Month: February 2022

काठमाडौं । नेकपा एकीकृत समाजवादीका अध्यक्ष माधबकुमार नेपालले समाजबादीको सहि बिचार भएकाले विपरीत राजनीतिक मान्यता बोकेका दलहरूको सत्ता।म स्वार्थका लागि गरिने गठबन्धन मुलुकका लागि खतरा रहेको बताउदै आफनो पार्टी जनहितमा केन्द्रित रहने बताएका छन् ।

रौतहट–काठमाडौं सम्पर्क मञ्चद्वारा शनिबार समसमयिक राजनैतिक प्रशिक्षण तथा पूर्व अध्यक्षहरुको सम्मान कार्यक्रममा राजनीतिमा देशभक्ति, जनताप्रति सेवाको भावना, इमान्दारिता, त्यागको निष्ठा र समर्पणको खाँचो रहेको बताए ।

पूर्व प्रधानमन्त्री एवं पार्टीका अध्यक्ष नेपालको प्रमुख आतिथ्य र सचिवालय सदस्य घनश्याम भुषालको विशेष आतिथ्यमा कार्यक्रम सम्पन्न भएको थियो । कार्यक्रममा स्थायी कमिटी सदस्य एवं पूर्वमन्त्री बंशीधर मिश्र, स्थायि कमिटी सदस्य कल्याणी खड्का, पार्टी पोलिट्ब्युरो सदस्य रामकुमार भट्टराई, केन्द्रीय र सल्लाहकार परिषद् सदस्य शंकर बिश्वकर्मा डाक्टर दिपक गुप्ता ,बरिस्ठ अधिबक्ता सतिस झा वरिष्ठ पत्रकार गोबिन्द चौलागाईं लगायतको आतिथ्यता रहेको थियो ।

कार्यक्रममा मञ्चका ७ जना पूर्व अध्यक्षहरु संस्थापक अध्यक्ष प्रज्ज्वल चापागाई, गिरीधर मिश्र, नवराज तिमल्सिना, शंकर विश्वकर्मा, गोपाल श्रेष्ठ ,चिनकुमारी शिवाकोटी र मिनप्रसाद गौतमलाई प्रमुख अतिथि नेपालले सम्मान गर्नुभएको थियो।

मञ्चका अध्यक्ष सचित कुइकेलको अध्यक्षतामा सम्पन्न कार्यक्रम सचिव नमोनारायण झाले सञ्चालन गरेका थिए ।सो कार्यक्रममा पार्टीका सचिवालय सदस्य भुसालले समसामयिक राजनीतिक प्रशिक्षण समेत दिनुभएको थियो।

काठमाडौं । सरकारको नेतृत्व गरेको दल नेकपा माओवादी अध्यक्ष प्रधानमन्त्री पुष्पकमल दाहाल प्रचण्ड यो पटक जनताको मन जित्ने गरि काम गर्ने मुडमा छ्न। सुशासन र समृद्धि लाई मुख्य प्रार्थमिकतामा राखेर काम अगाडि बढाएका उहाँको चाहना पुरा गराउने सरकारी सन्यत्रहरु मध्ये बढी महत्त्व राख्ने राष्ट्रिय योजना आयोगको महत्त्वपूर्ण भुमिका रहेने मानिन्छ ।

सपना बोक्नु अनि पुरा गराउनु आफैमा चुनौतीपुर्ण हुन्छ ।तेस्रो पटक प्रधानमन्त्रीको जिम्मेवारीमा रहनुभएका उहालाई असफल हुने छुट यसपटक नभएको पनि महत्त्वपूर्ण निकायमा कामकाजी अनि सबै हिसाबले दक्ष ब्याक्तित्व हाम्रा भित्रका नि राम्रा मान्छेले जिम्मेवारी पाउन सके अबको उहाँको नेतृत्व जनताको बीचमा लोकप्रिय बन्न सक्ने आशा समेत छनोटमा पर्ने पात्रहरूको चयनले व्यक्त गर्न सकिने छ भनिन्छ ।

उहाँलाई सहयोग गर्ने पात्रहरूको यतिबेला धमाधम खोजी भैरहेको छ। यतिबेला उहाँको नजरमा पर्न पनि त्यतिकै संख्यामा दौडधुप नभएको भने होइन तर उहाँको तेस्रोपटकको जिम्मेवारीले अब बिगत जस्तो नाममात्रको सहयोगीको खोजी होइन परिणाम दिन सक्ने पात्रको खोजी भएको बुझिएको छ।राष्ट्रिय योजना आयोगले समग्र योजनाको छ्नोट मात्रै गर्दैन ।

सरकारलाई लोकप्रिय कार्यक्रम दिएर जनता बीच थप पपुलर बनाउने योजनाको छनोट गर्ने हुनाले यस निकायको नेतृत्व गर्ने उपाध्यक्ष काबिल ब्याक्तित्वको खोजी भैरहेकोमा सो निकाय ताक्ने डाक्टर रामकुमार फ्युयाल डाक्टर दिलबहादुर गुरुङ, डाक्टर सुनिल बाबु श्रेष्ठ, डाक्टर जनकराज जोशी र डाक्टर मीनबहादुर श्रेष्ठ लागिपरेको बुझिन आएको छ।

यी मध्ये डाक्टर मीनबहादुर श्रेष्ठले बिगतमा आयोगको नेतृत्व गरेको भएपनी उहाँको नेतृत्वले नत पार्टीलाई नत समग्र अपेक्षित लक्ष्य पुरा गराउन नै सफल हुनुभयो तसर्थ यस पटक कसैका निम्ति पटकपटक होइन यसपटक अनुभवबाट खारिएका ब्याक्तित्व चयन हुने सम्भावना रहेको देखिन्छ ।

बिगतमा डाक्टर श्रेष्ठले आयोग भित्रका कर्मचारीको बिश्वास जित्न नसक्दा समवन्य को कमीका कारण कुनै उपलब्धि हुन सकेन त्यो विश्लेषण चलिरहदा फेरि उहाले नै यसपटक नेतृत्वको लोभ गरिरहदा माओवादी पार्टी भित्र बाट नै टिप्पणी सुरु भएकाले नि यसपटक बिगतमा परिक्षण भएकालाई होइन। हाम्रा भित्रमा पर्ने राम्रा लाई जिम्मेवारी दिन पनि प्रधानमन्त्री समक्ष दवाब परेको बुझिन आएको छ यद्यपि प्रधानमन्त्री दाहाल स्वयं यस बिषयमा जानकार रहनुभएको बताइएको छ।

म्याच फिक्सिङ गरेको आरोपमा नेपाल प्रहरीले दुई क्रिकेट खेलाडीलाई नियन्त्रणमा लिएको छ । केन्द्रीय अनुसन्धान ब्युरो (सिआइबी)ले नेपाली क्रिकेट टोलीका पूर्वराष्ट्रिय खेलाडी महबुब आलम र अहिलेको राष्ट्रिय टोलीका आदिल अन्सारीलाई नियन्त्रणमा लिएको प्रहरी स्रोतले जानकारी दिएको छ ।

बारा जिल्ला घर भएका अन्सारीलाई सप्तरीको राजविराजस्थित पब्लिक बिन्देश्वरी माध्यमिक विद्यालयको खेलमैदानबाटै सोमबार बिहान प्रहरीले नियन्त्रणमा लिएको हो । जिल्ला प्रहरी कार्यालय सप्तरीमा राखिएका उनलाई काठमाडौं पठाउने तयारी गरिएको स्रोतले जानकारी दिएको छ ।

राजविराज घर भएका पूर्वराष्ट्रिय खेलाडी आलमलाई विराटनगरबाट नियन्त्रणमा लिइएको स्रोतले जनाएको छ ।

नेपाल टी–२० क्रिकेट लिगमा स्पट र म्याच फिक्सिङको घटना सार्वजनिक भएपछि सिआइबीले अनुसन्धान थालेको थियो । लिगका नेपाली कमेन्टेटर सचिन तिमल्सिनाले सामाजिक सञ्जालमार्फत प्रतियोगितामा फिक्सिङ भइरहेको खुलासा गरेका थिए ।

आफूले क्यानका पदाधिकारीलाई त्यसबारे जानकारी गराउँदा पनि कुनै सुनुवाइ नभएको भन्दै उनले लिगको कमेन्ट्री नै छाडेका थिए । त्यस्तै, पूर्वकप्तान ज्ञानेन्द्र मल्लले पनि पत्रकार सम्मेलनमै खेलाडीलाई फिक्सिङको प्रस्ताव आएको बताएका थिए ।

काठमाडौँ । प्रहरीको कमजोरीले अपरणमा परेका दुई युवकको हत्या भएको भन्दै जनकपुरमा आन्दोलन सुरु भएको छ ।

जनकपुरधाम ८ का २१ वर्षीय रोहित साह र वडा नम्बर १३ का २३ वर्षीय विष्णु साहको भारतको विहार राज्यमा पर्ने सितामढी जिल्लामा हत्या भएको अवस्थामा आइतबार बिहान शव भेटिएको थियो । उनीहरू सितामढी जिल्लामै पर्ने आफन्तको घर जानेक्रममा अपहरणमा परेका थिए ।

अपहरणकारीले हत्या गरेपछि धनुषा प्रहरीले आफ्नो कमजोरी ढाकछोप गर्न खोजेपछि पीडित परिवार र स्थानीय आन्दोलन थालेका हुन् । उनीहरू जनकपुरको सडकमा बसेर प्रहरी प्रशासनविरुद्ध नाराबाजी गरिरहेका छन् ।

आन्दोलनकारीले रोहित र विष्णुलाई न्याय दे, प्रहरी प्रशासन मुर्दावाद, गृहमन्त्री राजीनामा देऊलगायतका नारा लगाएका छन् । धनुषाका एसपी विश्वराज खड्कालाई पनि कारबाही गर्नुपर्ने उनीहरूको माग छ ।

पुस २९ गते अपहरणकारीले उनीहरूको आवाज फोनमा सुनाउँदै परिवारसँग ५० लाख रूपैयँ फिरौती मागेका थिए । फिरौती मागेलगत्तै प्रहरीलाई खबर गरेको र प्रहरीले उद्धारमा चासो नदेखाउँदा अपहरणकारीले दुई जनाको हत्या गरेको पीडित परिवारको आरोप छ ।

धनुषाका एसपी खड्काले समयमा जानकारी नगराएको र फिरौती मागेको रेकर्ड दिन पनि ढिला गरेको कुरा मिडियामा भनेपछि पीडित परिवार आक्रोशित बनेका छन् ।

अपहरणकारीले सुरूमा ५० लाख फिरौती मागे पनि बार्गेनिङ चल्दा २० लाखमा डिल भएको बताइएको छ । त्यसपछि भने उनीहरूले मोबाइल स्विच अफ गरेका थिए । यो घटनामा नेपाल र भारत दुवैपट्टिका अपराधीको संलग्न रहेको प्रहरीको भनाइ छ ।

घटनामा संलग्न रहेको आरोपमा धनुषा प्रहरीले दुई जनालाई पक्राउ गरेको जनाएको छ । स्रोतका अनुसार भारतीय प्रहरीले पनि तीन जनालाई पक्राउ गरेको छ ।‌ अन्य ४ जनाको संलग्न रहेको र उनीहरूको पनि खोजी जारी राखेको धनुषा प्रहरीले जनाएको छ ।

काठमाडौं । नेपाल स्टक एक्सचेञ्ज (नेप्से) साताको कारोबारको दोसो दिन आज सोमबार दोहारो अंकले घटेको छ । आज नेप्से १३.७१ अंकले घटेर दुई हजार एक सय ६५ दशमलव १० विन्दुमा बन्द भएको हो ।

आज कारोबार भएका कम्पनीमध्ये ४१ वटा कम्पनीको शेयरमूल्य बढेको छ भने १६६ वटा कम्पनीको शेयरमूल्य घटेको छ । तीन कम्पनीको शेयरमूल्य स्थिर रहेको छ । नेप्सेका अनुसार आज पाँच कम्पनीको शेयरमूल्य उच्च अंकले बढेको छ ।

त्यस्तै यस दिन कारोबार रकम पनि घटेको छ। अघिल्लो कारोबार दिन करिब ५ अर्बको शेयर खरिदबिक्री भएको बजारमा यस दिन २५७ स्टकको ६५ हजार १९४ पटकको कारोबारमा ३ अर्ब ८६ करोड ४० लाख रुपैयाँ बराबरको १ करोड ७ लाख ५९ हजार कित्ता शेयर खरिदबिक्री भएको छ।

नेप्से घटेपनि यस दिन ५ स्टकको शेयर सकारात्मक सर्किट लेभलमा कारोबार भएको छ। यस दिन आदर्श लघुवित्त वित्तीय संस्था, सानिमा जिआईसी इन्स्योरेन्स, कुमारी बैंक, स्ट्याण्डर्ड चार्टर्ड बैंक र समृद्धि फाइनान्सको शेयर सकारात्मक सर्किट लेभलमा कारोबार भएको हो। त्यसैगरी, यस दिन पिपुल्स हाइड्रोपावर र मैलुङ्ग खोला जलविद्युत कम्पनीको शेयरमूल्य ८ प्रतिशतभन्दा बढी बढेको छ। कारोबारमा आएको हिमालयन हाइड्रोपावर र लिबर्टी इनर्जीको शेयरमूल्य यस दिन ७ प्रतिशतभन्दा बढी घटेको छ।

कारोबार रकमका आधारमा यस दिन कुमारी बैंक शीर्ष स्थानमा रहेको छ। बैंकको यस दिन २७ करोड ४८ लाख रुपैयाँ बराबरको शेयर खरिदबिक्री भएको छ। त्यसैगरी, यस दिन एनआईसी एशिया, रिडी पावर, अपि पावर र एभरेष्ट बैंकको १० करोडभन्दा बढीको शेयर कारोबार भएको छ।

१३ उपसमूहमध्ये यस दिन २ उपसमूहको परिसूचक बढेको छ भने बाँकी ११ उपसमूहको परिसूचक घटेको छ। यस दिन बैंकिङ्ग उपसमूहको परिसूचक सर्वाधिक १.०८ अंक बढेको छ। त्यसैगरी, म्युचुअल फण्ड उपसमूहको परिसूचक यस दिन ०.६६ अंक बढेको छ। त्यस्तै, यस दिन विकास बैंक, होटल तथा पर्यटन र जलविद्युत उपसमूहको परिसूचक २ प्रतिशतभन्दा बढी घटेको छ भने लगानी, उत्पादन तथा प्रशोधन, निर्जीवन बीमा र अन्य उपसमूहको परिसूचक १ प्रतिशतभन्दा बढी घटेको छ।

आइतबार धरान ५ स्थित देउरालीमा सार्वजनिक जग्गा खोला अतिक्रमण गरी घर बनाएपछि धरान उपमहानगरले डोजर चलाएको छ ।

डोजर चलाउने क्रममा सुरक्षाकर्मी र स्थानीय बासिन्दा बीच झडप हुँदा उपमहानगरको डोजरको सिसा फुटेकाे छ भने केही व्यक्ति सामान्य घाइते भएको प्रहरीको भनाइ छ ।

धरान ५ मा सार्वजनिक जग्गा खोला अतिक्रमण गरी घर निर्माण गरेको भन्दै धरान उपमहानगरपालिकाले आइतबार बिहान मुना चौधरी लिम्बूले बनाएको घर भत्काएको हो ।

धरान-५ को खारखोला र अधेरी खोलाको संगमस्थलमा बहुजातीय रंगशाला बनाउने धरान उपमहानगरले निर्णय गरेको थियो । उक्त क्षेत्रमा एकतले पक्की घर निर्माण गरिएपछि ठूलो सङ्ख्यामा सुरक्षाकर्मी परिचालन गरी अतिक्रमित जग्गा खाली गराइएको नगरप्रमुख हर्क साम्पाङले बताए ।

उपमहानगरले घर निर्माण नगर्न पटकपटक पत्राचार समेत गर्दा अटेर गरी घर निर्माण गरेको आरोप लगाएको छ ।

धरान उपमहानगरपालिकाले संरक्षण गरी बहुजातीय रंगशाला बनाउने भनेको स्थानमा अनधिकृत बसोबास बस्न थालेकोले र पटकपटक आग्रह गर्दा पनि अटेर गरेर घर निर्माण गरेकोले भत्काउनुपरेको धरान उपमहानगरपालिकाका नगर प्रहरी प्रमुख विष्णु कोइरालाले बताए ।

पहिलादेखि नै उक्त जग्गाको भोगचलन गर्दै आएको भन्दै स्थानीयले खोलाको भाग सिमांकन गर्नुपर्ने माग राखेका थिए ।

यसअघि पनि बन्दै गरेका अवस्थामा उक्त घर भत्काउन नगर प्रहरीसहितको टोली डोजर लिएर उक्त स्थानमा पुगेका थियो तर स्थानीयको विरोधका कारण घर नभत्काई फर्किएको थियो ।

उपमहानगरको टोली घर भत्काउन आएपछि अन्तरिम आदेश माग गर्दै घरधनी मुना चौधरी लिम्बू सुनसरी जिल्ला अदालत पुगेकी थिइन् । अदालतले निवेदकले माग गरेअनुरुप अन्तरिम आदेश जारी गरिरहनु नपर्ने बताएको थियो ।

५ नम्बर वडा कार्यालयलाई विपक्षी बनाएर परेको निषेधाज्ञा  मुद्दामा  माघ ६ गते अधिवक्ता द्वय माधवप्रसाद कोइराला र प्रकाशराज ओझाको संयुक्त इजलासले अन्तरिम आदेश जारी गर्न नपर्ने आदेश जारी गर्नुपर्ने भए  सोको आधार र कारण खुलाउन १५ दिनको म्याद सहित आदेश जारी गरेको थियो ।

खोला किनार र सार्वजनिक जग्गामा नया घर निर्माण गर्ने कार्यलाई निरुत्साहित गर्न उपमहानगरले अभियान चलाएको छ भने पुराना निर्माण भएका संरचनालाई व्यवस्थित गर्ने नीति लिएको छ ।

काठमाडौँ । एमालेले कर्तव्य ज्यान मुद्दाका फरार प्रतिवादी लक्ष्मी महतो कोइरी पक्राउ नपर्नुमा गृह प्रशासन नै मुख्य दोषी रहेको आरोप लगाएको छ । एमालेका सचिव रघुवीर महासेठले अदालतबाट दोषी ठहर भई फरार प्रतिवादीको सूचीमा रहेको सांसदलाई पक्राउ गर्न गृहमन्त्रीले नै निर्देशन दिईसकेको अवस्थामा किन पक्राउ गर्न सकिएन भन्दै प्रश्न गरेका हुन् । यो मामिलामा गृह प्रशासन नै दोषी भएको उनले दाबी छ । सांसद महतोलाई पार्टीले वा पार्टीका नेताहरूले संरक्षण गरेको आरोपमा कुनै सत्यता नरहेको उनले बताए । 

कोइरी प्रधानमन्त्री प्रचण्डलाई विश्वासको मत दिँदा संसद् भवनमा उपस्थित भएका थिए । ‘सांसद संसद् भवन छिर्दा पनि प्रहरी बाहिरिँदा पनि प्रहरी हुन्छ । तर पनि उनी पक्राउ नपर्नुमा गृह प्रशासनको मिलेमतो हो’, उनको भनाइ छ । उनले कानुनी कारबाहीबाट बचाउन पार्टीले कसैलाई प्रभावित नपारेको जिकिर गरे । 

गृह मन्त्रालयले ज्यान मुद्दामा फरार एमालेका सांसद कोइरीलाई पक्राउ गर्न प्रहरीलाई लिखित निर्देशन दिएको दुई दिन बित्दासमेत उनी फेला परेका छैनन् । गृहमन्त्री रवि लामिछानेले यसअघि प्रहरीलाई मौखिक आदेश दिँदापनि उनी पक्राउ पर्न नसकेपछि लिखित रूपमै प्रहरी प्रधान कार्यालयलाई पत्राचार गरिएको मन्त्रालयका प्रवक्ता तथा सहसचिव फणीन्द्रमणि पोखरेलले विज्ञप्तिमार्फत जानकारी दिएका थिए । 

प्रहरीले उनको खोजी कार्य भइरहेको जनाए पनि पक्राउ भने पर्न नसकेका हुन् । मधेस आन्दोलनको क्रममा ज्यान गुमाएका सशस्त्र प्रहरीका जवान प्रेम बहादुर विकको हत्या प्रकरणमा यादवलाई उच्च अदालतले दोषी ठहर गरेको थियो । हत्या आरोपका बीच उनी महोत्तरी १ बाट सङ्घीय सांसदमा निर्वाचित भएका थिए ।