Month: February 2022

काठमाडौ ।शीप सिकाउने प्राबिधिक दक्ष नागरिक उत्पादन गराउने उद्देश्य बोकेको सिटिभिटी मधेस प्रदेश आफै अलमलमा परेको मात्रै छैन केन्द्रका घोषित कार्यक्रम बिरुद्ध नै लागिपरेकाे अराेप छ्न्।
प्रदेश भित्र आएका कार्यक्रममा रजाइँ गर्ने प्रदेश प्रमुख नागेन्द्र साहको नाङ्गो नाचले सेवाग्राहीहरु आजित भएका छ्न।
केन्द्रमाआधा दर्जनको संख्यामा सहसचिव स्तरका कर्मचारीलाई थन्क्याएर कनिष्ठलाई प्रदेश प्रमुख साह बनाइए पछि सस्थाको उदेश्य प्राप्ति गराउनु भन्दा उनको कमिसन मोहले मधेस प्रदेशको सिटिभिटीका कार्यक्रम उपयोग बिहिन बन्दै जानुको जिम्मा उनलाई त्यो स्थानमा जिम्मेवारी दिनेले लिने कि नलिने प्रश्न उठेको छ।
प्राप्त जानकारी अनुसार मापदण्ड बिपरित बनाइएका प्रदेश प्रमुख साहले आचारसंहिता बिपरित आपनो श्रीमती बबिता कुमारी साह सिरहाका उपमेयरको राजनीतिलाई सहयोग पुर्याउने काम गर्नु र कार्यक्रम दिएका बिधालय सग अग्रिम कमिसन दबाब दिएर माग्नु बाहेक केही गर्न नसकेको कार्यक्रम लागु भएको एक बिधालयका प्रमुखले सम्पत्ति न्युज लाई बताए। यसैगरी मधेश प्रदेशमा संचालित छोटो अवधिको निशुल्क तालिममा समेत आङ्गिक शिक्षालयको प्रमुख तथा करार सेवाको लेखापालहरु लाई १५% कमिसन विभिन्न दबाब दिएर लिएको बुझिएको छ ।
त्यस्तै सामुदायिक बिध्यालयमा प्राविधिक शिक्षाका लागि र साझेदारीमा संचालित प्राबिधिक शिक्षा कार्यक्रमको वृद्धि बिकास गर्न आएको अनुदान रकममा समेत १०% कमिसनका निम्ति गिद्दे नजर आउने साहले किस्ता बन्दी गरि दुई चरणमा भुक्तानी गर्ने गरे लिने गरेको जानकारी प्राप्त भएको छ । विभिन्न शैक्षिकसत्रहरुको स्वास्थ्य कार्यक्रमको छात्रवृत्ति भर्ना समेत व्यापक रूपमा आर्थिक चलखेल गरेर भर्ना गर्ने गराउने गरेको प्रमुखको मनपरितन्त्रले सिमा नागेपछी नेपाल बिद्यार्थी संघले बिज्ञपति नै निकालेर बिरोध गर्दै ध्यानाकर्षण गराउनु परेको थियो।
यो बिरोध अब नागरिक समाजको तहमा पुग्ने भएको छ। नागरिक समाजले मधेस प्रदेश स्थापना भएदेखि नै यहाँ भित्रका बेथितिको पुर्णतः अनुसन्धान गराउन माग गर्ने भएको समेत बुझिएको छ।
प्रदेश प्रमुख साह आफ्नो कुर्सी बलियो बनाउन कार्यालयमा समय दिनु भन्दा पनि विभिन्न शक्ति केन्द्रहरुमा मिठाइ बोकेर पुग्ने गरेको समाचार श्रोताले बताउछ।
कुर्सीलाई बलियो बनाउन उनी चुनाब प्रचारप्रसार लागेर आफनो कर्तुत ढाकछोपमा लागेको आरोप समेत उनलाई लागेको छ।

भर्खर कर्मचारी मागिएको कोटामा समेत रकम असुलेर परिक्षाको नतिजा निकालेको सन्दर्भले यतिबेला मधेस प्रदेश भित्र सिटिभिटीको बिरोध गर्ने स्वर भुसको आगो जस्तो बन्न पुगेको छ।प्राप्त जानकारी अनुसार प्रमुख साहले करार नियुक्तिमा आफन्त र लेनदेनमा मात्र दर्जनौं लाई परिक्षामा पास गराएपछि यस्तै गर्नु थियो भने परिक्षाको नाटक किन गरियो परिक्षामा सामेलहुनेहरुले आक्रोश व्यक्त गरेका मात्रै छैनन अब आफुले लेखेका कापि सार्वजनिक गराइदिन र न्याय दिन अख्तियार दुरुपयोग अनुसन्धान आयोगमा उजुरी दिने तयारीमा रहेको बुझिएको छ।
केन्द्रमा सहसचिव स्तरीय कर्मचारी हुदाहुदै चरित्र हिन भ्रस्टाचारमा लिप्त साह लाइ जिम्मेवारी दिएर पठाउनु नै लुटन पठाए जस्तो उनले गरिरहदा सुशासनको प्रत्याभूत गराउने निकायले के गरिरहेको छ मधेसका बुद्धिजीवी सामु याे प्रश्नले खैलाबैला मच्चिएको छ । यस सन्दर्भमा प्रदेश प्रमुख साहले प्रतिक्रिया दिदै भन्नुभयो समाचारमा आए जस्तो सबैकुरामा सत्यता नभएको बताउनु भएको छ।

आमा र शिशुको स्वास्थ्य सुरक्षाका लागि छथर जोरपाटी गाउँपालिकाले उपाध्यक्षसँग गर्भवती पोषण तथा शिशु स्याहार कार्यक्रम सुरुआत गरेको छ ।

यसअघि सञ्चालित उपाध्यक्षसँग सुत्केरी स्याहार कार्यक्रमलाई परिमार्जन गरेर पुनः यो कार्यक्रम ल्याइएको हो । सुत्केरीलाई पोषणयुक्त खानेकुरा दिइँदै आइएकामा यस पटकदेखि नगद  नै दिइने भएको हो ।

गर्भवतीले आठ पटक स्वास्थ्य संस्थामा गर्भ जाँच गराएपछि पहिलो किस्ता तीन हजार र दोस्रो किस्ता छ हजार गरी जम्मा नौ हजार पाउनेछन् । पालिकामा स्थायी बसोबास रहेका दोस्रो सन्तानसम्मका लागि यो सेवा दिइने पालिकाका स्वास्थ्य शाखा प्रमुख सुन्दरमान डङ्गोलले जानकारी दिनुभयो ।

कार्यक्रमका लागि पालिकाले यस आवमा २२ लाख बजेट विनियोजन गरेको छ । पालिकाले चालु आर्थिक वर्ष २०७९/८० को नीति तथा कार्यक्रम समावेश गरी कार्यक्रमको सुरु गरेको पालिकाकी प्रमुख गीता गुरुङ (खेवा) ले जानकारी दिनुभयो ।

यस रकमले आर्थिक अवस्था कमजोर भएका महिलालाई आफ्नो र शिशुको स्वास्थ्य सुधार गर्न महत्वपूर्ण सहयोग पुग्ने पालिकाकाले जनाएको छ । कार्यविधि तयार गरेर गत साउनदेखि  कार्यक्रम कार्यान्वयन  गरिएको अध्यक्ष सुब्बाले जानकारी दिनुभयो । 

अंश मुद्दामा नवलपुर जिल्ला अदालतले विवाहित भए पनि छोरीलाई समेत अंश दिनुपर्ने फैसला गरेको छ ।

नवलपुर जिल्ला अदालतका न्यायाधीश यज्ञप्रसाद आचार्यको इजलासले अंश विवादमा विवाह भइसकेकी छोरीले समेत अंश पाउने फैसला सुनाएको छ । फैसलामा अंश पाउने हकदार वंशमात्रै रहने र वंश भनेको छोरा नै हुनुपर्ने भन्ने पितृसत्तात्मक सोचमात्रै रहेको ठहर गरिएको छ ।

आफ्ना बुबा र आमाको मृत्यु भएपछि भारतमै रहेका दुई छोरीलाई अंश नदिई आफ्नै बुबाको नाममा रहेको जग्गाजमिन समेत हजुरआमाले अंशियार नरहेको भनी झूठो दाबी लिइ आफ्नो नाममा बनाएको भन्दै नवलपुर जिल्ला अदालतमा परेको मुद्दामा अदालतले विवाह भए पनि वा नभए पनि छोरीहरूले समेत अंश पाउने गरी फैसला सुनाएको हो ।

२०७५ साल फागुन १२ गते नवलपुर जिल्ला अदालतमा दर्ता भएको उक्त मुद्दामा ४ वर्षपछि २०७९ भदौ २७ गते न्यायाधीश यज्ञप्रसाद आचार्यको इजलासले फैसला सुनाउँदै विवाह भए पनि छोरीहरूलाई समेत अंश दिनुपर्ने ठहर गरेको हो ।

मधेश प्रदेशमा प्रदेश सभा सदस्यको मतगणना सकिएसँगै सरकार नेतृत्वको शुरु भएको छ । प्रदेशमा प्रत्यक्षतर्फ सत्ता गठबन्धनले सामान्य बहुमत प्राप्त गरेको छ । यद्यपि, दलगत हिसाबमा नेकपा (एमाले) पहिलो र नेपाली कांग्रेस दोस्रो दल बनेका छन् भने समानुपातिकतर्फ कांग्रेस पहिलो र एमाले दोस्रो भएका छन्

मधेश प्रदेशमा सत्ता गठबन्धनका दलले प्रत्यक्ष र समानुपातिक गरी ४६ सिट जितेका छन् । जसमा नेपाली कांग्रेसले प्रत्यक्षतर्फ १३ र समानुपातिकमा नौ गरी कूल २२ सिट जितेको छ भने लोकतान्त्रिक समाजवादी पार्टी (लोसपा)ले प्रत्यक्षमा सात र समानुपातिकमा दुई गरी नौ सिट जितेको छ । त्यसैगरी नेकपा (एकीकृत समाजवादी)ले प्रत्यक्षमा चार र समानुपातिकमा तीन गरी सात सिट जितेको छ भने नेकपा माओवादी केन्द्रले प्रत्यक्षमा चार र समानुपातिकमा चार गरी कुल आठ सिट जितेको छ ।

त्यसैगरी एमाले र जनता समाजवादी पार्टी (जसपा) गठबन्धनले प्रत्यक्ष र समानुपातिक गरी ३८ सिट जितेको छ । जसमा एमालेले प्रत्यक्षमा १५ र समानुपातिकमा आठ गरी २३ सिट र जसपाले प्रत्यक्षतर्फ नौ र समानुपातिकमा छ गरी १५ जितेको छ ।

प्रदेशमा प्रत्यक्षतर्फ ६४ र समानुपातिकतर्फ ४३ गरी एक सय सात सिट संख्या छ । सरकार बनाउन सामान्य बहुमतका लागि कम्तीमा ५४ सिट आवश्यक पर्छ । यसका लागि जनमत पार्टी र स्वतन्त्र उम्मेदवारलाई समावेश गराउनुपर्ने बाध्यता दुवै गठबन्धनलाई छ ।

पहिलो पटक निर्वाचनमा सहभागी भएको जनमत पार्टीसँग प्रत्यक्षमा छ र समानुपातिकमा सात गरी १३ सिट संख्या छ भने प्रदेशमा छ जना स्वतन्त्र उम्मेदवार निर्वाचित भएका छन् ।

यस आधारमा सत्ता गठबन्धनलाई सरकार बनाउन आठ सांसद आवश्यक छ भने एमाले गठबन्धनलाई १६ सांसद आवश्यक पर्छ । तर हिजो नेपाली कांग्रेसका सभापति शेरबहादुर देउवा र जनमत पार्टीका अध्यक्ष सिके राउतबीच सत्ता गठबन्धनमा आउनका लागि सहमति भएसँगै सत्ता गठबन्धनकै सरकार बन्ने सम्भावना बढेको छ ।

यसैबीच राजनीतिक दलहरुबीच को मुख्यमन्त्री हुने भन्नेमा पनि चर्चा शुरु भएको छ । नेकपा (एमाले)का मधेश प्रदेश सहइञ्चार्ज सुमनराज प्याकुरेल पहिलो दलका हिसाबले आफ्नो पार्टीको सरकार बन्नुपर्ने बताउछन् । एमालेभित्र मुख्यमन्त्रीका लागि डा सरोज यादव, रामचन्द्र मण्डल, राजकुमार लेखीको नाम चर्चामा छ ।

त्यस्तै, नेपाली कांग्रेस मधेश प्रदेशका सूचना तथा सञ्चार विभाग प्रमुख नितेशकुमार गुप्ताले मुख्यमन्त्रीका प्रबल दाबेदार प्रदेश सभापति एवं प्रदेशसभा सदस्य कृष्णप्रसाद यादव रहेको बताए । यादवकै नेतृत्वमा सरकार बन्नुपर्ने गुप्ताको दाबी छ । यद्यपि, कांग्रेसभित्र पनि रामसरोज यादव, वीरेन्द्रप्रसाद सिंह मुख्यमन्त्रीका आकांक्षी छन् ।

यस्तै, जनता समाजवादी पार्टीबाट सरोजकुमार यादव, राजकुमार गुप्ता, रामअषिस यादवको नाम मुख्यमन्त्रीका रूपमा चर्चामा छ ।

काठमाडौँ । नेपाली बजारमा आज सुनको मूल्य १ हजार रुपैयाँले बढेका छन् । 

 आज शुक्रबार सुनको मूल्य तोलामा १ हजार रुपैयाँले बढेर ९९ हजार १ सय रुपैयाँमा कायम भएको नेपाल सुनचाँदी व्यवसायी महासङ्घले जनाएको छ । 

बिहीबार सुनको मूल्य ५ सय रुपैयाँले बढेर ९८ हजार एक सय रुपैयाँमा कारोबार भएको थियो । यस्तै, चाँदीको मूल्य पनि बढेको छ ।

चाँदी आज तोलामा १५ रुपैयाँले बढेको छ । हिजो तोलामा ४० रुपैयाँले बढेर एक हजार ३ सय ३० रुपैयाँमा कारोबार भएको चाँदी आज एक हजार ३ सय ४५ रुपैयाँमा कारोबार भइरहेको  महासङ्घले जनाएको छ ।

काठमाडौँ । बाग्मती प्रदेश लोक सेवा आयोगले ठुलो संख्यामा कर्मचारी माग गरेको छ ।

आयोगले प्रदेश निजामती (अप्राविधिक)सातौँ तहका लागि ४ जना र प्रदेश निजामती (प्राविधिक)२७ जना,स्थानीय सेवातर्फ १ र स्थानीय सेवातर्फ (प्राविधिक) ८ जना गरी कूल ४० जना ज्येष्ठता र कार्यसम्पादन मूल्याङ्कनबाट हुने बढुवाका लागि विज्ञापन खुलाएको हो ।

आयोगले कार्यक्षमताका आधारमा हुने बढुवाका लागि २९ जना माग गरेको छ भने अन्तर तह र खुलातर्फ १ सय जना गरी कूल १६९ जनाका लागि विज्ञापन खुलाएको आयोगको सूचनामा उल्लेख छ ।

अरुण भ्याली हाइड्रोपावर डेभलपमेन्ट कम्पनी लिमिटेड (AHPC) ले गत आर्थिक वर्षको मुनाफा र सञ्चितीबाटबाट आफ्ना शेयरधनीहरुलाई वितरण गर्ने लाभांश घोषणा गरेका छन्।

कम्पनीलेले गत असार मसान्तसम्म कायम चुक्ता पूँजीको ८ प्रतिशत बोनस शेयर र सोको कर प्रयोजनार्थ ०.४२१ प्रतिशत नगद लाभांश वितरण गर्ने घोषणा गरेको हो।

मंसिर १६ गते बसेको कम्पनीको सञ्चालक समितिको बैठकले सो दरमा लाभांश वितरण गर्ने निर्णय गरेको हो।

विद्युत नियमन आयोगबाट स्वीकृत भई आगामी वार्षिक साधारण सभाले पारित गरेपश्चात सो लाभांश वितरण गरिनेछ।

झापामा छुट्टाछुट्टै दुर्घटनामा दुईजनाको मृत्यु भएको छ । पूर्वपश्चिम राजमार्गको दमक–९ स्थित क्याम्पसमोढ सडकखण्डमा मोटरसाइकलको ठक्करबाट गए राति एक जनाको मृत्यु भएको छ । अर्का एक गम्भीर घाइते भएका छन् ।

इलाका प्रहरी कार्यालय दमकका अनुसार गए राति पश्चिमबाट पूर्वतर्फ आउँदै गरेको प्र१–०१–०१६प८९९ नंको मोटरसाइकलको ठक्करबाट पैदलयात्री ४० वर्षीय गोपाल राईको मृत्यु भएको हो । मृतक राईको ठेगाना भने खुलेको छैन । उनको विराटनगरस्थित न्यूरो अस्पतालमा उपचारका क्रममा मृत्यु भएको प्रहरीले जनाएको छ ।

टिपरको ठक्करबाट बालिकाको मृत्यु

यसैगरी बिहीबार टिपरको ठक्करबाट भद्रपुरमा एक बालिकाको मृत्यु भएको छ । मृत्यु हुनेमा भद्रपुर नगरपालिका–७ स्थित मेघाटोलकी ११ वर्षीया शिल्पा ऋषिदेव रहेकी जिल्ला ट्राफिक प्रहरी कार्यालय बिर्तामोडले जनाएको छ ।

भद्रपुर–७ स्थित गार्मेटचोकबाट हल्दिबारीतर्फ गइरहेको प्र–१–००१–क–७७ नंको टिपरले सोही दिशातर्फ गइरहेको साइकलयात्री ऋषिदेवलाई ठक्कर दिएको थियो । टिपरको ठक्करबाट गम्भीर घाइते उनको बिर्तामोडस्थित बिएण्डसी अस्पतालमा उपचारको क्रममा मृत्यु भएको प्रहरीले जनाएको छ ।