Month: February 2022

एलिजा लामिछाने बाट

ललितपुर ।गौतम बुद्ध जिवनयोग प्रयोगशाला ललितपुरको आयोजना र जिल्ला प्रशासन कार्यालय ललितपुर र ललितपुर महानगरपालिका ललितपुरको सहकार्यमा सम्पन्न भएको समृद्ध जीवनका लागि तनाव व्यवस्थापन एकदिने कार्यक्रम सम्पन्न भएको छ।

कार्यक्रम ललितपुर जिल्ला भरिका सरकारी कर्मचारीलाई लक्ष्यित गरिएको भएपनि कार्यक्रममा उपत्यका बाहिरका सरकारी राष्ट्रसेवक कर्मचारीको बाक्लो सहभागी रहेको थियो ।

कार्यक्रममा जीवन योग विज्ञान प्रयोगशालाका संस्थापक,जीवन बिकास विशेषज्ञ गुरु एलपी भानु शर्माले अत्यन्तै सरलताका साथ सहभागीलाई जीवन उपयोगी प्रवचन तथा योग ध्यान गराउनु भएको थियो भने अब योग ध्यान पाठ्यसामग्री मै समेटन सरोकारवालालाई ध्यानाकषिर्त समेत गराउनु भएको थियो ।

कार्यक्रममा बिशिस्ट अतिथि अर्थमन्त्री जनार्दन शर्माले अब पाठ्यसामग्रीमा समेत योग ध्यानको बिषय समेटेर जीवन उपयोगी पाठ्यसामग्री बनाउनुपर्ने गुरु शर्मा अनि सहभागीले राखेका जिज्ञासालाई जवाफ दिदैआफनो धारणा राख्नु भएको थियो भने अर्थ मन्त्री शर्मा दिनभर नै कार्यक्रममा सहभागी हुनुभएको थियो।

त्यसै गरि ललितपुर जिल्लाका प्रमुख जिल्ला अधिकारी घनश्याम उपाध्यायले स्वस्थ जिवनको निम्ति ध्यान योग अपरिहार्य रहेको बताउदै ललितपुर जिल्लामा भएको यस कार्यक्रम बाट जिल्लाभर सेवारत राष्ट्रसेवकहरुलाई फाइदा पुगेको बताउदै आयोजक लाई धन्यवाद सहित सहभागीलाई स्वागत गर्नुभएको थियो ।

गौतम बुद्ध जिवनयोग प्रयोगशाला ललितपुरका सल्लाहकार एवं नेपाल पत्रकार महासघका केन्द्रिय सचिब गोबिन्दप्रसाद चौलागाईंले जीवन उपयोगी यो कार्यक्रमको भावलाइ राष्ट्रिय अन्तर्राष्ट्रिय स्तरमा फैलाउले उद्देश्यबाट आयोजित कार्यक्रम भएकोले अब सबै मिलेर अभियानकासाथ अगाडि बढन आग्रह गर्नुभयो ।

त्यसैगरी कार्यक्रममा नाष्टका अध्यक्ष डा. खगराज बराल नेपाल सरकारका खेलकुद सचिब दामोदर रेग्मी कार्यक्रमका सभापति एकनारायण काफ्ले लगाएतले पनि बिषयवस्तुमा केन्द्रित रहेर आ-आफ्नो धारणा राख्नु भएको थियो।

ललितपुर सानेपा स्थित डि.ए.भि. स्कुलको सभाहलमा भएको यस् कार्यक्रममा नेपाल सरकारका उच्च पदस्थ ब्यक्ति ,न्याय क्षेत्रका माननीय न्यायाधीशहरु सुरक्षा निकायका ब्यक्तित्वहरु, प्रेस काउन्सिल नेपालका अध्यक्ष बालकृष्ण बस्नेत, सुचना तथा प्रसारण बिभागका महानिर्देशक गोगनबहादुर हमाल लगाएत विभिन्न क्षेत्रका बिशिस्ट ब्यक्तित्वहरु सहित पाँच सय भन्दा बढीको उपस्थिति रहेको सस्थाका कोषाध्यक्ष मनोज थापाले सम्पति न्युजलाई बताउनुभयो ।

कार्यक्रम सुरुआत अगाडि सस्थाका सचिब शम्भु भण्डारीले कार्यक्रमको बारेमा सहभागीलाई जानकारी गराउनु भएको थियो।

कार्यक्रमको संचालन सस्थाका कर्णपृयशब्द कि धनी प्रशिक्षक रिता न्यौपानेले गर्नुभएको थियो।

काठमाडौं । उद्योगमा लुटपाट गर्न आएका डाँका समूह र प्रहरीबीच बारामा मध्यरातमा दोहोरो भिडन्त भएका छन् ।
भिन्डतमा एक प्रहरी नायब निरीक्षक घाइते भएको हो ।

जीतपुरसिमरा–२३ भलुहीस्थित एरोटेक प्रालिमा लुटपाट गर्न आएका डाँका समूहसँग प्रहरीबीच दोहोरा गोली हानाहान भएको थियो । प्रहरी टोलीले दुई जना डाँकालाई पक्राउ गर्न सफल भएको खबर छ । विस्तृत विवरण आउन बाँकी छ ।

१७ भदौ, काठमाडौं । काठमाडौंमा राष्ट्रिय स्वरोजगार व्यवसायीको अगुवाइमा फुटपाथ व्यापारीहरुले शुक्रबार (आज) प्रदर्शन गरेका हुन् ।

‘फुटपाथको उचित व्यवस्थापन गर, महानगर प्रहरीको अन्याय अत्याचार बन्द गर, लुटिएको सामान फिर्ता गर, श्रम गर्नेहरुको सम्मान गर, सडकको आवाजको हेक्का राख, मौलिक अधिकार कार्वान्वयन गर, श्रमजीवी वर्ग जिन्दावाद, बिनाविकल्प हामीलाई धोका दिन पाइँदैन, रोजगारीको ग्यारेन्टी गर, सडकमा काम गर्ने हाम्रो रहर होइन बाध्यता हो, संविधानमा लेखिएको मौलिक हकको कार्यान्वयन गर, फुटपाथको उचित व्यवस्थापन गर, महानगर प्रहरीको अन्याय अत्याचार बन्द गर’ जस्ता नारा र प्लेकार्डसहित उनीहरु प्रदर्शनमा उत्रिएका हुन् ।

संघर्ष समितिले शुक्रबार प्रमुख जिल्ला अधिकारीमार्फत् प्रधानमन्त्रीलाई ज्ञापन पत्र समेत बुझाएको छ ।

१७ भदौ, काठमाडौं । ललितपुर महानगरपालिकाले फुटपाथ मिचेर बनाइएका अनधिकृत संरचना दशैंसम्म भत्काउन निर्देशन दिएका छन् ।

ललितपुर महानगरपालिकाले घर–घरमा गएर माइकिङ गर्दै अनधिकृत संरचना हटाउन निर्देशन दिएको छ ।

ललितपुर महानगर प्रहरी प्रमुख सिताराम हाछेथुका अनुसार टो–टोलमा गएर अनधिकृत रुपमा निर्माण भएका संरचनाहरु दशैंसम्म हटाउन माईकिङ गरेको छ । ‘हाम्रो महानगरमा ठुला मलहरु धेरै छैनन्, अनधिकृत संरचनाहरु, निर्माण भएको, फुटपाथ ओगटेको संरचना पनि धेरै छैनन् । केही छन भने दशैंसम्म हटाउन निर्देशन दिएका छौं, मानेनन् भने हाम्रो नगर प्रहरी गएर हटाउँछ,’ हाछेथुले भने ।

महानगरपालिकाले लगनखेलस्थित आफ्नै भवनमा नियम विपरीत बनाएको संरचना हटाएर अनधिकृत संरचना हटाउन सुरु गरेका छन् । ठेक्कामा दिएको उक्त भवनमा फुटपाथसम्म ओगटेर नियम विपरीत क्वालिटी क्याफे सञ्चालनमा थियो ।

नगर प्रहरी प्रमुख हाछेथुले फुटपाथ ओगट्नेलाई पत्र नकाटी पनि कारबाही गर्न मिल्ने भएकाले बिहान नगर प्रहरीको टोलीले भत्काएको बताए ।

काठमाडौं । सेप्टेम्बर १ मा आईओसीबाट मूल्य बढेर आएपछि नेपाल आयल निगममले पेट्रोलियम पदार्थमा मूल्यवृद्धि गरेको छ । यसअघि तीनपटकसम्म मूल्य घटेर आउँदा पनि मूल्य समायोजन भएको थिएन।
बिहीबार राति १२ बजेदेखि लागू हुने गरी निगमले डिजेल र मट्टितेलको मूल्य प्रतिलिटर ६ रुपैयाँले वृद्धि गरेको छ ।

जसअनुसार अब एक लिटर डिजेल र मट्टितेलको मूल्य १७८ रुपैयाँ पर्नेछ । निगमले पेट्रोल र एलपी ग्यासको मूल्य भने यथावत राखेका छन् ।

काठमाडौं, भदौ १६ गते । अवैध संरचना हटाउने क्रममा अब काठमाडौं महानगरपालिकाले होर्डिङ बोर्ड पनि हटाउने भएका छन् ।

नक्सा पास विपरीतका संरचना हटाउने अभियान जारी राख्नु भएका काठमाडौं महानगरपालिका मेयर बालेन शाहले अब होर्डिङ बोर्ड हटाउन लागनु भएको हो ।

बालेनको निर्देशनमा महानगरले मापदण्ड विपरीत राखिएका होर्डिङ बोर्ड, रक्सी चुरोटका विज्ञापन, अनुमती बिना राखिएका डिजिटल बोर्ड हटाउने भएको छ ।

त्रिपुरेश्वरको वर्ल्ड ट्रेड सेन्टर सेन्टरमा रहेको डिजिटल होर्डिङ बोर्ड हटाएर यो अभियान सुरु गर्न लागेको काठमाडौं महानगरपालिकाले जानकारी गरायो । त्यसका लागि महानगरको टोली त्रिपुरेश्वर जाँदै छ ।

महानगरले त्रिपुरेश्वरस्थित वर्ल्ड ट्रेड सेन्टरमा रहेको डिजिटल होर्डिङ बोर्ड बन्द गरेर अभियान शुरु गरेको छ । वर्ल्ड ट्रेड सेन्टरले अनुमतिविना डिजिटल होर्डिङ बोर्ड राखेर विज्ञापन गरेको भन्दै बन्द गरिएको हो ।

काठमाडौं, भदौ १६ गते । प्रतिनिधिसभाको महाभियोग सिफारिस समितिले दोस्रो दिन बिहीबार निलम्बित प्रधानन्यायाधीश चोलेन्द्रशम्शेर जबरासँग जवाफ लिने क्रम सकिएको छ ।

बिहीबार सिंहदरारस्थित कानुन, न्याय तथा मानवअधिकार समितिको बैठक कक्षमा निलम्बित प्रधानन्यायाधीश जबरासँग समितिले जवाफ लिएको हो । समितिका सदस्य कल्याणी कुमारी खड्काले समितिले जबरासँग दुई वटा प्रश्न सोधेको जानकारी दिइन् ।

बिहीबार बिहान ११ बजेदेखि सुरु भएको जवाफ कार्यक्रम केही समयअघि सकिएको जानकारी उनले जानकारी दिइन् । उनले अर्को बैठक १९ गते आइतबारलाई राखिएको बताइन् । बुधबारदेखि जवाफ लिने क्रम सुरू भएको हो । जवाफका लागि समितिले ४३ प्रश्न तय गरेको छ ।

पहिलो दिनमा चार मात्र प्रश्नमाथि छलफल भएको थियो । निलम्बित प्रधानन्यायाधीश जबराले आफू दोषी नभएको तर सबैले आफूमाथि एक पक्षीयरुपमा आरोप लगाएको जवाफ दिएका थिए ।

छ महिनाभन्दा बढीदेखि निलम्बनको अवस्थामा रहनुभएका जबराको महाअभियोग प्रमाणित हुने वा नहुने विषयले तीन महिनामै निष्कर्ष आउनुपर्ने भए पनि लामो समयपछि समितिमा छलफल प्रारम्भ भएको हो ।

उक्त समितिको यही भदौ ८ गते बसेको बैठकले उनलाई जवाफका लागि बोलाउने निर्णय गरेको थियो । उक्त निर्णयानुसार जबरा बुधबारदेखि जवाफ दिनका लागि समितिमा उपस्थित भएका हुन् ।

जबराविरुद्ध २०७८ फागुन १ मा प्रतिनिधिसभाका ९८ सांसदले महाभियोग प्रस्ताव दर्ता गरेका थिए । संसद्ले महाभियोग सिफारिस समिति गठन गरे पनि यही भदौ १ गते पहिलो बैठक बसेको थियोे ।

जबराविरूद्ध नेपाल बार एसोसिएसन र सर्वोच्च बार एसोसिएसनले महाअभियोग पुष्टि गर्न ३४ बुँदे पत्र समितिलाई बुझाएको थियोे । उक्त पत्रमा महाअभियोग लगाउने आधार र कारणसमेत समेटिएको छ ।