Month: February 2022

रौतहट ३ जेठ। रौतहटको मध्यभाग गरुडा र कटहरिया नगरपालीकाले  भू उपयोग नियमावलीअनुसार नगर क्षेत्रका जग्गाको वर्गीकरण कार्य सम्पन्न गरेको छ । भूउपयोग नियमावली २०७९ ले निर्देश गरेको मापदण्डको आधारमा जग्गा वर्गीकरण सम्पन्न गरेको गरुडा नगरपालिकाका प्रमूख प्रशासकीय अधिकृत भुदेव झाले बताएका छन।

नगर कार्यपालिका बोर्डको निर्णय अनूसार नगर क्षेत्र अन्तरगतको जग्गा लाई तीन श्रेणीमा विभाजित गरिन्छ। कृषि, उधोग र आवास क्षेत्रको जग्गा छुट्टाछट्टै वर्गीकरण गरिन्छ। नगर क्षेत्रको जग्गा क्षेत्रफल यकीन गरी तीन श्रेणीमा वर्गीकरण गरेर मालपोत कार्यालय र नापी कार्यालयमा लिखीत पत्र पठाईएको अधिकृत झाले जानकारी दिएका छन। 

वर्गीकरणको  अभावमा मालपोत तथा नापि कार्यलय द्वारा कीता काट रोक्का रहेका कारण जग्गाको कारोबार  अवरुद्ध भएकाे थियाे। वर्गीकरणको सिफारिस संगै किटा कात सुचारु भएपछि कारोवारमा सहजता हुने गरुडा नगरपालिका का मेयर कन्थमनी जैसवालले वताएका छन।

त्यसैगरी कटहरिया नगर क्षेत्र अन्तर्गतकाे सम्पूर्ण जग्गाको यकिन गरी तिनभागमा वर्गीकरण गरेर मालपोत कार्यालय र नापि कार्यालय मौलापुरमा पत्र पठाईएको प्रमुख प्रशासकीय अधिकृत रामप्रकाश साहले बताएका छन। लामोसमय देखी 

जग्गा वर्गीकरण नभएको कारण किता काट नहुँदा जग्गा धितो राखेर ऋण समेत पाउन मुस्किल भएकाले पैसाको अभावमा विरामीको उपचार, बिहेवारि, छोराछोरीका पढाइ, अंशबन्डा जस्ता अत्यावश्यक कार्य समेत रोकिएको थियो।

रौतहट ३  जेठ। रौतहटका सिडियाे धर्मेन्द्र कुमार मिश्र सहित स्थानीय प्रशासनको टोली मंगलवार बागमती नदीको बाँध निरीक्षण गरेका छन।  आउनै लागेको बाढी वर्षाको समयमा नागरिकको ज्यान धनको क्षति नहोस भन्ने उदेश्यका साथ सिडियो मिश्र सहितको टोली स्थलगत निरीक्षणमा जुटेका हुन। मंगलवार टोली दूर्गा भगवती गाउँ पालिका ३ र ५ बडहरावा र मत्सरी गाउँ छेउ बागमती नदीको बाँध निरीक्षण गरेका थिए। बागमति नदिमा आउने बाढीले डुबान, कटान, संगै हुने जोखिम संग बच्न पूर्व तयारी स्वरूप निरीक्षण सुरू गरिएको सिडियो मिश्रले जानकारी दिएका छन।निरीक्षणको क्रममा केहि स्थानमा कमजोर अथवा क्षतिग्रस्त बाँध लाई अविलम्ब मर्मत गर्न बागमती लालबकैया नदि नियन्त्रण कार्यालयको कर्मचारीलाई सिडियाे धर्मेन्द्र कुमार मिश्रले निर्देशन दिएको टोलीमा सहभागी नेपाल पत्रकार महासंघ रौतहटका सभापती प्रेमचन्द्र झाले बताएका छन। त्यसैगरी बडहरवा घाटमा पूल निर्माणको लागि बागमती नदीको धार परिवर्तन गर्ने कार्य अती सिघ्र गराउन समेत निर्देशन दिईएको छ। लामोसमय देखि अलपत्र परेको पुल निर्माणको जिम्मा महालक्ष्मी विकाश निर्माण सेवाले लिएको छ।

गतवर्ष बागमती नदीले साविकको पानीको बहाव परिवर्तन गर्दै पस्चीम किनारमा बहाव सुरूहरेको थीयो। पुल निर्माणको सुरुमा बीचमा रहेको नदीको पानिको बहाव पुर्वी किनारमा पुगेको थियो। दुईबर्ष अघी स्थानीयले पानिको बहाव साबिक बनाउन खोज्दा पश्चिम किनार पुगेको कारण पुल निर्माणको काम अलपत्र परेको थियो। महालक्ष्मी बिकाश निर्माण सेवाले सोही बहावलाई पुनः साविकमा ल्याउने पछिल्लो दुईसाता देखि प्रयासरत रहेका छन।

दर्जन बढी टयाकाटर र दर्जनौं मजदुर सहीत जेसिविको सहयोगले नदीको धार परिवर्तन गर्न अहोरात्र खटिएका छन्। मौषम पूर्वानुमान महाशाखाले अबको १० दिन पछि बागमती लगायतका नदीहरूमा बाढी आउने प्रबल सम्भावना रहेको जनाएको छ। सोही पूर्वानुमान लाई मध्यनजर गर्दै टोलिले धार परिवर्तन गर्ने कार्य लाई थप तिब्रता दिन निर्माण सेवाका प्रतिनिधिलाई सुझाव दिएको हो। निरिक्षणको क्रममा दूर्गा भगवती गाउँ पालिकाका अध्यक्ष शम्भू सिंह लगायतका जनप्रतिनिधिले जोखीम रहेकाे बागमती नदीको बाँध लगायत अन्य स्थान बारे जानकारी दिएका थिए। टोलीमा सिडियाे धर्मेन्द्र कुमार मिश्र, सशस्त्रका एसपी माधव रेग्मी , राष्ट्रीय अनुसंधानका एसपी चन्दन कुमार झा, नदी नियन्तरणका प्रतिनिधि,नेपाल पत्रकार महासंघका सभाति प्रेमचन्द्र झा लगायतको सहभागिता रहेको थियो।

काठमाडौँ । नेपालीलाई भुटानी शरणार्थी बनाएर अमेरिका पठाउने गिरोहका सदस्यहरू पक्राउ परिरहँदा खाँटी भुटानी शरणार्थीहरूले भने आफूहरू सबैको परिचयपत्र आठ महिनादेखि नवीकरण हुन नसकेको गुनासो गरेका छन् । 

नक्कली भुटानी शरणार्थी प्रकरणले मुलुकमा नै तहल्का मच्चाइरहेका बेला सक्कली भुटानीहरुले भने परिचयपत्र अझै पाएका छैनन्’, भुटानी शरणार्थी प्रतिनिधि स्वदेश फिर्ती समितिका कार्यवाहक अध्यक्ष तिलक राई भन्नुहुन्छ– ‘त्यसमाथि नक्कली भुटानी शरणार्थी काण्डले वर्षौंदेखि झापा र मोरङको शिविरमा कष्टकर जीवन बिताइरहेका शरणार्थीलाई गम्भीर असर पुर्‍याएको छ ।’ जसकाकारण पनि भुटानी शरणार्थी प्रतिनिधि स्वदेश फिर्ती समितिले सो काण्डका बारेमा स्वतन्त्र एवं निष्पक्ष छानबिनका लागि सरकारसँग औपचारिक रुपमा आग्रहसमेत गरेको हो ।

‘हालै गैरभुटानीलाई भुटानी बनाएर पश्चिमा देश खासगरी अमेरिका लैजान ठूलो धनराशीको भ्रष्टाचार मुद्दामा नेपाली नागरिकदेखि उच्च तहका कर्मचारी र पूर्वमन्त्रीहरूसमेत गिरफ्तार भइसकेको घटनाप्रति हाम्रो संगठनको गम्भीर ध्यानाकर्षण भएको छ ।’ –उहाँले भन्नुभयो । सो संस्थाले निष्पक्ष छानबिन गरी दोषीलाई कारबाही गर्न तथा त्यसमा आवाश्यक सहयोग गर्न संस्था प्रतिबद्ध रहेको समेत जनाएको छ ।

झापा र मोरङमा शिविरहरुमा कष्ठपूर्ण जीवन बिताइरहेका करिब ६ हजार ५ सय हाराहारीका भुटानी शरणार्थीको जीवनयापनका बारेमा संवेदनशील भइदिन पनि सो समितिले आग्रह गरेको छ ।

मेष : (चु, चे, चो, ला, लि, लु, ले, लो, अ) आज प्रेममा मनमुटावका साथै मनमा शङ्का उत्पन्न हुनेछ । अधिकार प्राप्तिका लागि संघर्ष गर्नु पर्ला, तर प्राविधिक कामबाट भने सफलता मिल्नेछ ।

मिथुन : (का, कि, कु, घ, ङ, छ, के, को, हा) आज भाग्यले विभिन्न अवसर जुराउनेछ । श्रमको उचित मूल्याङ्कन हुनेछ । स्वास्थ्यमा सुधार आउने देखिन्छ । शिक्षामा सफलता पनि पाइनेछ ।

सिंह : (मा, मि, मु, मे, मो, टा, टि, टु, टे) आज यात्रा गर्दा सचेत हुनुपर्नेछ । झन्झटिलो काममा संलग्न हुनुपर्ने समय छ । नजिकका व्यक्तिबाट धोका पाइएला, तर आर्थिक लाभ मिल्नेछ ।

तुला : (रा, रि, रु, रे, रो, ता, ति, तु, ते) आज महिला वर्गबाट विशेष सहयोग मिल्नेछ । नसोचेको ठाउँबाट धनागम हुनेछ । वैदेशिक क्षेत्रको कार्य अघि बढ्नेछ । सफल यात्रा पनि हुनेछ ।

धनु : (ये, यो, भा, भि, भु, धा, फा, ढा, भे) आज अधिकार प्राप्तिका लागि संघर्ष गर्नु पर्ला । घरायसी वातावरणमा केही असामान्यता देखिन सक्छ । यात्रामा पनि सावधानी अपनाउनु पर्नेछ ।

वृष : (इ, उ, ए, ओ, वा, वि, वु, वे, वो) छोटो दुरीको लाभदायक यात्रा हुनेछ । शैक्षिक क्षेत्रमा सफलता मिल्नेछ । नजिकको व्यक्तिबाट सहयोग पाइनेछ । शुभ समाचार सुन्न पाइएला ।

कर्कट : (हि, हु, हे, हो, डा, डि, डु, डे, डो) आज भाग्यले साथ दिनेछ । दाम, इनाम र प्रतिष्ठा कमाउने बेला छ । सफल र रमाइलो यात्राको योग रहेको छ । धर्मकर्ममा मन पनि लाग्नेछ ।

कन्या : (टो, पा, पि, पु, ष, ण, ठ, पे, पो) आज नयाँ वस्त्र तथा अलंकार प्राप्ति हुनेछ । सामाजिक क्षेत्रमा सफलता मिल्नेछ । न्यायिक कार्यमा सफलता मिल्नेछ । भूमिबाट लाभ पनि रहला ।

वृश्चिक : (तो, ना, नि, नु, ने, नो, या, यि, यु) आज धर्मकर्ममा मन लाग्नेछ । आँटेको र ताकेको कार्य पुरा होला । साथी भाइको भेटघाटले मन प्रफुल्ल रहला । आकस्मिक धन लाभ हुनेछ ।

मकर : (भो, जा, जि, जु, जे, जो, ख, खि, खु, खे, खो, गा, गि) शुभकार्यको चर्चा चल्नेछ । साहित्य तथा सङ्गीतमा रुचि बढ्नेछ । दाम्पत्य जीवन सुखमय हुनेछ । बोलीको प्रभावले अरुको मन जित्न सकिनेछ ।

कुम्भ : (गु, गे, गो, सा, सि, सु, से, सो, दा) प्रतिष्ठित काम गरेर अवसर हात पार्ने समय छ । जोशजाँगर र उमंग बढ्ला । धर्मकर्म तथा समाज सेवामा मन लाग्नेछ । मनोबल उच्च रहनेछ ।

मीन : (दि, दु, थ, झ, ञ, दे, दो, चा, चि) राज्यबाट मान सम्मान पाइनेछ । कुटुम्बको सहयोग मिल्नेछ । विद्या र बुद्धिको विकास हुनेछ । आफ्नै दक्षतामा विभिन्न कार्यहरू सम्पन्न हुनेछन् ।

काठमाडौं । नक्कली भुटानी शरणार्थी प्रकरण, मानव तस्करहरू, राष्ट्रघाती नागरिकता विधेयकको विरोधमा क्रान्तिकारी कम्युनिस्ट पार्टी, नेपाल र नेकपा (मशाल)को संयुक्त आयोजनामा विरोध र्यालीसतिको आमसभा आयोजना गरिएको छ । वुटवलको विपी चोकमा आयोजित सभालाई क्रान्तिकारी कम्युनिस्ट पार्टी, नेपाल र नेकपा (मशाल)का नेताहरुले भ्रष्ट संसदीय व्यवस्थाको खारेज गरौं र नयाँ जनवादी गणतन्त्रको स्थापना गरौं भन्ने आव्हानसहित महत्वपूर्ण विरोध मन्तव्य राखिरहनु भएको छ भने चितवन र दाङमा पनि विरोध कार्यक्रमहरु भइरहेका छन् ।

क्रान्तिकारी कम्युनिस्ट पार्टी र नेकपा (मशाल)ले सातवटै प्रदेश र जिल्लाहरुमा विरोध प्रदर्शनसहित आमसभाको कार्यक्रम घोषणा गरेको छ । घोषित कार्यक्रम अनुसार बैशाख ३० गते काठमाडौंको रत्नपार्क शान्तिबाटिकामा र जेठ १ गते गण्डकी प्रदशको पोखरामा विरोधसभा सम्पन्न गरिएको छ । वुटवलमा आज प्रदेश स्तरको विरोध कार्यक्रम भइरहेको छ भने जेठ ३ गते सुर्खेत र हटौडा, जेठ ४ गते धनगढी र विराटनगर र जेठ ५ गते जनकपुरमा प्रदर्शनसहित आमसभाको कार्यक्रम राखिएको छ ।

काठमाडौं । नेपालमा पछिल्लो चाैबीस घण्टामा थप २१ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार १९०३ जनाको नमुना परीक्षण गर्दा २१ जनामा संत्रमण पुष्टि भएको हो।

२४ जना संक्रमित निको भएका छन् भने हाल देशभर १०० जना सक्रिय संक्रमित रहेका छन्।

अब भारतबाट नेपालमा रोमिङ लिएर कल गर्दा प्रति मिनेट ७ रुपैयाँ मात्रै लाग्ने भएको छ । यसअघि प्रति मिनेट ३० रुपैयाँ लाग्दै आएको यस्तो कल शुल्क घट्ने भएको हो ।

‘केही समयअघि सञ्चार तथा सूचना प्रविधि मन्त्रीको भारत भ्रमणको बेला त्यहाँका नेपालीले उठाएको एउटा माग पूरा भएको छ । अहिले नेपालीहरु रोमिङ सुविधा लिएर भारत जादा नेपाल टेलिकमको सिममार्फत भारतबाट नेपालमा फोन गर्दा प्रतिमिनेट ३० रुपैयाँ तिर्नुपर्ने बाध्यता छ’, उनले भने, ‘लामो गृहकार्यपछि प्रतिमिनेट २३ रुपैयाँ घटाएर अब नेपाली सिमबाट भारतबाट नेपालमा फोन गर्दा प्रतिमिनेट ७ रुपैयाँ लाग्ने गरी शुल्क निर्धारणको तयारी गरिएको छ ।’

सञ्चार तथा सूचना प्रविधि मन्त्रालयका सञ्चार विज्ञ नरेन्द्र केसीका अनुसार सञ्चारमन्त्री रेखा शर्माको भारत भ्रमणको बेला त्यहाँका नेपालीले उठाएको एउटा माग पुरा भएकाे छ ।

सञ्चारमन्त्री रेखा शर्माको गत चैतको भारत भ्रमणमा नेपाल भारत टेलिफोन सेवा शुल्कबारे कुरा उठाएकी थिइन । अहिले सो बिषय सम्बोधन भएको मन्त्रालयले जनाएको छ ।

रौतहट २ जेठ। बामपन्थी विचारका नेता नेपाली साहको ८० वर्षको उमेरमा मंगलबार निधन भएको छ। रौतहटको कटहरीया नगरपालिका ५ घर भएका साहको उपचारको क्रममा काठमाण्डौ स्थित शिक्षण अस्पतालमा  निधन भएको हो। लामोसमय देखि  श्वास प्रश्वासको राेग बाट ग्रसित उनलाई उपचारको निमित एकसाता अघि शिक्षण अस्पतालमा भर्ना गरिएको थियो।

मृतक नेता साहको पार्थिव शरीर काठमाण्डौ बाट घर ल्याएर भोलि लालबकैया नदि किनारमा अन्तेष्टी गरिने उनका छोरा रामजीवन साहले बताएका छन। रौतहटका बामपन्थी नेता स्वर्गीय हरीदयाल महतो , स्वर्गीय शेख फरमानको सानिध्यमा रहेर नेता साह लामो समय देखि बामपन्थी राजनीति गर्दै आएका थिए।

  रौतहटकै बामपन्थी नेताद्वय   बिष्णु बहादुर मानन्धर, माधव कुमार नेपालको निकट रहेका थिए। पछिल्लाे समय उनि अर्का बामपन्थी नेता प्रभु साह लाई विगत दुई चुनाव देखि सघाउँदै आएका थिए। २०५४ साहको स्थानिय निर्वाचनका स्वर्गीय नेपाली साह  नेकपा एमालेको टीकट बाट तत्कालिन कटहरिया गाविस वडा ५ को वडा अध्यक्षमा निर्बाचित भएका थिए।

स्वर्गीय नेता साहको तीनजना छोरा रहेका छन। यसैबीच पूर्व मन्त्री तथा आमजनता पार्टीका अध्यक्ष प्रभू साहले उनको निधन प्रति दुःख ब्यक्त गरेका छन। उनले एक शोक विज्ञप्ति जारी गर्दै नेता साहको निधनले सिङ्गो पार्टी लाई अपूरणीय क्षति भएको उल्लेख गर्दै मृत आत्माको शान्तिको कामना गरेका छन।