Month: February 2022

रौतहट ७ मंसिर। रौतहटको फतुवा बिजयपुर नगरपालिकाको मूल गेटमा ताला फुटाएर बुधवार प्रमुख प्रशासकिय अधिकृतको रूपमा उपसचिव सुरेन्द्र प्रधान लाई हाजिर गराईएको छ।
कार्यवाहक मेयर अम्बेया खातुनको पहलमा स्थानिय प्रहरी प्रशासन तथा जनप्रतिनिधिको रोहवरमा नगरपालिकाको कार्यालयको मूल गेटमा लगाईएको ताला फुटाएर उपसचिव प्रधान लाई हाजिर गराईएको हो।
कार्यवाहक मेयर खातुनले टिका र माला लगाई स्वागत गर्दै बुधवार देखिनै प्रधानलाई नगरको प्रमुख प्रशासकिय अधिकृतको रूपमा कामकाज सुरु गराएकी हुन्। सो अवसरमा प्रमुख प्रशासकिय अधिकृत प्रधानले भोलि देखिनै सम्बन्धितहरुको बैंक खातामा सामाजिक सुरक्षा भत्ता पठाउन सुरुगर्ने र १ महिना भित्र नगरको सम्पूर्ण समस्या समाधान गर्ने प्रतिबद्धता जनाएका थिए। सब भन्दा पहिले सामाजिक सुरक्षा भत्ता वितरणको काम सुरु हुन साथ केहीदिन भित्र कार्यपालिका बोर्डको बैठक बोलाउन लगाएर नगरसभा गराउने तथा कर्मचारीहरुको तलब बितरण संगै आर्थिक कारोवार संचालन गराउने उपसचिव प्रधानले बताएका छन्।
संघीय मामिला तथा सामान्य प्रशासन मन्त्रालयले गत असोज २६ गतेनै फतुवा बिजयपुर नगरपालिकाको प्रमुख प्रशासकिय अधिकृतमा उपसचिव सुरेन्द्र प्रधानलाई जिम्मेवारी दिएर पठाएको थियो।
मन्त्रालयको चिठी सहित हाजिर हुन गएका प्रधान नेपाली कांग्रेस बाट निर्वाचित वडा अध्यक्षहरुको बिरोधको कारण हाजिर हुनसकेका थिएनन्। फतुवा बिजयपुरमा कोरोना कालमा प्रमुख प्रशासकिय अधिकृत हुँदा प्रधानले बिभिन्न शीर्षकमा लाखौँ रुपैयाँ अनियमितता गरेको भन्दै केही वडा अध्यक्षहरुले कार्यवाहक प्रमुख प्रशासकिय अधिकृत शम्भु यादवनै हुनुपर्ने माग गरेका थिए।
तर कार्यवाहक मेयर अम्बेया खातुनले प्रमुख प्रशासकीय अधिकृतमा उपसचिव सुरेन्द्र प्रधान आएपछि भ्रष्टाचार गर्न कठिन हुने र यादव हुँदा सहज हुने भएकाले मात्र उनीहरूले प्रधान माथि त्यस्तो आरोप लगाएर बिरोध गरेको बताउँदै आएकी छन्।
मेयर खातुन र केही वडा अध्यक्ष बीच प्रमुख प्रशासकीय अधिकृतकै बिषय लिएर तनाव बढेपछि वडा अध्यक्षहरुले केही कर्मचारी लाई अगाडी सारेर दशैं अगाडिनै नगरपालिकाको कार्यलयमा तालाबन्दी गराएको वडा ६ का अध्यक्ष सञ्जय यादवले बताएका छन्।
झण्डै दुईमहिना अघि नेपाली कांग्रेस बाट निर्वाचित वडा अध्यक्षहरुले लगाएको ताला बुधवार फुटाउने क्रममा मेयर खातुन , वडा २ का अध्ययन सञ्जय यादव,६ का अध्यक्ष राम एकवाल यादव १० का अध्यक्ष मञ्जय चौधरी, उपसचिव सुरेन्द्र प्रधानका साथै सैयौं स्थानियहरुको उपस्थिति रहेको थियो।
फतुवा बिजयपुर नगरपालिकामा कार्यवाहक मेयर अम्बेया खातुन र केही वडा अध्यक्षहरु बिच तालमेल नमिलेको कारण असार १० गतेभित्र हुनुपर्ने नगरसभा झण्डै ६ महिना बित्नलाग्दा सम्म हुनसकेको छैन। हालसम्म नगरसभा नभएको कारण नगरपालिकाको सम्पूर्ण आर्थिक कारोवार ठप्प भएर झण्डै तीनसय ५० जना शिक्षक कर्मचारीले गत साउन देखि तलब पाउन सकेका छैनन् भने हिन्दूहरूको महान पर्व दशैं तिहार दीपावली छठमा पनि सामाजिक सुरक्षा भत्ता वितरण हुन नसकेको नेकपा एमाले फतुवा बिजयपुर नगर कमिटी सचिव संतोष कुमार साहले बताएका छन्।
फतुवा बिजयपुर नगरपालिका स्थित लालबकैया नदीको टेन्डरमा नेपाली कांग्रेस बाट निर्वाचित तत्कालीन मेयर गोपाल राय यादव दोषी ठहर भएपछि अख्तियार दुरुपयोग अनुसन्धान आयोगले उनलाई गत आर्थिक वर्षमा नै निलम्बित गरेपछि कांग्रेसकै उपमेयर अम्बेया खातुन कार्यवाहक बनेकी छन्।
निर्धारित समयमा किन भएन नगरसभा
गत आर्थक वर्षको असार १० गते नगरसभा गर्ने कार्यपालिका बोर्डले गरेको निर्णय अनुसार तत्कालीन निमित प्रमुख प्रशासकीय अधिकृत शम्भु यादवले सूचना सार्वजनिक गरेका थिए। सोही सूचनाको आधारमा फतुवा बिजयपुरको नगरसभा गत असार १० गते हुने भनेर कैयौं मिडियाले समाचार समेत सम्प्रेषण गरेका थिए।
तर मात्र चार दिन नगरसभाको दिन बाँकी छँदा कांग्रेस पार्टीकै केही नेताहरु बलपूर्वक नगरसभा रोक्न लगाएको कार्यवाहक मेयर खातुनका श्रीमान महमद सेराजले बताएका छन्।
तत्कालीन मेयर गोपाल राय यादवको पद अख्तियार बाट फुकुवा भएपछि उनकै अध्यक्षतामा नगरसभा गर्ने मनसायले कांग्रेसका केही ठूला नेताहरुको ईशारामा असार १० को नगरसभा हुन नदिएको कारण हालासम नभएर नगरेको सम्पूर्ण आर्थिक कारोवार ठप्प भएर कर्मचारीले तलब पाउन नसकेको तथा सामाजिक सुरक्षा भत्ता वितरण हुन नसकेको महमद सेराजले गुनासो गरेका छन्।
त्यतिमात्र नभएर फतुवा बिजयपुर नगरपालिका सञ्चालन गर्न अन्य दलका निर्वाचित जनप्रतिनिधि तथा नेताहरुले सहयोग गरिरहेका छन भने कांग्रेसका निर्वाचित जनप्रतिनिधि र नेताहरुले बिभिन्न बखेडा बनाएर बाधा उत्पन्न गर्दै आएको मेयर खातुनका श्रीमान सेराजले गुनासो गरेका छन्।
अख्तियार दूरुपयोग अनुसन्धान आयोग टंगालको सिफारिसमा बिशेष अदालतले फतुवा बिजयपुरका तत्कालीन मेयर गोपाल राय यादव लाई लालबकैया नदिको टेण्डरमा दोषी ठहर गर्दै तीनवर्ष कैद र १५ लाख रुपैयाँ जरिवानाको निर्णय गरेको थियो।
यसै बिच फतुवा बिजयपुर नगरपालिका नियमित सञ्चालन गराउन सर्वदलीय बैठकले आन्दोलनको कार्यक्रम घोषणा गरेको छ। संघर्ष समितिका अध्यक्ष नेकपा एमालेका प्रतिनिधि शिवपुजन यादवको नेतृत्वमा गएको सर्वदलीय टोलीले जिल्ला प्रशासन कार्यालय गौरमा ज्ञापनपत्र बुझाएको छ। संघर्ष समितिका अध्यक्ष यादवक अनुसार भोलि ७ गते फतुवा विजयपुरमा प्रदर्शन गर्ने तथा नगरपालिका सुचारु नभएका आगामी ९ गतेदेखि चक्काजाम गर्दै नगरपालिकाको अगाडी धर्ना दिने कार्यक्रम रहेको एक।

रौतहट ७ मंसिर। रौतहटको चर्चित बजार कटहरियामा दुई युवासमुह बिच ग्याङ फाइट हुँदा तीनजना युवकहरू घाईते भएका छन। बुधवार राती करीब ८ बजे कटहरिया नगरपालिका भवन छेउमा बिवेक जैसवाल, अन्जित कुमार साह नेतृत्वको युवासमुह बिच ग्याङ फाइट भएको थियो।

ग्याङ फाइटमा फलामको रड र कैंची, पेचकस , हथौडा हानाहान भएको स्थानीय प्रत्यक्षदर्शीले बताएका छन। ग्याङ फाइटमा २० वर्षीय बिवेक जैसवालले पछाडी बाट घाँटीमा कैंची प्रहार बाट गम्भीर घाईते भएका छन्। त्यस्तै अर्को समूहको २० वर्षिय अन्जित कुमार साह र महेश कुशवाहाको टाउको तथा निधारमा फलामको रड प्रहार बाट घाईते भएका छन्। उनीहरूको कटहरियामा सामान्य उपचार पछि एम्बुलेन्स बाट थप उपचारको लागि रातिनै वीरगन्ज पठाईएको थियो। घाईतेहरुको वीरगन्ज स्थित सुर्या अस्पतालमा उपचार भइरहेको प्रहरीले जनाएको छ।

सुर्या अस्पतालका डाक्टर सरोज कुमार सिंहका अनुसार घाईतेहरु खतरामुक्त रहेको बताएका छन्। गत आईतवार साँझ छठ पर्वको अवसरमा पूजा गर्न जाँदा कटहरिया ५ लालबकैया नदी किनारमा बिवेक र अन्जित बिच कुनै बिषयमा सामान्य भनाभन भएको थियो। त्यसको भोलिपल्ट गत सोमवार पिकनिक मनाउन जाँदा पनि उनीहरू बिच पुनः भनाभन भएको थियो।

सोही बिषय लिएर बुधवार साँझ दुबै समुह बिच भनाभन हुँदै ग्याङ फाइटमा परिणत भएको ईलाका प्रहरी कार्यालय कटहरियाका प्रमुख सई रामाछवेला यादवले बताएका छन। घाईते सबैको उपचार भईरहेको तथा घटना बारे थपअनसन्धान भइरहेको ईलाका प्रहरी कार्यालय कटहरियाले जनाएको छ।

रौतहट । रौतहट स्थित सेक्टर वन कार्यालय जंगलसैयाले नेपाली नम्बरको पिकअप गाडीमा ठूलो परिमाणमा सालको काठ सहित दुईजना तस्करलाई पक्राउ गरेको छ।
पक्राउपर्नेमा निजगढ नगरपालिका ८ का बादल सिंह र मकवानपुर बकैया गाउँपालिका २ का रबिन ब्लुन रहेको सहायक बन अधिकृत महमद आरिफ हुसैनके बताएका छन्। धनसार एरिया राष्ट्रीय बन बाट अबैधरूपमा कटानी गरी प्रदेश २-०३-० ०१च ५६७१ नम्बरको पिकअपमा लिएर गइरहेको अवस्थामा कामदार सगिर मियाँको कमाण्डमा सशस्त्र प्रहरी सहित गएको टोलीले गुजरा नगरपालिका पशुपती टोल नजिकै मंगलवार नियन्त्रणमा लिएको थियो। उक्त गाडी बाट ८० क्युफिट सालको गुलिया काठ बरामाद हुनुका साथै तस्कर द्धय सिंह र ब्लुन पक्राउ परेको सहायक बन अधिकृत हुसैनले जानकारी दिएका छन्।

काठ सहित गाडी र तस्करलाई आवश्यक कारवाहीको लागि डिवीजन बन कार्यालय चन्द्रिगाहपुर पठाईएको उनले जानकारी दिएका छन्।उक्त काठ संगै यस आर्थिक वर्षको गत साउन देखि हिजो मंगलबार सम्म सेक्टर वन कार्यालय जंगलशैयाको बन सुरक्षा टोलीले कुल ४०६ क्युफिट सालाजातको काठ बरामद गरिएको डिवीजन बन कार्यालय रौतहटका प्रमुख शैलेन्द्र कुमार मिश्रले बताएका छन्। अधिकृत मिश्रका अनुसार तस्करीको माध्यमले उक्त काठ ढुवानी गर्न प्रयोग गरिएको ४ थान टायर गाडा,१४ थान साईकल र चारजना तस्कर पक्राउ परेका थिए। चाडँ पर्वको अवसरमा तस्तरहरु राष्ट्रीय तथा साझेदारी बन बाट अबैध रुपमा काठ कटानी तथा ढुवानी गर्ने गरेको पाइन्छ। सञ्जय मिश्रा

रौतहट ५ मंसिर। रौतहट स्थित यमुनामाई गाउँपालिका बाट प्रहरीको संयुक्त टोलीले बरामद गरेको ४ थान अत्याधुनिक हतियारमा दुईजना स्थानीयको संलग्नता रहेको प्रहरीले जनाएको छ। तर स्थानीयले भने प्रहरीले दुईजना निर्दोष लाई फसाएको भन्दै बिरोध गरेका छन्।

रौतहट प्रहरी प्रमुख एसपी महेन्द्र कुमार श्रेष्ठका अनुसार जिल्ला प्रहरी कार्यालय गौरका डिएस्पी दामोदर केसीको कमाण्डमा सशस्त्र प्रहरी सहित गत आईतवार अपरान्ह यमुनामाई गाउँ पालिका -३ मलहिनिया स्थित एक घरबाट ९ एमएम पेस्तोल ३ नाल , त्यसमा लाग्ने गोलि १३ गोटा , म्याग्जिन ६ वटा तथा एयर गन १ नाल , मोबाईल २ थान, सिमकार्ड ४ थान, पेनद्राईभ १ थान र शेख एजाज महमदको नेपाली नागरिकता १ थान बरामद गरेको थियो । बरामद हतियारमध्ये २ नाल पेस्तोल मेड इन युएसएु र एक नाल मेड इन इन्डियाु लेखिएको छ । बरामद अबैध हतियारमा स्थानिय सेख बैतुल्लाह र शेख एजाजको संलग्नता रहेको एसपी श्रेष्ठले बताएका छन्।
उक्त घरमा ठूलो मात्रामा अवैध हतियार लुकाएर राखेको छ भने बिशेष सूचनाको आधारमा जिल्ला प्रहरी कार्यालय गौर बाट डिएस्पी केसीको कमाण्डमा टोली गएपछि टोलीको व्याकपको लागि आफू स्वयं घटनास्थल पुगेको थिए एस्पी श्रेष्ठले भने हाम्रो टोलीमा सिडियो धर्मेन्द्र कुमार मिश्र, सशस्त्रका एस्पी माधव रेग्मी, राष्ट्रीय अनुसंधान का एस्पी चन्दन कुमार झाको समेत सहभागिता थियो।
उक्त अपरेसन सफन बनाउन जिल्ला प्रहरी कार्यालय गौर, सशस्त प्रहरी बल हेक्वा गौर, ईलाका प्रहरी कार्यालय गरुडा, प्रहरी चौकी शुकदेव चौक, सशस्त्र प्रहरी बोर्डर आउट पोस्ट फतुवा सहित बाट ठूलो संख्यामा प्रहरी परिचालन गरिएको एस्पी श्रेष्ठले जानकारी दिएका छन्।
हाल उनीहरू दुवैजना फरार रहेकाले खोजी तथा हतियार कुन प्रयोजनको लागी त्यहाँ ल्याएको हो त्यस बारे थप अनुसन्धान भइरहेको एस्पी श्रेष्ठको भनाई रहेको छ।

मलहिनियाका स्थानिय महिलाहरुले प्रहरी द्वारा खानतलासी अघि
दुईवटा बाइकमा सशस्त्र प्रहरीको घुमुवा आएर शेख बैतुल्लाहको उक्त फुसको कच्ची चारैतिरबाट प्वाल रहेको घरमा प्रवेश गरेर झोलामा ल्याएका हतियार राखेर फोटो र भिडियो बनाउदै गर्दा स्थानीय बासिन्दाहरुले विरोध जनाएका थिए।
शेख बैतुल्लाहको भारतमा रहेका आफन्त वितेपछि त्यस तर्फ परिवार सहित गएकाले घरमा ताला लागेको अवस्था रहेको स्थानीयले बताए।
स्थानिय महिला सकिना खातुनले छिमेकका मानिसहरुलाई भेला गराई सशस्त्र प्रहरीको कार्यशैलिको बिरोध गरेपछि घुमुवाहरुले हामीहरुलाई कुटपिट गर्दा त्यहाँ ठूलो संख्यामा मानिस भेला भएको थियो।
सो पछि सशस्त्र प्रहरीले लाठी चार्ज गर्दा करिव एक दर्जन भन्दा महिलाहरुलाई चोटपटक लागेको सकिनाले बताइन् ।
यमुनामाई गाउँपालिकाको अध्यक्ष शेख इर्शादले घटना सम्बन्धमा आज जिल्ला प्रशासन कार्यालय गौरमा डेलिगेशन लिएर जाने बताएका छन्।
अर्को तर्फ रौतहट प्रहरी प्रमुख एसपी महेन्द्र कुमार श्रेष्ठले बैतुल्लाह र एजाज पहिलै देखि आपराधिक प्रवृत्तिका मानिस रहेको बताउँदै स्थानियहरुको आरोपको खण्डन गरेका छन्। सशस्त्र प्रहरी रौतहटका प्रमुख एसपी माधव रेग्मी भने सम्पर्कमा आएनन्।

पूर्व मन्त्री तथा आमजनता पार्टीका अध्यक्ष प्रभु साह लोक पर्व छठको अवसरमा गृह जिल्ला रौतहटको क्षेत्र ३ अन्तर्गत बिभिन्न छठी घाटहरुको दर्शन गर्दै ब्रतालुहरुले संग आशिर्बाद लिएका छन। प्रत्येक वर्षझैं यस पटक पनि उनी आईतवार सँझिया घात र आज सोमवार छठ पर्वको लागि बनाईएका घाटहरुको दर्शन गर्दै ब्रतालुहरु संग आशिर्बाद लिएका हुन्। आईतवार पहिलोदिन सँझिया घाटको अवसरमा पूर्व मन्त्री प्रभु साह गृह नगर मौलापुर नगरपालिकाको छठी घातहरु बाट सुरुगरी देवाहि गोनाहि, कतहरिया फतुवा विजयपुर अन्तर्गत घाटाको दर्शन गरेका थिए। सो क्रममा प्रभु साह सबै घाटका व्रतालु संग आशिर्बाद लिनुका साथी स्थानिय संग भेट्घाट गरी पर्वको शुभकमना दिनुभयो।
त्यसैगरी आज छठ पर्वको अन्तिम दिन भोरवा घाटाको अवसरमा गरुडा गुजारा, बौधिमाई, लगायतको नगरपालिकामा रहेको छठी घाटहरुमा पुगेर दर्शन गर्दै ब्रतालु संग आशिर्बाद लिनुका साथै स्थानीय संग पर्वको शुभकामना आदानप्रदान गरेका थिए। उक्त अवसरमा पूर्व मन्त्री प्रभु साहका साथै आमजनता पार्टीका नेताहरु कुन्दन कुशवाहा, समिना हुसैन, त्रिभुवन साह, मनोज यादव, मौलापुर नगर प्रमुख रिना कुमारी साह,विजय यादव लगायतको सहभागिता रहेको थियो। पूर्व मन्त्री साह हरेक बर्ष बडा दशैं दीपावली र छठ पर्वको अवसरमा आफ्नो निर्वाचन क्षेत्रको प्रायः सम्पूर्ण स्थानिय तहमा शुभकामना आदानप्रदान गर्दै आएका छन।

काठमाडौँ । छठ पर्वको आज दोस्रो दिन, खरना गरी मनाइँदै छ । छठ पर्वको दोस्रो दिनलाई खरना भनिन्छ । यस दिन व्रतालुहरूले नुहाएर चोखो भई साँझपख खीर बनाएर चन्द्रमालाई चढाउने धार्मिक चलन छ ।

छठ पूजा को दोस्रो दिन पञ्चमी तिथिमा खरनाको दिन ब्रतालुहरु बिहानको खाना नखाई, दिन भरी व्रत बस्छन। खरनाको राति ‘चामल र गुड्’ बाट बनेको खिर प्रसादको रुपमा छठी माईलाई खरना पुजामा अर्पण गर्छन्।

आँपको दाउरा तथा गोईठाको आगोको हवनमा प्रसाद, धुप, तिल, जौं आदिबाट हवन गरिन्छ। माटो बाट बनेको नयाँ चुलोमा गोईठा तथा आँपको दाउराको आगोमा प्रसाद पकाइन्छ। यस दिनमा ब्रतालुले नुन खान नहुने मान्यता छ। ब्रतालुहरु खरनाका दिनभरि भोकै बस्छन र राति खरना पुजाको प्रसाद ‘चामल र गुड्’ बाट बनेको खिर मात्र खान्छन्।

पर्वको प्रारम्भमा व्रतालुले शुक्रबार ‘नहाय–खाय’ विधि पूरा गरे । ‘नहाय–खाय’ विधि कात्तिक शुक्ल चौथी तिथिमा गरिन्छ । कात्तिक शुक्ल तृतीयाकै दिन शुक्रबार नै व्रतालुले ‘अरबा–अरबाइन’ गरे ।

षष्ठी तिथिका दिन आइतबार निराहार व्रत बसेर साँझपख सजिसजाउ गरिएका घाट बनाइएको जलाशयमा पुगेर शरीरको कम्मरसम्मको भागलाई पानीमा डुबाएर ‘अस्ताउँदो सूर्य’लाई अर्घ दिने गरिन्छ । यसलाई ‘सँझियाघाट’ भनिन्छ । यसको भोलिपल्ट सप्‍तमीका दिन सोमबार बिहानै उदाउँदो सूर्यलाई अर्घ दिएपछि छठ पर्व सम्पन्न हुने परम्परा छ ।

छठको व्रत बस्दा चोखो निधो, संयम र ब्रह्मचर्य धर्मको पालना गरिएन भने छठ पूजाको फल नपाइने जनविश्वास छ । छठ पर्वको व्रतलाई कठिन व्रतको रूपमा पनि लिइन्छ ।

छठमा विशेष गरी प्रकृतिको छैटौँ अंशबाट उत्पन्न भएकी भगवती देवी (छठी माई)को पूजा गरिन्छ । देवी भागवतमा छठी देवीले पुत्र नभएकालाई पुत्र, पत्नी नभएकालाई पत्नी, धन नभएकालाई धन प्रदान गरेको कथाहरू उल्लेख गरिएको छ ।

काठमाडौँ । लोक सेवा आयोगले प्राविधिक र स्वास्थ्यतर्फ साढे २ सयभन्दा बढी कर्मचारी माग गरेको छ। आज एक सूचना जारी गर्दै आयोगले राजपत्राङ्कित तृतीय श्रेणीको प्राविधिक, स्वास्थ्य सेवातर्फ सातौं र आठौं तहमा गरी २५७ कर्मचारी मागेको हो।

आयोगले प्राविधिकतर्फ २१६ कर्मचारी, मानवअधिकार सेवातर्फ अधिकृत तृतीय श्रेणीमा १ जना, स्वास्थ्य सेवातर्फ आठौं तहमा ३६ जना र सातौं तहमा ४ जना कर्मचारीको पदपूर्ति गर्न लागेको हो।

उक्त पदमा खुला तथा समावेशी प्रणालीबाट पदपूर्ति गर्नुपर्ने भएकाले न्यूनतम योग्यता पुगेका उमेदवारहरुले आयोगको अनलाइन दरखास्त प्रणालीमार्फत आवेदन दिन सक्नेछन् । मंसिर १९ गतेसम्म आवेदन दिन सकिनेछ।

रौतहट १ मंसिर। पूर्व मन्त्री तथा आम जनता पार्टी का अध्यक्ष प्रभु साहले प्रमुख दलका प्रमुख नेताहरु नै भ्रष्टाचारमा लिप्त भएका कारण देशमा आर्थिक तरलता आएको टिप्पणी गरेका छन्।
गृह जिल्ला रौतहटको फतुवा बिजयपुर,माधवनारायण नगरपालिकाको मिठुअवा र यमुनामाई गाउँपालिकाको मलहिनियामा छठ पर्वको अवसरमा आयोजित शुभकामना आदानप्रदान कार्यक्रमलाई सम्बोधन गर्दै अध्यक्ष साहले उक्त टिप्पणी गरेका हुन।
ठूला दलका प्रमुख नेताहरु नै यहाँ भ्रष्टाचारमा लिप्त छन् र अन्य दलका केही नेताहरु पनि त्यही नेताको पछि लागेर राज्य कोषलाई कमाउधन्दा बनाएको अध्यक्ष साहले जिकिर गरेका छन्।
यस्ता भ्रष्ट नेताहरुका कारण आज देशको अवस्था कमजोर हुँदै गईरहेको छ । उनले दलतन्त्रको आडमा भइरहेको भ्रष्टाचारको विरुद्धमा आम जनता एकजुट हुनुको विकल्प नरहेको बताएका छन्।
अध्यक्ष साहले नेपालको आर्थिक अवस्था कमजोर बनाउने दलतन्त्रको अन्त्य नभए सम्म मुलुक समृद्ध बन्न नसक्ने बताउदै भ्रष्टाचारमा लिप्त भएका नेताहरूलाई गाउँगाउँबाट लखेटनु पर्ने उनले युवाहरुलाई आव्हान गरेका थिए।
शुभकामना आदानप्रदान कार्यक्रममा पार्टी महासचिव उपेन्द्र साह, केन्द्रिय सचिव एवं पुर्व सांसद समिना हुसेन, स्थायी कमिटी सदस्यद्वय सुधिर यादव, त्रिभुवन साह, मधेस प्रदेश अध्यक्ष उमेश कुशवाहा, मौलापुरकी मेयर रीना साह, बबिता यादव, पूर्व उपमेयर सिमल साह, दलित नेता रामनाथ माझी, रन्जु कुमारी साह, आम मुस्लिम मोर्चाका केन्द्रीय अध्यक्ष ललबाबु मंसूरी , कार्यालय सचिव बालकृष्ण सापकोटा, लगायतका नेताहरुले देश लाई समृद्व बनाउन आमजनता पार्टीको बिकल्प नरहेको विचार ब्यक्त गरेका थिए। कार्यक्रममा सैयौं महिला पुरुषको सहभागिता रहेको थियो। पूर्व मन्त्री तथा पार्टी अध्यक्ष प्रभु साह गत दशैं देखिनै सिंगो मधेश प्रदेशमा शुभकामना आदानप्रदान तथा संगठन बिस्तार अभियानमा लागेका छन्।

काठमाडौँ – कम्प्युटर एसोसिएसन नेपाल महासङ्घ (क्यान)ले टिकटकलाई करको दायरामा ल्याएर व्यावसायिक वातावरणमा सञ्चालन तथा नियमनको व्यवस्था गर्न सकेको भए देशको अर्थतन्त्रमा सहयोग पुग्ने बताएको छ।

क्यानले आज एक विज्ञप्ति निकालेर  निर्णयमा पुनर्विचार गर्न सरकारलाई आग्रह गरेको छ । साना तथा मझौला व्यवसायीलाई आफ्नो बजार विस्तार गर्ने टिकटक विकल्प बनेकाले त्यसलाई नियमन गर्दा उपयुक्त हुने  क्यानको धारणा छ । 

“नेपालमा उपलब्ध सबै खाले सामाजिक सञ्जालको सुव्यवस्थित प्रयोगका लागि सरकारले विज्ञ टोलीमार्फत वार्ता तथा समन्वय गर्न क्यान आग्रह गर्दछ । निजी क्षेत्रको हैसियतमा हामी सरकारसँग जस्तोसुकै प्राविधिक सहकार्य गर्न तयार छौँ,” विज्ञप्तिमा भनिएको छ । 

मङ्गलसेन नगपालिका–३ लाछिमनाकी ४० वर्षीया उर्मिला बिष्ट भण्डारीको हत्या आरोपमा श्रीमान् शेरबहादुर भण्डारी पक्राउ परेका हुन् ।

उर्मिलाका माइती पक्षले बुधबार शेरबहादुरको नाममा किटानी जाहेरी दिएकाले उनलाई पक्राउ गरिएको जिल्ला प्रहरी कार्यालय अछामका प्रहरी नायब उपरीक्षक सन्तोष पाठकले बताए । उनले भने, “मृतक उर्मिलाको टाउको र शरीरका अन्य भागमा चोटपटक लागेको देखिन्छ । प्रारम्भिक अनुसन्धानबाट कुटपिटबाट मृत्यु भएको देखिएपछि माइती पक्षले उनका श्रीमान् शेरबहादुरको नाममा किटानी जाहेरी दिएका छन् ।”

नायब उपरीक्षक पाठकका अनुसार श्रीमान्ले मदिरा सेवन गरेको पाइएको छ । उनले भने, “अहिले हामी अनुसन्धानकै क्रममा छौँ । शव परीक्षणको प्रतिवेदन आएपछि थप अनुसन्धान गर्न सहज हुनेछ ।” हत्या आरोपमा पक्राउ परेका शेरबहादुर हालै नेपाल प्रहरीको जागिरबाट अवकाश भएका हुन् ।