Month: February 2022

चन्द्रनिगाहपुर । चन्द्रपुर नगरपालिकाका मेयर संजय काफ्लेको कमिसनमोह चक्करले नियम बिपरितको भुक्तानीका निम्ति लादिएको चर्को दबाबका कारण प्रशासकीय अधिकृत हरिलाल पुरी र मेयर आमुन्ने सामुन्ने हुन नसक्ने अवस्थामा पुगेका छन्।

प्राप्त जानकारी अनुसार मेयर काफ्लेले आफू मेयर भएकाले जे भन्छु त्यो मान्नुपर्छ भन्दै नियम बिपरितका भुक्तानी गराउन खोजेका कारण त्यो नियमले मिल्दैन अख्तियारले चिट्ठी काटेको छ तपाईंलाई खोजेको छ कागजात नमिल्दा हामी पर्छौ, पूरा अबधि जागिर खान दिनोस भन्ने प्रमुख प्रशासकीय अधिकृत पुरीले मेयर काफ्ले सामु राखेको आग्रह र अडान यतिबेला भैसिको अगाडि बासुरी बजाए जस्तो भएको छ। एकातिर परिषद बस्न सकेको छैन। आफ्नो मनपरि तन्त्र नचल्ने देखे पछि चपुर बाट नयाँ हाकिम लिएर आउछु भन्दै काठमाडौ तिर हानिएर आएका मेयर काफ्ले सामान्य प्रशासन मन्त्रालयका सचिबको हप्काइ खाएपछि थप बलका निम्ति फरक सिद्धान्त बोक्ने एक नेतालाई बोकेर मन्त्रालय नियमित जस्तो धाइरहेको देख्नेहरु समेत लज्जित भएका छन्।

प्राप्त जानकारी अनुसार प्रमुख प्रशासकीय अधिकृत पुरी लाई मैले मात्रै फाल्न सकिन भन्दै मेयर काफ्लेले म जे भने पनि मान्छु तर मिलेर कार्यकारी फेरेर नगर परिषद गरौ अनि बजेट मिलेसम्म हाल्छु भन्ने सर्तमा मेयर काफ्ले एकदुई जनाको बैसाखी टेकेर प्रमुख प्रशासकिअधिकृत पुरी हटाउने अभियानमा भिडेका छ्न तर आज सम्म काम फत्ते गर्न सकेका छैनन्। उता पुरी भने मेयर काफ्लेले सरुवा गराउन तर नाजाय काम गर्दिन भन्दै मेयर को दबाब केहि दिन कम भएपनि वडा अध्यक्षहरुको ज्यालादारी कर्मचारी भर्नाको गनगनले भने आजित नै भएकोले केहि गर्न मानेका छैनन्।
समाचार श्रोतका अनुसार मेयर हाकिम लफडाको फाइदा उठाउदै शिक्षा इकाइमा भने बाल बिकास कोटा एक जना मण्डल थरका माबिनीले २० वटा कोटा बेचेर खाएको सन्दर्भमा भने कसैको ध्यानाकर्षण हुन नसक्दा अरु बिषय त सामान्य जस्तै भएको छ।
अस्पताल भित्रका कर्मचारीमध्ये काम गर्ने लाई पेल्ने काम चोर लाई पोस्ने मेयरको नितिले समेत सर्वसाधारणले औषधि पाउन समेत छाडेका छन्।
मेयर काफ्ले भने हाकिम फेरेर कमाउने अभियानमा
हप्तौं देखि काठमाडौ मै बसिरहेका मेयर काफ्लेले तिर्न बाकी चालिस करोडको दायित्व तिर्न सकेका छैनन्। बिगतमा प्रशाशकिय अधिकृत किरण निधि तिवारीले अन्धाधुन्ध खर्च गरेर करोडौंको दायित्व बोकाएर रातारात कुलेलम भएकाले नयाँ प्रशासकीय अधिकृत पुरीले म नभएको बेलामा नदेखिएको काममा भुक्तानी हुदैन भन्ने अडान निरन्तर राख्दै आएसगै करोडौं कुम्ल्याउने मेयर निति निरर्थक हुने भए सगै मेयर हाकिमको लफडा सुरु भएको हो।
बेरुजु र अख्तियारको निशाना समेत चपुरमा
खरिद नियम एकातिर छ काम गर्ने प्रणाली भने आदेश सहितको तजबिज शैलीका कारण बेरुजु ह्वात्तै बढेको छ। प्रक्रिया नपुग हुदै गरेका भुक्तानीले अख्तियारले चपुर लाई निसाना बनाएको मेसो मेयर लाई छैन । तर मेयर काफ्लेले आफुले गरेका काममा अख्तियारको आखा छल्न नयाँ हाकिम लैजान सिहदरवार भित्र दैनिक जसो धर्ना बसे पनि उनलाई कुनै शाखाले रेस्पोन्स नगर्दा तनावका साथ थप बलको निम्ति फरकफरक सिद्धान्तका नेताहरूलाई जस्तोसुकै काम गरिन्छ भन्दै साथमा लिएर हिड्न सफल भएको भने देखिन्छ ।

काठमाडौं । प्रतिनिधि सभाको शिक्षा, स्वास्थ्य तथा सूचना प्रविधि समितिको बैठकले टेरामक्स र एमडीएमएस खरिदका सबै कागजात मगाएको छ। समितिले ती दुवै खरिद प्रक्रियामा ठूलो घोटाला भएको आशंकासहित निर्णय र खरिद प्रक्रियाका सबै कागजात मागेको हो। यस सम्बन्धमा अख्तियार दुरुपयोग अनुसन्धान आयोगले समेत छानबिन गर्दै आइरहेको छ।

सार्वजनिक लेखा समितिले टेरामक्स खरिद प्रक्रियाका क्रममा विभिन्न १२ क्षेत्रमा अनियमितता भएको उल्लेख गरी अख्तियार दुरुपयोग अनुसन्धान आयोगलाई थप अनुसन्धान गर्न निर्देशन दिइसकेको अवस्थामा अब सूचना प्रविधि समितिले पनि छानबिन थालेको हो ।

समितिले सरकारलाई एमडीएमएस र टेरामक्ससम्बन्धी कागजात सात दिनभित्र बुझाउन निर्देशन दिएको छ । सञ्चारमन्त्री रेखा शर्मा, मन्त्रालयका सचिव रामकृष्ण सुवेदी र मन्त्रालयको फ्रिक्वेन्सी व्यवस्थापन महाशाखा प्रमुख सहसचिव गौरव गिरीसँग छलफलपछि समितिले दुवै प्रकरणका अध्ययन तथा छानबिनका कागजात बुझाउन निर्देशन समितिका सभापति भानुभक्त जोशीले बताए ।

सांसदहरूले सञ्चार मन्त्रालय मातहत रहेको एनसेलको सेयर बिक्रीबारे पनि मन्त्री र सचिवलगायत अधिकारीलाई प्रश्न गरेका थिए । रास्वपा सांसद सुमना श्रेष्ठले एकपछि अर्को प्रकरण दोहोरिइरहेको भन्दै असन्तुष्टि व्यक्त गरिन् । दूरसञ्चार प्राधिकरणले ती काम गरेको भनेर मन्त्रालयका अधिकारी पन्छिन नमिल्ने उनको भनाइ थियो ।

‘प्राधिकरणका प्रमुखले राजीनामा दिँदा उहाँलाई तपाईंहरूले निलम्बनमा राखेर छानबिन गर्नुपर्ने हो कि होइन ? पर्याप्त प्रमाण भइसक्यो, यसमा घोटाला भएको छ भनेर भनेपछि किन केही कारबाही गरिरहेका छैनौं ?,’ उनको प्रश्न थियो । एमाले सांसद ईश्वरी घर्तीले कानुन नबन्दै खरिद प्रक्रियाका लागि हतारो गरिएको बताइन् । खरिद प्रकरणमा विवाद भइसकेपछि प्राधिकरणका अध्यक्षले राजीनामा दिँदैमा छुटकारा मिल्छ भनेर उनले प्रश्न गरेकी थिइन् । उनले एमडीएमएस खरिदबारे मन्त्रालयले गरेको छानबिन प्रतिवेदन समितिमा बुझाउन माग गरिन् ।

बागलुङ। मेडिकल व्यवसायी तथा नागरिक अभियन्ता दुर्गा प्रसाईंलाई एक युवाले हातपात गरेका छन्। बागलुङकाे लोकतान्त्रिक चोकमाआयोजित सभालाई सम्बोधन गर्न पुगेका प्रसाईंलाई  रामकान्त गौतमले हातपात गरेका हुन्।

हातपात गर्न खोज्ने बाग्लुङ नगरपालिका ७ का ३७ वर्षीय रामकान्त गौतमलाई प्रहरीले नियन्त्रणमा लिएको छ। प्रहरीले तत्काल नदेखेका कारण सार्वजनिक भएका भिडियोको अनुसन्धान भइरहेको र दुबै पक्षबाट बयान लिनसमेत बाँकी रहेको प्रहरीले बताए।

घटनाबारे थप अनुसन्धान भैरहेको प्रहरीले जनाएको छ।

काठमाडौं । नेपाल स्टक एक्सचेञ्ज (नेप्से)मा बिहिबार सामान्य अंकले घटेर बन्द भएको छ । आज नेप्से ७.२४ अंकले घटेर दुई हजार एक सय ५५ दशमलव ८२ विन्दुमा बन्द भएको हो ।  

आज नेप्से परिसूचकसंगै कारोबार रकममा पनि गिरावट आएको छ । आज नेप्सेमा ८ अर्ब १७ करोड ४९ लाख ८६ हजार रुपैयाँ बराबरको कारोबार भएको छ । बुधबार ९ अर्ब ७६ करोड ८९ लाख ६९ हजार रुपैयाँ बराबरको कारोबार भएको थियो ।  

हिमालयन रि इन्स्योरेन्सको सबैभन्दा धेरै १ अर्ब ८४ करोड रुपैयाँ बराबरको शेयर कारोबार भएको छ भने सोनापुर मिनिरल्सको ३० करोड र ङादी ग्रुप पावरको २३ करोड रुपैयाँको शेयर कारोबार भएको छ।

बिहीबार रिडि हाइड्रोपावर, सिनर्जी पावर, महुली लघुवित्त र गणपति लघुवित्तको शेयरमूल्य १० प्रतिशतले बढेको छ। यता तेह्रथुम हाइड्रोपावरको शेयरमूल्य सबैभन्दा धेरै ९.४३ प्रतिशतले घटेको छ भने ग्लोबल आइएमई लघुवित्तको ७.३० प्रतिशत र थ्रि स्टार हाइड्रोपावरको शेयरमूल्य ७.१९ प्रतिशतले घटेको छ।

यस दिन कारोबारमा आएका १३ उपसमूहमा व्यापार, हाइड्रोपावर र फाइनान्स उपसमूहको सूचक सकारात्मक देखिएको छ भने बाँकी १० उपसमूहको सूचक नकारात्मक देखिएको छ।

काठमाडाैँ । भौतिक पूर्वाधार तथा यातायातमन्त्री प्रकाश ज्वालाले राष्ट्रिय गौरवका आयोजनाहरु हचुवाको भरमा छनोट भएको टिप्पणी गरेका छन् । बिहीबार सिंहदरवारमा बसेको राष्ट्रिय सभा अन्तरर्गको राष्ट्रिय सरोकार तथा समन्वय समितिमा भएको छलफलमा मन्त्री ज्वालाले मन्त्रालयसँग सम्बन्धित २४ वटा राष्ट्रिय गौरबको आयोजनाहरु धेरैजसो हचुवाको भरमा छनोट भएको भन्दै पुर्नविचार हुने बताए ।

भौतिक पूर्वाधार मन्त्री प्रकाश ज्वालाले ५० अर्ब बढी लागत भएका आयोजनालाई मात्र राष्ट्रिय गौरका आयोजनामा समेटिने बताएका छन् । संसद्को राष्ट्रिय सरोकार तथा समन्वय समितिको बैठकमा मन्त्री ज्वालाले राष्ट्रिय गौरवका आयोजनामा बहुवर्षीय ठेक्का मापदण्ड पारित गरेर कार्यान्वयनमा ल्याइएको जानकारी दिँदै बहुबर्षीय ठेक्का अन्तर्गत छुट्टै ऐन बनाएर जान सके ती योजनाहरू समयमै सम्पन्न गर्न सकिने बताए ।

‘५० अर्ब माथिका लागत भएका आयोजनालाई  भएकालाई मात्र गौरका आयोजनामा समेटिन्छ’, मन्त्री ज्वालाको भनाइ छ । उनले पुरानो सार्वजनिक खरिद ऐन अनुसार चल्नुपर्दा समस्या परेको भन्दै ३५ दिने झन्झट हटाउन ऐनको ड्राफ्ट तयार भएर मन्त्रिपरिषदमा पुगेको बताए ।

‘प्रशासनिक नेतृत्व दुई वर्षसम्म आयोजना प्रमुख रहने नियमको कार्यान्वयन गरेका छौँ । मूल्यांकनको विषयमा राम्रो डिभिजन प्रमुख र आयोजना प्रमुखलाई पुरस्कृत गरेका छौ’, उनले भने, ‘हचुवाको भरमा आयोजना छनोट भएका छन् । प्रधानमन्त्रीले पनि यी आयोजनाको पुनर्मूल्यांकन हुने बताउनुभएको छ ।’

मन्त्री ज्वालाले उत्तर दक्षिण कोरिडोरमा तीनवटा करिडोर रहेको जानकारी दिँदै रेल्वे विभागको डिजीसहितको प्राविधिक टिम लगेर पुनः सर्भे गरिने बताए । ‘हुलाकी राजमार्गमा पुल र रेखांकनको समस्या छ । कपिलवस्तुमा जङ्गल छेडेर जाने कि कताबाट बटो लैलाने भन्ने समस्या छ’, मन्त्री ज्वालाको भनाइ छ ।

उनले पुष्पलाल मध्यपहाडी लोक मार्गको अनुगमन गर्ने तयारी भइरहेको र चाँडै टुंगोमा पुग्ने जानकारी दिए । कालिगण्डकी कोरिडोरमा दुईवटा कार्यालयमार्फत हुने भुक्तानीमा समस्या रहेको तथा कोशी कोरिडोरमा बजेट कम भएको भन्दै उनले पछिल्लो समय त्यहाँ ३ अर्बको बजेट सुनिश्चितता गरेको बताए ।

उनले सेनाको सहयोग लिएर भए पनि हुम्लाको सदरमुकाम सिमिकोटसम्म सडक बनाएर मोटर लैजाने योजना रहेको दाबी गरे । 

यसका लागि एउटा छाता ऐन बनाएर त्यस अन्तर्गत बहुवर्षिय ठेक्का सम्बन्धी काम गर्न सकिन्छ । हामी कानुनी रुपमा धेरै नै अल्झिएका छौँ । विकास निर्माणसँग जोडिएका कानुनहरु सार्वजनिक खरिद ऐनमा सम्पूर्ण विषय थोपारिएको छ । त्यसैले बिकाससँग जोडिएका ऐन कानुनहरुलाई सहज, सरल र समयसापेक्ष बनाउनुपर्ने आवश्यकता छ ।’

काठमाडौँ । कोशी प्रदेशका मुख्यमन्त्री केदार कार्कीले सम्पत्ति विवरण सार्वजनिक गरेका छन् । दुई वर्षको अन्तरमा कार्कीले आफ्नो सम्पत्ति घटेको विवरण सार्वजनिक गरेका हुन् ।

मुख्यमन्त्री तथा मन्त्रिपरिषद् कार्यालयले हिजो मुख्यमन्त्री कार्कीसहित उनको क्याविनेटका सदस्यहरुको सम्पति विवरण सार्वजनिक गरेको हो । सार्वजनिक विवरणअनुसार मुख्यमन्त्री कार्कीसँग विराटनगरका तीन ठाउँमा जग्गा छ । 

त्यस्तै, मोरङको बुढीगंगामा पनि घरबाहेक तीनवटा घडेरी रहेको उल्लेख गरिएको छ । १ करोड ८ लाख २ हजार ऋण देखाएका मुख्यमन्त्रीले ८ लाख ७० हजारमात्रै तिरेको सम्पत्ति विवरणमा उल्लेख गरेका छन् । 

मुख्यमन्त्री कार्कीका घर र सबै जग्गा श्रीमती शान्तादेवी बस्नेतको नाममा रहेको पाइएको छ । शान्तादेवीको नाममा बूढीगंगामा रहेको १ कट्ठा साढे १२ धुर जग्गामा घर रहेको र उक्त घरजग्गा पैत्रिक सम्पत्ति बेचबिखन तथा जागिरबाट आर्जन गरेको जनाइएको छ । सम्पत्ति विवरणमा उल्लेख भएअनसार कार्की पत्नीको नाममा विराटनगरका विभिन्न ४ ठाउँमा १ बिघा ६ कट्ठा सवा १० धुर जग्गा छ। त्यस्तै, विवाह, उपहार तथा खरिदबाट प्राप्त भएको २५ तोला सुन र ८० तोला चाँदी पनि विवरणमा राखिएको छ। 

मुख्यमन्त्री कार्की र परिवारका सदस्यको नाममा विभिन्न बैंकमा लगभग ८ लाख नगद रहेको विवरणमा उल्लेख छ । आफ्नो नाममा कृषि विकास बैंकमा २० हजार ८३ रूपैयाँ ९० पैसा, श्रीमती शान्तादेवीको सोही बैंकमा ८२ हजार ५७८ रूपैयाँ ४४ पैसा र एभरेष्ट बैंकमा ३ हजार ६ सय ६० रुपैयाँ रहेको मुख्यमन्त्रीले सार्वजनिक गरेका छन् ।

यसैगरी छोराहरु साकेत कार्कीको नाममा कृषि विकास बैंकमा ३ लाख ४८ हजार ५८४ र शाब्दिक कार्कीको नाममा ३ लाख ३९ हजार ८३६ रूपैयाँ ६९ पैसा रहेको पनि सम्पत्ति विवरणमा उल्लेख छ ।

त्यस्तै, मोरङको बुढीगंगामा पनि घरबाहेक तीनवटा घडेरी रहेको उल्लेख गरिएको छ । १ करोड ८ लाख २ हजार ऋण देखाएका मुख्यमन्त्रीले ८ लाख ७० हजारमात्रै तिरेको सम्पत्ति विवरणमा उल्लेख गरेका छन् । 

मुख्यमन्त्री कार्कीका घर र सबै जग्गा श्रीमती शान्तादेवी बस्नेतको नाममा रहेको पाइएको छ । शान्तादेवीको नाममा बूढीगंगामा रहेको १ कट्ठा साढे १२ धुर जग्गामा घर रहेको र उक्त घरजग्गा पैत्रिक सम्पत्ति बेचबिखन तथा जागिरबाट आर्जन गरेको जनाइएको छ । सम्पत्ति विवरणमा उल्लेख भएअनसार कार्की पत्नीको नाममा विराटनगरका विभिन्न ४ ठाउँमा १ बिघा ६ कट्ठा सवा १० धुर जग्गा छ। त्यस्तै, विवाह, उपहार तथा खरिदबाट प्राप्त भएको २५ तोला सुन र ८० तोला चाँदी पनि विवरणमा राखिएको छ। 

मुख्यमन्त्री कार्की र परिवारका सदस्यको नाममा विभिन्न बैंकमा लगभग ८ लाख नगद रहेको विवरणमा उल्लेख छ । आफ्नो नाममा कृषि विकास बैंकमा २० हजार ८३ रूपैयाँ ९० पैसा, श्रीमती शान्तादेवीको सोही बैंकमा ८२ हजार ५७८ रूपैयाँ ४४ पैसा र एभरेष्ट बैंकमा ३ हजार ६ सय ६० रुपैयाँ रहेको मुख्यमन्त्रीले सार्वजनिक गरेका छन् ।

यसैगरी छोराहरु साकेत कार्कीको नाममा कृषि विकास बैंकमा ३ लाख ४८ हजार ५८४ र शाब्दिक कार्कीको नाममा ३ लाख ३९ हजार ८३६ रूपैयाँ ६९ पैसा रहेको पनि सम्पत्ति विवरणमा उल्लेख छ ।