Month: February 2022

 मेयर यादवको कार्यकाल पुरा, जैसवालको कार्यकाल जारी

रौतहट २ जेठ। खुल्ला दिशामुक्त रौतहट जिल्लाको प्रमुख व्याारिक केन्द्रको रूपमा परिचित जिल्लाको मध्यभागमा पर्ने गरुडा बजारमा सार्वजनिक शौचालय नहँदा आगन्तुक लाई ठूलो शास्ती खेप्नुपरेको छ।

गरुडा बजारमा किनमेल गर्न आउने सर्वसाधारण देखी नगरपालिका तथा विभिन्न सरकारी कार्यालयमा काम विशेषले आउने सेवाग्राहि लाई सौच गर्न कठिनाइको सामना गर्नु परेको छ।

प्रत्येक सनिवार र मंगलबार गरी हप्तामा दुई पटक लाग्ने गरुडाका हाट बजारमा दैनिक उपभोग्य वस्तु खरिद गर्न आउनेको भीड लाग्ने गर्दछ। खासगरी गोरू,गाई, भैंसी खरिद बिक्री हुने बजारको नामले प्रखयात गरुडा बजारमा हाट लाग्ने दिन छिमेकि जिल्ला सर्लाही, बारा देखी सीमावर्ती भारतिय गाउँका सैयौ ब्यापारी तथा किसान पशू चौपाया खरीद बिक्रीको प्रयोजन ले आउने गर्दछन्। हाट बजारमा आउने मानिसलाई शौच लागेकाे अवस्थामा सबभन्दा बढी समस्या हुने गरेको छ।

बाहीर बाट आउने ब्यापारी तथा सेवाग्राहि शौच गर्न सरकारी कार्यालय अथवा होटलमा जाने गर्दछन। तर गरुडा बजारमा दैनीक उपभोग्य वस्तु खरीद बिक्री गर्न आउने ग्रामीणभेगका माहिला लाई शौचगर्न जानुपर्दा सबभन्दा ठूलो समस्या हुने गर्दछ , उनीहरू शौच गर्न होटल अथवा सरकारी कार्यालयमा प्रायः नगएर बजार वरपरको झाडी झ्याङ खोजेर जाने गर्दछन। यस्तो गर्मिको मौषममा झयाङमा जानु सर्प लगायत विभिन्न प्रकारको जोखिम भएपनि ती महिलाहरू जोखिम मोलेरै शौच गर्न जाने गर्दछन। यो समस्या आजको होईन दशकौं पुरानो समस्या हो।

बिगतमा गरुडा बजारमा मानिसको जनसंख्या कम हुँदा उनीहरुलाई खासै चुनौती थिएन तर पछिल्लो समय बढ्दो बस्तीको कारण समास्या थपिएको हो। हिजआज तरकारी बजार गरुडा बाट बाहीर छेउछाउ झयाङ खोज्न लामोदुरी हिँड्नु पारेको गुनासाे सुनिएको छ। गरुडा बजारमा काम विशेषले आउने अधिकांस मानीस शौच गर्न होटल अथवा सरकारी कार्यालयमा जाने गर्दछन। तर हाट बजारमा किनमेल गर्न आउने अधिकांस पुरूष तथा महिला शौच गर्न खुला स्थान र खाडी ज्याङ प्रयाेग गर्नेगरेको स्थानीय सञ्चारकर्मी राजेश्वर पाण्डेले बताएका छन।

शिक्षा, स्वास्थ , भौतिक पूर्वाधार निर्माणका साथै नागरिकको अती आवश्यक माग पुरा गर्नु स्थनियतहको पहिलो प्राथमिकतामा हुन पर्दछ।  तर गरुडा बजारमा सार्वजनिक शौचालय निर्माण गरुडा नगरपालिकाको प्राथमिकतामा कहिलै परेको देखिएन।  गरुडा नगरपालिकाका पूर्व मेयर ईन्दु यादवको सिंगो कार्यकालमा करोडौं करोडको विभिन्न कामहरू भए तर दैनीक सैयौं मानिसको अति आवश्यक सार्वजनिक शौचालय निर्माण हुनसकेन। पूर्व मेयर यादवको छिरा अनील यादवले गरुडा बजारमा सार्वजनिक शौचालय निर्माणको पहल भइरहेको बताएका थिए पछि जग्गा उपलब्ध नहुँदा रोकिएको जनाएका थिए। मेयर यादवले नगरपालिकाको लगानीमा जग्गा खरीद गरेर सार्वनिक शौचालय निर्माण गराउन सक्थे तर उनको प्राथमिकतामा नपरेर निर्माण हुन नसकेको स्थानियहरुको भनाई छ।

गरुडा नगरपालिकाका वर्तमान मेयर कन्थमनि जैसवालले पदभार ग्रहण गरेको झन्डै एकवर्ष पुरा हुनलागेको छ । तर गरुडा बजारमा भने हालसम्म सार्वजनिक शौचालय निर्माण हुनसकेको छैन अथवा उनको प्राथमिकतामा परेको देखिएन। मेयर जैसवाल संग सार्वजनिक शौचालय निर्माण बारे प्रतिक्रिया लिदाँ गरुडा बजारमा तत्काल घुम्ति शौचालयको व्यवस्था भैरहेको तथा स्थायी शौचालय निर्माणको लागि जग्गाको खोजी गरेर केहीसमय भित्रै निर्माण गराउने प्रतिबद्धता जनाएका छन। 

सञ्जय मिश्रा

काठमाडौं । रोमानिया पठाइदिन्छु भन्दै १८ लाख रकम ठगी गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा बाग्लुङ नगरपालिका-७ घर भई हाल काठमाडौं जिल्ला टोखा नगरपालिका ९ जाल्पाचोक बस्‍ने ३४ वर्षीय विशाल विश्वकर्मा रहेका छन् ।

उनलाई काठमाडौं अपराध अनुसन्धान कार्यालयको विशेष टोलीले काठमाडौंको लाजिम्पाटबाट पक्राउ गरेको हो । विश्वकर्मालाई थप अनुसन्धान तथा कारबाहीका लागि वैदेशिक रोजगार विभाग बुद्धनगर  पठाइएको प्रहरीले जनाएको छ ।उनले डिलबहादुर विश्वकर्मासहित ८ जनालाई वैदेशिक रोजगारीका लागि रोमानिया पठाइदिन्छु भन्‍दै पीडितबाट प्रतिव्यक्ति ५ लाख ५० हजारका दरले १८ लाख रकम लिएर सम्पर्कविहीन भएको प्रहरीले जनाएको छ ।

काठमाडौँ । महालेखा नियन्त्रकको कार्यालयले ६ उपसचिवसहित ५० लेखा अधिकृतहरुको पदस्थापन तथा सरुवा गरेको छ ।

वैशाख ३१ को निर्णय अनुसार लेखा समूहका ६ जना उपसचिव र ४४ जना लेखा अधिकृतहरूको पदस्थापन, सरुवा तथा कामकाजका लागि खटाएको हो । 

मेष : (चु, चे, चो, ला, लि, लु, ले, लो, अ) स्वास्थ्यमा समस्या देखा पर्नसक्छ अतः सचेत रहनु होला । मानसिक चिन्ता र आफूलाई कमजोर भएको अनुभूति हुनेछ, तर पारिवारिक सहयोग मिल्नेछ ।

मिथुन : (का, कि, कु, घ, ङ, छ, के, को, हा) लाभदायक यात्राको सम्भावनालाई नकार्न सकिँदैन । एकपछि अर्को अवसर आउनाले मन प्रसन्न रहनेछ । नोकरी गर्नेले मानसम्मान पाउने छन् ।

सिंह : (मा, मि, मु, मे, मो, टा, टि, टु, टे) आज कष्टकर र अनावश्यक यात्रा हुन सक्छ । स्वास्थ्यमा सजग रहनु नै उचित हुनेछ । पुँजी बजार र शेयर बजारले पनि साथ नदेला ।

तुला : (रा, रि, रु, रे, रो, ता, ति, तु, ते) कुनै कुराले मनमा शान्ति छाउनेछ । बन्दव्यापार र पेसाव्यवसायका क्षेत्रमा उन्नति प्रगतिको वातावरण बन्नेछ । शुभकार्यको चर्चा पनि चल्नेछ ।

धनु : (ये, यो, भा, भि, भु, धा, फा, ढा, भे) सामान हराउने वा चोरी हुने सम्भावना छ । शुभ चिन्तकहरूको सुझावलाई बेवास्ता गर्दा दुःख पाइन सक्छ र दैनिक काममा अवरोधको सामना गर्नुपर्छ ।

वृष : (इ, उ, ए, ओ, वा, वि, वु, वे, वो) आज अधिकार प्राप्तिका लागि गरिएको प्रतिस्पर्धामा विजयी भइनेछ । बुद्धिको उपयोग गर्नाले जटिल ठानिएको कामसमेत सम्पादन हुन सक्छ ।

कर्कट : (हि, हु, हे, हो, डा, डि, डु, डे, डो) शुभकार्यको चर्चा चल्नेछ । रोकिएका काम पुनः सुरु हुन सक्छन् । धार्मिक यात्रा गर्ने अवसर प्राप्त हुनेछ । परिवारका सदस्यहरूसित भेटघाट हुनेछ ।

कन्या : (टो, पा, पि, पु, ष, ण, ठ, पे, पो) धर्मसंस्कृति सभासमारोहमा सरिक हुने सम्भावना छ । जटिल ठानिएको काम सम्पादन हुनसक्छ । प्रतिस्पर्धामा सफलता मिल्न सक्छ ।

वृश्चिक : (तो, ना, नि, नु, ने, नो, या, यि, यु) रमाइलो यात्राको सम्भावना छ र त्यसबाट दीर्घकालिक फाइदा पुग्नेछ । अधुरा कामहरू पुरा हुनकबसक्छ । शेयर बजारको लगानी पनि राम्रै रहला ।

मकर : (भो, जा, जि, जु, जे, जो, ख, खि, खु, खे, खो, गा, गि) आज रमाइलो यात्रा गर्ने अवसर प्राप्त हुनेछ । परिवारजनको साथले नयाँ आशा पलाउनेछ । ज्ञान, वैराग्य र अध्यात्मको भावना जाग्न सक्छ ।

कुम्भ : (गु, गे, गो, सा, सि, सु, से, सो, दा) हर्ष र प्रसन्नताका बीचमा समय व्यतीत हुनेछ । सम्पत्ति लाभ गर्न अनुकूल प्रयास हुनेछन् । सहयोगीको सङ्गतले फाइदा हुने काम गरिनेछ ।

मीन : (दि, दु, थ, झ, ञ, दे, दो, चा, चि) आज परिश्रमअनुसार उपलब्धि पनि राम्रै पाइनेछ । चिताएको कामले तीव्रता लिनेछ । सामाजिक क्षेत्र र नोकरीबाट मानसम्मान पनि मिल्नेछ ।

रौतहट । नेकपा एमाले निकट राष्ट्रिय यूवा संघ नेपालको ३४ औं स्थापना दिवस देशको विभिन्न ठाउमा आआफ्नो तरिकाले मनाएपनी रौतहटका पदाधिकारीहरु सोमवार अनाथालयका बालबालिकाका मनाएका छन।

युवा संघ रौतहटको जिल्ला अध्यक्ष मुन्ना यादवको पहलमा सोमवार सम्पूर्ण पदाधिकारीहरू गरुडा स्थित बंशिराम जैसवाल अनाथालयमा उपस्थित भएर अनाथालयका बालबालिकाका साथ यूवा संघको ३४ स्थापना दिवस मनाएको हो।

उक्त अवसरमा संघले चामल 2 कुन्टल,आलु 1 कुन्टल ,दाल एक बोरा, चिउरा, १ बोरा,भुजा चाउचाउ तेल 10 लिटर नुन लगायतका खाद्यान सामग्री अनाथालय लाई उपलब्ध गराएको अध्यक्ष यादवले बताएका छन।

पछील्लो समय रौतहटमा अधिकांस मानिसले आफ्नो जन्मदिन बंशिराम अनाथालयका बालबालिकाका साथ मनाउने र उनीहरूको लागि खाद्यान लगायत सामग्री प्रदान गर्ने गरेका छन।

रौतहट । बिभिन्न संवैधानिक निकायहरुमाथि प्रश्न चिन्ह खडा भएको बेला रौतहट जिल्ला अदालतका एकजना न्यायाधीश आर्थीक प्रभावमा परेर हत्याका आरोपीलाई धरौटीमा छोडेको दाबी गरिएको छ। कर्तव्य ज्यान अर्थात हत्या मुद्दाका आरोपि तीन जनालाई रौतहट जिल्ला अदालतले धरौटीमा रिहा गरेको भन्दै पीडित परिवारले अदालत र स्थानीय प्रशासन विरुद्ध गौरमा प्रदर्शन समेत गरेका छन् ।
पीडित परिवारले घटना बारे पत्रकार सम्मेलन समेत गरेका थिए।
गढीमाइ नगरपालिका ८ धोविनिया गाउँमा बाटो फराकिलो बनाउने विषयमा गत बैशाख २ गते दुईपक्षीय झड्प संगै गोली लागेर ५० बर्षिय राजकुमार राय यादवको हत्या मृत्यु भएको थियो।

श्याम भन्ने श्यामकिशोर यादव, उनको दाजु रामबहादुर राय यादव, काकाको छोरा रामएकवाल राय यादव, भतिज दिनेश राय यादव समेतले गोली प्रहार गर्दा राजकुमार राय यादवको मृत्यु हुनुका साथै गोली लागेर निरञ्जन यादव, बालधर राय यादव, रामप्रताप राय यादव र कपिलदेव यादव घाइते भएका थियो ।

घटना लगत्तै गएको प्रहरीले श्यामकिशोर राय यादव, रामबहादुर राय यादव, रामएकवाल राय यादव, राम सेवक राय यादव, र दिनेश राय यादवलाई नियन्त्रणमा लिएको थियो। अन्य दुईजना रामइश्वर राय यादव र राजेश्वर राय यादव फरार भएका थिए ।
इलाका प्रहरी कार्यालय गरुडाले उनीहरु माथी कर्तव्य ज्यान तथा हातहतियार कसुरमा मुद्दा चलाएर सरकारि वकिल मार्फत जिल्ला अदालतमा पेस गरेका थिए। गत शुक्रवार जिल्ला न्यायाधिश गहेन्द्रराज पन्तको इजलाशले सुनुवाई पछी पक्राउपरेका मध्ये रामएकबाल राय यादव, रामसेवक राय यादव र दिनेश राय यादवलाई धरौटीमा रिहा गर्ने र श्यामकिशोर राय यादव र रामबहादुर राय यादवलाई पुर्पक्षका लागि कारागार चलान गर्ने आदेश दिएको थियो। आईतवार पत्रकार सम्मेलनमा अदालतको यस्तो आदेशले पीडितहरु झन् पीडित भएको मृतक यादवको श्रीमती अन्जु देवी यादवले बताइन ।
ठूलाबडा तथा राजनीतिक दलको प्रभावमा प्रहरी, सरकारी वकिल र अदालतले आर्थिक सेटिंग गरेर गोली प्रहार गरेका अभियुक्तहरुलाई धरौटीमा छाडेपछि आफूहरु असुरक्षित भएको बताएकी थिइन। छाड्नै नहुँने अपराधीहरुलाई छाडेकोमा न्याय परिषद् संग छानविनका लागि मृतकको श्रीमती अन्जुले माग गरिन् ।

काठमाडौं । नेपालमा पछिल्लो २४ घण्टामा २१ जनामा कोरोना संक्रमण पुष्टि भएको छ । 

स्वास्थ्य मन्त्रालयका अनुसार १ हजार ९१ जनाको नमुनामध्‍ये २५२ जनाको पीसीआर परीक्षण गर्दा १४ जना र ८३९ जनाको एन्टीजेन परीक्षण गर्दा ७ जना गरी २१ जनामा कोरोना संक्रमण देखिएको हो ।

सोही अवधिमा नेपालमा २२ जना संक्रमण मुक्त भएका छन् । 

आज थपिएका सँगै नेपालमा २४ घण्टामा ११२ जना सक्रिय संक्रमित रहेको मन्त्रालयले जनाएको छ ।

काठमाडौँ । आज नेपाली बजारमा सुनको मूल्य बढेको छ ।

सुनको मूल्य तोलामा २०० रुपैयाँले बढेर तोलामा एक लाख ११ हजार रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

आइतबार सुन प्रतितोला एक लाख १० हजार ८०० रुपैयाँमा खरिद बिक्री भएको थियो । यस्तै, तेजाबी सुन प्रतितोला एक लाख १० हजार ४५० रुपैयाँमा कारोबार भइरहेको छ ।

आज चाँदी प्रतितोला एक हजार ३७५ रुपैयाँमा कारोबार भइरहेको छ ।

नक्कली भुटानी शरणार्थी प्रकरणमा सम्पर्कविहीन रहेका पूर्वमन्त्री एवम् नेकपा एमालेका नेता टोपबहादुर रायमाझी पक्राउ परेका छन्।

नेपाल प्रहरीका अनुसार उनी काठमाडौंको बूढानीलकण्ठबाट पक्राउ परेका हुन्। उनलाई केन्द्रीय अनुसन्धान ब्यूरोले बूढानीलकण्ठबाट पक्राउ नियन्त्रणमा लिएको हो।

रायमाझीविरुद्ध जिल्ला अदालत काठमाडौंले यही वैशाख २० गते पक्राउ पुर्जी जारी गरेको थियो। पक्राउ पुर्जी जारी भएदेखि नै उनी फरार रहेको प्रहरीले जनाएको छ। सोही प्रकरणमा अनुसन्धानका लागि प्रहरीले रायमाझीका छोरा सन्दीपलाई भने यही वैशाख २० गते नै पक्राउ गरेको थियो।

नक्कली भुटानी शरणार्थी प्रकरणमा पूर्व गृहमन्त्री एवम् नेपाली कांग्रेसका नेता बालकृष्ण खाणसहित १२ जनालाई प्रहरीले हिरासतमा राखेर अनुसन्धान गरिरहेको छ।