Month: February 2022

हेटौँडा । यसअघि पटक–पटक रोकिँदै आएको ७० अङ्क ल्याए सवारी चालक अनुमतिपत्र लाइसेन्सको ट्रायल पास हुने प्रणाली फागुन १ गतेदेखि लागू हुने भएको हो।

बागमती प्रदेशमा फागुन १ गतेदेखि ७० अङ्क ल्याए सवारी चालक अनुमतिपत्र(लाइसेन्स)को ‘ट्रायल पास’ हुने प्रणाली लागू हुने भएको छ।

मुख्यमन्त्री शालिकराम जम्कट्टेलले प्रदेशमा सो प्रणाली लागू गर्नको लागि श्रम,रोजगार तथा यातायात मन्त्रालयलाई अख्तियारी दिइसकेका छन्। उनले फागुन १ गतेदेखि प्रदेशको उपत्यकाको जिल्लाहरूबाट ७० अङ्क ल्याए सवारी चालक अनुमतिपत्र लाइसेन्सको ट्रायल पास हुने प्रणाली लागू गर्न यातायात मन्त्रालयलाई निर्देशन दिएका हुन्।

उनले भने, ‘यसअघि ट्रायल सेन्टरका सञ्चालकले नै अहिले सक्दैनौँ भनेको भएर रोकिएको थियो। अहिले उहाँहरूले नै सक्छौँ भनेपछि हामीले यसलाई लागू गर्ने तयारी गरेका छौँ । यसअघिको सरकारको श्रम, रोजगार तथा यातायात मन्त्री घनश्याम दाहालले लागू गर्न खोजे पनि मुख्यमन्त्री राजेन्द्र पाण्डेले हस्तक्षेप गर्दा लागू हुन सकेको थिएन। उनले ३ पटकसम्म उक्त प्रणाली लागू गर्ने तयारी गरेका थिए।

यस्तो छ प्रक्रिया
यो प्रणाली लागू भए मोटरसाइकल, स्कुटर तथा मोपेडका लागि कुल अंकभार १०० तोकिएको छ। त्यसमा ७० अङ्क प्राप्त गर्ने प्रशिक्षार्थी अनुमति पत्रका लागि योग्य मानिनेछन्। प्रदेश सरकारले तयार पारेको निर्देशिकाअनुसार मोटरसाइकल, स्कुटर र मोपेड चालकका लागि रोमन अङ्क ८ (एट) को अंकभार २० तोकिएको छ। दुई पटकसम्म अङ्कित रेखा छोएमा प्रत्येक पटक ५ अङ्कको दरले १० अंकभार घट्नेछ तर ट्रायल फेल भइँदैन। दुई पटकभन्दा बढी उक्त रेखा छोएमा, सवारीको टायर अङ्कित रेखाभन्दा बाहिर गएमा, एक पटकभन्दा धेरै पटक खुट्टाले भुईँ टेके, ठिक दिशाबाट वा ठिक तरिकाबाट ८ आकार नबनाए वा सवारीको स्टार्ट बन्द भएको अवस्थामा भने अनुत्तीर्ण भएको घोषणा गरिने व्यवस्था गरिएको छ।

साँघुरो फलेकको अंकभार १० तोकिएको छ। साँघुरो फलेकमा खुट्टाले भुईँमा टेकेमा, फलेकको लम्बाइ पार गर्नु अगावै फलेकबाहिर निस्के पनि अनुत्तीर्ण हुनेछन्। निर्देशिकामा यु–टर्नको अंकभार १० तोकिएको छ। ‘टर्निङ लाइट’ नबालेको खण्डमा १० अङ्क घटाइनेछ। त्यस्तो अवस्थामा पनि अङ्कित रेखा छोए भने अनुत्तीर्ण हुनेछन्। ट्राफिक सङ्केतका लागि १५ अंकभार तोकिएको छ। ट्राफिक सङ्केत पालना नगरेको खण्डमा १५ अङ्क घटाइनेछ। निर्देशिकामा उबडखाबडको अंकभार १५ तोकिएको छ। एक पटकसम्म सवारीको स्टार्ट बन्द भएको खण्डमा ५ अंकभार घटाइनेछ। एक पटकभन्दा बढी स्टार्ट बन्द भयो भने प्रयोगात्मक परीक्षा दिने अनुत्तीर्ण हुनेछन्।

त्यसै गरी उकालो (र्‍याप) को अंकभार २० तोकिएको छ। त्यसै गरी परीक्षार्थीको व्यवहारगत पक्षको समग्र मूल्याङ्कनलाई १० अंकभार तोकिएको छ। कार, जिप, डेलिभरी भ्यानको प्रयोगात्मक परीक्षाको कुल अंकभार १०० तोकिएको छ। जसमा ७० प्रतिशत ल्याएको खण्डमा प्रशिक्षार्थी उत्तीर्ण भएको मानिनेछ।

निर्देशिकाअनुसार कार, जिप, डेलिभरी भ्यानको प्रयोगात्मक परीक्षामा घुमाउरो ८ (एट) को अंकभार २० तोकिएको छ। दुई पटकसम्म अङ्कित रेखा छोए प्रत्येक पटक ५ अङ्कको दरले १० अंकभार घट्नेछ तर ट्रायल फेल भइँदैन। दुई पटकभन्दा बढी अङ्कित रेखा छोए, सवारीको टायर अङ्कित रेखाभन्दा बाहिर गए, ठिक दिशाबाट वा ठिक तरिकाबाट ८ आकार नबनाएकोमा वा सवारीको स्टार्ट बन्द भएको अवस्थामा भने अनुत्तीर्ण हुने व्यवस्था गरिएको छ।

निर्देशिकामा ट्राफिक सङ्केतको अंकभार १५ तोकिएको छ। पालना नगरे १५ अङ्क घट्ने प्रावधान राखिएको छ। त्यसै गरी यु–टर्नको अंकभार १० तोकिएको छ। टर्निङ इन्डिकेटर लाइट नबालेको खण्डमा १० अंकभार घटाइनेछ। अङ्कित रेखा छोएको खण्डमा भने प्रशिक्षार्थी अनुत्तीर्ण हुनेछन्। चार पाङ्ग्रे सवारी चालकलाई र्‍याम (उकालो)का लागि अंकभार १५ तोकिएको छ। तोकिएको रेखा नाघी सवारी रोकेमा वा सवारी अगाडि बढेमा, रोकिएको अवस्थामा सवारीसाधन अगाडि बढाउँदा सवारीको पछाडिको टायर ६ इन्चभन्दा पछाडि सरेमा, उकालो पार गरी ओरालोबाट झर्ने क्रममा तोकिएको सीमा नाघी सवारी रोकेमा वा एक पटकभन्दा धेरै सवारी स्टार्ट बन्द भएमा अनुत्तीर्ण हुनेछ।

काठमाडौ । भूमी प्रशासनका प्राज्ञिक बिधामा काठमाडौ बिश्वबिद्यालय सङ्ग सहकार्य मन्त्रालयका सचिव डा. दामोदर रेग्मीको सक्रियता हुन लागेको समाचार जानकारीमा आएको छ।

सचिब रेग्मीका अनुसार भूमी ब्यबस्था , सहकारी तथा गरिबी निबारण मन्त्रालयले भूमी प्रशासन का विभिन्न बिधाहरुमा अनुसन्धान ,जनशक्ती उत्पादन तथा नवीन अबधारणाको प्रयोगमा काठमाण्डौ विश्वविद्यालय सङ्ग सहकार्य बढाउने भएको हो ।

मन्त्रालय र बिश्वबिद्यालयका उच्च पदधिकारीहरुको भेटमा सो कुरा भएको बताइएको छ। सो अबसरमा मन्त्री राजेन्द्र कुमार राइले भूमी प्रशासनका बिसयमा अध्यन अनुसन्धान गर्नु आबश्यक छ, यसमा काठमाण्डौ विश्व बिद्यालयको सहयोग आबश्यक रहेको कुरा बताउनुभएको थियो ।

मन्त्रालयका सचिब डा रेग्मीले हाल यस विश्व बिद्यालयबाट मन्त्रालयको सहकार्यमा जियोमेटृक इन्जिनियरिङ्ग बिषयमा पढाइ भैरहेकोमा भूमी प्रशासन बहु बिधायुक्त क्षेत्र भएकोले अन्य बिधाहरुमा समेत सहकार्यको सम्भावना रहेको बताए। विश्व बिद्यालयका उपकुलपती भोला थापाले मन्त्रालय सङ्ग सहकार्य गर्न पाएकोमा खुशी ब्यक्त गर्दै आगामी दिनमा सह्कार्य गर्न इच्छुक रहेको ब्स्ताए।

रजिस्ट्रार अच्युत वाग्लेले प्रागिक सस्था र सरकारबिच निरन्तर सहकार्य आबश्यक रहेको बताए। भूमी ब्यस्थापनको कार्य विभिन्न बिधाहरु सङ्ग सम्बन्धित रहेकोले अब यी बिधाहरु सम्मृद्ध हुँदै भूमी प्रशासन सेवाग्राही मैत्री बनाउन यस्ता कार्यहरु गर्न लागिएको मन्त्रालयले जनाएको छ।

काठमाडौँ । काठमाडौँ महानगरपालिकामा ५ जना विभागीय प्रमुखहरूको हेरफेर भएका छन् । महानगरका सहायक प्रवक्ता दीपक अधिकारीका अनुसार राजस्व विभागका प्रमुख डा.शिवराज अधिकारी खरिद इकाईमा सरुवा भएका छन् भने खरिदका ध्रुव काफ्ले राजस्व विभागमा गएका छन् ।

यस्तै कृषि तथा वातावरण विभागकी उपनिर्देशक सरिता राई प्रशासन विभागमा सरुवा भएकी छिन् भने उनको ठाउँमा विपद् व्यवस्थापन विभागका रवीनमान श्रेष्ठ सरुवा भएका छन् । यस्तै प्रशासन विभागका निर्देशक नवराज थापा विपदमा सरुवा भएका छन् ।

नवौँ तहको कर्मचारीहरूको २ वर्ष भन्दा धेरै समयसम्म एकै स्थानमा बसिसकेकोले विभागीय प्रमुखहरूको सरुवा गरिएको उनले बताए ।

काठमाडौं । नेपाल स्टक एक्सचेञ्ज (नेप्से) मा साताको कारोबारको दोस्रो दिन आज नेप्से ४.५७ अंकले बढेर दुई हजार एक सय दशमलव ६५ विन्दुमा बन्द भएको हो ।

त्यस्तै, आज नेप्से परिसूचक घटेसँगै कारोबार रकममा पनि गिरावट आएको । आज नेप्सेमा एक अर्ब ४७ करोड ४१ लाख बराबरको कारोबार भएको छ । आइतबार नेप्सेमा एक अर्ब ९३ करोड १७ लाख बराबरको कारोबार भएको थियो ।

आज कारोबार भएका कम्पनीमध्ये १०४ वटा कम्पनीको शेयरमूल्य बढेको छ भने ९५ वटा कम्पनीको शेयरमूल्य घटेको छ । १७ वटा कम्पनीको शेयरमूल्य स्थिर रहेको छ ।      

नेप्सेका अनुसार एक कम्पनीको शेयरमूल्यमा उच्च वृद्धि भएको छ । आज आदर्श लघुवित्त वित्तीय संस्थाको शेयरमूल्य १० प्रतिशतले बढेर प्रतिकित्ता दुई हजार ३३३ दशमलव ८० रुपैयाँ पुगेको छ । यस दिन सो लघुवित्तको शेयरमूल्य २१२ रुपैयाँ १० पैसा बढेर २ हजार ३३३ रुपैयाँ ८० पैसा पुगेको छ। त्यसैगरी, यस दिन महुली लघुवित्तको शेयरमूल्य साढे ५ प्रतिशत बढेको छ भने युनिभर्सल पावर र सिभिल लघुवित्तको शेयरमूल्य ४ प्रतिशतभन्दा बढी बढेको छ। यस दिन लक्ष्मी बैंकको ८.५ प्रतिशत ब्याजदर पाइने ऋणपत्रको मूल्य यस दिन सर्वाधिक ९.५८ प्रतिशत घटेको छ।

आज लक्ष्मी बैंक डिबेञ्चरको शेयरमूल्यमा सबैभन्दा बढी गिरावट भएको छ । यसको शेयरमूल्य ९ प्रतिशत भन्दा बढीले घटेको छ । त्यस्तै, कारोबारको आधारमा आज सबैभन्दा बढी एनआईसी एशिया बैंकको भएको छ । यसको आज ६ करोड ४५ लाखभन्दा बढीको कारोबार भएको छ ।    

कारोबार रकमका आधारमा यस दिन एनआईसी एशिया शीर्ष स्थानमा रहेको छ। सो बैंकको यस दिन ६ करोड ४५ लाख रुपैयाँ बराबरको शेयर खरिदबिक्री भएको छ। त्यस्तै, युनिभर्सल पावर कम्पनीको यस दिन ५ करोड ३५ लाख रुपैयाँको शेयर कारोबार भएको छ।

यस दिन १३ उपसमूहमध्ये ८ उपसमूहको परिसूचक बढेको छ भने ५ उपसमूहको परिसूचक घटेको छ। यस दिन उत्पादन तथा प्रशोधन उपसमूहको परिसूचक सर्वाधिक १.३८ प्रतिशत बढेको छ। यस दिन जीवन बीमा उपसमूहको परिसूचक सर्वाधिक ०.८२ प्रतिशत घटेको छ।

                            

राष्ट्रिय सभाको उपाध्यक्षमा नेकपा माओवादी केन्द्रकी उर्मिला अर्याल निर्वाचित भएकी छिन्। कांग्रेससहित विपक्षी दलहरूले उपाध्यक्षमा उम्मेदवारी नदिएकाले सत्तागठबन्धनकी साझा उम्मेदवार बनेकी अर्याल सर्वसम्मत निर्वाचित भएकी हुन्।

सोमबारको बैठकमा सभाका अध्यक्ष  गणेशप्रसाद तिमिल्सिनाले राष्ट्रिय सभाको उपाध्यक्ष पदमा निर्वाचित गरियोस् भनी एउटा मात्रै प्रस्तावको सूचना प्राप्त भएकाले राष्ट्रिय सभा नियमावली २०७५ को नियम ८ बमोजिम सभाकी माननीय सदस्य उर्मिला अर्याल निर्विरोध निर्वाचित भएको घोषणा गरे ।

अर्यालले नारायणकाजी श्रेष्ठको प्रस्ताव तथा देवेन्द्र दाहाल र खिमलाल देवकोटाको समर्थनमा उम्मेदवारी दर्ता गराएकी थिइन्।

यस्तो छ अर्यालको राजनीतिक यात्र
बिस २०१३ साल असोज २० गते पर्साको जगरनाथपुर गाउँपालिका–५ मसिहानीमा जन्मिएको अर्यालको हालको ठेगाना विरगञ्ज महानगरपालिका– २३, गण्डक चोक रहेको छ । उनी हाल काठमाडौँको बूढानीलकण्ठ–४, रुद्रेश्वरमा बस्दै आएकी छन् । उनका श्रीमान् डा. यमबहादुर थापा हुन् भन् अर्यालका एक/एक छोरा र छोरी छन् । 

शिक्षा
१. विद्यावारिधि (विद्यार्थी)– राजनीतिक समाजशास्त्र, रिम्टस् विश्वविद्यालय पञ्जाव, भारत
२. एम.ए. समाजशास्त्र, जुलाई २०१३,  इन्दिरा गान्धी विश्वविद्यालय, भारत
३. Continuing Education Course University of Massachusetts,
Amherst, Massachusetts USA 01003-3260 July 1994
ईमेल : urmila.aryal@hotmail.com 

राजनीतिमा प्रवेश
वि.सं. २०२६ सालमा अनेरास्ववियुको सदस्यता लिई विद्यार्थी राजनीतिमा प्रवेश ।
वि.सं. २०३५ सालमा कम्युनिष्ट पार्टीको संगठित सदस्यता प्राप्त ।

राजनीतिक जिम्मेवारी :
२०३५ साल चैत्रमा तत्कालीन नेकपा चौम जिल्ला कमिटी सदस्य ।
२०३६ सालमा तत्कालीन चौम अन्तर्गत अनेम संघको केन्द्रीय सम्मेलन आयोजक कमिटी सदस्य ।
२०३६ सालमा ठाकुरराम बहुमुखी क्याम्पस स्ववियू उपसभापतिमा निर्वाचित ।
२०३८ सालमा तत्कालीन चौम अन्तर्गत अयोध्यामा भएको अनेम संघको पहिलो राष्ट्रिय सम्मेलनबाट पहिलो केन्द्रीय अध्यक्ष पदमा निर्वाचित ।

२०३८ सालमा अखिल भारत नेपाली एकता समाजको राष्ट्रिय सम्मेलनको अध्यक्षता ।
२०३८ सालमा शान्ति क्षेत्र प्रस्तावको औचित्यबारे अखिल भारत नेपाल विद्यार्थी संघद्वारा आयोजित अन्तर्राष्ट्रिय सम्मेलन दिल्लीमा अध्यक्षता ।

२०४६ सालमा नेकपा एमालेमा प्रवेश ।
२०५० सालमा नेकपा एमाले पर्सा जिल्ला कमिटी सदस्यमा निर्वाचित । सोही वर्ष राजविराजमा सम्पन्न अखिल नेपाल किसान संघको राष्ट्रिय सम्मेलनबाट केन्द्रीय सदस्यमा निर्वाचित । 
२०४८ र २०५१ मा पर्सा जिल्ला क्षेत्र नं. ४ बाट प्रतिनिधि सभा सदस्यको लागि प्रत्यासी भई उपविजेता । 
२०५१ सालमा नेपाल कोल लिमिटेडको अध्यक्षको जिम्मेवारी वहन ।
२०५६ सालमा पर्सा जिल्ला क्षेत्र नं. ४ बाट प्रतिनिधि सभा सदस्य पदमा निर्वाचित ।
२०५९ माघको सातौं महाधिवेशनबाट नेकपा (एमाले)को वैकल्पिक केन्द्रीय सदस्यमा निर्वाचित ।

२०५८ देखि २०६३ सालसम्म Rural and indigenous women taskforce of asia pacific forum on women law and development को स्टेरिङ कमिटी सदस्य
२०६३ चैत्र १० देखि २०६४ ज्येष्ठ १० गतेसम्म नेपाल सरकारको महिला, बालबालिका तथा समाज कल्याण राज्यमन्त्री ।

२०६५ सालमा वुटवलमा सम्पन्न आठौं महाधिवेशनवाट नेकपा (एमाले)को केन्द्रीय सदस्य तथा पोलिटव्यूरो सदस्यमा निर्वाचित ।

सन् २००९ नोभेम्वरमा Workers’ Party of Bangladesh को आठौं महाधिवेशनमा नेपालको तर्फबाट प्रतिनिधित्व गरी नेकपा एमालेको तर्फबाट शुभकामना सन्देश सम्प्रेषण गरेको ।
२०६४ सालदेखि महिला लोकतान्त्रिक सञ्जालको केन्द्रीय अध्यक्ष ।

२०६७ चैत्रदेखि २०६८ भाद्र ११ गतेसम्म नेपाल सरकारको स्थानीय विकास मन्त्री ।
विभिन्न समयमा नेकपा (एमाले) पार्टी स्कूल विभाग, महिला विभाग, कृषि विभागको जिम्मेवारीका साथै निर्वाचन विभाग र समावेशीकरण तथा सामाजिक सुरक्षा विभागको प्रमुख भई जिम्मेवारी निर्वाह गरेको ।
२०७० ज्येष्ठ ४ गते एकीकृत नेकपा (माओवादी)मा प्रवेश । हाल पार्टीमा स्थायी कमिटी सदस्य ।
२०७८ माघ १२ गते राष्ट्रिय सभा सदस्यमा निर्वाचित ।

पार्टी तथा सरकारको प्रतिनिधि भई गरेका विदेश भ्रमण : चीन, भारत, पाकिस्तान, बंगलादेश, अफगानिस्तान, किर्गिस्तान, फिलिपिन्स, थाइल्याण्ड, इन्डोनेसिया, अमेरिका, फ्रान्स, स्पेन, स्वीटजरल्याण्ड आदि ।

काठमाडौं । प्रधानमन्त्री पुष्पकमल दाहाल प्रचण्डले प्रतिनिधि सभामा रहेका सबै राजनीतिका दलका प्रमुख सचेतकहरुसँग सामुहिक छलफल गर्ने भएका छन ।

वालुवाटारस्थित प्रधानमन्त्री निवासमा आज विहान ९ बजे बालुवाटारमा बोलाईएको बैठकमा संसदलाई कसरी प्रभावकारी बनाउने र सरकारले संसदलाई दिनुपर्ने बिजेनसका बारेमा राय लिने छन् ।

प्रधानमन्त्रीको सचिवालयका अनुसार संसदको आगमी बैठकलाई प्रभावकारी रुपमा लैजानका लागि सल्लाह माग्न प्रमुख सचेतकहरुलाई बोलाईएको हो ।

काठमाडौं । नेपाल स्टक एक्सचेञ्ज (नेप्से)मा साताको कारोबारको पहिलो दिन आज आइतबार झिनो अंकले बढेको छ । आजको कारोबार शुरु भएदेखि नै तिव्र उत्तारचढाव देखिएको नेप्से अन्ततः झिनो अंकले बढेर बन्द भएको हो । 

आज नेप्से १.५४ अंकले बढेर दुई हजार ९६ दशमलब ८ विन्दुमा बन्द भएको छ । कारोबार रकम दुई अर्ब समेत पुग्न सकेको छैन । आज एक अर्ब ९३ करोड १७ लाख रुपैयाँ भन्दा बढीको भएको छ । 

आज कारोबार भएका कम्पनीमध्ये १०८ वटा कम्पनीको शेयरमूल्य बढेको छ भने १०१ वटा कम्पनीको शेयरमूल्य घटेको छ । ७ वटा कम्पनीको शेयरमूल्य स्थिर रहेको छ ।      

नेप्सेका अनुसार दुई कम्पनीको शेयरमूल्यमा उच्च वृद्धि भएको छ । आज आदर्श लघुवित्त वित्तीय संस्थाको शेयरमूल्य १० प्रतिशतले बढेर प्रतिकित्ता दुई हजार एक सय २१ रुपैयाँ पुगेको छ र पोखरा फाइनान्सको शेयरमूल्यमा ८.४९ प्रतिशतले बढेर प्रतिकित्ता ४२५.३० रुपैयाँ पुगेको छ ।          

यता इष्टर्न हाइड्रोपावरको शेयरमूल्य ५.४५ प्रतिशतले घटेको छ भने प्राइम लाइफ इन्स्योरेन्सको ३.८४ प्रतिशत र सयपत्री हाइड्रोपावरको ३.६३ प्रतिशतले घटेको छ।

यस दिन नेपाल लाइफको सबैभन्द धेरै ६४ करोड ४१ लाख रुपैयाँको शेयर कारोबार भएको छ भने एनआइसी एशिया बैंकको ५ करोड ८५ लाख, नविल बैंकको ५ करोड ७४ लाख रुपैयाँको शेयर कारोबार भएको छ।

आइतबार कारोबारमा आएका १३ उपसमूहमा ८ उपसमूहको सूचक सकारात्मक देखिएको छ भने बाँकी ५ उपसमूहको सूचक नकारात्मक देखिएको छ। यस दिन फाइनान्स उपसमूहको सूचक सबैभन्दा धेरै बढेको छ।

                        
 

काठमाडैँ ।आइतबार (आज) राष्ट्रिय स्वतन्त्र पार्टीले सरकारबाट बाहिरिने निर्णय गरेको छ ।

प्रधानमन्त्री पुष्पकमल दाहाल ‘प्रचण्ड’ले सभापति रवि लामिछानेलाई मन्त्री नबनाउने र सो पार्टीलाई गृह मन्त्रालय नदिने सन्देश दिएलगत्तै सो पार्टीले सरकारबाट बाहिरिने निर्णय गरेको हो ।

आज पार्टी कार्यालयमा बसेको केन्द्रीय समिति र संसदीय दलको संयुक्त बैठकले सो निर्णय गरेको रास्वपाका एक नेताले बताए । बैठकमा सरकारमा निरन्तरता दिने वा नदिनेबारे छलफल भएको थियो ।