Month: February 2022

३१ भदौ, काठमाडौं । नेपाल टेलिकमले ग्राहकहरुलाई निःशुल्क ई-सिम वितरण गर्न थालेका छन् ।

ई-सिम सपोर्ट गर्ने मोबाइल सेट भएका ग्राहकहरुले उक्त नयाँ प्रविधिको सिम प्रयोग गर्न सक्ने छन् । दूरसञ्चार कार्यालय, सुन्धारा काउन्टरबाट आज शुक्रबार विहानदेखि ई-सिम वितरण सुरु भएको हो ।

हाल फिजिकल सिम प्रयोग गरिरहेका कम्पनीका ग्राहकहरुका पोस्टपेड र प्रिपेड सिमलाई निःशुल्क ई-सिममा परिवर्तन गर्न सकिने टेलिकमले जनाएको छ । त्यसैगरी नयाँ पोस्टपेड लिन चाहने ग्राहकलाई हालको बिक्री मूल्यमा ई-सिम उपलब्ध गराइने छ भने नयाँ प्रिपेड सिमकार्ड लिन चाहने ग्राहकलाई भने निकट भविष्यमा सो सिम उपलब्ध नगराइने कम्पनीका प्रवक्ता शोभन अधिकारीले जानकारी दिए ।

ई-सिम सपोर्ट गर्ने मोबाइल सेट भएका नेपाल टेलिकमका पहिलेदेखिका ग्राहकले सो सिम लिनका लागि आवश्यक फारम भरेर बुझाउनु पर्नेछ ।

ई-सिम एक प्रकारको भर्चुअल अर्थात इलेक्ट्रोनिक (इम्बेडेड) सिम हो । ई-सिम उपलब्ध भएपछि अहिलेको जस्तो भौतिक रुपमा प्रयोग गरिने सिमकार्डको आवश्यकता पर्दैन । यसबाट फोन गर्ने र डाटा चलाउने लगायतका विभिन्न कार्य गर्न सकिन्छ ।

काठमाडौं । साल्ट ट्रेडिङ् कर्पोरेशन लिमिटेडले आफनो ६० औं स्थापना दिवस मनाएको छ । कर्पोरेशनले सोमबार कालिमाटी स्थित आफनो केन्द्रिय कार्यालय परिसरमा एक समारोहको आयोजना गरि स्थापना दिवस मनाएको हो । समारोह कार्यक्रम कर्पोरेशनका संचालक समितिका सदस्य एवम् नेपाल सरकारका सहसचिव डा। नारायण प्रसाद रेग्मीको सभापतित्वमा भएको थियो ।

सो अवसरमा कर्पोरेशनकी प्रमुख कार्यकारी अधिकृत उर्मिला श्रेष्ठले स्वागत मन्तव्य राख्नेक्रममा कार्यक्रममा उपस्थित सबैमा धन्यवाद व्यक्त गर्नुहुँदै कर्पोरेशनले आम उपभोक्ताहरुको हितलाई केन्द्रमा राख्दै व्यवसायिक क्रीयाकलाप गर्दै आएको बताउनुभयो । प्रमुख कार्यकारी अधिकृत श्रेष्ठले कर्पोरेशनले आम जनता तथा समस्त उपभोक्ताको लागि दैनिक उपभोग्य वस्तु उपलब्ध गराउदै गराउने लक्ष्य लिई आफनो सेवा प्रारम्भ गरेको ५९ बर्ष पुरा गरेको बताउनुहुँदै उपभोक्ताको सेवामा सदैव सक्रिय रहि आएको र भविष्यमा पनि अझ सकृय रहने प्रतिबद्धता व्यक्त गर्दै भन्नुभयो ‘कर्पोरेशनले आफनो प्रतिबद्धता अनुसार आम जनतालाई सुपथ एवम् सहज रुपमा गुणस्तरिय उपभोग्य वस्तुहरुको उपलब्धतालाई निरन्तरता प्रदान गरिने छ । कर्पोरेशनले आपुर्ति र वितरणको क्षेत्रमा उल्लेखनिय भूमिका निर्वाह गर्दै बिषम परिस्थितीका बाबजुद पनि आम उपभोक्ताको सेवामा सदैव सकृय रहि आएको छ भने भविष्यमा पनि अझ सकृय रहने प्रतिबद्धता व्यक्त गर्दछु ।’

उहाँले कर्पोरेशनले आयोडिनयुक्त नुन र अन्य दैनिक उपभोग्य एवम अत्यावश्यकिय वस्तुहरुको बिक्री वितरण, अनुदानित र गैर अनुदानित मलको आपुर्ति गर्दै आईरहेको प्रसंग उल्लेख गर्नुहुँदै निकट भविष्यमा आफनै कारखानाबाट तोरीको तेल उत्पादन गर्न गईरहेको जानकारी समेत दिनुभयो । साथै उहाँले कर्पोरेशनका पूर्व अध्यक्ष लक्ष्मीदास मानन्धरको निधनले कर्पोरेशन परिवार मर्माहत तुल्याएको उल्लेख गर्नुहुँदै उहाँको योगदानको स्मरण गर्दै सकृय जीवन बारे चर्चा समेत गर्नुभएको थियो ।

कार्यक्रम माझ प्रमुख अतिथिका रुपमा आमन्त्रित उद्योग वाणिज्य तथा आपुर्ति मन्त्री दिलेन्द्र प्रसाद बडुले आफु बाढीपहिरोको प्रकोपका कारण गृह जिल्लामा रहेको र मौसम प्रतिकुल रहेसँगै कर्पोरेशनको वार्षिकोत्सव समारोहमा उपस्थिती हुन नसकेको व्यहोरासहितको प्रेषित पत्र र शुभकामना सन्देश कार्यक्रमका सभापति डा। नारायण रेग्मीले पढेर सुनाउनु भएको थियो । जसमा मन्त्री बडुले कर्पोरेशनले लोककल्याणकारी कार्यमा अग्रसर रहदै र उद्योग व्यापार मार्फत देशको आर्थिक क्रान्तिमा महत्वपूर्ण योगदान पुर्याउदै आएको उल्लेख गर्नुभएको थियो । साथै प्रेषित पत्र मार्फत मन्त्री बडुले कर्पोरेशनले व्यापारमा विविधिकरण गर्दै आम उपभोक्ताको सेवामा समर्पित भएर लाग्दै आएकोमा प्रशंसा समेत गर्नुहुँदै ६० औं बर्षमा प्रवेश गरेकामा शुभकामना व्यक्त गर्नुभयो ।

ततपस्चात समारोह माझ बोल्नुहुँदै साल्ट ट्रेडिङ् कर्पोरेशन लिमिटेड कर्मचारी संगठनका अध्यक्ष मेघराज ज्ञवालीले साल्ट ट्रेडिङ् कर्पोरेशन लिमिटेड व्यवस्थापन समक्ष करारमा कार्यरत केही कर्मचारीहरुलाई स्थायी गर्न आग्रह गर्दै कर्पोरेशनको गेट भित्र छिरिसकेपछि सबैमा अपनत्वबोध हुनुपर्ने धारणा राख्नुभयो ।

कार्यक्रममा सभापतिको आसनबाट बोल्नुहुँदै कर्पोरेशनका संचालक समितिका सदस्य एवम् नेपाल सरकार उद्योग वाणिज्य तथा आपुर्ति मन्त्रालयका सहसचिव डा। नारायण प्रसाद रेग्मीको साल्ट ट्रेडिङले बजार प्रणालीलाई चुस्त राख्न सरकारलाई समेत सघाउदै आएको उल्लेख गर्नुहुँदै मन्त्रालयले आवश्यक परेको खण्डमा अझ थप दायित्व पनि सुम्पने बताउनु भयो । साथै उहाँले सरकारको निर्देशनलाई वस्तुनिष्ठ तबरले पालना गर्दै आएको भन्दै कर्पोरेशनको प्रशंसा गर्नुहुँदै व्यवस्थापनले आधुनिकिकरण, डिजिटलाईजेसन जस्ता बिषयलाई अझ प्राथमिकता दिदै व्यवसाय बिस्तारको नीतिलाई सेमेटदै अघि बढने प्रतिबद्धता समेत व्यक्त गर्नुभयो ।

सोही अवसर माझ लक्ष्मीदास मानन्धर इटहरी स्थित निसहाय बालगृहलाई ताम्रपत्र सहित ७५ हजार राशीको बाल हितकारी पुरस्कारबाट सम्मान गरिएको थियो । सम्मान ग्रहण गर्दै संस्थाको तर्फबाट संस्थापक गीता गौतमले कार्यक्रमलाई सम्बोधन गर्नेक्रममा संस्थाले हालसम्म ३५ जना छोरीहरु अन्माईसकेको र कयौ बालबालिकाहरु हुर्केर उच्च शिक्षाका लागि विदेश गएको जानकारी दिनुहुँदै कर्पोरेशनबाट सम्मानित हुन पाएकोमा गर्व महशुस भएको बताउनुभयो ।

त्यस्तै, कर्पोरेशनले यस बर्षका लागि जनही रु ३० हजार राशीको हेम बहादुर मल्ल उत्कृष्ट कर्मचारी पुरस्कारबाट अधिकृतस्तरतर्फ बिष्णु प्रसाद न्यौपाने, नन अधिकृत स्तरतर्फ तेज बहादुर कार्की र स्तरविहिन तर्फ राधेश्याम खडकालाई सम्मानित गर्‍यो ।

त्यस्तै जनही ३५ हजार राशीको ईश्वर लाल श्रेष्ठ उत्कृष्ट कर्मचारी सेवा पुरस्कारबाट विभागिय प्रबन्धक सबल रिजाल र सहायक स्तरमा काजी बहादुर पराजुली र सवारी चालक मङ्ल बहादुर लामालाई पुरस्कृत गरियो ।

कर्पोरेशन अन्तर्गत कार्यरत कर्मचारीका छोरा छोरीहरु मध्ये गएको एसईई परिक्षामा सर्वोकृष्ट नतिजा पस्कन सफल तेज बहादुर कुवरका छोरा पर्सव कुवर र कृष्ण कुमार आचार्यकी छोरी तेजस्वी आचार्यलाई क्रमशः अनङमान शेरचन र लोकनाथ जोशी छात्रब्रित्ती प्रदान गरियो । उहाँहरुलाई २ बर्षसम्म मासिक ३ हजारका दरले छात्र ब्रित्ती प्रदान गरिएको हो ।

सोही अवसर माझ कर्पोरेशनमा २० बर्ष सेवा अवधि पुरा गरेका माया बिमली र सन्तोष सिग्देललाई दिर्घसेवा पदकबाट सम्मानित गरिएको थियो भने उपत्यका बाहिरकालाई तततत कार्यालय मार्फत प्रदान गरिएको जानकारी गराईएको थियो ।

३० भदौ, काठमाडौँ ।अगामी मङ्सिरमा हुने गइरहेको प्रदेश र केन्द्रीय चुनावको सुरक्षार्थ आवश्यक म्यादी प्रहरीको लागि १ लाख १५ हजार जनाको लागि भर्ना आजदेखि खुलेको छ ।

प्रधान कार्यालय मानव श्रोत विकास विभागको भर्ना छनौट शाखाले म्यादी प्रहरी भर्ना छनौट, नियुक्ति तथा परिचालन सम्बन्धी मापदण्ड, २०७९ अनुसार एक लाख पन्ध्र हजार म्यादी प्रहरीका लागि दरखास्त आह्वान गरेको हो ।

म्यादी प्रहरी छनोटमा स्थानीय तह वा प्रतिनिधि सभा सदस्य र प्रदेश सभा सदस्य निर्वाचन २०७४ वा स्थानीय तह निर्वाचन २०७९ को निर्वाचनमा म्यादी प्रहरीका रूपमा भर्ना भई सन्तोषजनक काम गरेका व्यक्तिहरू, नेपाली सेना, नेपाल प्रहरी र सशस्त्र प्रहरी बल, नेपालमा कार्यरत रही निवृत्तिभरण वा उपदान प्राप्त पूर्व सुरक्षाकर्मीहरू तथा पूर्व वन रक्षकहरू, सुरक्षा निकाय (नेपाली सेना, नेपाल प्रहरी र सशस्त्र प्रहरी बल, नेपाल) मा विभिन्न पदमा २०७९ साल भदौ महिनासम्म भर्नाका लागि आवेदन दिई शारीरिक तन्दुरुस्ती र स्वास्थ्य परीक्षणमा उत्तीर्ण भई प्रवेश पत्रको प्रतिलिपि पेस गर्ने व्यक्तिहरू र विदेशी मित्र राष्ट्रका सुरक्षा निकायहरूमा काम गरी सेवा निवृत्त नेपाली नागरिकलाई प्राथमिकता दिइने प्रहरीले जनाएको छ ।

सूचनामा दरखास्त फारम दर्ता गर्ने अन्तिम मितिसम्म १८ वर्ष पूरा भई ५४ वर्ष ननाघेको हुनुपर्ने उल्लेख छ । त्यस्तै नेपाली नागरिक हुनुपर्ने, साधारण लेखपढ गर्न जान्ने, नैतिक पतन देखिने फौजदारी अभियोगमा सजाय नपाएको, राजनीतिक दलको सदस्य नरहेको, शारीरिक तथा मानसिक रूपले स्वस्थ रहेको, आतङ्ककारी सङ्गठनको सदस्य नरहेको, आँखा माइनस २ वा प्लस २ भन्दा बढी कमजोर नभएको, पुरुषको हकमा घटीमा उचाइ ५ फिट २ इन्च, छाती ३१/३३ इन्च, तौल ५० के.जी. र महिलाको हकमा घटीमा उचाइ ५ फिट, तौल ४२ के.जी. भएको तथा गर्भवती नभएकोरनरहेको हुनुपर्नेछ ।