Month: February 2022

काठमाडौं । नेकपा एमालेका नेता भीम रावलले पत्रकार सम्मेलन गर्दै नेता रावलले आफूले पार्टी नछोड्ने बताएका हुन्। पार्टी अध्यक्ष केपी शर्मा ओलीले अछामबाट टिकट नपमएपछि रावल असन्तुष्ट बनेका थिए।

पार्टीमा भूमिका खेलेका र व्यवस्था तथा कम्युनिस्ट विचारप्रति प्रतिवद्ध उम्मेदवारलाई जिताउनुपर्ने उनले बताए। रावलले भने,‘एमालेमा होलिवाइनलाई पनि उम्मेदवार बनाइएको छ। एमालेभित्रै संविधान दिवसलाई कालो दिवस मनाउने पनि देख्छु। जसको विरुद्धमा एमालेका कार्यकर्ताहरूले रगत बगाउनुप‍रेको थियो तिनलाई पनि एमालेले उम्मेदवार बनाएको देख्छु। अनि कसरी एमालेका सबै उम्मेदवारलाई जिताउन भन्छु ? भन्नुस् त।’

उनले आफू सधैं न्यायको पक्षमा लड्ने मान्छे भएको र पार्टी भित्र नै संघर्ष गरी योग्य उम्मेदवारलाई जिताउन लागी पर्ने बताए।

पार्टी कसैको निजी वा निजी स्वार्थ पूर्ति गर्ने माध्यम नभएको बताए। रावलले भने, ‘यो सामुहिक नेतृत्व, भावना तथा मार्क्सवादी दर्शनको आलोकमा नेपालको संविधानद्वारा निर्दिष्ट उद्देश्य हासिल गर्न क्रियाशील रही देश र जनताको हितमा काम गर्नुपर्ने संगठन हो।’

घोषित सिद्धान्त र कार्यक्रमको रक्षा नगरी पाटीको रक्षा हुन नसक्ने उनको भनाइ छ। रावलले भने राष्ट्रिय हित र स्वाधीनताको पक्षमा निर्भिकता साथ नउभिइ बाह्य हस्तक्षेप र षडयन्त्रलाई रोक्न सकिन्न। यही मान्यताका साथ म आजको बिन्दुसम्म प्रयासरत छु। देश र जनताको पक्षमा मैले उठाउँदै आएको झण्डा अविचलित निरन्तर समाति नै रहने छु। देश र जनताको हक–हितविरुद्धका विचार र गतिविधिविरुद्ध संघर्ष जारी रहने छ। यसमा मलाई विश्वास छ, नेपाली जनता र पार्टीका अधिकांश कार्यकर्ता–सदस्यको साथ–सहयोग रहने छ।’

काठमाडौँ । बर्खास्तीका लागि चार मन्त्रीको नाम राष्ट्रपति कार्यालय पुगेको छ ।

प्रशासन विशेष स्रोतका अनुसार गठबन्धन तोडेका जसपाका चारजना मन्त्री बर्खास्तीका लागि प्रधानमन्त्रीले राष्ट्रपति कहाँ नामावली पठाएको हो ।

जसपाबाट संघीय मामिला तथा सामान्य प्रशासन मन्त्री राजेन्द्र श्रेष्ठ, भौतिक पूर्वाधार तथा यातायात मन्त्री मोहम्मद इस्तियाक राई, कृषि तथा पशुपन्छी विकास मन्त्री मृगेन्द्रकुमार सिंह र वन तथा वातावरण मन्त्री प्रदीप यादव सरकारमा सहभागी छन् ।

सत्ता गठबन्धनसँगको चुनावी तालमेलमा सिट बाँडफाँटबारे असहमति जनाएर जसपाले एमालेसँग सहकार्य गरेपछि उनीहरूको पद धरापमा परेको हो ।

०७४ मा पनि तत्कालीन सत्ता सहयात्री दल नेकपा माओवादीले विपक्षी एमालेसँग गठबन्धन गरेपछि प्रधानमन्त्री देउवाले जिम्मेवारी खोसेर विना विभागीय बनाएका थिए । अहिले पनि जसपाका मन्त्रीले राजीनामा नदिए सोही परिस्थिति आउने देखिन्छ ।

निर्वाचन आचारसंहिता लागू भइसकेकाले नयाँ मन्त्री नियुक्त गर्ने सम्भावना भने छैन ।

काठमाडौं। मंसिर ४ गते हुने प्रतिनिधि सभा निर्वाचनको लागि उम्मेदवारी दिने काम सम्पन्न भइसकेका छन्। निर्वाचन आयोगले उम्मेदवारको सूची प्रकाशित गरिसकेका छन् र अब यीनै उम्मेदवारबीच चुनावी प्रतिस्पर्धा हुनेछ।

प्रधानमन्त्री समेत रहेका नेपाली कांग्रेसका सभापति शेरबहादुर देउवाले आगामी प्रतिनिधि सभा सदस्य निर्वाचनमा डडेलधुरा निर्वाचन क्षेत्र नं.१ बाट उम्मेदवारी दिएका छन्। उक्त क्षेत्रमा नेकपा एमालेले चक्र स्नेहीलाई उठाएको थियो तर पछि नाम फिर्ता लिएको छ।

देउवालाई चुनौती दिन एमालेले उम्मेदवार उठाएको छैन। एमालेले डडेलधुरा क्षेत्र नं.१ मा नेपाली कांग्रेस (बी.पी.)का उम्मेदवार कर्ण बहादुर शाहीलाई समर्थन गर्ने निर्णय गरेको छ।

देउवा उठेको क्षेत्रमा जनता समाजवादी पार्टी, नेपालले श्याम सिनाल र राष्ट्रिय प्रजातन्त्र पार्टीले गोविन्द खडायतलाई उम्मेदवार बनाएका छन्। सोही क्षेत्रमा स्वतन्त्र रुपमा बिक्रम बहादुर शाही, सागर ढकाल, कर्णसिंह रावल र लालबहादुर कठायतले पनि उम्मेदवारी दिएका छन्।

नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले प्रतिनिधि सभा निर्वाचनमा झापा क्षेत्र नं.५ बाट उम्मेदवारी दिएका छन्। यो क्षेत्रमा एमाले र राष्ट्रिय प्रजातन्त्र पार्टीबीच तालमेल गरिएको छ।

ओली उठेको झापा क्षेत्र नं.५ मा सत्तारुढ गठबन्धनको तर्फबाट नेपाली कांग्रेसले खगेन्द्र अधिकारीलाई उम्मेदवार बनाएको छ। यस क्षेत्रमा जनता समाजवादी पार्टी, नेपालले ओम माया आङदेम्वे, नेपाल मजदुर किसान पार्टीले रुद्र प्रसाद दाहाल, लोकतान्त्रिक समाजवादी पार्टी, नेपालले चन्द्र प्रसाद राजवंशी, जनमत पार्टीले भीम राजवंशी र मंगोल नेशनल अर्गनाइजेसनले सान बहादुर मेचेलाई उठाएको छ।

झापा क्षेत्र नं.५ मा संघीय लोकतान्त्रिक राष्ट्रिय मञ्चले कविन्द्र शेर्मा लिम्बु, नेश्नलिस्ट पिपल्स पार्टीले राजन चुडाल, राष्ट्रिय जनमुत्ति पार्टीले पदम बहादुर जवेगु, नेपाली कांग्रेसले सेखरनाथ सेडाई, सचेत नेपाली पार्टीले राम प्रसाद पाठक र राष्ट्रिय स्वतन्त्र पार्टीले शुरेस कुमार पोखरेललाई उम्मेदवार बनाएको छ।

ओलीको क्षेत्रमा स्वतन्त्र रुपमा रोहीत प्रसाद पौड्याल, दिपक कुमार पाठक, रामचन्द्र बानिया, भेषराज भट्टराई, सिताराम पोख्रेल, तिर्थेश्वर चौधरी, शान्ता अधिकारी, इन्द्रमणी दाहाल, केदार नाथ चापागाई, रेवती रमण खनाल र तुलसी राम काफ्लेले पनि उम्मेदवारी दिएका छन्।

नेकपा (माओवादी केन्द्र)का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ले प्रतिनिधि सभा निर्वाचनमा गोरखा क्षेत्र नं.२ बाट उम्मेदवारी दिएका छन्। उनलाई सत्तारुढ गठबन्धनको समर्थन रहेको छ । प्रचण्डलाई चुनौती दिन नेकपा एमालेले अब्दुस सलाम मियालाई गोरखा क्षेत्र नं.२ मा उतारेको छ।

प्रचण्ड उठेको गोरखा क्षेत्र नं. २ मा राष्ट्रिय प्रजातन्त्र पार्टीले सुशिल पन्त, नेपाल मजदुर किसान पार्टीले प्रलाद लामिछाने, हाम्रो नेपाली पार्टीले प्रकाश थापा, राष्ट्रि प्रजातन्त्र पार्टी नेपालले कुल बहादुर बस्नेत, नेकपा (माक्र्सवादी लेनिनवादी)ले नारायण बाबु आचार्य, मंगोल नेशनल अर्गनाइजेसनले सोम बहादुर गुरुङ, नेपाली कांग्रेसले टिका दत्त पोखरेल र राष्ट्रिय स्वतन्त्र पार्टीले कविन्द्र बुर्लाकोटीलाई उम्मेदवार बनाएको छ । यस क्षेत्रमा स्वतन्त्र रुपमा गणेश देवकोटा र विनोद कुमार गुरुङले उम्मेदवारी दिएका छन्।

नेकपा (एकीकृत समाजवादी)का अध्यक्ष तथा पूर्वप्रधानमन्त्री माधवकुमार नेपालले प्रतिनिधि सभा निर्वाचनमा रौतहट क्षेत्र नं.१ बाट उम्मेदवारी दिएका छन्। उनलाई सत्तारुढ गठबन्धनको समर्थन रहेको छ। नेपाललाई चुनौती दिन नेकपा एमालेले रौतहट क्षेत्र नं.१ मा अजय कुमार गुप्तालाई उम्मेदवार बनाएको छ।

रौतहट क्षेत्र नं. १ मा नेपाल मजदुर किसान पार्टीले बैद्यनाथ चौधरी, जनमत पार्टीले राजेन्द्र प्रसाद साह, राष्ट्रिय प्रजातन्त्र पार्टी नेपालले सरोज कुमारी, नेपाल सुशासन पार्टीले रंजित कुमार पटेल, नेपाल जनता दलले सुबोध चन्द्र शाह र राष्ट्रिय स्वतन्त्र पार्टीले मिस्टर सुर्यदेव प्रसाद कोइरालालाई उम्मेदवारको रुपमा उठाएको छ।

उक्त क्षेत्रमा स्वतन्त्ररुपमा अवधेश कुमार ठाकुर, राहुल कुमार मिश्र, अनिल कुमार लाल दास, राम अधार महतो कोइरी, मोहम्मद जियाउल हक, चन्दन कुमार जयसवाल, रेवन्त झा, रामबलि यकुमार यादव र कोशिला देवीले उम्मेदवारी दिएका छन्।

जनता समाजवादी पार्टी, नेपालका अध्यक्ष उपेन्द्र यादवले प्रतिनिधि सभा निर्वाचनमा सप्तरी क्षेत्र नं.२ बाट उम्मेदवारी दिएका छन्। यसक्षेत्रमा जनता समाजवादी पार्टी र नेकपा एमालेबीच तालमेल भएको छ। उपेन्द्र यादवलाई चुनौत दिन यस क्षेत्रमा सत्तारुढ गठबन्धनको तर्फबाट लोकतान्त्रिक समाजवादी पार्टी, नेपालले जय प्रकाश ठाकुरलाई उम्मेदवार बनाएको छ।

सप्तरी क्षेत्र नं.२ मा राष्ट्रिय प्रजातन्त्र पार्टीले कैला मंसुरी, नेपाल मजदुर किसान पार्टीले देव नारायण यादव, जनमत पार्टीले चन्द्रकान्त राउत, हाम्रो नेपाली पार्टीले डम्बर नारायण साह तेली, राष्ट्रिय प्रजातन्त्र पार्टी, नेपालले हजरत अलि, नेपाली कांग्रेसले चिरञ्जिबी लाल देव, पिछडावर्ग निषाद दलित जनताजी पार्टीले सुमत्रा मण्डल, नेपाल संघीय समाजवादी पार्टीले प्रमलिा देवी मण्डल, नेपाली जनता दलले चन्द्र कुमारी देव र राष्ट्रिय स्वतन्त्र पार्टीले वरुण कुमार झालाई आफ्नो उम्मेदवार बनाएको छ।

सप्तरी क्षेत्र नं.२ मा स्वतन्त्ररुपमा विरेन्द्र कुमार मिश्र, महेन्द्र प्रसाद देव, चित्तनारायण यादव र विनोद कुमार यादवले उम्मेदवारी दिएका छन्। राष्ट्रिय प्रजातन्त्र पार्टीका अध्यक्ष राजेन्द्र प्रसाद लिङ्देनले प्रतिनिधि सभा निर्वाचनमा झापा क्षेत्र नं.३ बाट उम्मेदवारी दिएका छन्।

यस क्षेत्रमा नेकपा एमाले र राष्ट्रिय प्रजातन्त्र पार्टीबीच तालमेल गरीएको छ। यसैकारण यहाँ एमालेले उम्मेदवारी दिएको छैन । झापा क्षेत्र नं.३ मा सत्तारुढ गठबन्धनको तर्फबाट नेपाली कांग्रेसले कृष्ण प्रसाद सिटौलालाई उठाएको छ।

यस क्षेत्रमा जनता समाजवादी पार्टी, नेपालले बीर बहादुर राई, नेपाल मजदुर किसान पार्टीले कृष्ण गोपाल छुस्यावाग, लोकतान्त्रिक समाजवादी पार्टी, नेपालले देवेन्द्र किशोर ढुंगाना, जनमत पार्टीले भोट लाल राजवंशी, मौलिक जरोकिलो पार्टीले चूडामणि अधिकारी र हाम्रो नेपाली पार्टीले योगेन्द्र प्रसाद खनाललाई उम्मेदवार बनाएका छन्।

यस्तै झापा क्षेत्र नं. ३ मा राष्ट्रिय प्रजातन्त्र पार्टी नेपालले देवी रमण भट्राई, मंगोल नेशनल अर्गनाइजेसनलले श्याम बहादुर लिम्बु, राष्ट्रिय जनमुक्ति पार्टीले गजेन्द्र लिम्बु, नेपाली कांग्रेसले भक्ती प्रसाद पनेरु, सचेत नेपाली पार्टीले ओम प्रकाश खरेल र राष्ट्रिय स्वतन्त्र पार्टीले प्रकाश पाठकलाई उठाएका छन् । यस क्षेत्रमा स्वतन्त्र रुपमा प्रेम प्रसाद खनाल, डम्बर बहादुर गिरी र मनोरथ राजवंशीले पनि उम्मेदवारी दिएका छन्।

काठमाडौं । मंसिर ४ मा हुने प्रतिनिधि सभा निर्वाचनको बाबुका लागि दलले दिएको टिकट छोरालाई दिनेदेखि पार्टीको टिकट अन्तिम समयमसम्म होल्ड गरेर स्वतन्त्र उम्मेदवारी दर्ता गर्ने सम्मका घटना भएका छन्।

त्यस्तै एउटा पार्टीबाट उम्मेदवारी दर्ता गराउन हिँडेका उम्मेदवार बीचमै अर्को पार्टी प्रवेश गरेर फरक पार्टीबाट उम्मेदवारी दर्तासम्म गराएका छन्। अदालतले तोकेको २ हजार रुपैयाँ जरिवाना बिर्सिएर वा जानाजानी नतिर्दा सत्ता गठबन्धनबाट पाएको टिकट रद्द भएको छ। प्रतिनिधि सभामा उठ्ने चक्करमा एक जनाले राष्ट्रिय सभाको उम्मेदवारी गुमाएका छन्।

मुस्ताङमा बाबुले दिए छोरालाई टिकट

मुस्ताङमा नेपाली कांग्रेसका सभापति रोमी गौचन थकालीलाई प्रतिनिधि सभा र प्रदेश सभाको टिकट केन्द्रले पठाएको थियो। त्यसमा उम्मेदवारको नाम भने समावेश थिएन। सबैले उक्त टिकटमा रोमी आफैं चुनाव लड्ने आँकलन गरेका थिए। तर रोमीले त्यस टिकटमा छोरा योगेश गौचनको नाम लेखेर उम्मेदवारी दर्ता गर्न लगाए।

छोरालाई आफ्नै बलमा टिकट भने नदिएको उनको दाबी छ। एमालेका उम्मेदवारसँग भिड्न पार्टीका कोही तयार नभएपछि छोरालाई उम्मेदवार बनाएको तर्क उनले गरेका छन्।

‘म प्रतिनिधि सभामा लड्ने विचारमा थिइनँ। साथीहरूसँग सल्लाह गर्दा एमालेका उम्मेदवार प्रेम तुलाचनसँग भिड्न कोही तयार भएनन्। साथीहरूले नै छोरालाई उठाउन सल्लाह दिएपछि मैले टिकट दिएको हुँ,।

२८ वर्षीय योगेश प्रतिनिधि सभातर्फ कांग्रेसबाट उठेका उम्मेदवारमध्ये कान्छा हुन्। त्यस क्षेत्रमा उनले नाताले भिनाजु पर्ने एमालेका प्रेम तुलाचनसँग प्रतिस्पर्धा गर्नेछन्।

पार्टीको टिकट होल्ड गरेर स्वतन्त्र उम्मेदवारी

रौतहट-३ मा प्रभु साहले एमालेको टिकट पाएका थिए। अन्तिम समयसम्म त्यो टिकट होल्ड गरेर साहले स्वतन्त्र उम्मेदवारी दिँदा त्यहाँ एमालेले मनोनयन दर्ता गर्नै पाएन। जसपाबाट एमाले प्रवेश गरेका नेताहरूलाई टिकट दिने प्रतिवद्धता अध्यक्ष केपी ओलीले पालना नगरेकाले साहले स्वतन्त्र उम्मेदवारी दिएको बताएका छन्।

‘नेतृत्वबाट प्रतिवद्धताको पालना भएन म अब एमालेको रहिनँ, स्वतन्त्र भइसकें,।

एमालेको टिकट होल्ड गरेर स्वतन्त्र उम्मेदवारी दिएको घटनालाई अध्यक्ष केपी ओलीले गद्दारी भन्दै टिप्पणी गरेका छन्।

‘उहाँको योजना पार्टीलाई मधेस प्रदेशमै निल बनाउने थियो। सबै टिकट माग्नुभएको थियो। केही दिनदेखि उहाँले संदिग्ध गतिविधि गरेको खबर आएका थिए तर विश्वास गरेर पार्टीले टिकट दियो। उहाँले गद्दारी गर्नुभयो,’ ओलीले प्राइम टाइम्स टेलिभिजनसँग भनेका छन्। साहसहित उनी समर्थित आठ नेताले स्वतन्त्र उम्मेदवारी दिएका छन्।

जसपाबाट मनोनयन दिन हिँडेका यादव बाटैमा बने कांग्रेसका उम्मेदवार

कपिलवस्तुमा एमालेको समर्थनमा जनता समाजवादी पार्टीबाट उम्मेदवारी दर्ता गराउन हिँडेका सहश्रराम यादव कांग्रेसको उम्मेदवार बने। यादव यसअघि जसपाबाटै लुम्बिनी प्रदेशको सांसद तथा भौतिक पूर्वाधार मन्त्री थिए। अघिल्लो दिनको छलफल अनुसार उनलाई एमालेको समर्थनमा जसपाको उम्मेदवार बनाउने भनेर पार्टीले टिकट समेत दिएको थियो। तर निर्वाचन अधिकृतको कार्यालय बाणगंगा पुगेर उनले कांग्रेसबाट उम्मेदवारी दिए। यादव कपिलवस्तु १ को (ख) बाट प्रदेश सभामा उम्मेदवार बनेका हुन्।

बैंकिङ कसुरको २ हजार रुपैयाँ जरिवानाको नतिर्दा उम्मेदवारी रद्द

रूपन्देही-२ मा सत्ता गठबन्धनका उम्मेदवार राजु गुरूङको उम्मेदवारी रद्द भएको छ। बैंकिङ कसुरमा २ हजार रुपैयाँ जरिवाना नतिर्दा एकीकृत समाजवादीबाट उम्मेदवारी दिएका गुरूङको उम्मेदवारी रद्द भएको हो।

गुरूङको फर्मका ८ वटा चेक बाउन्स भएको थियो। सहायक निर्वाचन अधिकृत घनश्याम गौतमले मंगलबार बेलुकी निकालेको विज्ञप्तिमा गुरूङको मनोनयन खारेज हुने गरी निर्णय भएको उल्लेख गरेका थिए।

नेकपा एकीकृत समाजवादीका वरिष्ठ नेता झलनाथ खनालका छोरा निर्भीक चित्रकार खनालसहितको नाममा रहेको कम्पनीले वेस्ट प्रोजेक्ट कन्स्ट्रक्सन्स एन्ड सप्लार्यस प्रालिका अध्यक्ष अन्जित बिष्टलाई दिएको चेक बाउन्स भएपछि उनीहरूविरूद्ध २०७६ साउन ६ गते मुद्दा दर्ता भएको थियो।

काठमाडौं जिल्ला अदालतले नर्थ वेस्ट नेपाल इन्फ्रा प्रालिका अध्यक्ष राजु गुरूङ र सञ्चालक निर्भीक चित्रकार खनाल, फुर्वा छिरिङ शेर्पा, सन्जिव राई र शक्तिमान डंगोल समेतले दिएको चेक अनादरसम्बन्धी मुद्दामा २०७८ मंसिर १२ गते उनीहरूमाथि जरिवाना गर्ने फैसला गरेको थियो। त्यो जरिवाना तिरेको प्रमाण पेश गर्न नसक्दा गुरूङको उम्मेदवारी रद्ध भएको हो।

खिमलाल भट्टराईले गुमाए हुँदाखाँदाको सांसद पद

एमालेको क्षेत्र र जिल्लाले खिमलाल भट्टराईलाई नै रूपन्देही-५ को प्रतिनिधि सभा सदस्यका रूपमा एकल सिफारिस गरेको थियो। विष्णु पौडेलनिकट भनेर चिनिने भट्टराईको उक्त क्षेत्रमा राम्रो प्रभाव रहेको मानिन्छ। पौडेलको सिफारिस पनि भट्टराईलाई नै उम्मेदवार बनाउने भन्ने थियो। तर अध्यक्ष केपी ओलीले राष्ट्रिय सभामा भट्टराईको कार्यकाल अझै डेढ(दुई वर्ष बाँकी रहेकाले उनलाई बनाउन नमिल्ने जवाफ दिएका थिए।

भट्टराईले प्रतिनिधि सभामा टिकट नपाउने भएपछि रूपन्देही-५ मा अर्को उम्मेदवारको खोजी भयो। यस क्रममा नेता पौडेलले तिलोत्तमा नगरपालिकाका पूर्वमेयर वासुदेव घिमिरेलाई अघि सारे। घिमिरेलाई रूपन्देही-५ को टिकट दिएर पठाएलगत्तै भट्टराई अध्यक्ष ओलीकहाँ पुगे। उनले प्रतिनिधि सभामा उठ्न राष्ट्रिय सभाबाट राजीनामा दिएको ओलीलाई स्मरण गराए।

त्यसपछि ओलीले पार्टीको आधिकारिक उम्मेदवार भट्टराई नै भएको निस्सा दिए। एमालेले निर्वाचन कार्यालयलाई पनि चिठी लेखेर वासुदेव घिमिरेको उम्मेदवारी भूलवस भएकाले भट्टराईको टिकटलाई मान्यता दिनु भन्यो। पार्टीले दिएको टिकट र चिठी लिएर भट्टराई आइतबार दिउँसो उम्मेदवारी दर्ता गराउन निर्वाचन कार्यालय पुगे। तर आयोगले सुरूमा उम्मेदवारी दर्ता गराएका घिमिरेलाई नै आधिकारिकता दिएपछि भट्टराई उम्मेदवार हुन पाएनन्। उनी पुग्दासम्म घिमिरेले आफ्नो उम्मेदवारी दर्ता गराइसकेका थिए।

एकै क्षेत्रमा एउटै दलबाट दुई जना उम्मेदवारको नाम हाम्रो कम्प्युटरमा इन्ट्री हुँदैन, रूपन्देही-५ का निर्वाचन कार्यालय प्रमुख चिन्तामणि शर्माले भने, भट्टराई आउँदासम्म घिमिरेको उम्मेदवारी दर्ता भइसकेको थियो। भट्टराई पनि पार्टीको पत्र लिएरै आउनुभएकाले हामीले यसबारे छुट्टै निर्णय गर्नुपर्ने भयो।

निर्वाचन कार्यालयले कानुनअनुसार जसले पहिले उम्मेदवारी दियो उसैको कायम हुनेु निर्णय सोमबार दिउँसो सुनायो। यसरी राष्ट्रिय सभाबाट राजीनामा दिएर प्रतिनिधि सभाको उम्मेदवार बन्न गएका भट्टराईको दुवै पद गुम्यो भने यही कारणले एमालेले राष्ट्रिय सभामा एक सिट गुमायो।