Month: February 2022

काठमाडौँ । स्वास्थ्य तथा जनसङ्ख्या मन्त्रालयले मन्त्रिपरिषद्ले स्वीकृत नगरी जनशक्ति थप नगर्न स्थानीय तहलाई निर्देशन दिएको छ ।

मन्त्रालयले आइतबार मन्त्रिस्तरीय निर्णय गर्दै मन्त्रिपरिषद्बाट स्वीकृत दरबन्दीबाहेकको पदमा कुनै पनि प्रक्रियाबाट पदपूर्ति नगर्न निर्देशन दिएको हो ।

काठमाडौं । नयाँ ब्रोकर लाईसेन्सको प्रक्रिया अघि बढाउन अर्थसमितिले निर्देशन दिएको छ । मंगलवार बिहान नेपाल धितोपत्र बोर्डका पदाधिकारीसँगको छलफलपछि अर्थसमितिले ब्रोकर लाईसेन्स वितरण प्रक्रियलाई निरन्तरता दिन निर्देशन दिएको हो । अर्थसमितिका एक सदस्यका अनुसार स्टक ब्रोकरका विषयमा भने सञ्चालन अनुमति दिँदा फरक नपर्ने देखिएकाले प्रक्रिया अगाडि बढाउन निर्देशन दिइएको हो । 

गत जेठ २९ गते बसेको अर्थसमितिको बैठकले नयाँ ब्रोकर लाईसेन्स वितरण प्रक्रिया रोक्ने निर्णय गरेको थियो । सो बैठकले अर्थसमितिबाट लाइसेन्स वितरण प्रक्रियाका विषयमा विस्तृत अध्ययन गरी अर्को निर्णय नभएसम्म प्रक्रिया अघि नबढाउन नेपाल सरकार अर्थ मन्त्रालय, नेपाल धितोपत्र बोर्ड र नेपाल स्टक एक्सचेञ्ज (नेप्से) लाई निर्देशन दिने निर्णय भएको थियो । सोही निर्णय बमोजिम मंगलवार अर्थसमितिले बोर्डका पदाधिकारी सहितको बैठक बोलाएको हो ।

बोर्डले गत असोज २ गतेदेखि ३१ गतेसम्म ४६ कम्पनीहरूको आवेदन ब्रोकर लाइसेन्सका लागि प्राप्त गरेको थियो । ४६ कम्पनीमध्ये ४३ कम्पनीलाई बोर्डले लाईसेन्सका लागि आशयपत्र प्रदान गरेको हो ।

काठमाडौ‌ । नेपाल सुनचाँदी व्यवसायी महासंघले मंगलबार सुन र चाँदीको मूल्य घटेको जानाएको छ । सोमबारको तुलनामा मंगलवार सुनचाँदीकै मूल्य घटेको महासंघले  जानाएको हो ।

महासंघका अनुसार सुनको मूल्य तोलामा २०० र चाँदीको मूल्य तोलामा १० रुपैयाँले घटेको छ । यससँगै, छापावाल सुनको मूल्य तोलामा १ लाख ११ हजार ८०० रुपैयाँ र तेजाबी सुनको मूल्य तोलामा १ लाख ११ हजार २५० रुपैयाँ कायम छ ।

सोमबार छापावाल सुनको मूल्य तोलामा १ लाख १२ हजार र तेजाबी सुनको मूल्य तोलामा १ लाख ११ हजार ४५० रुपैयाँ कायम थियो । सोमबार सुनको भाउ स्थिर रहँदै आइतबारकै मूल्यमा कारोबार भएको थियो ।

यस्तै, मंगलबार चाँदीको मूल्यमा १० रुपैयाँको गिरावटसँगै १४ सय ३० रुपैयाँ प्रतितोलामा कारोबार भइरहेको छ । सोमबार १४ सय ४० रुपैयाँ प्रतितोलामा कारोबार भएको थियो ।

रौतहट ५ असार। बर्दियामा प्रहरीले ज्यानसम्बन्धी कसुरको आरोपमा गुलरिया नगरपालिका–४, तुलापुरमा बस्दै आएका ३९ वर्षीय राजु शाही, सोही ठाउँमा बस्दै आएका ३८ वर्षीया गीता शाही र ३५ वर्षीया निशा नेपाली छन् । गुलरिया–१०, कालाबन्जारमा बस्ने प्रमुख यादवले उनीहरूविरुद्ध ज्यानसम्बन्धी कसुरमा जाहेरी दरखास्त दिएका थिए ।यादवका आठ वर्षीय छोरा अजय आफ्नै घरमा बिरामी भई अचेत अवस्थामा हुँदा बालकलाई तुलापुरस्थित सत्य बचन परम ईश्वरीय मार्गदर्शन नामक संस्थामा प्रार्थना गराए निको हुने भ्रमपूर्ण आश्वासन दिए । प्रहरीका अनुसार त्यसपछि सो संस्थामा लागि प्रार्थना गराउने क्रममा बालकको मृत्यु भएको जाहेरीमा उल्लेख छ ।
घटना यही असार १ गतेको हो । उनीहरूलाई पक्राउ गरेर अदालतबाट ज्यानसम्बन्धी कसुरमा म्याद थप गरी अनुसन्धान भइरहेको बर्दियाका डीएसपी हिक्मतबहादुर बोहराले जानकारी दिए । तुलापुरस्थित सञ्चालन गरेको सत्य बचन परम ईश्वरीय मार्गदर्शन नामक संस्थामा रहेका व्यक्तिहरूले यहाँ ल्याएर बचन तथा प्रार्थना गरेपछि परमेश्वरले ठिक गर्नुहुन्छ, औषधि उपचार गराउन कहीँ कतै लैजानु पर्दैन भन्ने भ्रमात्मक आश्वासन दिई भ्रममा पारी प्रार्थना गर्ने क्रममा नै निजको मृत्यु भएको पीडित परिवारले जनाएको छ।

रौतहटमा रकम लिदै धर्म परिवर्तन गर्दै रौतहटको कटहरिया लगायत कैयौं पालिकामा पछिलो समय यसरी सोझा मानिसलाई विभिन्न भ्रममा पारेर ईशाई धर्मको प्रचारप्रसार गर्न केहि मानिस सक्रिय रहेको देखिएको छ। हिन्दु धर्मका अशिक्षित तथा दलीत विपन्न परिवारको खास गरी महिलालाई बिभिन्न भ्रममा पारने गरेका छन। हिन्दू धर्म छोडेर परमेश्वरको प्रार्थना गरेमा बिरामी नीको हुने, सम्पती हुने भन्दै केहि मानिसले आफ्नो व्यक्तिगत फाईदाको लागि धर्म परिवर्तन गराउदैं ईशाई धर्म अपनाउन बाध्य बनाइएको बताइन्छ । तथापी यस्ता बिकृती लाई निरुस्ताहित गर्न स्थानिय अगुवा, जनप्रतिनिधी तथा प्रहरी प्रशासनको त्यस प्रति गम्भीरता पूर्वक ध्यानाकर्षण हुन जरुरी देखिन्छ।

सञ्जय मिश्रा 

रौतहट ५ असार । जिल्ला प्रशासन कार्यालय राैतहटमा विधुतिय राहदानी सेवाको काम सुरू भएको छ। सेवाग्राहीको सुविधाका लागि जिल्ला प्रशासन कार्यालयमा विद्युतिय राहदानी सेवाको काम विहान  ७  बजे देखि शुरु गरिएको हो ।

सिडियाे धर्मेन्द्र कुमार मिश्रका अनुसार  प्रचण्ड गर्मि र सेवा ग्राहीको चापलाई ध्यान दिदै असार ५ गते देखी लागू हुने गरी विहानै देखि सेवा प्रदान गरीएको हो । प्रत्येक आईतवार देखि विहिवार सम्म विहान ७ बजे देखि सांझ ५  बजे सम्म र शुक्रबार विहान ७  बजे देखि दिउँसो ३  बजे सम्म विधुतिय राहदानी सेवाको काम हुने सिडियाे मिश्रले जानकारी दिएका छन्  ।

विधुतिय राहदानीको फर्म भराउने तथा वायोमेट्रिक सेवा जिल्ला प्रशासन कार्यालयले सुचना प्रकाशन गरि नि:शुल्क रहेको जानकारी दिई सकेका छन । सेवा ग्राहीको सुविधाको  सो कार्यालयले परिसर भित्र सन्देश प्रसारण गर्न  लागि साउण्ड सिष्टम जडान गरेका छन् । गर्मिमा सेवा ग्राहीलाई राहत होस भनी बढि चहल पहल  हुने  प्रतिक्षालय सहितका ठाउं ठाऊमा  पंखा जडान समेत भएको जिल्ला प्रशासन कार्यालय रौतहटले जनाएको छ।

रौतहट ५ असार। पूर्व मन्त्री तथा आम जनता पार्टीका अध्यक्ष  प्रभु साहले नेपाल विद्युत् प्राधिकरण नेपाली जनताप्रति उत्तरदायी जबाफदेही नभएको जिकीर गरेका छन् । सोमबार प्रतिनिधि सभा बैठकमा सुन्य समयमा बोल्दै संघिय सांसद समेत रहेका अध्यक्ष शाहले विधुत प्राधिकरण नेपाली जनतालाई झुक्याउने काम मात्र गरेको टिप्पणी गरेका थिए। । ऊर्जा क्षेत्रमा ६० अर्ब पैसा छुट्याएको भए पनि कहाँ खर्च गर्ने भन्ने स्पष्ट उल्लेख नभएको उनको दाबी रहेको छ।

नेपाल विद्युत् प्राधिकरण नेपाल सरकार र नेपाली जनताप्रति उत्तरदायी छ वा विदेशी शक्तिकेन्द्रप्रति जबाफदेही छ अध्यक्ष साहले प्रतीप्रश्न गरेका थिए। रेड बुकले के भन्छ भने विद्युत् प्राधिकरण जनताप्रति जबाफदेही छैन । सभामुखज्यूले त्यसलाई त फर्काइदिनुपर्ने हो उनले भने किनकि ऊर्जामा झन्डै ६० अर्बजति पैसा छ कुन कहाँ के क्रियाकलापमा कसरी खर्च गर्छ भन्ने छैन । वैकल्पिक ऊर्जाको २० पाना ओगटेर झन्डै ४० पेजसम्म कुन–कुन पालिकामा कति–कति लाख भनेर छापेर जनतालाई झुक्याउने वाहेक केही नभएको उनको ठहर रहेकाे छ। यति दुनियाँको इन्ट्रेस्ट भइरहेको ऊर्जा क्षेत्र सांसद जान्नै नहुने ? के छ भित्री कुरा किताब लेख्नै नहुने ? शीर्षक अनुसार गतिविधि सांसदहरूले जान्नै नहुने हो ? कुन ठाउँमा विद्युत् प्रसारण बढाउँदै हुनुहुन्छ ? कहाँ सबस्टेशन बढाउँदै हुनुहुन्छ प्रभू साहले जानकारी मागेका थिए। के रेडबुकमा आउनै नहुने हो त्यो क्रियाकलापहरू । यसरी अपारदर्शिता भनेकै भ्रष्टाचार होइन ? बक्यौता रकमहरू किन उठाउन पहल भइराखेको छैन उनले प्रश्न गरेका थिए।

विद्युत प्राधिकरणले आफूलाई नाफामा देखाएर दुनियाँलाई झुक्याएको आरोप पनि उनले लगाएका छन । प्राधिकरणले व्यापारिक घरानाहरूलाई सेवा गरेको तर गाउँघरमा विद्युत् प्रसारण गर्न नसकेको अध्यक्ष साहले जिकिर गरेका छन।

रौतहट ५ असार। राष्ट्रिय सभाकी उपाध्यक्ष उर्मिला अर्यालले  माैलापुर नगरपालिकामा भएको भौतिक पूर्वाधार निर्माणको प्रसंसा गर्दै त्यहाँ को विकासमा योगदान पुर्याउने प्रतिबद्धता जनाएकी छन्। उपाध्यक्ष अर्याल सोमवार रौतहटको मालापुर नगर क्षेत्र अन्तर्गत विभिन्न विकास निर्माणका योजनाहरुको स्थलगत अनुगमन निरीक्षण गर्दै उक्त प्रतिवद्धता जनाएकी हुन्।

उपाध्यक्ष अर्याल मैलापुर स्थित पुराता्त्विक महादेव मन्दिर, बसपार्क, (ल्यान्ड पुलिङ) जगा एकीकरण तथा नया सहरको याेजना, पिकनिक पार्क, बहुउद्दश्यीय भवन लगाएतको पूर्वाधार निरीक्षण गरेका थिए। निरीक्षणको क्रममा मौलापुर नगर प्रमूख रीना कुमारी साहले उक्त भौतिक संरचना बारे उपाध्यक्ष अर्याल लाई जानकारी दिएका थिए।

माैलापुर जस्तो ग्रामिण क्षेत्रमा प्रदेशमै उत्कृष्ट सहरको जस्ताे विकास निर्माणका पूर्वाधार निर्माण,७५ विगहा जग्गामा नया सहरको अवधारणा तथा पुरातातविक महादेव मन्दिर लाई बिश्व सम्पदा सूचीमा राख्ने प्रयास लाई राष्ट्रीयसभाकि उपाध्यक्ष उर्मिला अर्यालले खुलेरै सराहना गरेकी थिइन्। साथै मौलापुरमा विकास निर्माणका थप योजनाको लागि विशेषरुपमा पहल गर्ने प्रतिबद्धता जनाएको मेयर रीना कुमारी साहले जानकारी दिएकी छन्। मौलापुरमा अवलोकन निरीक्षणको क्रममा उपाध्यक्ष अर्याल, मेयर साहका साथै राष्ट्रियसभा सचिवालयका पदाधिकारिहरुको समेत सहभागीता रहेको टोलीमा सहभागी सुमन यादवले जानकारी दिएकि छन।

नक्कली शरणार्थी प्रकरणमा सम्पत्ति शुद्धीकरण अनुसन्धान विभाग र अख्तियार दुरुपयोग अनुसन्धान आयोगले पनि छानबिन थालेका छन् । जिल्ला अदालतबाट धरौटीमा छुटेका लक्ष्मी महर्जन र टंक गुरुङसँग दुवै निकायले बयान लिएका छन् ।

असार १ गते जिल्ला न्यायाधीश प्रेमप्रसाद न्यौपानेको इजलासले महर्जनलाई ५ लाख तथा गुरुङलाई १० लाख रुपैयाँ धरौटी तारेखमा रिहा गर्ने आदेश दिएको थियो ।

सोही साँझ पौने ८ बजे दुवैजनाले धरौटी बुझाए तर रिहा भने भएनन् । अदालत परिसरबाटै दुवै जनालाई अन्य मुद्दाको पनि अनुसन्धान गर्न बाँकी रहेको भन्दै गिरफ्तार गरिएको थियो ।

‘अभियोगपत्रमा नै मुद्दाको थप अनुसन्धान सम्पत्ति शुद्धीकरण अनुसन्धान विभाग र अख्तियार दुरुपयोग अनुसन्धान आयोगले पनि गर्ने भनेर लेखिएका कारण ती दुवै निकायमा उपस्थित गराउनका लागि गिरफ्तार गरेका हौं भन्ने जानकारी गराएर प्रहरी परिसर टेकु नै लगियो,’ थियो ।

भोलिपल्ट शनिवार सार्वजनिक बिदाको दिन भएकाले उनीहरू दुवै जनालाई टेकु परिसरको प्रहरी हिरासतमै राखियो । आइतवार असार ३ गते प्रहरीले दुवै जनालाई सम्पत्ति शुद्धीकरण अनुसन्धान विभागमा प्रहरीले ११ बजेतिर उपस्थित गराएको थियो ।  विभागले ११ बजेदेखि साढे ३ बजेसम्म दुवै जनासँग बयान लिएको थियो ।

त्यसपछि विभागले लक्ष्मी महर्जनलाई ५० हजार रुपैयाँ र टंक गुरुङलाई १ लाख ५० हजार रुपैयाँ धरौटी लिएर रिहा गरेको थियो ।

सम्पत्ति शुद्धीकरण अनुसन्धान विभागमा धरौटी बुझाएपछि पनि उनीहरू रिहा भएनन् । प्रहरीले पुनः उनीहरूलाई नियन्त्रणमा लिएर अख्तियारमा उपस्थित गराएको थियो ।

अख्तियारले भने झन्डै डेढ घण्टा जति बयान लिएर दुवै जनालाई रिहा गरेको थियो । त्यसपछि उनीहरू दुवै जना आ-आफ्नो घर फर्किएका थिए ।