Month: February 2022

काठमाडौँ । शीर्ष तीन दलका नेताबीच बालुवाटारमा भेटवार्ता भएकाे  छ। प्रधानमन्त्री पुष्पकमल दाहाल ‘प्रचण्ड’लाई भेट्न काँग्रेस सभापति शेरबहादुर देउवा र एमाले अध्यक्ष केपी शर्मा ओली बालुवाटार पुगेका छन्।

तीन नेताबीच अहिले भेटवार्ता जारी रहेको प्रधानमन्त्री प्रचण्डको सचिवालयले जनाएको छ। नक्कली भुटानी शरणार्थी प्रकरणले नेपाली राजनीति तरङ्गित भइरहेको बेला ठुला दलका तीन शीर्ष नेताबीच निरन्तर भेटवार्ता र छलफल भइरहेको छ।

काठमाडौं । नेपाल प्रहरीका २२ डिएसपी एसपीमा बढुवाका लागि सिफारिस भएका छन् । शुक्रबार बसेको बढुवा समितिको बैठकले २२ प्रहरी नायव उपरीक्षकलाई प्रहरी उपरीक्षकमा बढुवाका लागि सिफारिस गरेको हो ।

प्रहरी नियमावली, २०७१ (संशोधनसहित) को नियम २७ को उप–नियम (४) अनुसार बढुवाका लागि सिफारिस गरिएको प्रहरी प्रधान कार्यालयले जनाएको छ ।

शुक्रबार बसेको बढुवा समितिको बैठकले एसपी बढुवामा सिफारिस भएका डीएसपीको नाम सार्वजनिक गरेको हो ।

काठमाडौं । सरकारले नयाँ स्टक एक्सचेन्जको लाइसेन्स प्रक्रिया रोक्ने निर्णय गरेको छ । मंगलबार बसेको मन्त्रिपरिषद्को बैठकले नयाँ स्टकको लाइसेन्सको विषयमा संसदमा प्रश्न उठेको भन्दै तत्कालका लागि लाइसेन्स प्रक्रिया रोक्न निर्देशन दिने निर्णय गरेको हो ।

लाइसेन्स प्रक्रिया रोक्न मन्त्रिपरिष्दको कार्यलयले पठाएको लिखित निर्देशनसम्बन्धी पत्र अर्थ मन्त्रालयले शुक्रबार धितोपत्र बोर्डलाई पठाउने तयारी गरेको छ ।

यसअघि पनि नयाँ स्टक एक्सचेन्जको लाइसेन्स प्रक्रिया रोक्न सर्वोच्चमा रिट परेको थियो । तर, अदालतले लाइसेन्स रोक्न परेको दुवै रिटमाथि सुनुवाई गर्दै ‘क्लिन चिट’ दिएपछि बोर्डले प्रक्रिया पुनः सुरु गरेको हो । नयाँ स्टक एक्सचेन्जका लागि ३ कम्पनीको आवेदन परेको बोर्डले ती कम्पनीहरुका प्रस्तावको मूल्याङ्कन प्रक्रिया अघि बढाएको अवस्थामा मन्त्रिपरिषद्ले नयाँ स्कट एक्सचेन्जको लाइसेन्स प्रक्रिया तत्काल रोक्ने निर्णय गरेको हो ।

निजी लगानीको स्टक एक्सचेन्जलाई लाइसेन्स वितरण गर्दा आर्थिक चलखेल भएको कुरा व्यापक रुपमा उठेपछि प्रधानमन्त्री दबाबमा परेका थिए । त्यस सम्बन्धी मुद्दा अदालतमा विचाराधीन रहेकै अवस्थामा समेत स्वार्थ समुहको सहकार्यमा धितो पत्र बोर्ड लाइसेन्स वितरणका लागि सक्रिय बनेपछि बालुवाटार समेत थप सशङ्कित बनेको हो ।

धितो पत्र बोर्डले बिचौलियाको सक्रियतामा लाइसेन्स दिने प्रक्रिया अघि बढाएको विषय प्रतिनिधिसभामै पनि लगातार रुपमा उठेको थियो । सरकारी स्टक एक्सचेन्ज (नेप्से) हुँदाहुँदै निजी क्षेत्रलाई नयाँ लाइसेन्स वितरण गर्न उचित नहुने भन्ने सांसदहरूको तर्कमा प्रधानमन्त्री सहमत भएपछि प्रक्रिया रोक्न निर्देशन गरिएको प्रधानमन्त्रीनिकट स्रोतले आर्थिक न्युजलाई बतायो ।

नयाँ एक्सचेन्जको लाइसेन्स वितरण प्रक्रिया शेरबहादुर देउवा नेतृत्वको अघिल्लो सरकारले सुरु गरेको थियो । चर्चित बिचौलिया दीपक भट्टको सक्रियतामा रकम जम्मा गरी निजी क्षेत्रलाई स्टक एक्सचेन्जको लाइसेन्स दिने तयारी अन्तिम अवस्थामा पुगेपछि रोकिएपछि बोर्डका अध्यक्ष रमेश हमाल भने निकै तनावमा रहेको बताइन्छ ।

काठमाडौं :  काठमाडौं महानगरपालिकाले परीक्षा केन्द्र भएको क्याम्पस अगाडि विज्ञापनका पर्चा बाँड्ने ६१ जनालाई नियन्त्रणमा लिएको छ। पर्चा बाँड्ने कलेजका विद्यार्थी,इन्ष्टिच्युट  र विभिन्न कम्पनीका कर्मचारीहरू पक्राउ परेको महानगर प्रहरीले जनाएको छ।

पटक पटक सूचना गरे पनि अटेर गरेपछि कारबाही थालेको महानगरले जनाएको छ ।

महानगरका अनुसार पहिलो पटक कारबाही गर्न लागिएको संलग्न संस्थाहरूलाई ५ हजार रुपैयाँ जरिबाना गरिएको छ ।

काठमाडौं । नेपाल राष्ट्र बैंकले बैंकदरलाई घटाएर मौद्रिक नीतिको कार्यदिशालाई केही लचिलो बनाएको छ । शुक्रबार चालु आर्थिक वर्षको मौद्रिक नीतिको तेस्रो त्रैमासिक समीक्षा सार्वजनिक गर्दै बैंकदरलाई ८.५ प्रतिशतबाट घटाएर ७.५ प्रतिशत कायम गरेको छ ।

वास्तविक क्षेत्रमा देखापरेको शिथिलताका कारणले कर्जा चुक्ता गर्न परेको कठिनाईलाई दृष्टिगत गरी अल्पकालीन तथा चालु पुँजी प्रकृतिका कर्जाहरुलाई ब्याज नियमित रहेको अवस्थामा आर्थिक वर्ष २०७९/८० को मौद्रिक नीतिको तेस्रो त्रैमासिक समीक्षा आवश्यकता र औचित्यको आधारमा कुनै किसिमको हर्जाना/शुल्क नलिने गरी ३ महिनासम्मका लागि २०८० असार मसान्तभित्र म्याद थप गर्न सक्ने व्यवस्था गरिने छ । 

अर्थमन्त्री डा. प्रकाशशरण महतले अर्थतन्त्र सुधारका लागि वित्त नीतिमा ठाउँ नभएको भन्दै खुकुलो मौद्रिक नीतिका लागि दबाब दिदै आएका छन् । राष्ट्र बैंकले आज गर्ने मौद्रिक नीतिको समिक्षामा अर्थमन्त्रीले भने जस्तै खुकुलो नीति बनाउँछन भन्ने धेरैले अपेक्षा गरेका छन् ।

उक्त समिक्षा मार्फत राष्ट्र बैंकले अर्थतन्त्रको वास्तविक क्षेत्रमा देखिएको शिथिलतालाई दृष्टिगत गरी बैंक तथा वित्तीय संस्थाले ऋणीको नगद प्रवाहको विश्लेषण गरी आवश्यकता र औचित्यताको आधारमा होटल तथा रेष्टुरेन्ट, पशुपंक्षी पालन, निर्माण क्षेत्रसँग सम्वन्धित कर्जा र रु.५ करोडसम्मको अन्य क्षेत्रमा प्रवाह भएको कर्जालाई २०८० असार मसान्तभित्र पुनरसंरचना/पुनरतालिकीकरण गर्न सक्ने व्यवस्था गरेको छ ।

नीतिगत दरलाई ७ प्रतिशतमा यथवात राख्दै बैंकदर घटाएको केन्द्रीय बैंकले जनाएको छ । ‘मौद्रिक नीतिको कार्यदिशालाई मुद्रास्फीति र विदेशी विनिमय सञ्चितिको वर्तमान अवस्था र सम्भावित परिदृश्यको आधारमा समष्टिगत आर्थिक स्थायित्व कायम राख्दै आन्तरिक आर्थिक गतिविधिहरु चलायमान बनाउन सहयोग पुर्याउने गरी सजगतापूर्वक केही लचिलो बनाइएको छ,’ केन्द्रीय बैंकले मौद्रिक नीति समीक्षामा भनेको छ ।

वास्तविक क्षेत्रमा देखापरेको शिथिलताका कारणले लघुवित्त वित्तीय संस्थाका सदस्य ऋणीहरुलाई कर्जा चुक्ता गर्न परेको कठिनाईलाई दृष्टिगत गरी सम्वन्धित संस्थाले आवश्यकता र औचित्यको आधारमा २०८० असार मसान्तभित्र कर्जाको पुनरसंरचना/पुनरतालिकीकरण गर्न सक्ने व्यवस्था मिलाइने छ ।

वास्तविक क्षेत्रमा देखापरेको शिथिलताका कारणले कर्जा चुक्ता गर्न परेको कठिनाईलाई दृष्टिगत गरी अल्पकालीन तथा चालु पुँजी प्रकृतिका कर्जाहरुलाई ब्याज नियमित रहेको अवस्थामा आवश्यकता र औचित्यको आधारमा कुनै किसिमको हर्जाना/शुल्क नलिने गरी ३ महिनासम्मका लागि २०८० असार मसान्तभित्र म्याद थप गर्न सक्ने व्यवस्था गरिने छ ।

पूर्णपाठ:-

रौतहट २९ बैशाख। पछिल्लाे समय रौतहटको कटहरीय नगरपालिका अन्तर्गत घरभई विभिन्न विद्यालय तथा क्याम्पसमा अध्ययनरत छात्रछात्रा द्धारा आत्महत्या गर्ने घटना बढ्दै गएको छ। जुनसुकै कारणले भएपनि शिक्षीत यूवा तथा किशोर किशोरी द्धारा भैरहेको आत्महत्या नियन्त्रण गर्न अभिभावक हरु गम्भिर हुनु जरूरी देखिएकाे छ।

पछिल्लाे केही महिनाको अवधीमा कटहरिय ५ एउटै वडाका चारजना किशोर किशोरी ले आत्महत्या गर्नु सम्पूर्ण अभिभावकका लागी ठूलो चिन्ताको बिषय बनेको छ। हिजो बिहीवार कटहरिया ५ का जयनाराण साहका २४ वर्षका प्रदीप साह सोनारले घाँटीमा पासो लगाएर आत्महत्या गरेका छन्। घारमा कोई नरहेको अवस्थामा वीहान साढे ८ बजे घरमा झुण्डिरहेको सिलिङ पंखामा गमछाको पासो लगाएर उनले आत्महत्या गरेको ईलाका प्रहरी कार्यालय कटहरियाका असई  परमेश्वर यादवले बताएका छन्।

पछिल्लाे केही समय देखि मानसिक रोगको औषधी खाइरहेका मृतक प्रदीप साहको शब पोष्टमार्टमको लागी जिल्ला अस्पाताल गौर पठाईएको प्रहरिले जनाएको छ। उनको आत्महत्याको कारण भने खुल्न नसकेको तथा घटना बारे अनुसन्धान भैरहेको ईलाका प्रहरी कार्यालय कटहरियाले जनाएको छ। माबि कटहरियामा ब्याचलर कक्षामा अध्ययनरत मृतक प्रदिप साह पछिल्लाे केही महिनादेखि एउटा निजि बोडिङ्गमा अध्यापन गराउँदै आएका थिए।

बिहीवार बिहानको कक्षामा पढाएर घर फर्के लगत्तै आत्महत्या गरेको उनको एकजना सहकर्मीले जनाएका छन। यस अघी मात्र २ महीनाको अवधिमा कटहरिया ५ का नवल साह सोनारका १८ वर्षिय छोरा सागर साह, राजकमार साहको छोरी १५ कि खुस्बु कुमारी , सिकिद्र यादवको छोरी ममता अनीता कुमारीले घाँटीमा पासो लगाएर आत्महत्या गरेका छन।

उनीहरूको आत्महत्याको कारण भने खुल्न सकेको छैन। माबि कटहरियाका प्रधानाध्यापक सचिन्द्र यादवले डिप्रेसन अर्थात मानसिक अबस्था ठिक नभएको कारण अहीले शिक्षित युवा युवती तथा किशोर किशोरीले आत्महत्या गर्ने गरेको बताएका छन। माबि तह तथा उच्च कक्षामा अध्ययनरत विद्यार्थीहरुलाई विभिन्न कारणले डिप्रेसन हुनसक्छ।

यसरी डिप्रेसनको सिकार हुने जुनबर्गको पनि यूवा युवति किशोर किशोरी हुनसक्ने भएकाले उनीहरूको अभिभावक गम्भिर हुन जरूरी रहेकाे छ। पारिवारिक कलह, आर्थिक कठिनाई,पठनपाठनमा समस्या तथा कतिपय छात्रछात्रा माया प्रेमको चक्करमा परेर पनि डिप्रेसनको सिकार हुने गर्दछ।

डिप्रेसनका सिकार छात्रछात्रा सानो सानो कुराको निहुँमा आत्महत्या गर्ने गरेको प्रधानाध्यापक यादवले बताएका छन। यसरी डिप्रेसनमा परेका छात्रछात्रा विद्यालय भन्दा घर परिवारमा अवाञ्छित गतिविधि देखाउँछन्। गलत क्रियाकलाप देखिनासाथ अभिभावकले त्यस्ता विद्यार्थीको उपचार गराउन जरूरि छ।

डिप्रेसनका सिकार विद्यार्थीको समयमा उपचार गराउन सकेमा ठूलो घटना हुनबाट जोगाउन सकिन्छ। पछील्लो समय विद्यार्थी माझ देखिएकाे यस्तो गतिबिधि नियन्त्रण गर्न विद्यालय ब्यवस्थापन समितिले एकजना विशेषज्ञ चिकित्सकको सहयाेगमा विद्यार्थी लाई नियमित सम्झाई बुझाई परामर्श दिलाउन जरुरी छ। यसरी विद्यालय क्याम्पसका विद्यार्थीहरुमाई मानसिक रोग विषेशज्ञ चिकित्सकको सल्लाह सुझाव परामर्श दिलाउन सकेमा बढ्दो आत्महत्याको घटना न्यून हुनसक्ने माबि कटहरियाका प्रधानाध्यापक साचिन्द्र यादवले विचार राखेका छन्।

सञ्जय मिश्रा