेका उमेदवार नबिन बराल रहेका छन ।

यस्तै चन्द्रपुर नगरपालिका वाड नं ४ मा नेकपा एमालेको तर्फबाट उमेदवार बनेका रबि राना मगरको प्यानल नै बिजयी भएको छ । अन्तिम मत परिणाम अनुसार एमालेका उमेदवार रानाले ८२४ मत ल्याएर बिजयी भएका हुन । उनको निकटतम प्रतिद्धन्दी नेपाल कार्कीले ७ सय ९८ मत ल्याएका थिए ।

यसैगरी चन्द्रपुर नगरपालिका वाड नं ३ मा नेकपा माओबादीका उमेदवार बोधराज देबकोटा (रबि)ले फेरी जितेका छन । देबकोटाले १३८४ मत ल्याइ वाड अध्यक्षमा बिजयी भएका छन भने उनका निकटतम प्रतिद्धन्दी दोङले १३११ मत ल्याएका थिए । चन्द्रपुर २ मा नेकपा माओबादीका उमेदवार दुत्त बहादुर थिङ र वाड नं १ मा नेपाली कांग्रेसका उमेदवार बलराम राउत वाड अध्यक्षमा बिजयी भएका छन ।

काठमाडौं- रुकुम पश्चिमको मुसीकोट नगरपालिकामा नगरप्रमुखमा नेपाली कांग्रेस र उपप्रमुखमा नेकपा (एकीकृत समाजवादी) विजयी भएको छ ।

मुसीकोट नगरपालिकाको प्रमुखमा कांग्रेसका महेन्द्र केसी ६ हजार ९१४ मत ल्याएर विजयी हुनुभएको छ । उहाँका निकटतम प्रतिद्वन्द्वी नेकपा (माओवादी केन्द्र) का वसन्तकुमार शर्माले ६ हजार ९०१ मत प्राप्त गर्नुभयो ।

यस्तै, उपप्रमुखमा नेकपा (एकीकृत समाजवादी) का विमलकुमार पुनमगर ६ हजार १४० मतसहित विजयी हुनुभयो । उहाँका निकटतम प्रतिद्वन्द्वी नेकपा (एमाले) का थलबहादुर ओलीले पाँच हजार ९८५ मत ल्याउनुभयो ।

मुसिकोटामा एमाले र कांग्रेसको तथा माओवादी केन्द्र र एकीकृत समाजवादीको गठबन्धन भएको थियो । चौध वडामध्ये आठमा माओवादी केन्द्र र ६ वडामा कांग्रेस विजयी भएको छ । यस्तै बाफीकोट गाउँपालिकामा समेत नेपाली कांग्रेस विजयी भएको छ ।

काठमाडौं- भरतपुर महानगरपालिकामा पाँच दलीय गठबन्धनमा माओवादी केन्द्रबाट उम्मेदवार बन्नुभएकी रेनु दाहालले अग्रता कायमै राख्नुभएको छ । उहाँले तीन हजार ३१० मतान्तरले अग्रता लिनुभएको छ ।

महानगरपालिकामा ५४ हजार ४२ मत गणना हुँदा दाहालले अग्रतालाई फराकिलो बनाउँदै लैजानुभएको हो । दाहालले २० हजार ४९२ मत प्राप्त गर्दा नेकपा (एमाले) बाट प्रमुखको उम्मेदवार बिजय सुवेदीले १७ हजार १८२ मत प्राप्त गर्नुभएको छ । यस्तै स्वातन्त्र उम्मेदवार जगन्नाथ पौडेलले सात हजार ८८२ मत प्राप्त गर्नुभएको छ ।

उपप्रमुखमा गठबन्धनबाटै नेपाली कांग्रेसका चित्रसेन अधिकारीले २२ हजार ९५२ मत प्राप्त गर्दा राप्रपाकी हिमला गुरुङले १३ हजार ६४६ मत प्राप्त गर्नु भएको छ ।

भरतपुर महानगरमा वडा नं १, २, ४, ५, ६, ८ र १० मा कांग्रेस, वडा नं ७ र ९ मा नेकपा (एकीकृत समाजवादी) तथा वडा नं ३ मा एमाले विजयी भएको छ । वडा नं ११ र १२ को मत गणना भइरहेको छ । ती दुवै वडामा एमाले अगाडि रहेको छ । भरतपुर महानगरपालिकामा एक लाख २७ हजार ८३९ मत खसेको थियो ।

काठमाडौं – महोत्तरीमा थप तीन स्थानीय तह निर्वाचनको अन्तिम मत परिणाम सार्वजनिक भएको छ ।
पछिल्लो समय बर्दिबास र औरही नगरपालिका तथा सम्सी गाउँपालिकाको मत परिणाम सार्वजनिक भएको हो ।

बर्दिबासमा राजनीतिक दलका उम्मेदवारलाई पछि पार्दै स्वतन्त्र उम्मेदवार विजयी हुनुभएको छ । प्रमुखमा प्रल्हादकुमार क्षत्री र उपप्रमुखमा तारादेवी महतो निर्वाचित हुनुभएको हो । क्षत्रीले १४ हजार २१० र महतोले नौ हजार ७३६ मत प्राप्त गर्नुभएको छ ।

उहाँहरुका निकटतम प्रतिस्पर्धी प्रमुख पदका नेकपा (माओवादी केन्द्र) का राजु खड्काले आठ हजार ३२३ तथा उपप्रमुखमा सोही दलका कृष्णमायाँ गौतमले ८१८५ मत प्राप्त गर्नुभएको निर्वाचन अधिकृत भूपेन्द्र सापकोटाले जानकारी दिनुभयोे ।

स्वतन्त्र समूहले नै तीन वडाध्यक्षसमेत जितेको छ ।

यसैगरी औरही नगरपालिकामा लोकतान्त्रिक समाजवादी पार्टी नेपाल प्रमुख र उपप्रमुखमा विजयी भएको छ । प्रमुखमा प्रदीपकुमार खड्काले ६ हजार ८७ र उपप्रमुखमा रेणु झाले पाँच हजार ८०८ मत प्राप्त गर्नुभयो ।

उहाँहरुका निकटतम प्रतिस्पर्धी नेपाली कांग्रेसका प्रमुख पदका उम्मेदवार सुनिलकुमार यादवले पाँच हजार ७४७ र उपप्रमुखमा रेखा यादवले पाँच हजार ६०५ मत प्राप्त गर्नुभएको छ ।

यस्तै सम्सी गाउँपालिकाको अध्यक्ष र उपाध्यक्षमा जनता समाजवादी पार्टी नेपाल विजयी भएको छ । अध्यक्षमा रामनाथ यादवले तीन हजार ८९३ र उपाध्यक्षमा अनिताकुमारीले तीन हजार २९५ मत प्राप्त गर्नुभयो । उहाँहरुका निकटतम प्रतिस्पर्धी नेपाली कांग्रेसका अध्यक्ष पदका उम्मेदवार उत्तिमलाल यादवले दुई हजार ५८२ र उपाध्यक्षमा उर्मिला देवीले दुई हजार ६८२ मत प्राप्त गर्नुभएको छ ।

मत परिणाम घोषणा भएका स्थानीय तहको सङ्ख्या नौ पुगेको छ । यसअघि मटिहानी, रामगोपालपुर र मनराशिश्वा नगरपालिका तथा महोत्तरी, पिपरा र एकडारा गाउँपालिकाको परिणाम सार्वजनिक भइसकेको छ । जिल्लामा १० नगरपालिका र पाँच गाउँपालिका छन् । अझै ६ स्थानीय तहको परिणाम घोषणा हुन बाँकी छ ।

काठमाडौं – एक्लै चुनावी मैदानमा भिडेको नेकपा एकीकृत समाजवादीका अध्यक्ष माधबकुमार नेपालको गृहजिल्ला रौतहटमा समाजवादिले गौर नपा र राजदेबी नपा मा बिजय हासिल गरेपछि गौरनगरवासीले राष्ट्रिय झण्डा सहित माधब नेपाल जिन्दावादको नारा घन्काउदै नगर परिक्रमा गरे ।

जिल्लाभरको चुनावी परिणाम आए लगतै नव निर्वाचित मेयर शम्भु साहको नेतृत्वमा सबै निर्वाचित जनप्रतिनिधिहरु सामेल ठूलो सख्याको जुलुसले-र्याली गर्दै बिजय उत्सव मनायो ।

गठबन्धन नगरी एक्लाएक्लै चुनावी मैदानमा गएको एकीकृत समाजवादीका उमेदवार हराउन एमाले अध्यक्ष केपि ओली सहित पुर्व मन्त्री प्रभु साहले सानो मेहनत गरेनन तर उनीहरुको केही चलेन ।ओलिको मिसन रौतहट केन्द्रित थियो ।

हेलिकप्टर लिएर गौर पुगेका एमाले अध्यक्ष ओलीले माधब नेपाललाई लक्ष्यित गरि तल्लो स्तरमा गाली गरेका ओलीको त्यो रुखो बोलिका बिरुद्ध गौरवासिले ब्यालेट बाट जवाफ दिदै नेपालका सबै उमेदवारलाई जिताएर देखाइदिए ।

त्यति मात्रै होइन पार्टीमा आफ्नो प्रभाव बढने लोभमा यसैलाई अवसर रुपमा प्रयोग गर्दै प्रभु साहले करोडौंको थैली बोकेर गौरका बासिन्दालाई खरिद गर्न खोजे तर पनि सफल हुन सकेनन यसले पनि अध्यक्ष नेपालको लोकप्रियताको मापन भएको बताइएको छ ।

प्रदेश दुईमा एक्लाएक्लै मैदानमा भिडेको चार ठाउमा एकीकृत समाजवादीले निर्वाचन जितेको छ । गठबन्धन भएका स्थानबाट आएको चुनावी परिणामले एकीकृत समाजवादीका निष्ठावान कार्यकतालाई झस्काएको छ।

काठमाडौं – सिरहाको कर्जन्हा नगरपालिका अध्यक्ष मा नेपाल कम्युनिष्ट पार्टी (एमाले) उम्मेदवार भोलाप्रसाद पोखरेल ३ हजार ८३९ मतले विजयी भएका छन् ।

उनले निकटतम प्रतिद्वन्द्वी जनता समाजवादी पार्टी, नेपाल उम्मेदवार केशवप्रसाद साहलाई ६१६ मतान्तरले पराजित गरेका हुन् । पराजित केशवप्रसाद साहले ३ हजार २२३ मत ल्याएका छन् ।

यस्तै उपप्रमुखमा जनता समाजवादी पार्टी, नेपालका उम्मेदवार लक्ष्मीकुमारी श्रेष्‍ठ ३ हजार ४८७ मत सहित विजयी भएकी छन् । उनका निकटतम प्रतिद्वन्द्वी नेपाल कम्युनिष्ट पार्टी (एमाले)का उम्मेदवार निर्मलाकुमारीदेवी पासवानले ३ हजार ९५ मत ल्याएकी छन् ।

कर्जन्हा नगरपालिकामा कूल जनसंख्या ३८ हजार ९४० रहेको छ भने कुल मतदाता संख्या २० हजार ४६७ रहेको छ । जसमा १० हजार६८५ पुरुष र ९ हजार ७८२ महिला रहेका छन् । यस नगरपालिकामा ११ वडा रहेका छन् ।

काठमाडौं – भरतपुर महानगरपालिकामा पाँचदलीय गठबन्धनमा नेकपा (माओवादी केन्द्र)बाट उम्मेदवार बन्नुभएकी रेनु दाहालले तीन हजार १२६ मतले अग्रता लिनुभएको छ । महानगरपालिकामा ४० हजार ९६३ मतगणना हुँदा दाहालले अग्रतालाई फराकिलो बनाउँदै लैजानुभएको हो ।

दाहालले १५ हजार ५१३ मत प्राप्त गर्दा नेकपा (एमाले)बाट प्रमुखका उम्मेदवार विजय सुवेदीले १२ हजार ३८७ मत प्राप्त गर्नुभएको हो । यस्तै स्वातन्त्र उम्मेदवार जगन्नाथ पौडेलले छ हजार ४०३ मत प्राप्त गर्नुभएको छ ।

उपप्रमुखमा गठबन्धनबाटै कांग्रेसका चित्रसेन अधिकारीले १७ हजार ९७० मत प्राप्त गर्दा राप्रपाकी हिमला गुरुङले नौ हजार ९६१ मत प्राप्त गर्नुभएको छ ।

भरतपुर महानगरमा वडा नं १, २, ४, ५, ६ र ८ गठबन्धनबाट कांग्रेसका, ७ मा गठबन्धनबाट नेकपा (एकीकृत समाजवादी)का उम्मेदवार र ३ मा एमालेका उम्मेदवार विजयी हुनुभएको छ । वडा नं ९ र १० को गणना भइरहेको छ । भरतपुर महानगरमा एक लाख २७ हजार ८३९ मत खसेको छ ।