Month: February 2022

काठमाडौं । मलेसियाको लगानी कम्पनी आजियाटाले एनसेलको शेयर बिक्री गरेको प्रकरणले संसदमा प्रवेश पाएको छ । सार्वजनिक लेखा समितिको प्रवेशले अब एनसेल प्रकरण थप विवादमा तानिएको छ । एनसेल शेयर खरिदबिक्रीबारे छलफल गर्न बुधबार (भोलि) दिउँसो २ बजे प्रतिनिधि सभाको सार्वजनिक लेखा समिति बैठक बस्न लागेको हो ।

समितिको सचिवालयले भोलिको बैठकमा शेयर बिक्रीबारे प्रारम्भिक छलफल हुने जानकारी दिएको छ । आजियाटाले गत साता एनसेलमा रहेको आफ्नो शेयर ६ अर्ब ६५ करोड रुपैयाँमा बेचेको जनाएको थियो । एनसेलमा २० प्रतिशत शेयर हिस्सा राखेका गैरआवासीय नेपाली सतीशलाल आचार्यको बेलायती कम्पनी स्पेक्ट्रलाइट युकेले आजियाटाको शेयर किनेको जनाएको हो ।

यसरी शेयर बिक्री हुँदा नेपालको कानूनी प्रकृया पालना र कर छली भए/नभएकोबारे संसदीय समितिले छलफल गर्ने बताइएको छ । प्रारम्भिक छलफल पछि एक उपसमिति बनाएर एनसेल शेयर किनबेच प्रकरण छानबिन गर्ने पनि लेखा समितिको तयारी छ ।

आजियाटाले एनसेलमा रहेको स्वामित्व बेचेको खबर बाहिरिए लगत्तै लेखा समितिले नियामक निकाय दूरसञ्‍चार प्राधिकरण, कम्पनी रजिष्ट्रार कार्यालय र आन्तरिक राजस्व विभागसँग सोधखोज गरेको थियो । समितिले ती निकायमा एनसेलको शेयर बिक्रीबारे ९ वटा प्रश्न पठाएको छ । मलेसियाली कम्पनी अजियाटा युकेले वि.सं. २०७२ चैत २९ गते रेनोल्ड्स होल्डिङमा रहेको युरोपेली कम्पनी टेलियाको ८० प्रतिशत शेयर १ खर्ब ४३ अर्ब रुपैयाँमा खरिद गरी एनसेलमा प्रवेश गरेको थियो ।

त्यतिखेर नेपालको दूरसञ्‍चार प्राधिकरण र कर नियामकलाई जानकारी नै नदिई शेयर किनबेच गरी ५७ अर्ब ९० करोड पूँजीगत लाभकर छली गरेको थाहा भएको थियो । नेपालको अदालतले लाभकर बापतको रकम तिर्नुपर्ने फैसला गरेपछि आजियाटा अन्तरराष्ट्रिय मध्यस्थकर्ताकहाँ गएको थियो । मध्यस्थकर्ताले समेत लाभकर तिर्नुपर्ने फैसला गरेपछि आजियाटाले कर तिरेको थियो ।

पछिल्लो शेयर बिक्रीमा पनि पहिलेकै परिमाणमा लाभकर छली भएको हुनसक्ने आशंका छ ।

काठमाडौं । नेप्से परिसूचक निरन्तर सातौँ कारोबार दिन घटेर बन्द भएको छ। गत साताको सोमबारदेखि घट्न थालेको बजारले यस दिन पनि सोही क्रमलाई निरन्तरता दिएको हो। आज नेप्से १०.१० अंकले घटेर एक हजार ८ सय ३७ दशमलब ७१ विन्दुमा बन्द भएको हो ।

त्यस्तै, आज एक अर्ब ५४ करोड ४९ लाख ३५ हजार रुपैयाँ बराबरको कारोबार भएको छ । कारोबार भएकामध्ये ६२ कम्पनीको शेयरमूल्य बढेको छ भने १६१ कम्पनीकोे शेयरमूल्य घटेको छ । १४ वटा कम्पनीको शेयरमूल्य स्थिर रहेको छ ।      

नेप्सेका अनुसार सिंगटी हाइड्रो इनर्जीको शेयरमूलय आज १० प्रतिशतले बढेर प्रतिकित्ता २७५ रुपैयाँ पुगेको छ । साथै सिभिल बैंक डिभेञ्चर २०८८ को शेयरमूल्यमा उच्च वृद्धि भएको छ । यस कम्पनीको शेयरमूल्य आज ७.३६ प्रतिशतले बढेर प्रतिकित्ता ९९९ रुपैयाँ पुगेको छ ।       

बिशाल बजार कम्पनी लिमिटेडका लगानीकर्ताहरुले सर्वाधिक गुमाएका छन् । यी कम्पनीको शेयरमूल्य आज ९.५३ प्रतिशतले घटेको छ । सबैभन्दा बढी कारोबार माउन्टेन इनर्जि नेपाल लिमिटेडको भएको छ । आज यस बैंकको ३६ करोड २९ लाख बराबरको कारोबार भएको छ ।   

१३ उपसमूहमध्ये यस दिन जीवन बीमा उपसमूहबाहेक अरु सबै उपसमूहको परिसूचक घटेको छ। यस दिन जीवन बीमा उपसमूहको परिसूचक ०.१६ प्रतिशत बढेको छ। कारोबारमा आएको उत्पादन तथा प्रशोधन उपसमूहको परिसूचक यस दिन सर्वाधिक २.५७ प्रतिशत घटेको छ। यस दिन होटल तथा पर्यटन र व्यापार उपसमूहको परिसूचक १ प्रतिशतभन्दा बढी घटेको छ।

काठमाडौं । सामाजिक सञ्जाल टिकटकमा प्रतिबन्ध लगाउने सरकारको निर्णयविरुद्ध सर्वोच्च अदालतमा दायर रिटमा आजबाट सुनुवाइ हुने भएको छ ।

टिकटक प्रतिबन्ध लगाउने सरकारको निर्णयमा न्यायाधीश विनोद शर्माको इजलासले सबै रिटको एकसाथ प्रारम्भिक सुनुवाइ गर्दै सरकारका नाममा कारण देखाउ आदेश जारी गरेको हो ।

न्यायाधीश शर्माको इजलासले मंसिर १५ भित्र टिकटक बन्द गर्नुको कारणसहितको लिखित जवाफ पेस गर्न आदेश गरेको समयसिमा सकिए पछि मंगलबारबाट सुनवाइ शुरू गर्न लागेको हो ।

यसअघि २७ कात्तिककाे मन्त्रिपरिषद्‌ बैठकले सामाजिक सद्‍भाव र सामाजिक वातावरणमा नकारात्मक असर पारेको भन्दै नेपालमा टिकटकमाथि रोक लगाउने निर्णय गरेको थियो । 

त्यसको लगत्तै उक्त कार्य अभिव्यक्ति स्वतन्त्रता विरोधी भएको बताउँदै सरोकारवालाहरूले रिट दायर गरेका हुन् । 

रौतहट १९ मंसीर। आम जनता पार्टी (आजपा) ले बिभिन्न माग गर्दै २० मंसिरमा मधेस प्रदेशको जनकपुरधाममा प्रदर्शन गर्ने निर्णय गरेको छ ।
आजपा मधेस प्रदेश कमिटीको सोमवार जनकपुरधाममा बसेको बैठकले प्रदर्शन गर्ने निर्णय गरेको प्रवक्ता चन्द्रभुषण साहले जनाएका छन् । नेपालमा बैंकहरुले लिने गरेको मनोमानी ब्याज फिर्ता गर्नुपर्ने, लघुबित र सहकारीहरुको सम्पूर्ण ऋण मिनाहा गर्नुपर्ने तथा किसानहरुलाई सहुलियत कर्जा दिनुपर्ने माग गर्दै प्रदर्शन गर्न लागेको हो । मधेसमा भईरहेको सरकारी योजना र बजेटको खरीद बिक्री जस्ता भ्रष्टाचारजन्य कार्य रोक्न भ्रष्टाचारीलाई जनकारवाही गर्ने अभियान समेत चलाउने निर्णय गरेकोछ ।
मधेस प्रदेश सरकारमा सहभागि मन्त्री, सांसदहरुले सरकारी योजना र बजेटको खरिद बिक्री गर्दै भ्रष्टाचारलाई बढावा दिइरहेको प्रवक्ता साहको आरोप छ। त्यसैले त्यस्ता भ्रष्टाचारीलाई जनकारवाही गर्नुपर्ने निर्णय समेत बैठकले गरेको उनले बताए ।
पार्टी अध्यक्ष एवं पूर्व मन्त्री प्रभु साहले बैठकलाई सम्बोधन गर्दै नेपालमा बैंकहरुले लिने गरेको मनोमानी ब्याज फिर्ता गराउँन अब सडक संघर्षको बिकल्प नभएको बताए । किसान, सर्वसधारणहरुले बैंकबाट ऋण पाउँन नसक्नु तर लुटेरा बर्गले सजिलै ऋण पाउँनुमा बैंकहरुको दोषी रहेको आरोप लगाएका थिए।
लघुबित र सहकारीहरुको सम्पूर्ण ऋण मिनाहा गर्नुपर्ने तथा किसानहरुलाई सहुलियत कर्जा दिनुपर्ने भन्दै भ्रष्टाचारीलाई जहाँ देख्यो त्यही समातेर सरकारलाई बुझाउँनुपर्ने उनको भनाई रहेको छ। बैठकमा पार्टी महासचिव उपेन्द्र साह, प्रदेश कमिटि अध्यक्ष उमेश कुशवाहा लगायतको उपस्थिति रहेको थियो। सञ्जय मिश्रा

काठमाडौं । गत साताको सोमबारदेखि ओरालो लागेको नेप्सेले यस दिन पनि सोही क्रमलाई निरन्तरता दिएको छ। साताको दोस्रो कारोबार दिन नेप्से परिसूचक ३.४२ अंक घटेर १८४७.८१ विन्दुमा झरेको छ।

त्यस्तै, आज एक अर्ब १९ करोड ७२ लाख ५७ हजार रुपैयाँ बराबरको कारोबार भएको छ । कारोबार भएकामध्ये १२२ कम्पनीको शेयरमूल्य बढेको छ भने १०९ कम्पनीकोे शेयरमूल्य घटेको छ । ८ वटा कम्पनीको शेयरमूल्य स्थिर रहेको छ ।      

नेप्सेका अनुसार समाज लघुवित्त वित्तीय संस्था लिमिटेडको शेयरमूल्यमा उच्च वृद्धि भएको छ । यस कम्पनीको शेयरमूल्य आज ८.०६ प्रतिशतले बढेर प्रतिकित्ता १२२ रुपैयाँ पुगेको छ ।      

त्यस्तै, माउन्टेन इनर्जी नेपाल लिमिटेड र एनआरएन इन्फाइन्ट्रक्चर एण्ड डेभलपमेन्ट लिमिटेडका लगानीकर्ताहरुले सर्वाधिक गुमाएका छन् । यी कम्पनीको शेयरमूल्य आज ९.९९ प्रतिशतले घटेको छ । सबैभन्दा बढी कारोबार सोनापुर मिनिरल्स एण्ड वेल लिमिटेडको भएको छ । आज यस बैंकको ७ करोड ४६ लाख बराबरको कारोबार भएको छ ।   

१३ उपसमूहमध्ये यस दिन ५ उपसमूहको परिसूचक बढेको छ भने ८ उपसमूहको परिसूचक घटेको छ। यस दिन जीवन बीमा उपसमूहको परिसूचक सर्वाधिक ०.९७ प्रतिशत बढेको छ। त्यस्तै, यस दिन विकास बैंक, वित्त, म्युचुअल फण्ड र निर्जीवन बीमा उपसमूहको परिसूचक बढेको हो।

रौतहट १८ मंसीर। आश्रय निर्माण सेवाले ठेक्का सम्झौता गरेको करोडौंको काम सहरी विकासको प्रमुखकै मिलोमतोमा पेटी ठेकदार मार्फत गराउँदा पूर्ण रुपमा गुणस्तरहीन काम भइरहेको पाइएपछि जनप्रतिनिधिले रोक्का गरेको छन्।
कटहरिया ५ बजार स्थित एकजना पेटी ठेकदार उपेन्द्र बैठाले सडक ढलानमा मापदण्ड विपरीत निर्माण सामाग्री प्रयोग गरेको ठहर भएपछि
वडा सदस्य वैद्यनाथ दशले निर्माणकार्य रोक्का गरेका हुन्।
सदस्य दशका अनुसार उक्त सडक ढलानमा मापदण्ड एक, डेढ तिनको ठाउँमा पेटी ठेकदार बैठाले ढुंगा, बालुवा बढी र सिमेन्ट कम प्रयोग गरेको पाईएपछि काम रोक्का गरिएको जानकारी दिएका छन्।
आश्रयले घटाघट प्रक्रियामा सबै ठेकदार भन्दा न्यूनमा साकार गरेको करोडौं लगानीको बाटो ढलान नाला निर्माण लगायतको काम आफैले नगरी पेटी मार्फत गराउँदा पूर्ण रुपमा गुणस्तरहीन काम भइरहेको छ।
रौतहटको कटहरिया र मौलापुर नगरपालिकामा मात्र आश्रयले सघन सहरी कार्यक्रमा अन्तर्गत वीरगंज बाट १० करोड भन्दा बढीको ठेक्का सम्झौता गरेको छ।
तर कटहरिया देखि मौलापुर सम्म सामान्य साधनस्रोत नभएका सानासाना ठेकदार संग निर्माणको काम गराईरहेको देखिएको छ।
मौलापुर नगरपालिका ८ सोनरनियामा नाला निर्माणको लागि शहरी विकास बाट १० करोडको ठेका सकार गरेको आश्रयले निर्माणकाम आफैले नगरी एकजना पेटी ठेकदार राजा गुप्तालाई दिएको छ।
नाला निर्माणको काममा गुप्ताले पुरै दुई नम्बरी इँटाको प्रयोग गरिरहेको छ। राजा गुप्ताले पटक पटक गुणस्तर हिन काम गर्दै आएको खबर बिभिन्न मिडियामा आउनुका साथै सामाजिक सञ्जालमा पनि भाईरल बनेको छ। दुई नम्बरी ठिकदारलाई करवाही गर्न पूर्व वडाध्यक्ष बसन्त कुमार यादवले समेत पटकपटक आवाज उठाउने गरेका छन्। तर उनको आवाज सुनिदिने अथवा स्तरीय काम गराउन सहरी विकासका कर्मचारी देखि प्रमुख सम्म कसैको ध्यान गएको छैन। त्यसैगरी कटहरियाको बिभिन्न वडाको काम पनि आश्रयले आफैले नगरी ससाना पेटी ठेकदार मार्फत गराईरहेका मापदण्ड अनुसारको हुनसकेको छैन।
सहरी विकासका प्रमुखको मिलोमतोमा नेपाल सरकारको करोडौंको लगानी बालुवामा पानी सरह बनेको छ। यसरी गुणस्तरहीन कामको नियन्त्रण गर्न कटहरिया र मौलापुर नगरपालिकाले समेत चासो न लिएको स्थानीयहरूले गुनासो गरेका छन्।
सहरी विकास कार्यालय वीरगन्जका प्रमुख बिनोद कुमार सिंहले मौलापुर र कतहरियामा भइरहेको कामको ल्याब टेस्ट गराउने र गलत ठहर भएमा कारवाही गर्ने प्रतिबद्धता जनाएका छन्। स्रोतका अनुसार सहरी विकासका कर्मचारीले साट देखि १० प्रतिशत पीसी लिनेगरेको कारण कामको स्तरीयता माथि वास्ता नगरेको जानकारहरुले दाबी गरेका छन्। सञ्जय मिश्रा