Month: February 2022

रौतहट ८ मंसीर। रौतहटको कटहरिया नगरपालिका ९ डुमरियामा रांगाको आक्रमण बाट एक जना वृद्धको मृत्यु भएको छ। पटकपटक राँगाको आक्रमण बाट १ दर्जन भन्दा बढी मानिस घाईते भएका छन् । आफ्नो घरमै रहेको अवस्थामा एक्कासी बुधवार साँझ राँगाको आक्रमणबाट घाईते भएका कटहरिया ९ डुमरिया गाँउका ७० बर्षिय बतहु राय यादवको उपचारको क्रममा नारायणी अस्पताल बिरगंजमा गएराति मृत्यु भएको प्रहरीले जनाएको छ। यस अघि उक्त राँगाको पटकपटकको आक्रमण बाट १ दर्जन बढी मानिस सामान्य घाईते भएको स्थानीय समाजसेवी बच्चालाल यादवले बताएका छन्।
स्थानिय समाजसेवी यादवका अनुसार आक्रमण बाट स्थानिय राजदेव माझी, मञ्जारुल मियाँ, महामदिन मियाँ, बिलास महरा लगायत १ दर्जन बढी मानिस घाईते भएर बिभिन्न अस्पतालमा उपचार भएको थियो। पछिल्लो ६ महिना अघि कतै बाहिर बाट आएका उक्त राँगाले आक्रमण गरेर कैयौं भैंसी लाई घाईते बनाएका छन भने कैयौं घरको घेरावेरा भत्काएको छ। अतिनै खुंखार प्रबृत्तिको उक्त राँगा नियन्त्रण गर्न पटकपटक गाउँलेहरुले आग्रह गर्दा उक्त वडाका अध्यक्ष रुपेश यादव र मेयर अजय प्रकाश जैसवालले कुनै वास्ता नगरेको कारण मानिस मृत्युको घटना हुनगएको गाउँलेहरुले गुनासो गरेका छन्। डुमरिया वडा अध्यक्ष र मेयरको बसोबास गर्ने गाँउ हो। सञ्जय मिश्रा

काठमाडौँ। नेपाल प्रहरीले १५ जना प्रहरी वरिष्ठ उपरीक्षक (एसएसपी) को सरुवा गरेको छ।

सूचीअनुसार जिल्ला प्रहरी परिसर काठमाडौंका एसएसपी दान बहादुर कार्कीको काज सरूवा नेपाल प्रहरी प्रधान कार्यालय प्रहरी महानिरीक्षकको सचिवालय नक्सालमा भएको छ। उनको ठाउँमा भने भूपेन्द्रबहादुर खत्री आएका छन्।

कर्णाली प्रदेश प्रहरी कार्यालय अपराध नियन्त्रण तथा अनुसन्धान महाशाखा वीरेन्द्रनगरमा रहेका गोपालचन्द्र भट्टराईको बागमती प्रदेश प्रहरी कार्यालय उपराध तथा अनुसन्धान महाशाखा हेटौंडामा सरूवा भएको छ।

बागमती प्रदेश प्रहरी कार्यालय शान्ति सुरक्षा महाशाखा हेटौंडामा रहेका दीपक रेग्मीको नेपाल प्रहरी प्रदेश कार्यालय पोखरामा सरूवा भएको छ।

यस्तै, नेपाल प्रहरी प्रधान कार्यालय महिला तथा बालबालिका तथा जेष्ठ नागरिक सेवा निर्देशनालय नक्सालका सानुराम भट्टराईको राष्ट्रिय सुरक्षा परिषद्‍को सचिवालय सिंहदरबारमा सरूवा भएको छ।

मेष (चु, चे, चो, ला, लि, लु, ले, लो, अ) हल्लाको भर पर्दा दुख पाइने र गरेका काममा ढिलासुस्ती हाला । मनमा दुबिधा उत्पन्न हुनेछ । दिनको उत्तरार्धमा धन खर्च बढ्नेछ ।

मिथुन (का, कि, कु, घ, ङ, छ, के, को, हा) पारिवारिक जमघट र मनोरञ्जन कार्य सम्पन्न हुनेछ । लगनशीलताले कामहरू अगाडि बढ्नेछन् । कार्य सम्पादनमा सहजता मिल्नेछ ।

सिंह (मा, मि, मु, मे, मो, टा, टि, टु, टे) अनावश्यक धन खर्च भई मानसिक चिन्ता बढ्नेछ । मेहनतीहरूका लागि दिन फलदायी नै रहनेछ । गरेको काममा ढिलासुस्ती हुनेछ ।

तुला (रा, रि, रु, रे, रो, ता, ति, तु, ते) इच्छा र आकाङ्क्षा पूर्ण हुने भएको छ । मनमा हर्ष छाउनेछ । आफ्नो क्षेत्रमा प्रभुत्व जमाउन सकिनेछ । नयाँ अलङ्कारको प्राप्ति हुनेछ ।

धनु (ये, यो, भा, भि, भु, धा, फा, ढा, भे) आज मनमा चञ्चलता बढ्नाले गलत निर्णय लिन पुगिएला सचेत रहनुहोला । बोलीको विपरीत अर्थ पनि लाग्नसक्छ अतः संयम रहनु होला ।

वृष (इ, उ, ए, ओ, वा, वि, वु, वे, वो) पारिवारिक सद्भाव बढ्नेछ । नयाँ व्यक्तिसँग भेटघाट हुने समय छ । मिहिनेत गर्दा प्रगति हुनेछ । व्यापार व्यवसायबाट लाभ मिल्ने देखिन्न ।

कर्कट (हि, हु, हे, हो, डा, डि, डु, डे, डो) रमाइलो यात्रा गर्ने अवसर प्राप्त हुनेछ । कला र गलाको प्रभाव बढ्नेछ । मनोरञ्जनमा सहभागिता भइएला । आर्थिक क्षेत्रमा राम्रो सफलता मिल्ला ।

कन्या (टो, पा, पि, पु, ष, ण, ठ, पे, पो) परिवारजनको साथले नयाँ आशा पलाउनेछ । दाम, इनाम र प्रतिष्ठा कमाउने वेला छ । लाभदायक यात्रा र मनोरञ्जन पूर्ण कार्य रहला ।

वृश्चिक (तो, ना, नि, नु, ने, नो, या, यि, यु) अतिथिका रूपमा सम्मान पाइनेछ । आत्मिक सन्तुष्टि मिल्नेछ । श्रमको उचित मूल्याङ्कन हुनेछ । वैदेशिक क्षेत्रको काम अघि बढ्नेछ ।

मकर (भो,जा,जि,जु,जे,जो,ख,खि,खु,खे,खो,गा,गि) सानो प्रयत्नले ठूलो काम सम्पादन हुनेछ । श्रमको उचित मूल्याङ्कन हुनेछ । विद्या र बुद्धिको विकास हुनेछ । नयाँ कार्य गर्ने योजना पनि बन्नेछ ।

कुम्भ (गु, गे, गो, सा, सि, सु, से, सो, दा) एउटै कामबाट दोहोरो लाभ मिल्नेछ । वैदेशिक कार्य अघि बढ्नेछ । धर्मकर्म तथा समाजसेवामा मन लाग्नेछ । आत्मिक सन्तुष्टि मिल्नेछ ।

मीन (दि, दु, थ, झ, ञ, दे, दो, चा, चि) बुद्धिको उपयोगले लक्ष्य पहिल्याउन सकिनेछ । शुभकार्यको चर्चा चल्नेछ । अरुलाई प्रभावित पारेर काम बन्नेछ । साङ्गीतिक क्षेत्रमा रुचि बढ्नेछ ।

रौतहट ८ मंसिर। रौतहटको पश्चिमीभेग फतुवा बिजयपुर नगरपालिकास्थित हिमाली माबि भवनको लागि के एनपी कम्पनीले लाखौंको ईनामेल पेन्ट निशुल्क प्रदान गरेको छ।
के एनपी जापानी कम्पनीका नेपाली प्रतिनिधि मनोज मिश्रले हिमालिबास स्थित माविको भवन रंगरोगनको लागि प्रधानाध्यापक बाबुराम आचार्य लाई एक समारोह बिच चारलाख २३ हजार २३० बराबरको पेन्ट निःशुल्क प्रदान गरेका हुन। फतुवा बिजयपुर नगरपालिका १० स्थित हिमाली माबि भवनको लागि आवश्यक रङ उपलब्ध गराइदिन गरिएको बिशेष अनुरोध पछि के कम्पनीले उक्त परिमाण बराबरको बिभिन्न कलरको पेन्ट निशुल्क प्रदान गरेको कम्पनीका प्रतिनिधि मिश्रले जानकारी दिएका छन्।
के एनपी कम्पनीले उपलब्ध गराएको उक्त इनामेल पेन्ट बाट बिद्यालय भवन रंग रोगनको लागि प्रयाप्त हुने प्रधानाध्यापक आचार्यले जानकारी दिएका छन्। हिमाली माबिमा एकहजार भन्दा बढी विद्यार्थी अध्यनरत छन्, लामो समय देखि बिद्यालय भवनको रंगरोगन नभएपछि जीर्ण बनेको थियो।

काठमाडौँ । दुर्गा प्रसाईंले भोलिदेखि काठमाडौँ बन्दको घोषणा गरेका छन् ।

विहिवर बल्खुमा भएको प्रदर्शनपछि प्रसाईंले भोलिदेखि काठमाडौँ बन्दको घोषणा गरेका छन् । विहिवर बल्खुमा भएको आन्दोलनमा प्रहरिको हस्तक्षेपमा आफुतर्फका केहि र प्रहरितर्फका बढि घाईते भएका छन् । विहिवर (आज) केहि मात्रा काठमाडौँ खुले पनि भोलिदेखि काठमाडौँ पूर्ण रुपले बन्द हुने प्रसाईंको दाबी छ ।
प्रसाईंका समर्थक र प्रहरीबीच झडप हुँदा एक जना गम्भीर घाइते भएका छन् । सो झडपमा २६ जना घाइते भएका छन् । बल्खु चोकबाट कालिमाटीतर्फ जान लाग्दा प्रसाई पक्षका प्रदर्शनकारीलाई प्रहरीले रोक्न खोजेको थियो ।

दुर्गा प्रसाईको राष्ट्र, राष्ट्रियता, धर्म संस्कृति र नागरिक बचाउ महाअभियानका अध्यक्ष मण्डलका सदस्य एवं संगठन तथा कार्यक्रम विभाग प्रमुख हरी कार्कीले शान्तिपुर्ण आन्दोलनमा घुसपैठ भएको आरोप लगाए । प्रदर्शनको क्रममा प्रहरीले अत्यधिक दमन गरेको उनको आरोप छ ।

काठमाडौँ। काठमाडौंको बल्खुमा दुर्गा प्रसाईं समूह र प्रहरीबीच झडप भएको छ ।

बल्खुमा चक्रपथमा प्रदर्शन गरिरहेकाहरुले प्रहरी घेरा तोडेर कालीमाटीतर्फ जान खोजेपछि प्रहरीले बल प्रयोग गरेको हो ।

स्थितिलाई नियन्त्रणमा लिन प्रहरीले अश्रुग्यास र पानीको फोहोरा हानेको छ । प्रदर्शनकारीले प्रहरीतर्फ इँट्टा र ढुंगा हानेका छन् । प्रहरी र प्रदर्शनकारी बिच झडप जारी छ ।

त्यस्तै केही समय अगाडि पनि बल्खु पुगेका प्रसाईं समूहमाथि युवा संघका प्रर्दशनकारीले आक्रमण गरेपछि केही समय अवस्था अशान्त बनेको थियो। दुवै पक्षले ढुंगा हानाहान गरेका थिए। त्यसपछि सुरक्षाकर्मीले स्थिति नियन्त्रणमा लिनको लागि लाठ्ठीचार्ज गरेका थिए।

दुर्गा प्रसाईं समूह र युवा संघ नेपालले घोषणा गरेको कार्यक्रमलाई मध्यनजर गर्दै सुरक्षा व्यवस्था मिलाइएको हो।

काठमाडाैं । नबिल बैंक लिमिटेडले नगद लाभांश घोषणा गरेको छ ।  मंसिर ७ गते (बिहीबार)  बसेको बैंकको सञ्चालक समितिको बैठकले  आर्थिक वर्ष २०७९/८० को संचित मुनाफाबाट आफ्ना शेयरधनीलाई वितरण गर्ने लाभांश घोषणा गरेको हो ।

बैंकले गत आर्थिक वर्षसम्मको सञ्चित मुनाफाबाट शेयरधनीहरुलाई ११ प्रतिशत नगद लाभांश वितरण गर्ने घोषणा गरेको छ।

मंसिर ७ गते बसेको बैंकको सञ्चालक समितिको बैठकले सो दरमा लाभांश वितरण गर्ने घोषणा गरेको हो।

नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सो लाभांश वितरण गरिनेछ।

काठमाडौं- धनकुटामा एकै परिवारका तीन जना मृत अवस्थामा फेला परेका छन्। धनकुटा नगरपालिका–१ निगालेमा श्रीमान्, श्रीमती र छोरा मृत भेटिएका हुन्।

धनकुटा नगरपालिका-१ को निगालेका ३५ वर्षीय टिका गुरुङ्ग, उनकी श्रीमती ३६ वर्षीया भीमा र ११ वर्षीय छोरा आयुष घरभित्रै मृत फेला परेको प्रहरीले जनाएको छ ।

प्रहरीका अनुसार टीकारामको शव घरको दलिनमा झुण्डिएको अवस्थामा फेला परेको तथा उनकी श्रीमती भिमा र छोरा आयुष खाटमा मृत फेला परेको थियो।

घरमा विवाद भएपछि श्रीमान् टीकाले छोरीलाई छिमेकीको घरमा लगेर राखेका थिए। छोरी र छिमेकीका अनुसार श्रीमान्–श्रीमतीबीच गए राति झगडा समेत भएको थियो। 

प्रहरीले मुचुल्का उठाएर शव पोष्टमार्टमका लागि अस्पताल पठाएको छ। मृत्युको कारण खुलेको छैन। घाउचोट नदेखिएकोले मृत्युको कारण पोष्टमार्टम रिपोर्ट आएपछि थाहा हुने प्रहरीले जानकारी दिएको छ।

रौतहट ७ मंसीर। बिगतमा पत्रकारिता गर्दै हाल स्थानिय वृन्दावन नगरपालिकाका नगर कार्यपालिका बोर्डका सदस्य राजेश पासवान सँग छठघाटमा विभेद गर्ने गर्ने एकजना शिक्षक र अधिकृत माथि कानुनी कारवाही तर्फ जाने निर्णय गरिएको छ। जिल्लाको मध्यभाग श्रीराम सुगर मिल्स गरुडाको प्रागणमा रौतहटका दलित अगुवाहरूको बसेको बैठकमा बिभेद गर्ने ऊपर दुबैजना माथि मुदा प्रकृयामा जाने निर्णय गरेको हो। वृन्दावन नगरपालिका अन्तर्गत बहुअरी पिपरिया छेउ झाँझ नदी किनारको छठ घाट पन्डालमा पसेको निहुमा जातीय विभेद तथा छुवाछूतको बहानामा पासवान लाई भएको अभद्र व्यवहार गाली बेइज्जतीको विरुद्ध कानूनी उपचार खोज्ने निर्णय गरिएको बैठकमा सहभागी एकजना जसपाका नेता राजकुमार दाशले बताएका छन्।
वृन्दावन नगरपालिका घर भई श्रीसानू किम्ताङ माध्यमिक विधालय,म्याङ गाउँपालिका-४ नुवाकोटमा कार्यरत प्रधानाध्यापक भरत प्रसाद यादव,र अर्का स्थानिय अधिकृत पदका कर्मचारी शंकर ठाकुर लगायतले बिभेद संगै दुर्व्यवहार गरेको पीडित पासवानले बताएको छ। दलित नेटवर्कका अध्यक्ष धर्मेन्द्र पासवानको अध्यक्षतामा बुधवार गरुडामा बसेको बैठकमा रौतहटका दर्जनौं दलित अगुवाहरूको सहभागिता रहेको थियो। निर्णय अनुसार आज ईलाका प्रहरी कार्यालय गरुडामा पीडक दुबैजना बिरुद्द जाहेरी दर्ता गराउन जाने प्रहरीले जाहेरी दर्ता गर्न आनाकानी गरेमा आन्दोलन गर्ने बैठक बाट निर्णय भएको सहभागी जसपा नेता दाशले जानकारी दिएका छन्।
आरोपी शिक्षक र अधिकृत संग सम्पर्क हुन सकेको छैन।