Month: February 2022

चन्द्रपुर। जिल्ला कै आकर्षक बजारको स्वरुपमा बिस्तार हुँदै गइरहेको चन्द्रनिगाहपुर बजार आसपासका बिबादास्पद जग्गा र सार्वजनिक जग्गा स्थानीय राजनीतिक दलका नेताको आडमा दुई दलाल मियो बनेर उभिदा जग्गाहरु धमाधम भू-माफीयाको कब्जामा पुगेको छ।
केहि गर्लान् भनेर आशा गरेका स्थानीय नेता र मेयर संजय काफ्लेको संरक्षणले डन जग्गा दलालले जरो गाडेका छन्। यो आतंक ब्योहोर्ने आम नगरवासी पछिल्ला दिनमा चिन्तित बनेका छन्। मेयर काफ्लेको बिगतको धन्धालाई निरन्तरता दिदैं आएका चन्द्रपुर ४ का राजन बोगटी र सोभित सिलवाल यो पेशा बाट फस्टाएर रातारात करोड पति बनेका छ्न् भने मेयर काफ्ले कमिसन मै भुलेका छन्।
नगर प्रमुखलाई नै कब्जामा लिएका बोगटी र सिलवालले हरेक पार्टीका स्थानीय ठुला नेतालाई दिनभर जस्तो फरक-फरक समयमा आफू सवार गाडीमा बोकेर आफ्नो शक्ति सन्तुलन व्यबहार प्रदर्शनले तैचुप मैचुप बनाएका छन्।
बिरगंज मारवाडी समुदायलाई साथमा लिएर धन्धा सुरुवातमा लागेका बोगटी र सिलवालले माडवारीले उनीहरुको असली रुप चालपाए संगै पछि चटक्कै साथ छोडदिएका थिए तर उनीहरुले आफनो सुरक्षित स्थान चन्द्रपुरलाइ रोजेपछी यहाँका स्थानीय नेता र प्रहरी प्रशासनको अतिरिक्त आम्दानी समेत बढेको समाचार छ।

मनि र मसलको आडमा के के गरे
रौतहटको चन्द्रनिगाहपुर स्थित गौर रोडमा केही स्थानीयले खरिद गरेको जग्गा कब्जा गर्न यो दुई भाइले ठुलै रकम बगाएका थिए ।
चन्द्रपुर मालपोत ,नापी देखी प्रहरी प्रशासन देखी स्थानीय नेतालाई नजिकमा राख्ने यो समूहले बेरोजगार युवालाई दैनिक दुई हजार दिएर तोडफोडमा उतार्ने अराजक शैलीका कारण उनीहरुको पेशा मौलाएको त छ तर आम व्यावसायि र सर्वसाधारणको नजरमा यो समुहको पक्षपोषणमा लाग्नेहरू दिनप्रतिदिन नाङ्गिदै गएका छन्।

यो समूहले स्थानीय पाउरोटी ब्यावसायी शेख मनिरलाई सुकुम्बासी बनाइदिएका छन्। समाचार श्रोतका अनुसार
शेख मनिरका अनुसार जिल्ला अदालत र उच्च अदालतबाट मुद्धा जितेको भनेको जमिनका बिषयमा समेत दादागिरी प्रवेशले सफलता पाएको थियो । बोगटीले आफुले आफ्नो नाममा रहेको जमिनबाट मनिरलाई मौखिक रुपमा १० धुर जमिन दिने सहमती भएको र उनले कब्जा गरेको जमिन छाडे आफुले १० धुर जमिन दिने भन्दै आएका थिए पछि त्यो पनि दिएनन्।
स्थानीय तहमा न्याय नपाए पछि अदालत जादा समेत ढुक्कसँग बाच्न नसकेको पीडितहरुको गुनासो छ। गौर रोड अस्पताल छेउमा रहेको अर्को १२ कठठा जग्गा पनि यसैगरी मंसिर अन्त्तिममा यो समूहले कब्जा गरेको छ।

पाउरोटी व्यावसायी शेख मनिरले चन्द्रपुरमा हारगुहार नपाएपछि गौरमा गएर पत्रकार सम्मेलन गर्नुपरेको बताएका छन् भने आफ्नो घर गुण्डागर्दी शैलीमा तोडफोड गरेको आरोप लगाएका थिए। त्यस्को काउन्टरमा बोगटीले चन्द्रनिगाहपुरमा पत्रकार सम्मेलन गरेर मनिरले भनेको सबै सत्य नभएको भन्दै आफनो बचाउ गरेका थिए।
प्राप्त जानकारी अनुसार चन्द्रपुर बजार क्षेत्रका नागरिक समाज यो ग्याङ सग जंकाभेट नहोस् भन्दै जोगिएर हिडन बाध्य भएका छन्।

सिलवाल द्वारा समाचारको खण्डन

उल्लेखित समाचारमा सोभित सिलवाल भनी मेरो नाम लेखिएकोमा आफुलाइ दुख लागेको बताउदै जग्गा सम्बन्धित विवादमा आफू कत्तै नगएको र आफ्नो संलग्नता नभएको बताए । आफ्नो राजनैतिक छबि राम्रो बन्दै गएको कारण पुर्वाग्रह राखी यो समाचारमा मलाई जोडने काम गलत भएको बताएका छन्।

राधेश्याम साह बाट

काठमाडौं । नेपालका भिआइपीहरुको सेवामा खटिएका कर्मचारीलाई करेसा बारीमा तरकारी रोप्न ,कपडा धुन र भाडा मझाएर चरम शोषण गरेको समाचार त बेला बेलामा सुनिए पनि बिदेश मै लगेर भाइ बुहारी र भतिजोको निजी काममा लगाएर श्रम शोषण गरेको बिषय सुन्नु परेको थिएन तर यो श्रम शोषित बिषय सत्य हाे यसलाइ गुपचुप राखिएको छ। प्राप्त जानकारी अनुसार खानेपानि मन्त्रालयको जिम्मेवारी लिएका मन्त्री महेन्द्र राय यादवको बिगतको रेकर्ड राम्रो छैन । तिनै मन्त्री यादवले आफनै जिल्लाका एक टुहुरो केटालाई निवासमा भान्सेको जागिरको नियुक्त दिएर आफनो बिबादास्पद कान्छा भाइ रबिन्द्र यादबको भारत दिल्लीमा बस्ने श्रीमती र छोराको निजि काम गर्नेगरी दिल्लीमा राखिएको घटनाले धेरैलाई चकित बनाएको छ ।

मन्त्री निवासको भान्से दिल्लीमा बुहारीको पेटिकोट धुदै

काण्डै काण्डका माला भिरेका भाइ रबिन्द्रको श्रीमती छोरा पढाउन भारतको दिल्लीमा रहेकोले मन्त्री निवासमा भान्से करार दरबन्दीमा रहेका सर्लाही हरिपुर्वा नपा ५ धनकौलका टुहुरा रामेश्वर राय लाई दिल्ली पठाएर घरको निजि काम मात्रै होइन श्रीमतीको पेटिकोट र छोराको कटु समेत धुन लगाइरहेको समाचार जानकारीमा आएको छ। मन्त्री निवासमा दुई भान्से नियुक्त गरिएको थियो । सर्लाही सोही नगरपालिकाका जलेन्द्रर यादव र रमेश्वर राय लाई नियुक्त गरेको भएपनि हाल मन्त्री निवासमा जलेन्दर मात्रै कार्यरत छन्।

राज्यले मन्त्री लाई निवासमा कार्यरत कर्मचारीको निम्ति दिइएको सेवा दुरुपयोग गर्दै भ्रष्टाचारको अभियोगमा मुद्दा खेपिरहेका भाइ रबिन्द्रको श्रीमती र छोराको निजी सेवाको निम्ति दिल्लीमा कार्यरत छ्न् भन्दा मन्त्री लाई कानुन लाग्दैन प्रश्न उब्जेको मात्रै छैन। आमा बुवा नभएको टुहुरो केटो रामेश्वर पुल्चोक मन्त्री निवास मै खाना बनाउने काम गरेर भएनी बिरामी आमाको उपचार गराउछु भन्ने सपना देखेर भान्सेको जागिरमा त छिरे तर यसै पालिको दसैंको अष्टमिका दिन उनको बध्यता दैबले बुझेन,आमाको निधन भयो।आमाको निधन पछिको फाइदा उठाउदै मन्त्रीका कान्छा भाइले तलब नेपाल सरकारको खाने काम भने आफनी श्रीमती र छोराको दिल्लीमा बसेर सेवा गर्नुपर्ने गरि कार्तिक २० गते सोमबारका दिन दिल्ली पुर्याएर रामेश्वर माथी अन्याय गरेको यथार्थ बाहिर आउन सकेको छैन।
हिजोआज मन्त्री निवासको भान्छे दिल्ली पुगेको कसैलाई थाहा छैन। दुइजना भएर मन्त्रीको भान्सामा सकृय रहने देखिरहेका मन्त्री निवास आउजाउ गर्नेहरु समेत रामेश्वर कता छ्न् प्रश्न त छ तर उत्तर कसैले दिन नसक्ने अवस्थामा पुगेको बताइन्छ ।

मन्त्रीका भान्छेलाइ श्रीमतीकाे सेवा गर्न दिल्ली पठाएर कान्छा भाइले निवास बाटै मन्त्रालय चलाउदै

बिगतमा भाइलाई जोडेर समाचार आए संगै मन्त्रालयमा हैकम चलाउने कान्छा भाइ दाजु खानेपानी मन्त्री भए पछि कार्यशैली फेर्दै निवास मै लेनदेनको धन्धा लाई तीव्रता दिएको बताइन्छ ।
मन्त्री यादवले मन्त्रालय हेर्न र सहयोगका लागि आफ्नै भाई रविन्द्रकुमार यादवलाई बैधानिक रुपमा नतोके पनि छाया मन्त्रीका रूपमा रविन्द्र सकृय देखिएका छन्। तर उनी निकै विवादित व्यक्ति हुन् ।
उठाउने कला राम्रो भएकाले मन्त्री यादवले भाइलाइ मन्त्रालय भन्दा निजि निवास नै उपयुक्त ठानी रकम संकलनका निम्ति जिम्मेवारी सुम्पेको समाचार श्रोत उल्लेख गर्दछ।

मन्त्रीका भाइ रबिन्द्रको अतित

रविन्द्रले समाज कल्याण परिषदको जग्गा भाडा प्रकरणमा ३१ करोड ५२ लाखभन्दा धेरै रकम भ्रष्टाचार गरेको अभियोगमा सर्वोच्च अदालतमा मुद्धा खेपीरहेका छन् ।
यस्ता विवादित र भ्रष्टाचारको आरोपमा मुद्धाको सामना गरेका रविन्द्रले बिगतमा कृषि मन्त्रालयमा के–के गरेका होलान् ? धेरैको प्रश्न उठ्नु स्वभाविक छ।
भ्रष्टाचारको मुद्धा लागेका रविन्द्रलाई मन्त्री निवासमा छिर्न दिनु हुँदैन थियो । तर, रविन्द्र निवासको दुइटा कोठामा डिलिङ कै निम्ति प्रयोगमा ल्याएका छ्न्। समाचार श्रोतका अनुसार उनले प्रयोग गर्ने कोठामा अख्तियारले अकस्मात छापामार्ने हो भने ठुलै रकम सहित नियन्त्रणमा लेन सफल हुने दाबी छ।
’बिगतमा समयमा मल दिनु सट्टामा किसानलाई रासायनिक मलको विकल्प दिदै नानो यूरिया मल प्रयोग गर्न पनि उनले मन्त्री लाई सुझाब दिएका थिए । सिंहदरबार माफियाको घुम्टो ओढेर ब्यक्ति परिचालन गर्ने भाइ मन्त्रीको आदत नै थियो ।’

पटकपटक विवादमा तानिएका कान्छा भाइले दाजु कृषि मन्त्री हुँदा मल तस्करको सेटिङका कारण मन्त्री दुङ दुङती गन्हाएका थिए ।उनले त्यो भन्दा अगाडि तत्कालीन समयमा सिंचाइ मन्त्री रहेका यादवले काम हुनुभन्दा अगाडि नै कमिशनको रकम माग गरेको भनेर ‘प्रिपेड’ मन्त्रीको आरोप खेपेका थिए ।

नानी देखी लागेको बानी उनले छोडन नसक्दा मेलम्ची आयोजना नै अलपत्र परेको छ। बजारमा पानी माफियालाई भेला गराएर उनका भाइ रबिन्द्रले मन्त्री क्वाटर मात्रै दुरुपयोग गरिरहेका छैनन बिगत तीन महिना देखी आमा बाबू नभएका एक टुहुरा लाई भान्से बनाएको भएपनी हाल तीनलाइ गायब गरेको भन्दै दाइ महेन्द्र रायको क्वाटरमा हल्लि-खल्ली मच्चिन थालेको खबर छ ।

रविन्द्र सहित १४ जनालाई मुद्दा चलाएको त्यो दिन

भृकुटीमण्डपस्थित फनपार्क भाडामा दिँदा अनियमिता गरेको आरोपमा तत्कालीन महिला, बालवालिका तथा समाज कल्याणमन्त्री बद्रीप्रसाद न्यौपानेसहित १४ जनाविरुद्ध अख्तियार दूरुपयोग अनुसन्धान आयोगले भ्रष्टाचार मुद्दा दायर गरेको थियो । अख्तियारले विशेष अदालतमा दायर गरेको मुद्दामा ३१ करोड ५२ लाख १७ हजार ६ सय ७५ रुपियाँ विगो माग गरिएको छ ।

सो मुद्दा  हाल सर्वोच्च मा चलिरहेको छ। न्यौपानेसहित समाजकल्याण परिषदका तत्कालीन उपाध्यक्ष प्रमोद मेहता, कोषाध्यक्ष कुञ्जबिहारीप्रसाद चौधरी, सदस्य सचिव रविन्द्रकुमार यादव भन्ने रविन्द्र कुमार, सदस्य मोहनराज शर्मा, मदनकुमारलाल कर्ण, हरि न्यौपाने, परिषदका तत्कालीन कोषाध्यक्ष रत्त गाहा मगर, तत्कालीन निर्देशक मदनप्रसाद रिमाल, तत्कालीन उप–निर्देशक बलबहादुर स्वार, तत्कालीन कानूनी सल्लाहकार प्रेमसिंह धामी, जगदेव चौधरीसहितलाई विपक्षी बनाइएको छ ।

यस्ता भ्रष्टाचारीको श्रीमती र छोराको सेवा गर्न नेपाल सरकारको तलब खाने गरि मन्त्रीका भान्से देश बाहिर दिल्ली मा कसरी पुगे यो खोजीको बिषय बन्नुपर्ने भएको छ।

काठमाडाैं । प्रधानमन्त्री प्रचण्डले मंगलबार (आज) राष्ट्रका नाममा सम्बोधन गर्दै छन् । आफ्नो नेतृत्वमा सरकार गठन भएको एक वर्ष पुगेको अवसरमा उनले साँझ ५ बजे सम्बोधन गर्ने कार्यक्रम तय भएको छ । प्रधानमन्त्री प्रचण्ड २०७९ पुस १० गते प्रधानमन्त्रीमा नियुक्त भएका थिए ।

प्रधानमन्त्रीले एकवर्षे कार्यकालका उपलब्धि सार्वजनिक गर्नुका साथै भावी योजनाबारे केही घोषणा गर्ने तयारी रहेको मन्त्रिपरिषद् कार्यालयले जनाएको छ । सम्बोधनका क्रममा प्रधानमन्त्रीले आफ्नो आगामी योजनाहरूबारे प्रस्तुत गर्दै एक वर्षका अवधिमा भएका कामकारबाहीबारे पनि देशवासीलाई जानकारी दिनेछन् ।

अघिल्लो वर्ष पुस १० गते प्रधानमन्त्री नियुक्त भएका प्रचण्ड क्याबिनेटका मन्त्रीहरूलाई एक महिनाको समय दिएर रिपोर्ट कार्ड माग्ने तयारीमा छन्।

काठमाडौं । सुन तस्करी प्रकरणको अनुसन्धान गर्न गठित प्रमुख भन्सार अधिकृत मणिराम पौडेल नेतृत्वको टोलीले छानबिनका लागि माग गरेअनुसारका क्लोज सर्किट (सीसी) क्यामरा फुटेज नपाएको पाइएको छ ।

समितिले छानबिनका क्रममा विमानस्थलको आगमनतर्फको पछिल्लो तीन महिनाको सीसी टिभी रेकर्ड माग गरेको थियो । तर, ब्याकअपको सीमितता भन्दै २१ दिनसम्मको मात्रै रेकर्ड पाइएको समितिले जनाएको छ । 

त्रिभुवन अन्तर्राष्ट्रिय विमानस्थल भन्सार कार्यालयले २२ मंसिरमा दूबईबाट आएका चन्द्र घलेलाई १४ किलो सुनसहित पक्राउ गरेको थियो । उनको बयानका आधारमा गोरखाका मीनबहादुर घलेपनि पक्राउ परेका थिए । लगत्तै यसको छानबिनका लागि भन्सारका प्रमुख प्रशासक टोकराज पाण्डेले पौडेल नेतृत्वको समिति गठन गरेका थिए ।

समितिले विमानस्थलको भीआईपी कक्षमा जाने सिँढीको सीसी टिभी फुजेट पनि मागेको थियो । तर, त्यहाँको सीसी क्यामरा नै ‘आउट अफ सर्भिस’ रहेको जानकारी समितिलाई दिइएको छ ।

प्रमुख भन्सार प्रशासक टोकराज पाण्डेका अनुसार, १४ किलो सुन दूबईबाट अंकित अग्रवाल नामक व्यक्तिले मिनबहादुरलाई पठाएका थिए । यसरी मिनबहादुर घले, चन्द्र घले र कृष्णकुमरा श्रेष्ठले पटकपटक दूबईबाट सुन लिएर आउने गरेको देखिएको उनी बताउँछन् । त्यसपछि विमानस्थलको सीआईपी कक्षमा रहेको शौचालयभित्र सुन ल्याएर बाहिर ल्याउने गरेको पाइएको छ ।

भन्सारका अनुसार, विमानस्थलबाट सुन बाहिर निकाल्न विमानस्थलमा कार्यरत् नागरिक उड्ययान कार्यालयका एसपी मेकानिक राधाकृष्ण श्रेष्ठ, कार्यालय सहयोगी लेकबहादुर तामाङ, अवकाश पाएर करारमा कार्यरत् रमेश देउला, एसी शाखामा कार्यरत् सहयोगी अनिल श्रेष्ठ र प्लम्बर शेरबहादुर बस्नेत संलग्न थिए ।

भरियाले ल्याएको सुन बाहिर निकालेपछि रमेश देउला, राधाकृष्ण श्रेष्ठ र अनिल श्रेष्ठले बानियाँटारस्थित सूर्यदर्शन हाइटमा रहेको डिबी गुरुङको घरमा पु¥याउने गरेको देखिने अधिकृतहरु बताउँछन् । त्यसपछि मिनबहादुर र उनका साथी जीवन गुरुङ उक्त सुनलाई अंकित अग्रवालले भनेको स्थानमा लगिदिने गरेको अनुुसन्धानका क्रममा खुलेको छ । टोलीले यसरी पटक-पटक गरेर यो गिरोहले जम्मा १३८ केजी सुन ल्याएको निष्कर्ष निकालेको छ । 

काठमाडौँ । प्रधानमन्त्री पुष्पकमल दाहाल प्रचण्डले मंगलबार राष्ट्रको नाममा सम्बोधन गर्ने भएका छन् । प्रधानमन्त्री ‘प्रचण्ड’का निजी सचिवालयका अनुसार मङ्गलवार दिउँसो तीन बजे सम्बोधन गर्ने कार्यक्रम तय भएको छ ।

प्रधानमन्त्री ‘प्रचण्ड’ले सरकार सम्हालेको एक वर्ष पुगेको अवसरमा सम्बोधन गर्न लागेका हुन् । तत्कालीन राष्ट्रपति विद्यादेवी भण्डारीले माओवादी केन्द्रका अध्यक्ष ‘प्रचण्ड’लाई २०७९ पुस १० गते प्रधानमन्त्री नियुक्त गरेकी थिइन् ।

प्रचण्ड १० पुस २०७९ मा प्रधानमन्त्रीमा नियुक्त भएका थिए ।