Month: February 2022

कटारी– उदयपुरमा २० वर्षीया किशोरीमाथि जबरजस्ती करणी बलात्कारको आरोपमा प्रहरीले ३ जनालाई पक्राउ गरेको छ। पक्राउ परेकाहरुले किशोरीमाथि सामूहिक बलात्कार गरेको प्रहरीले जनाएको छ।
पक्राउ पर्नेमा चौदण्डीगढी नगरपालिका ८ हिलेखोला बस्ने ३० वर्षीय गणेश राई, २७ वर्षीय उमेश मगर र २७ वर्षीय खडग मगर रहेका छन्।
उनीहरूले ती किशोरीलाई ललाइ फकाइ सोही ठाउँस्थित जंगलमा लगेर जबरजस्ती करणी गरेको प्रहरीले जनाएको छ। पीडित किशोरीका पक्षबाट उजुरी परेपछि इलाका प्रहरी कार्यालय बेल्टारबाट खटिएको प्रहरीले उनीहरूलाई पक्राउ गरेको हो।
प्रहरीले घटनाका सन्दर्भमा थप अनुसन्धान भइरहेको जानकारी दिएको छ।

काठमाडौं । माछापुच्छ्रे बैंकका संस्थापक सेयरधनी सुरेन्द्र महतो सेयर बेचेर बाहिरिने भएका छन् । उनको नाममा रहेको कुल १ करोड १२ लाख ३२ हजार ४९२ कित्ता संस्थापक सेयर लिलामी बिक्रीमा ल्याइएको छ । महतो परिवारले नै बैंकको सबैभन्दा धेरै सेयर होल्ड गर्दै आएको थियो ।
बैंकमा अहिले पनि उपेन्द्र महतोले ९३ लाख ७१ हजार ८८० र विरेन्द्र महतोले ६ लाख १७ हजार २४९ कित्ता सेयर होल्ड गरेका छन् । उपेन्द्रले मंसिर ७ गते मात्रै सञ्चालक समितिको अध्यक्ष पदबाट राजीनामा दिएका थिए । उनको राजीनामापछि रोशन केसी अध्यक्ष छन् ।
सुरेन्द्रले बिक्री गर्ने सेयरका लागि गोप्य शिलबन्दीमार्फत खरिद गर्न इच्छुक लगानीकर्ताबाट आवेदन माग गरिएको छ । सार्वजनिक सूचनामार्फत न्यूनतम मूल्य प्रतिकित्ता ११५ रुपैयाँ कायम राख्दै इच्छुक लगानीकर्ता व्यक्ति तथा संघसंस्थाबाट गोप्य शिलबन्दी बोलपत्र माग गरिएको हो ।
माघ २ गते कार्यालय समयभित्र सुन्धारास्थित माछापुच्छ्रे क्यापिटलमा पुग्नेगरी आवेदन दिन सकिनेछ । सेयर खरिदका लागि न्यूनतम १० लाख कित्ताका लागि आवेदन दिनुपर्ने बैंकले जनाएको छ ।

तनहुँ । तनहुँमा जिप दुर्घटना हुँदा दुई जनाको घटनास्थलमै मृत्यु भएको छ । तनहुँको भिमाद नगरपालिका–५ सुनाकोटस्थित बारलथुम्कीको घुम्टीमा भएको जिप दुर्घटनामा दुइ जनाको मृत्यु भएको छ। पोखराबाट पाल्पाको रामपुर जॉदै गरेको यात्रुवाहक जिप आज दुर्घटना हुँदा घाइते एकको मृत्यु भएको हो।

दुर्घटनामा परी चालकसहित ११ यात्रु घाइते भएका छन् । घाइतेको जिपी कोइराला राष्ट्रिय श्वासप्रश्वास उपचार केन्द्रमा उपचारका क्रममा मृत्यु भएको जिल्ला प्रहरी कार्यालय तनहुँले जानकारी दिए।

मृतकको पहिचान खुल्न बाँकी छ। ग१ज ६३५६ नंको जिप घुम्ती सडकबाट करिब डेढ सय मिटर तल खसेको थियो। जिपमा सवार चालकसहित १२ जनाको उद्धार गरेर जिपी कोइराला राष्ट्रिय श्वासप्रश्वास उपचार केन्द्रमा ल्याइएको हो।

थप उपचारका लागि तीन जनालाई पोखरा पठाइएको छ। घटनाबारे अनुसन्धान भइरहेको प्रहरीले जानकारी दिएको छ।

काठमाडौं। डाक्टर दाहालमाथि केएमसीको प्रतिशोध आवासीय चिकित्सक विशद दाहालमाथि नियमविपरित लगाएको निलम्बन फिर्ता लिन केएमसी अस्पताल सहमत भएको छ।

बुधबार बिहान आन्दोलनरत आवासीय चिकित्सकको टोलीसँगको वार्तापछि अस्पताल प्रशासन निलम्बन फिर्ता लिन सहमत भएको डा. दाहालले सम्पत्ती न्युजलाई जानकारी दिए।

काठमाडौं विश्वविद्यालयको रोहबरमा छलफल गर्‍यौं। अस्पताल प्रशासन निलम्बन फिर्ता लिन तयार भएको छ, हस्ताक्षर गर्न बाँकी छ, दाहालले भने।

मंगलबार शिक्षा मन्त्रालयले दाहालमाथिको निलम्बन तत्काल फिर्ता गर्न काठमाडौं विश्वविद्यालयमार्फत केएमसीलाई निर्देशन दिएपछि आज बालकुमारीस्थित केयूको कार्यालयमा छलफल भएको थियो।

छलफलमा आन्दोलनरत आवासीय चिकित्सकको टोली र अस्पतालबीच निलम्बन फिर्ता लिने, कार्यविधि बनेपछि मात्र हेल्थ क्याम्प सञ्चालन गर्ने र त्यतिञ्जेललाई न्यून संख्यामा मात्र आवासीय चिकित्सकलाई क्याम्पमा खटाउने सहमति भएको छ।

डा. दाहाल दुई सातादेखि अस्पतालले कानुनविपरीत आफूलाई निलम्बन गरेको भन्दै आन्दोलनरत थिए। आफूले पाठ्यक्रममै नभएको हेल्थ क्याम्पमा अस्पतालले मनोमानी ढंगबाट आवासीय चिकित्सकलाई प्रयोग गरेको विषय उठाउँदा अस्पतालले प्रतिशोध साध्न गैरकानुनी रूपले निलम्बन गरेको दाहालको भनाइ थियो।
अब भने हेल्थ क्याम्पको कार्यविधि बनेपछि मात्र अस्पतालले आवासीय चिकित्सकलाई क्याम्पमा खटाउन पाउने सहमति भएको दाहालले जनाए। त्यसका लागि एक महिनाभित्र कार्यविधि तयार पार्न काठमाडौं विश्वविद्यालयका डिन मनोज हुमागाईंले जिम्मा लिएको उनले बताए।

काठमाडौं।प्रशिद्ध अन्तर्राष्ट्रिय मिडिया न्युयोर्क टाइम्सले सन् २०२४ मा घुम्नुपर्ने विश्वका ५२ गन्तव्यको सूचीमा नेपालको मुस्ताङलाई पनि समावेश गरेको छ। न्युयोर्क टाइम्सले सार्वजनिक गरेको सूचीमा मुस्ताङको प्राकृतिक सुन्दरता र ऐतिहासिक महत्त्वको संक्षिप्त वर्णन गर्दै ३७औं नम्बरमा राखिएको छ।
मुस्ताङ धवलागिरि र निलगिरि दुई अग्ला हिमशिखरको बीचमा अवस्थित छ। तीन हजार वर्षभन्दा अगाडिको उत्खनन् अनुसार यहाँ नेपाल र तिब्बतबीचको व्यापारिक मुख्य नाका थियो। लोमान्थाङ दरबार, मुक्तिनाथ, टुकुचे निलगिरी हिमाल, धवलागिरि हिमाल, तिलिचो पिक, याककावा पिक, टुकुचे धम्पुस पिकलगायत मुस्ताङका प्रमुख पर्यटकीय स्थल हुन्।
यसैगरी धार्मिक हिसाबले पनि यो जिल्लाको महत्त्व छ। मुक्तिनाथ मन्दिर, दामोदर कुण्ड, कागबेनी, शिवालय मन्दिर ९पुथाङ०, गणेश मन्दिर जोमसोम टुकुचे गोम्पा कोबाङ, टुकुचे गोम्पसम्प, टुकुचे मकल् गोम्पा, टुकुचे रानी गोम्पा, मार्फा गोम्पा रहेका छन्।
सदरमुकाम जोमसोमदेखि उत्तरतर्फ भोटे गुरुङ, विष्ट र ठकुरी जातीको बाहुल्य छ भने दक्षिणतर्फ थकालीसहित अन्य जातीको बसोबास छ।

काठमाडौं ।जबरजस्ती करणी मुद्दामा इन्टरपोलबाट रेड नोटिस जारी भएका फरार प्रतिवादी पक्राउ परेका छन्।
खोटाङ हलेसी तुवाचुङ नगरपालिका ७ ठेगाना भएका १९ वर्षीय किरण राई रेड नोटिस जारी भएको ५ दिनमै पक्राउ परेका हुन्।
एनसीबी दोहाको समन्वयमा कतारमा पक्राउ परेका उनलाई सम्बन्धित मुद्दामा कारबाहीका लागि बुधबार नेपाल फिर्ता ल्याइएको हो।
राईविरुद्ध जिल्ला प्रहरी कार्यालय खोटाङमा जबरजस्ती करणी मुद्दा दर्ता भएपछि अनुसन्धानको क्रममा उनी वैदेशिक रोजगारीको सिलसिलामा कतारमा रहेको खुल्न आएको थियो।
अन्तर्राष्ट्रिय स्तरमा खोजतलास एवं पक्राउ गर्नको लागि नेशनल सेन्ट्रल व्यूरो ९एनसीबी० काठमाडौंको अनुरोधमा इन्टरपोल महासचिवालयबाट यही पुस २० गते उनी विरुद्ध रेड नोटिस जारी भएको थियो।
यस सम्बन्धमा प्रहरीले आवश्यक अनुसन्धान गरिरहेको छ। जबरजस्ती करणी मुद्दामा इन्टरपोलबाट रेड नोटिस जारी भएका फरार प्रतिवादी पक्राउ परेका छन्।
खोटाङ हलेसी तुवाचुङ नगरपालिका ७ ठेगाना भएका १९ वर्षीय किरण राई रेड नोटिस जारी भएको ५ दिनमै पक्राउ परेका हुन्।
एनसीबी दोहाको समन्वयमा कतारमा पक्राउ परेका उनलाई सम्बन्धित मुद्दामा कारबाहीका लागि बुधबार नेपाल फिर्ता ल्याइएको हो।
राईविरुद्ध जिल्ला प्रहरी कार्यालय खोटाङमा जबरजस्ती करणी मुद्दा दर्ता भएपछि अनुसन्धानको क्रममा उनी वैदेशिक रोजगारीको सिलसिलामा कतारमा रहेको खुल्न आएको थियो।
अन्तर्राष्ट्रिय स्तरमा खोजतलास एवं पक्राउ गर्नको लागि नेशनल सेन्ट्रल व्यूरो एनसीबी काठमाडौंको अनुरोधमा इन्टरपोल महासचिवालयबाट यही पुस २० गते उनी विरुद्ध रेड नोटिस जारी भएको थियो।
यस सम्बन्धमा प्रहरीले आवश्यक अनुसन्धान गरिरहेको छ

धनगढी । प्रतिकुल मौसमका कारण धनगढी विमानस्थलको हवाइ सेवा प्रभावित भएको छ ।
बाक्लो हुस्सुका कारण भिजिविलिटी कम भएपछि बुधबार बिहान काठमाडौंबाट उडेको श्री एयरलाइन्स र बुद्ध एयरको जहाज अवतरण गर्न नसकेपछि डाइभर्ट भएको छ ।
दुवै विमान सुर्खेत विमानस्थलमा अवतरण गरेका छन् । श्री एयरलाइन्सका धनगढी प्रमुख गजेन्द्रबहादुर शाहीले बिहान ९ बजेर ३९ मिनेटमा उडेको जहाजले धनगढीको आकाशमा ४५ मिनेट फन्को हानेको बताए तर मौसम नखुलेपछि सुर्खेत विमानस्थलमा अवतरण गरिएको बताउँदै उनले मौसम खुलेपछि मात्र त्यहाँबाट उड्ने बताए ।
बुद्ध एयर धनगढीका प्रमुख बुद्धराम माझीले पनि प्रतिकुल मौसमका कारण विमान अवतरण हुन नसकेपछि फर्किएको बताए । उनका अनुसार बिहान ९ बजेर ४० मिनेटमा काठमाडौंबाट उडेको जहाज कर्णालीको आकाशबाटै फर्किएर सुर्खेत विमानस्थलतर्फ गएको थियो । सुर्खेत विमानस्थलमा अवतरण गरेको विमान मौसम खुलेपछि मात्र धनगढीका लागि उड्ने बुद्ध एयरले जनाएको छ
धनगढी विमानस्थल कार्यालयका अनुसार बिहान मौसम खुलेका कारण काठमाडौंबाट दुवै एयरलाइन्सका विमान उडेका थिए तर एकाएक बाक्लो हुस्सु लागेपछि विमान अवतरण गर्न नसकेपछि फर्किएका हुन् ।

काठमाडौं महानगरपालिकाको १४औं नगरसभा निर्धारित मितिमा नहुने निश्चित भएको छ ।
कार्यपालिका बैठकको निर्णय अनुसार आजदेखि काठमाडौं महानगरपालिकाको १४औं नगरसभा बैठक सुरु हुनु पर्ने हो । तर, अन्तिम समयमा आएर बैठक स्थगन भएको छ ।
बैठक निर्धारित समयमा नहुने भएपछि २३औं कार्यपालिका बैठकले नगरसभा छलफलका लागि लैजाने भनेको ‘जनप्रतिनिधिको सुविधासम्बन्धी ऐन २०७९ को संशोधन प्रस्तावसमेत अनिश्चित बनेको छ ।
कार्यपालिकामा बहुमत रहेका नेपाली कांग्रेसका जनप्रतिनिधिका कारण निर्धारित मितिमा हुनुपर्ने नगरसभाको बैठक आज नहुने निश्चित भएको महानगर स्रोतले जानकारी दिएको छ ।
तीन जना कर्मचारीले अनियमितता गरेको भन्दै मेयर बालेन्द्र शाहले निलम्बन गरेर छानबिन समिति बनाएपछि कांग्रेस निकटका जनप्रतिनिधि रुष्ट बन्दै आएका छन् ।
कार्यपालिकाको निर्णय प्रमाणीकरण र कार्यान्वयनमा अनियमितता गरेको भन्दै केही समय अघि महानगरका तीन कर्मचारी निलम्बनमा परेका थिए । त्यसरी निलम्बनमा पर्ने कर्मचारीमा मेयर साहका सचिवालय प्रमुख नुरनिधि न्यौपाने, स्वास्थ्य विभाग प्रमुख रामप्रसाद पौडेल र वरिष्ठ शाखा अधिकृत भगवती बिडारी रहेका छन् ।

त्यस्तो अनियमितता फेला परेपछि महानगरले प्रमुख प्रशासकीय अधिकृत बसन्त अधिकारीलाई कार्यालय प्रवेशमा रोक लगाएको छ भने निलम्बनमा परेका तीन कर्मचारीका बारेमा छानबिन गर्न महानगरको योजना आयोगका उपाध्यक्ष सुमनराज भण्डारीको अध्यक्षतामा कानुनी सल्लाहकार ओमप्रकाश अर्याल र प्रशासन शाखाका अधिकृत प्रवीण प्याकुरेल सदस्य रहेको समिति बनेको छ ।
समितिको रिपोर्ट कहिले आउने हो अझै निश्चित छैन । यता कांग्रेस निकट जनप्रतिनिधिले भने कर्मचारीको निलम्बन फिर्ता लिन भित्रि रुपमा दबाब दिने उदेश्यले बैठकहरुमै उपस्थित नहुने, भित्रिरुपमा अवरोध गर्ने जस्ता कार्य गर्न थालेका छन् ।
पछिल्लो समय मुख्य गरेर महानगरका प्रवक्ता एवं वडा नम्बर १७ का अध्यक्ष नवीनराज मानन्धरको अगुवाइमा कांग्रेसका अन्य जनप्रतिनिधिलाई पनि उकास्ने र बैठक बहिस्कार गर्ने रणनीति अघि बढाएको महानगरपालिका स्रोतले जानकारी दिएको छ ।
उपमेयर सुनिता डंगोल संयोजक रहेको १३ सदस्यीय बजेट तर्जुमा समितिमा कांग्रेसका बहुमत सदस्य रहेका छन् । समितिमा कांग्रेसका ८ नेकपा समाजवादीका १ र बाँकी एमालेका सदस्य रहेका छन् ।
उपमेयर डंगोलले दुई पटक समितिको बैठक राखे पनि एउटा बैठकमा वडा नम्बर ११ का अध्यक्ष हिरालाल तण्डुकार उपस्थित भए पनि अर्को बैठकमा भने कांग्रेसका कोही पनि उपस्थित भएनन् ।
तण्डुकार कांग्रेसका तर्फबाट विजयी अध्यक्ष हुन् । बैठकमा कांग्रेस बाहेकका सदस्य उपस्थित थिए । तर, बहुमत सदस्य उपस्थित नभएपछि त्यहाँ अनौपचारिक छलफल मात्रै भएको र निर्णय केही पनि गर्न नसिएको स्रोतले जानकारी दिएको छ ।
३२ वटा मध्य कांग्रेसले १९, एमालेले १२ र समाजवादीले १ वटा जितेको छ । वडा–१६ का अध्यक्ष मुकुन्द रिजालको देहावसानपछि अहिले कांग्रेसका १८ वडाध्यक्ष रहेका छन् । कार्यपालिकामा समेत कांग्रेसकै बहुमत रहेकाले उनीहरु उपस्थित नभएको अवस्थामा वा निर्णय प्रक्रियामा सहभागी नभएको खण्डमा कुनै पनि निर्णय बहुमतबाट पारित गर्न सकिंदैन ।
८ नम्बर वडाध्यक्ष आसमान सङ्गतले औपचारिक जानकारी बिना नगरसभा स्थगित भएको बताए । ‘आजदेखि नगरसभा बस्ने औपचारिक जानकारी थियो, स्थगितको हल्ला आएको छ । अब स्थगित त होला नि’ उनले भने ।सङ्गतले कांग्रेस निटक जनप्रतिनिधिको बहिष्कार भन्ने विषयमा अनावश्यक हल्ला चलाएको बताए । ‘हामीले बहिष्कार गर्नुपर्ने कारण नै छैन, गलत गरेकोलाई त कारबाही गर्नै पर्‍यो । अब स्थगित भएपछि यस्तो कुरा आएको होला,’ उनले भने ।

काठमाडौँ र नेपाल राष्ट्र बैङ्कका अनुसार आज बुधबार अमेरिकी डलर, युरोपियन युरोलगायतका मुद्राको भाउ घटेको छ भने क्यानेडियन डलरको भाउ भने बढेको छ । मङ्गलबार अमेरिकी डलर एकको खरिदमा १३२ रुपैयाँ ७३ पैसा र बिक्रीमा १३३ रुपैयाँ ३३ पैसा तोकिएकोमा आज घटेर खरिदमा १३२ रुपैयाँ ६९ पैसा र बिक्रीमा १३३ रुपैयाँ २९ पैसा कायम भएको छ ।
यसैगरी युरोपियन युरो एकको खरिद दर १४५ रुपैयाँ ९ पैसा र बिक्रीदर १४५ रुपैयाँ ७५ पैसामा झरेको छ । यसअघि भने खरिदमा १४५ रुपैयाँ २५ पैसा र बिक्रीदर १४५ रुपैयाँ ९० पैसा तोकिएको थियो ।
यसैगरी अष्ट्रेलियन डलर एकको खरिद मूल्य ८८ रुपैयाँ ८१ पैसा र बिक्री मूल्य ८९ रुपैयाँ २१ पैसा रहेको छ । क्यानेडियन डलर भने आज बढेको छ । यसअघि एकको खरिदमा ९९ रुपैयाँ १८ पैसा र बिक्रीमा ९९ रुपैयाँ ६३ पैसा रहेको क्यानेडियन डलर बढेर खरिद मूल्य ९९ रुपैयाँ २३ पैसा र बिक्री मूल्य ९९ रुपैैयाँ ६८ पैसा कायम भएको छ ।
यसैगरी जापानिज येन १० को खरिदमा ९ रुपैयाँ २१ पैसा र बिक्रीमा ९ रुपैयाँ २२५ पैसा तोकिएको छ ।
त्यस्तै, साउदी अरेवियन रियाल एकको खरिद मूल्य ३५ रुपैयाँ ३८ पैसा र बिक्री मूल्य ३५ रुपैयाँ ५४ पैसा, कतारी रियाल एकको खरिदमा ३६ रुपैयाँ ४० पैसा र बिक्रीमा ३६ रुपैयाँ ५६ पैसा पर्नेछ ।
विस्तृत तालिकामा हेर्नुस्

काठमाडौँ । नेपाल प्रहरी केन्द्रीय अनुसन्धान ब्यूरो सीआईबी ले तपस्वीका रुपमा चिनिएका रामबहादुर बम्जन पक्राउ परेकोबारे जानकारी गराउन पत्रकार सम्मेलन गर्ने भएको छ ।
ब्यूरोका प्रवक्ता एवं सूचना अधिकारी प्रहरी उपरीक्षक नवराज अधिकारीका अनुसार बुधबार दिउँसो एक बजे महाराजगञ्जस्थित ब्यूरोकै कार्यालयमा पत्रकार भेटघाट कार्यक्रम राखिएको छ ।
बम्जनलाई सीआईबीको टोलीले मंगलबार हात्तीगौडाबाट पक्राउ गरेको थियो । उनीविरुद्ध आनीसहित चार जनालाई बेपत्ता बनाएको, बलात्कार गरेको र हत्या गरेको आरोपमा विभिन्न जिल्लामा मुद्दा दर्ता भएको छ ।