Month: February 2022

काठमाडौं। प्रतिनिधि सभाको कृषि, सहकारी तथा प्राकृतिक स्रोत समिति सभापित आरजु राणा देउवाले बालविवाह अन्त्यका लागि लाइसेन्सको व्यवस्था गर्नुपर्ने बताएकी छन्।

बालविवाह अन्त्यविरुद्ध विभिन्न ६ वटा प्रदेशका १६ जिल्लामा अभियान चलाउँदै आएको वर्ल्ड भिजन नेपालले काठमाडौंमा बिहीबार गरेको कार्यक्रममा बोल्दै उनले सामाजिक सचेतनाका साथै कानुनी प्रबन्ध गरेर बालविवाह नियन्त्रण गर्नुपर्ने बताइन्।

बालबालिकालाई किशोरावस्थामा आउने परिवर्तनबारे सचेत गराउने, अभिभावकलाई बालविवाह गर्दा हुँदा बच्चाले भोग्नुपर्ने शारीरिक तथा मानसिक समस्याबारे सचेत गराउनुपर्ने भन्दै देउवाले कानुनी रुपमा वडाबाट अनुमति लिएर विवाह गर्ने प्रबन्ध गरेमा बालविवाह नियन्त्रण हुने बताइन्।

नेपालमा १५ वर्षमुनिको बालविवाह ८ प्रतिशत र १८ मुनि वर्षमुनिको बालविवाह ३३ प्रतिशत रहेको छ।
देउवाले सन् २०३० सम्म नेपालले बालविवाह अन्त्य गर्नुपर्ने लक्ष्य हासिल गर्न सामाजिक र कानुनी प्रबन्ध गर्नुपर्ने जोड दिइन्।
बालविवाह गर्ने परिवारलाई सरकारी सुविधाबाट वञ्चित गर्ने विकल्पमा पनि जानुपर्ने उनले बताइन्। यसमा सरकारसँग समन्वय गरेर कार्यान्वयनमा ल्याउन सभापति देउवाले प्रतिनिधिसभाको महिला तथा सामाजिक समितिलाई अनुरोध गरेकी छन्।

काठमाडौं। काठमाडौंबाट पक्राउ परेका कथित ‘तपस्वी’ रामबहादुर बम्जनलाई बिहीबार सर्लाही जिल्ला अदालतमा उपस्थित गराइँदै छ । हत्या, बलात्कार र बेपत्ता आरोपमा पक्राउ परेका बम्जनलाई बुधबार मध्यरातमा सर्लाही सदरमुकाम मलङ्गवा पुर्याईएको छ।

जिल्ला प्रहरी कार्यालय सर्लाहीले युवती बेपत्ता पारेको र यौन शोषण गरेको आरोपमा दुई वटा छुट्टाछुट्टै मुद्दा चलाउने तयारी गरेको छ । हाल जिल्ला प्रहरी कार्यालय मलङ्गवामा राखिएका बम्जनलाई अदालत खुलेपछि जिल्ला अदालत सर्लाहीमा पेश गर्ने तयारी छ ।

बम्जनमाथि २०७५ पुस १८ मा सर्लाहीको साविक कर्मैया गाविस वडा नम्बर–२ र हाल बागमती नगरपालिका–१२ की २८ वर्षीया रीता बोटेलाई बाराको हलखोरिया बनबाट गायब पारेको आरोपमा सर्लाही प्रहरीले अनुसन्धान गरी मिसिल बारा जिल्ला अदालतमा पठाइसकेको छ। घटना बारामा भएकाले यस मुद्दामा बम्जनलाई बारा जिल्ला अदालतमा पनि पेश गरिने छ।

२०७६ माघ २३ मा सर्लाहीको पत्थरकोटस्थित जंगलमा १४ वर्षीय बालिकामाथि यौन सन्तुष्टि प्राप्त गर्ने र यौन शोषण गर्ने गरेको निवेदन प्रहरी कार्यालय सर्लाहीमा उजुरी परेको थियो।

नेपाल प्रहरीको केन्द्रीय अनुसन्धान व्युरो (सिआइबी) ले पक्राउ गरेका बम्जन २०७१ साउनदेखि प्रहरीको फरार सूचीमा थिए । बुढानीलकण्ठबाट पक्राउ परेका बम्जनको घरबाट प्रहरीले १७ देशको मुद्रासहित ठूलोमात्रामा रकम बरामद गरेको छ। तीन करोड तीन लाख ७५ हजार पाँच सय नेपाली रुपैयाँ र १७ देशका मुद्रा बुधबारका नेपाली विनिमय दर अनुसार ३० लाख ९२ हजार चार सय ६ रुयैयाँ बरामद गरेको सिआईबीले जनाएको छ ।

सिआईबीले बम्जनको घरबाट मोटरसाइकलको क्लुबुक ३ थान, टोयटा हाइलक्स गाडीको चाबी १ थान, विभिन्न ब्राण्डका पेनड्राइभ २० थान, सोनी लेखिएको भ्वाइस रेकर्डर १ थान, विभिन्न ब्राण्डका मेमोरीकार्ड २ थान, ल्यापटप २ थान, विभिन्न ब्राण्डका मोबाईल १४ थान र ५ थान आई–प्याड र ट्याबहरु बरामद गरेको छ ।

काठमाडौं : कुमारी बैंकले माघ महिनाका लागि नयाँ ब्याजदर सार्वजनिक गरेको छ। बैंकले प्रकाशित गरेको सूचनामा पुस महिनाको तुलनामा ब्याजदर घटाइएको उल्लेख छ।

अब बैंकले माघ महिनामा व्यक्तिगत मुद्दति निक्षेपमा अधिकतममा ८ दशमलव ११ प्रतिशत ब्याज दिने छ भने न्यूनतम ६ दशमलव ५० प्रतिशत ब्याज दिने छ।

पुस महिनामा व्यक्तिगत मुद्दति निक्षेपमा बैंकले अधिकतम ९ दशमलव ३१ प्रतिशत ब्याज दिएको थियो।

बैंकले १ वर्षभन्दा बढी अवधिका व्यक्तिगत मुद्दति निक्षेपमा ८ दशमलव ११ प्रतिशतका दरले ब्याज दिनेछ।

त्यसैगरी, बैंकले संस्थागत मुद्दतिमा भने अधिकतम ६.११ प्रतिशत र न्यूनतम ५.२५ प्रतिशत ब्याज दिने छ। पुसमा महिनामा संस्थागत मुद्दतिमा ७.३१ प्रतिशत थियो।

काठमाडौं। क्यास एप, मिल्कि वे जस्ता एप्लिकेसनमार्फत हारजित हुनेगरी अनलाइन क्यासिनो गेम खेलाएको अभियोगमा ३ जनालाई प्रहरीले पक्राउ गरेको छ। ताप्लेजुङ मिक्वाखोला गाउँपालिका-१ घर भई काठमाडौं कोटेश्वर बस्ने २५ वर्षीय पुजन साँवा, भक्तपुर सूर्यविनायक नगरपालिका-४ अनामनगर बस्ने सर्लाही बागमती नगरपालिका-७ घर भएका २१ वर्षीय निशानराज कार्की र भक्तपुर सूर्यविनायक नगरपालिका-४ अनामनगर बस्ने सर्लाही बरथहवा नगरपालिका-११ हिरापुर घर भएका २५ वर्षीय निशान गौतमलाई प्रहरीले मंगलबार पक्राउ गरेको हो।

प्रहरीका अनुसार विभिन्न खेलहरूमा अनलाइनमार्फत बाजी राख्दा जितिन्छ भन्ने विश्वास दिलाई हारजीत हुने र आफूले लाभ लिने उद्देश्य राखेर रकमको बाजी राख्न लगाई सट्टावाजी गराई खेल खेलाउने गरेको आरोपमा काठमाडौं उपत्यका अपराध अनुसन्धान कार्यालय मिनभवन समेतबाट खटिएका प्रहरीले उनीहरूलाई अनलाइन क्यासिनो खेलाउन प्रयोग भएका ल्यापटप तथा मोबाइलसहित उपत्यकाको विभिन्न स्थानबाट पक्राउ गरेको हो।

उनीहरूलाई आवश्यक कारवाहीको लागि जिल्ला प्रहरी परिसर टेकु काठमाडौं पठाइएको प्रहरीले जनाएको छ।

पर्सा ।‘नक्कली’ बाबु बनेर झुटो विवरण पेस गर्दै एक किशोरीलाई वंशजको नागरिकता दिलाएको विषयमा वीरगन्ज महानगरपालिकाका मेयर राजेशमान सिंहविरुद्ध सामूहिक उजुरी परेको छ ।
सिंहविरुद्ध जिल्ला प्रशासन कार्यालय पर्सामा १६ जनाले उजुरी दिएका हुन् । सिंहले जन्म दर्ता लगायत सम्पूर्ण कागजपत्रहरू झुटो बनाएर २०७५ साल साउन १३ गते रुविना श्रेष्ठलाई वंशजको नागरिकता दिलाएको आरोप छ ।
किशोरीको नागरिकतामा बाबुको नाम राजेशमान सिंह र नागरिकता नम्बर १६०३१८८१७ खुलाइएको छ । सोही नागरिकता नम्बर सिंहले २०४५ साल वैशाख ६ गते जारी भएको नागरिकतामा उल्लेख छ ।

किशोरीको नागरिकतामा आमाको नाम भने खुलाइएको छैन । ‘नागरिकता ऐन विरुद्ध आपराधिक कार्य गरेकोले उजुरी उपर अनुसन्धान गरी रुविना श्रेष्ठले लिनु भएको नागरिकता, राहदानी खारेज गरी दुवै विपक्षीलाई हदैसम्मको दण्ड सजाय हुने गरी कारबाही गरी पाऊँ’ प्रशासनमा बुझाइएको उजुरीमा उल्लेख छ ।

रुविना श्रेष्ठले विवादित नागरिकताका आधारमा स्थानीय प्रशासनबाट २०७९ साउन २४ गते राहदानी निकाल्न सफल भएको देखिएको उजुरीमा उल्लेख छ ।

सिंहले नक्कली बावु बनेर नागरिकता प्राप्त गरेकी किशोरी हाल अध्ययनको सिलसिलामा अष्ट्रेलिया रहेको बताइएको छ ।

पर्साका प्रमुख जिल्ला अधिकारी दिनेश सागर भुसालले महानगर प्रमुख विरुद्ध सामूहिक उजुरी आएकोले २०७५ सालमा रुविना श्रेष्ठलाई के आधारमा नागरिकता जारी गरिएको थियो, सो कागजपत्र खोज्ने काम भइरहेको जानकारी दिए ।

‘हाम्रो रेर्कडमा के के कागजपत्र छन्, नागरिकता जारी गर्दा क–कस्ले सनाखत गरेका थिए सम्पूर्ण कागजपत्र खोज्ने काम भइसकेको छ,’ भुसालले भने, ‘अव उहाँले रुविना श्रेष्ठलाई छोरी प्रमाणित गर्नुभयो भने खासै समस्या नहोला, होईन भने अरुको छोरीलाई आफ्नो बनाएर नागरिकता दिनु भएको हो भने नागरिकता ऐन अनुसार यो विषय अदालतमा जान्छ, र कानुन अनुसार कारबाही अगाडी बढ्छ ।’

रुविना श्रेष्ठको नाममा २०७५ साल साउन १३ गते पहिलो पटक षड् कुमार पोखरेलले नागरिकता जारी गरेका छन् भने दोस्रो पटक प्रतिलिपि नागरिकता २०७६ साल फागुन ८ गते विनय कुमार श्रीवास्तवले जारी गरेका छन् । श्रीवास्तव अहिले पनि जिल्ला प्रशासन कार्यालय पर्साको नागरिकता फाँटमै कार्यरत छन् । प्रमुख जिल्ला अधिकारी भुसालले केही दिनभित्र महानगरप्रमुख सिंहलाई बोलाएर सोधीखोजी गर्ने जानकारी दिए । महानगरको हिउँदे नगरसभा चलिरहेकोले तत्काल नबोलाइएको उनको भनाइ छ ।

काठमाडौं । एक हजार रुपैयाँ दरका नक्कली नोटसहित काठमाडौंको बालाजुस्थित माछापोखरी चोकबाट एकजना पक्राउ परेकी छन् । बुधबार दिउँसो प्रहरीले काभ्रेको नमोबुद्ध नगरपालका–१० की २५ वर्षीया मनीषा न्यौपानेलाई नियन्त्रणमा लिएको हो ।

काठमाडौंकै तारकेश्वर नगरपालिका–५, लोलाङमा बस्दै आएकी उनलाई एक हजार दरका पाँचथान नक्कली नोटसहित पक्राउ गरिएको प्रहरीले जनाएको छ ।
उक्त स्थानमा औषधि किन्ने क्रममा नक्कली नोटको कारोबार भएको सूचना प्रहरीले पाएको थियो । सोही आधारमा प्रहरी वृत्त बालाजुबाट खटिएको टोलीले उनलाई ती नोटसहित पक्राउ गरेको हो ।

घटनाबारे थप अनुसन्धान गरिरहेको प्रहरी प्रधान कार्यालयले जानकारी गराएको छ ।

काठमाडौं। बजारमा पाइने बोतलको पानी जति खराब मानिन्छ, त्योभन्दा सयौं गुणा खराब हुने गरेको तथ्य वैज्ञानिक खोजबाट पत्ता लागेको छ। वैज्ञानिकहरुले गरेको एक अध्ययनअनुसार प्लास्टिकको बोतलमा प्याक गरिएको पानीमा प्लास्टिकका स–साना लाखौं कणहरु पाइन्छन्।

‘प्रोसिडिङ्ग्स अफ द नेशनल एकेडेमी अफ साइन्सेज’मा प्रकाशित यो खोजका लागि वैज्ञानिकहरुले नयाँ प्रविधिको प्रयोग गरेका बताइएको छ। हालै मात्र पत्ता लागेको यो प्रविधिको माध्यमबाट वैज्ञानिकहरुले प्लास्टिकको बोतलमा आउने पानीमा हुने प्लास्टिकका कणहरुको गणना गरे। गणनाका क्रममा १ लिटर पानीमा औसतमा २ लाख ४० हजार प्लास्टिकका कण भेटियो।

वैज्ञानिकहरुले अलग–अलग कम्पनीको पानी जाँच गरेका थिए। अनुसन्धानमा संलग्न वैज्ञानिकहरुले प्लास्टिकको बोतलमा प्याक गरिने पानीमा पहिलेको अनुमानभन्दा धेरै गुणा बढी प्लास्टिकको कण पाइएको बताएका छन्, जुन चिन्ताको विषय भएको उनीहरुले उल्लेख गरेका छन्।

कोलम्बिया विश्वविद्यालयमा जिओक्यामेस्ट्रीका एसोसिएट प्रोफेसर बाइजान यानले भने, ‘यदि मानिसहरु बोतलबन्द पानीमा नानोप्लास्टिक हुने विषयलाई लिएर चिन्तित छन् भने उनीहरुले नल (धारा)को पानीलाई विकल्प सोच्नु पूर्ण रुपमा जायज हो। तर हामी बोतलबन्द पानी पिउनै हुँदैन भनेर भन्न सक्ने अवस्थामा छैनौँ। किनकि डिहाइड्रेशन ९निर्जलीकरण०को खतरा नानोप्लास्टिकको सम्भावित खतराभन्दा कयौं गुणा ठूलो हो।’

हालैका वर्षहरुमा खाद्य पदार्थमा माइक्रोप्लास्टिकको उपलब्धतालाई लिएर संसारभर नै चिन्ता बढेको छ। प्लास्टिकका यी कण नदी तथा महासागरदेखि उच्च पहाडमा जम्ने हिउँ (बरफ)मा पनि पाइएका छन्। यस्तै प्रकारले माइक्रोप्लास्टिक पिउने पानी र खानामा पुगिरहेको छ।

५ मिलिमिटरभन्दा पनि सानो टुक्रालाई माइक्रोप्लास्टिक भनिन्छ। यस्तै एक माइक्रोमिटर ९१ मिटर प्लास्टिकको अर्बौं टुक्रा०लाई नानोप्लास्टिक भनिन्छ। यी कणहरु यति साना हुन्छन् कि मानिसको पाचन तन्त्र र फोक्सोमा समेत प्रवेश गर्न सक्नछन्। पाचन तन्त्र र फोक्सोबाट नानोप्लास्टिकका कणहरुले रगतमा मिसिएर मस्तिष्क तथा हृदय समेत सबै अंगलाई प्रभावित गर्न सक्छन्।

प्लेसेन्टा (गर्भावस्थाको समयमा पाठेघरमा विकसित हुने अंग) बाट यी कणहरु गर्भमा रहेको बच्चको शरीरमा पनि पुग्न सक्छन्।

इकोसिस्टम र मानवीय स्वास्थ्यमा प्लास्टिकका यी कणहरुले कस्तोखाले असर पुर्‍याउँछन् भन्ने विषयमा अझे विस्तृत अध्ययन भएको छैन। यद्यपि सुरुवाती अध्ययनहरुबाट पत्ता लागेअनुसार प्लास्टिकका कणबाट मानिसमा ग्यास्ट्रिकको समस्याका साथै बच्चाहरु जन्मिँदा शारीरिक समस्याहरु देखिन सक्छन्।