Month: February 2022

काठमाडौं– वैदेशिक अध्ययनमा जान चाहने तथा तालिम लिन चाहने कर्मचारीसँग संघीय मामिला तथा सामान्य प्रशासन मन्त्रालयले आवेदन माग गरेको छ।

थाइल्याण्ड सरकारद्धारा नेपालका निजामती कर्मचारीहरुलाई विभिन्न बिषयमा प्रदान गर्न लागिएको दुई बर्षे छात्रबृति कार्यक्रममा भाग लिन इच्छुक कर्मचारीहरुसँग संघीय मामिला तथा सामान्य प्रशासन मन्त्रालयले दरखास्त पठाउन आह्वान गरेको हो ।

सूचना अनुसार,१९ वटा सिटका लागि मास्र्टस प्रोग्राममा अध्ययन गर्न इच्छुक उमेद्धारहरुले आवेदन दिन सक्नेछन् । सबै निकायका लागि खुला गरिएको यो विज्ञापनमा सम्बन्धित,मन्त्रालय,कार्यालय वा निकायले योग्य र उपयुक्त कर्मचारी छनौंट गरी परराष्ट्र मन्त्रालयको दक्षिणपूर्वी एसिया तथा प्रशान्त माहाशाखामा पठाउन आग्रह गरिएको छ ।
छात्रवृत्तिका लागि मनोनयन गर्दा सम्बन्धित सेवा,समूह वा श्रेणीभित्रका समावेशी महिला,आदिवासी जनजाती,मधेसी,दलित,अपांग,पिछडिएको क्षेत्र हालसम्म अवसर नपाएका र दुगर्ममा सबैभन्दा बढी काम गरेकालाई प्रथामिकतामा दिएर मनोनयन गर्न भनिएको छ ।

काठमाडौँ । भारतीय आयल कर्पोरेसन (आईओसी)ले पेट्रोल र डिजेलको मूल्य बढाएर पठाएको छ । नेपाल आयल निगमका अनुसार पेट्रोलको मूल्य प्रतिलिटर ८६ पैसा र डिजेलको मूल्य प्रतिलिटर २६ पैसा बढाएर आईओसीले पठाएको हो ।

आज पठाएको मूल्य सूचीअनुसार मूल्य बढेर आएको आयल निगमले जनाएको छ । आईओसीले हरेक १५/१५ दिनमा मूल्य सूची पठाउने गरेको छ ।

कैलाली । कैलारी गाउँपालिका ८ पृथ्विपुर बस्ने ५५ वर्षीय दयाराम चौधरीलाई एकनाले भरूवा बन्दुक २ थान, बारुद ४ डिब्बा, गोली ३६ पिस, सिसा २४ पिस, केप ८ पिस र कम्पास १ थानसहित बिहीबार दिउँसो प्रहरीले पक्राउ गरेको छ ।

विशेष सूचनाको आधारमा ईलाका प्रहरी कार्यालय हसुलियाबाट खटिएको प्रहरीले उनको घर तलासी गर्ने क्रममा उक्त हातहतियार फेला पारी उनलाई पक्राउ गरेको हो ।

रौतहट १ असार। रौतहटको सदरमुकाम गौर नगरपालिकाको मेयर शम्भु साहले विपन्न मजदुर परिवारलाई खाद्यान बितरण गरेका छन्।

  साहले दैनिक ज्यालादारी गर्ने,भारी बोक्ने तथा ठेला चलाएर गुजारा गर्ने परिवार लाई  राहत स्वरुप खाद्यान बितरण गरेका हुन्।

पछिल्लो समय तराई मधेसमा बढेको गर्मीको कारण समस्यामा परेका परिवार लाई मेयर साहले आवश्यक्ता अनुसारको  खाद्यान्न सामाग्रीहरु उपलब्ध गराएको नगरपालीकाले जनाएको छ।

नगर प्रमुख शम्भु साहको पहलमा गैर सरकारी संस्था आरडीसी  ले समेत राहत तथा खाद्यान्न उपलब्धता गराएको प्रमुख प्रशासकिय अधिकृत शुभाष ठाकुरले जानकारी दिएका छन।

रौतहट १ असार । रौतहटको मध्यभाग गरुडा स्थित जिल्लाकै सबै भन्दा ठूलो उधोगको रुपमा रहेको श्रीराम सुगर मिल्स लिलामीको प्रक्रियामा जाने भएकाे छ।

गोल्छा परिवारको स्वामित्वमा रहेको श्रीराम सुगर मिल्सले ऋण नतिरेपछि मुख्य लगानीकर्ता नेपाल बैकले उद्योग लिलामीको प्रक्रिया अघि बढाएको हो।

श्रीराम सुगरमा नेपाल बैकको अगुवाइमा राष्ट्रिय वाणिज्य बैंक, कर्मचारी सञ्चय कोष, हिमालयन बैक र नेपाल इन्भेष्टमेन्ट मेगा बैंकले १७ करोड रुपैयाँ ऋण लगानी गरेका थिए। ब्याजसमेत गरी अहिलेसम्म कुल २६ करोड रुपैयाँ पुगेको छ।

बैंकहरुले उद्योगमा रहेको मेशिनरी उपकरणहरु बोलकबोलबाट बिक्री गर्ने भएको छ। लिलाम गर्न लागेको मिल मेशिनरीको न्यूनतम् मूल्य ३८ करोड ११ हजार ७ सय ५५ रुपैयाँ तोकेको छ। बोलकबोलदाताले सो भन्दा बढी रकम कबोल गर्नुपर्ने छ।

मेशिनरी तथा उपकरण बेचेर कर्जा असुली हुने देखिएकाले लिलामी प्रक्रिया अघि बढाएको नेपाल बैंकका प्रमुख कार्यकारी अधिकृत (सिइओ) कृष्णबहादुर अधिकारीले बताए। उद्योगले बैंकहलाई २६ करोड रुपैयाँ ऋण तिर्न बाँकी रहेको उनले जानकारी दिए।

बैंकले बोलकबोल पेश गर्ने अन्तिम दिन साउन ४ गतेलाई तोकेको छ। २०४९ साउन १३ गते गोल्छा अर्गनाइजेनसले स्थापना गरेको श्रीराम सुगर मिल्स २०७७ साउन १२ गतेदेखि पूर्ण रुपमा बन्द छ।

लगातार नोक्सानमा गएपछि गोल्छा समूहले श्रीराम सुगर बन्द गराएको हो। उद्योग बन्द हुँदा २ अर्ब १७ करोड ७५ लाख रुपैयाँ सञ्चित नोक्सान थियो। उद्योग स्थायी रूपमा बन्द भएको व्यवस्थापनले जानकारी गराएको थियो। सञ्चालनमा प्रयास भइरहंदा पनि नोक्सान बढेपछि बन्द गर्नुपरेको उद्योगले जनाएको थियो। 

चालुपूँजी जुटाउन उद्योगले १ बराबर ३ अनुपातमा ८९ करोड रुपैयाँ बराबरको हकप्रद सेयर निष्कासन गर्न नेपाल धितोपत्र बोर्डमा आवेदन दिएको थियो। हकप्रद सेयर निष्कासन गर्न नपाएपछि अन्त्यमा गोल्छा समूहले उद्योग बन्दको निर्णय गरेको हो।   श्रीराम नेप्सेमा सूचीकृत उद्योग हो। नेप्सेमा सूचिकृत कम्पनी भए पनि श्रीरामले हालसम्म कुनै पनि त्रैमासिक विवरण सार्वजनिक गरेको थिएन ।उद्योगको ३० लाख ४५ हजार ९९० कित्ता सेयर नेप्सेमा सूचीकृत छ । कम्पनीको चुक्ता पुँजी ३० करोड ४५ लाख ९९ हजार रुपैयाँ छ। मिल्स बन्द भएपछि सर्वसाधारणको लगानी जोखिममा परेको छ।मिल्समा सर्वसाधारणको ९ र बाँकी ९१ प्रतिशत संस्थापक लगानीकर्ता गोल्छा परिवारको सेयर रहेको छ। कुल ३० लाख ४५ हजार ९९० कित्ता सेयर छ। जसमध्ये सर्वसाधारणको २ लाख ७४ हजार १३९ कित्ता छ। गोल्छा परिवारको स्वामित्वमा रहेको भृकुटी कागज कारखाना पनि बन्द छ।  तत्कालिन प्रधानमन्त्री गिरिजा प्रसाद कोइरालाको पहलमा रौतहटको गरुडा नगरपालिका वडा नम्बर ६ महम्मदपुरमा  ८० विगाह जग्गा खरीद गरी मिल सञ्चालन भएकोे थियो।

सञ्जय मिश्रा

रौतहट १ असार। रौतहटको कटहरिया नगरपालीकाको बेरुजु ५८ करोड नाघेको छ।
बर्तमान मेयर अजय प्रकास जैसवाल र उनि भन्दा अघी पूर्व मेयर सियाराम कुशवाहाको पालाको गरी कटहरिया नगरपालीकाको हाल सम्म कुल बेरुजू ५८ करोड़ १९ लाख ३५ हजार रुपैयाँ देखिएको छ।
आर्थीक २०७८र०७९ अर्थात मेयर जैसवालको पालमा मात्र १ वर्षको अवधीमा १८ करोड़ ८५ लाख ८८ हजार बेरुजु रहेको महालेखा परीक्षकको प्रतिवेदनमा उल्लेख गरिएको छ। सो मध्ये असुल ऊपर हनु पर्ने बेरूजू १ करोड़ ४६ लाख ५० हज़ार रहेको छ।
मेयर अजय प्रकास जैसवालको पालमा मात्र १ वर्षको अवधीमा ७० लाख भन्दा बढीको इन्धन खर्च देखाईएको छ।स्थानीय निकायले सेवा प्रबाहलाई प्रभाबकारी बनाउनु पर्ने मा त्यसो हुन सकेको छैन।मेयर कसरी हुन्छ आफन्त र नजिकका कार्यकर्ता पोस्ने योजनाको साक्षी मात्रै हुदैनन् उनी यस्ता बेरुजु बढाउने काममा लागिपरेको देखिन्छ ।बेरुजु भ्रष्टाचारको एउटा रुप हो।रौतहट जिल्ला कटहरिया नगरपालिका एउटा उदाहरण मात्रै हो यस्ता बेरुजु घटाउने होइन बढाउने कार्यक्रममा लागिरहेका धेरै नगरपालिका रौतहटमा अगाडि देखिन्छन्।

रौतहट १ असार। पूर्व मन्त्री तथा आमजनता पार्टीका अध्यक्ष प्रभू साहको पहलमा गृह जिल्ला रौतहट क्षेत्र ३ स्थित ५० करोड भन्दा बढीको विभिन्न योजनाको काम अन्तिम चरणमा पुगेको छ । क्षेत्र  ३ का  संघिय सांसद समेत रहेका नेता साह  सहितको टोलिले  बिहीबार कटहरिया नगर क्षेत्र अन्तर्गत विभिन्न योजनाहरुको अनुगमन गरेका थिए । कटहरिया नगरपालिकाकाे पोखरीया, डूमारिया, हथियाही र कटहरिया गाँउमा सहरी विकास मन्त्रालय लगायतका निकाय बाट भैरहेको सडक ढलान , कालोपत्रे, ढल तथा नाला लगायत निर्माणाधीन योजनाहरुको स्थलगत अनुगमन निरीक्षण गर्दै उनले मापदण्ड अनुसार स्तरीय र समयमा निर्माण पूरा गराउन  निर्देशन दिएका छन ।

ओली नेतृत्वको सरकारमा प्रभू साह सहरी विकास मन्त्री हुँदा स्वीकृत भएको तिनवटा याेजना मध्ये दुईवटा योजनाको काम अन्तिम चरणमा रहेको तथा एउटाको काम जारीरहेको छ। 

कटहरिया नगरपालीका अन्तर्गत नाला, सडक ढलान, कालोपत्रे, गरी तिन प्याकेजमा झन्दै ५० करोडको योजनाको निर्माण कार्य भैरहेको अनुगमन टोलीमा सहभागी सहरी विकास तथा भवन डिवीजन कार्यालय बिरगंजका प्रमूख बिनोद कुमार सिंहले बताएका छन।

बीस बीस करोडको दुई योजनाको काम अन्तिम चरणमा रहेको तथा यसै आर्थक वर्षमा सम्पन्न हुने र १० करोडको अर्को एउटा योजनाको काम कारिरहेको तथा आगामी आर्थीक वर्षमा सम्पन्न हुने डिवीजन प्रमुख सिंहले जानकारी दिएका छन।

निरीक्षणको क्रममा योजनाको ठेकदार कम्पनी आश्रय निर्माण सेवाका प्रोजेक्ट मेनेजर अजय कुमार गुप्ताले यस आर्थीक वर्षमा गुजरा र फटुवा बिजयपुर नगरपालिकाले लालबकैया नदीको टेण्डर न गर्दा गिट्टि बालुवा संकलनमा कठिनाई भैरहेको समस्या बताएका थिए। त्यसैगरी एसियाली विकास बैंकको झन्डै ३४ करोडको लागतमा निर्माण भइरहेको ढल तथा नालाको समेत टोलिले अनुगमन निरीक्षण गरेको थियो। कटहरिया वडा ४ र ५ गरी झन्डै १६ किलोमिटर लामो ढल तथा नाला निर्माणको काम भइरहेको छ। निर्माणको काम अन्तिम चरणमा रहेको तथा यसै आर्थिक वर्षभित्र पुरा गर्ने लक्ष्य रहेको ठेकदार कम्पनी आश्रय निर्माण सेवाका प्रोजेक्ट मेनेजर गुप्ताले जानकारी दिएका छन।

अनुगमन टोलिमा नेता प्रभू साहका साथै  आजपाका नेता एवम पुर्व मेयर सियाराम कुशवाहा, जिल्ला अध्यक्ष त्रिभुवन साह , मेयर प्रत्यासी विजय यादव,शहरी डिभिजन कार्यालय पर्शाका डिभिजन प्रमुख, बिनोद कुमार सिंह, रौतहट जिल्लाका सहायक सिडिओ मणि भूषण साह, लगायत सहरी विकास तथा प्रोजेक्टका  ईन्जिनियर र जनप्रतिनिधि, स्थानिय अगुवा, पत्रकार  लगायतको सहभागिता रहेको थियो ।

सञ्जय मिश्रा