Month: February 2022

काठमाडाै‌ । श्रम, रोजगार तथा सामाजिक सुरक्षा मन्त्रालयका सचिव केवल प्रसाद भण्डारी अवकाशमा गएसँगै रिक्त हुन पुगेको सचिव पदमा बढुवाका लागि तीन जना सहसचिवको नाम सिफारिस गरेको छ ।

लोक सेवा आयोगका अध्यक्ष माधव प्रसाद रेग्मीको अध्यक्षतामा केही दिन अघि बसेको बढुवा सिफारिस समितिको बैठकले सहसचिवत्रय डा हरि लम्साल, केदारनाथ शर्मा र लोकनाथ पौडेलको नाम सिफारिस हो ।

डा लम्साल सुदूर पश्चिम प्रदेशको कायम मुकायम प्रदेश प्रमुख सचिवको जिम्मेवारीमा छन् भने शर्मा कोशी प्रदेशको निमित्त प्रमुख सचिव र पौडेल प्रधानमन्त्री तथा मन्त्रिपरिषद्को कार्यालयमा कार्यरत छन् ।

अबकाे सचिव बढुवाका लाइनमा ३२ जना सहसचिवहरु रहेका छन् । जसमा गोविन्द वहादुर कार्की, माहादेव पन्थ,रघुराम विष्ट,वावुराम अधिकारीहरु रहेका छन्मदन भुजेल,चन्द्रकला पौडेल, शोभाकान्त पौडेल,भुपाल वराल, डण्डुराज घिमिरे छन् ।

त्यस्तै सचिवका लागि लाइनमा रहेका सहसचिवहरुमा शिक्षासेवाका खगेन्द्र प्रसाद सुवेदी, कृष्ण प्र काप्री, वैकुण्ठ प्रसाद अर्याल, इमनारायण श्रेष्ठ,राजेन्द्र प्रसाद पौडेल,इन्दु घिमिरे, कमल प्रसाद भट्टराई,श्रीकृष्ण नेपाल रहेका छन् । यस्तै विनोद वहादुर कुँवर रूद्रसिंह तामांग,कालीप्रसाद पराजुली,नारायण प्रसाद भट्ट,उत्तर कुमार खत्री, आभा कर्ण श्रेष्ठ,चक्रवहादुर वुढा र जयनारायण आचार्य हुन् ।

काठमाडौँ। सशस्त्र प्रहरी बलका सशस्त्र प्रहरी वरिष्ठ उपरीक्षक(एसएसपी) दीपक अधिकारी सशस्त्र प्रहरी नायब महानिरीक्षक (डीआईजी) मा बढुवाका लागि सिफारिस भएका छन् ।

चैत्र १५ बिहीबार बसेको बढुवा समितिको बैठकले एसएसपी अधिकारीलाई सशस्त्र प्रहरी सेवा, साधारण समूह साधारण उपसमूहतर्फ रिक्त सशस्त्र प्रहरी नायब महानिरीक्षक पदमा बढुवा गरिएको हाे ।

सशस्त्र प्रहरी नियमावली, २०७२ को नियम ३९ को उपनियम (१)को (ख) बमोजिम डीआईजीमा बढुवा गरिएकाे सूचनामार्फत उल्लेख गरिएकाे छ ।

यो सिफारिसमा चित्त नबुझे सशस्त्र प्रहरीका वरिष्ठ उपरीक्षक (एसएसपी)हरुले ७ दिनभित्र उजुरी गर्न सक्ने सिफारिस समितिले जनाएको छ ।

काठमाडौ । हाजिर गरी बिना जानकारी कार्यालयबाट बाहिर गएको सम्बन्धमा शिक्षा, विज्ञान तथा प्रविधि मन्त्रालयका २० कर्मचारीलाई स्पष्टीकरण सोधिएको छ । यही चैत १४ गते मन्त्रालयका विभिन्न महाशाखा तथा शाखामा गरिएको आन्तरिक छड्केमा ती कर्मचारी हाजिर गरी मन्त्रालयबाट बाहिरिएको पाइएको जनाइएको छ । शिक्षामन्त्री सुमना श्रेष्ठको निर्देशनमा मन्त्रालयको प्रशासन शाखाबाट छड्के गरिएको थियो ।

कार्यकक्षमा नभेटिने तथा कार्यालय समयको पालना नगर्ने कर्मचारीलाई सोधिएको स्पष्टीकरण चित्तबुझ्दो नआए कानुनबमोजिम कारबाही हुने मन्त्री श्रेष्ठको सचिवालयले जनाएको छ । यस किसिमका अनुगमन तथा छड्के मन्त्रालयअन्तर्गतका विभाग तथा कार्यालयमा समेत निरन्तररूपमा हुने र कार्यालय समयमा बिनाजानकारी अनुपस्थित हुने तथा तोकिएको जिम्मेवारी पूरा नगर्ने कर्मचारी माथि कानुनबमोजिम कारबाही गरिने जनाइएको छ ।

काठमाडौं । अख्तियार दुरुपयोग अनुसन्धान आयोगले नेपाल दूरसञ्चार प्राधिकरणका पूर्व अध्यक्ष पुरुषोत्तम खनाल र दिगम्बर झासहित २० जनाविरुद्ध करिब एक अर्बको बिगो दाबीसहित भ्रष्टाचार मुद्दा दायर गरेको छ ।

यस्तै पूर्व वरिष्ठ निर्देशक आनन्दराज खनाल, बहालवाला निर्देशकहरू दिपेश आचार्य, सुरेन्द्र हाडा र अच्यूतानन्द मिश्र, प्राधिकरणका आन्तरिक लेखापरीक्षण शाखाका उपनिर्देशक सुरेश बस्नेत, योजना तथा व्यवस्थापन सूचना प्रणाली शाखाका उपनिर्देशक रेवतीराम पन्थ, अनुमतिपत्र व्यवस्थापन शाखाका उपनिर्देशक संदिप अधिकारी र कविन्द्रराज मल्लविरूद्ध अख्तियारले भ्रष्टाचार मुद्धा दायर गरेको छ । विशेष अदालतका प्रवक्ता धनबहादुर कार्कीले बताए ।

एमडीएमएस खरिदबारे गत मंसिरमा सञ्चार मन्त्रालयबाट छानबिन भएको थियो । छानबिनको नेतृत्व गरेका फ्रिक्वेन्सी व्यवस्थापन महाशाखाका सहसचिव गौरव गिरीले शिक्षा, स्वास्थ्य तथा सूचना प्रविधि समितिको बैठकमा खरिद प्रक्रिया इलेक्ट्रोनिक पद्धतिमा नगएको हुनाले समितिलाई अध्ययनका लागि उपलब्ध राएका कागजाताको प्रमाणीकरण स्वतन्त्र रुपमा गर्न नसकेको बताएका थिए ।

२०७४ सालदेखि प्राधिकरणले एमडीएमएस प्रविधि खरिद प्रक्रिया थालेको थियो । तर, प्राधिकरणले राजस्वसँग सम्बन्धित क्षेत्रमा खरिद गरेर क्षेत्राधिकार मिचेको पाइएको छानबिनमा देखिएको गिरीले बताएका थिए ।

यस्तै, २०७६ साल असार १९ मा खरिद प्रक्रियाका लागि सम्झौता भएको थियो, जसअनुसार त्यही वर्षको पुस १८ भित्र जडान सम्पन्न, सप्लाई, डेलिभरी, इन्स्टलेसन, कमिसन लगायत टुंगिनुपर्नेमा हालसम्म काम सकिएको छैन ।

आयोगले ९१ करोड ९८ लाख ३० हजार ८८२ बिगो दाबी गरेर बिहीबार विशेष अदालतमा भ्रष्टाचार मुद्दा दायर गरेको हो ।

‘२० जनालाई प्रतिवादी बनाएर झण्डै ९२ करोड बिगो दाबी गरी भ्रष्टाचार मुद्दा दायर गरिएको छ ।

काठमाडौं । साताको अन्तिम कारोबार दिन आज (बिहीबार) नेपाल स्टक एक्सचेञ्ज (नेप्से) परिसूचकमा सामान्य अंकको वृद्धि भएको छ।

नेप्से परिसूचक यस दिन ४.७८ अंक बढेर २०३५.६४ विन्दुमा पुगेको छ। त्यसैगरी, यस दिन फ्लोट इण्डेक्स ०.०५ अंक बढेको छ भने सेन्सेटिभ इण्डेक्स ०.३६ अंक र सेन्सेटिभ फ्लोट इण्डेक्स ०.२७ अंक घटेको छ।

आज कूल ६६ लाख १२ हजार ८८५ कित्ता शेयर २ अर्ब ६५ करोड २६ लाख ९० हजार रुपैयाँमा कारोबार हुँदा ११९ वटा कम्पनीको शेयरमूल्य बढेको छ। ११६ कम्पनीका लगानीकर्ताले गुमाएका छन्‌ भने १० कम्पनीको शेयरमूल्य स्थिर छ।

साताभर नै घट्दो क्रममा रहेको नेप्से झिनो अंकले बढ्दा आज हिमालय ऊर्जा विकास कम्पनी लिमिटेडका शेयरधनीले प्रतिकित्तामा १० प्रतिशत (२८.७० रुपैयाँ) कमाएका छन्‌। यो कम्पनीको प्रतिकित्ता शेयरमूल्य ३१५.७० रुपैयाँ पुगेको छ।

कारोबार रकमका आधारमा यस दिन सर्वोत्तम सिमेन्ट शीर्ष स्थानमा रहेको छ। साताभर नै सकारात्मक सर्किट लाग्दै आएको सर्वोत्तम सिमेन्ट लिमिटेडको प्रतिकित्ता शेयरमूल्य पनि ९८.१० रुपैयाँले बढेर १०८२.७० रुपैयाँ पुगेको छ। सो कम्पनीको यस दिन १९ करोड ३७ लाख रुपैयाँ बराबरको शेयर कारोबार भएको छ। त्यस्तै, यस दिन गोर्खाज फाइनान्सको १६ करोडभन्दा बढीको शेयर खरिदबिक्री भएको छ भने शिवम् सिमेन्ट्सको कारोबार रकम १५ करोड नाघेको छ।

त्यसैगरी सर्वाधिक गुमाउनेहरूमा उन्नति सहकार्य लघुवित्त वित्तीय संस्था र धौलागिरि लघुवित्त वित्तीय संस्था लिमिटेड रहेका छन्‌। यी दुई कम्पनीका शेयरधनीहरूले प्रतिकित्ता शेयरमा क्रमशः १६५ र १४५.४० रुपैयाँ गुमाएका छन्‌। दुबै कम्पनीको शेयरमूल्यमा १० प्रतिशत गिरावट भएको हो।

काठमाडौं । तादी ४ नुवाकोटका पशुपति मैनाली हाल डिल्लीबजार कारागारमा थुनामा छन् । उनी बिरुद्ध जवरजस्ती करणीको मुद्दामा काठमाडौ जिल्ला अदालतले फैसला गरिसकेको छ।

सात बर्ष जेल सजाय सुनाइसकेको छ। अदालतले दोषी भनेर ठहर गरिसकेपछि पनि मैनाली ले कारागारका बाट नै पिडित महिलालाई फोन गरेर ज्यान मार्ने धम्की दिन थालेपछि पिडित महिलाले प्रहरी बृत सिहदरबारमा उनले मैनाली बिरुद्ध आवश्यक कारबाहीको माग गर्दै ज्यान जोगाइदिन निबेदन दर्ता गराइएकी थिइन् सो निवेदनको आधारमा सिंहदरबारले डिल्लीबजार कारागारलाई पत्रचार गरेको छ। परिवर्तित नाम सिंहदरबार ८४ अहिले झन् बिक्षिप्त अवस्थामा पुगेकि छिन्।

उनी भन्छिन् हालका गृहमन्त्री रवि लामिछाने ज्यु संन्चारकर्मि हुदा तिमिलाई न्याय दिन्छु भन्दै ग्यालेक्सी टेलिभिजन मार्फत समाचार बजाउदै सहयोग समेत गर्दै सधै साथ अनि सहयोग रहन्छ भन्नुभएको थियो र तर अहिले उहाँ गृहमन्त्री हुनुहुन्छ उहाँको कार्यकालमा नै जेलबाट मलाई पटक पटक फोन आइरहेको छ।

धम्की आए सगै उहाँ लाई। भेट्ने धेरै कोशिस गरे तर मन्त्री ज्युलाइ भेट्न सकिन उनी भन्छिन् सम्पति न्युजलाई। दिएको जानकारी अनुसार मैनालीले उनलाई२०७८/७/१५ गते बागबजार को एक गेस्ट हाउसमा जबर्जस्ति करणी गरेका थिए। पिडित महिलाको जाहेरी को आधार मा उनी १६ गते प्रकाउ परेका थिए ।

थुनछेक वहसको क्रममा जिल्ला अदालत ले थुनामा राखी अनुसन्धान गर्दै थियोे तर पिडक उच्च अदालत गएर माघ ६ गते धरैटिमा छुटे त्यस पछि पिडित झनै पिडित बन्न पुगिन नेपाल सरकार उच्च अदालतको बिरुद्ध सर्वोच्च अदालत गयो झन्डै डेढ वर्षको अन्तराल पछि मिति २०८०/२ /२६उनको पेशिको पालो आयो र श्री इश्वर प्रसाद खतिवडा र श्री मनोज कुमार शर्मा को इजलासले उनिलाइ न्याय दियो । मिति २०८०/२/२६गतेको आदेश अनुसार मैनाली जेठ ३० गते देखि डिल्लीबजार कारागारमा छन् ।

जेलमा बसेका बलात्कारीले कारागार बाट नै पिडित महिला लाई फोन गरेर धम्की दिदै तेरो परिवार नै सखाप पारिदिन्छु भन्दै गालिगलोच गर्ने गरेका पिडित महिला बताउछिन् कारागारको बिभिन्न नम्बर बाट फोन आउँछ। तैले मलाई जेल हालिस म तेरो लास बेपत्ता नै बनाइदिन्छु भन्दै डिल्लीबजार कारागारको नम्बर ९७६२८७५४६७ वाट उनलाई पटकपटक फोन गर्ने गरेका छन् । मेरो साथि गुण्डा लगाएर तलाई सखाप पारिदिन्छु छोरा-छोरीलाई अपहरण गरिदिन्छु भन्दै धम्काउ छन् । मैनाली ले फरक-फरक नम्बर बाट फोन गर्ने हुँदा नचिनेको नम्बर बाट फोन आयो भनेपनि फोन उठाउन निकै डर लाग्छ ।

कारागारबाट यसरी फोन गरेर धम्काउन मिल्छरु पिडित भन्छिन विपक्षीले मलाई व्यतिगत नम्बर मा फोन गरेर टचर दिदाँ म एकदम अशुरक्षित भैरहेको छु । कारागार व्यवस्थापन विभागका प्रवक्ता कमल प्रसाद पाण्डे कारागार बाट फोन गरेर धम्काउन नमिल्ने बताँउछन् ।

उहीँ मुद्दाका पक्ष विपक्षीमा त झन् होसियार हुनुपर्ने उनले भने कारागारमा रहेका व्यक्तिले आफन्त र घर परिवारमा कुराकानि गर्नको लागि फोन को सुबिधा दिएको हुन्छ । कारागार बाट यसरी धम्की दिनेलाई आन्तरिक कारबाही हुने पाण्डेले बताए।पीडित महिलाले प्रहरी कार्यालय बाट पत्र लिएर सम्बन्धित कारागार कार्यलयमा गएर निवेदन दिँदा कारागारले आन्तरिक छानबिन गर्छ ।

गलत भएको पृष्टि भएमा कानुनी कारबाही अगाडि बढ्ने बताउदै यस्तो अबस्थामा फोन गर्नेलाई निगरानी गर्ने कारागार सरुवा गर्ने तथा फोनको सुबिधा नदिने लगाएतको कारबाही हुनसक्ने उनले बताएको पीडित महिलाले सुनाइन् ।

केहि दिन अधि पीडित महिला स्वयं कारागार प्रशासन समक्षपुगि आफुलाइ सुरक्षा दिन हारगुहार गर्दै पुगेको समाचार जानकारीमा आएको छ। पीडित महिलाको तर्फबाट वरिष्ठ अधिबक्ता उद्दब चौलागाईं ,राधिका खतिवडा ,गोपाल श्रेष्ठ ,शर्मिला श्रेष्ठ ,मानबहादुर लामिछाने लगायतले निशुल्क बहस गर्दै आएका छ्न भने खतिवडाले त पीडितलाई मनोबल बढने गरि निरास नहुन र न्यायको निम्ति अन्तिम सम्म आफनो साथ सहयोग रहेको बताएको पीडितले हाम्रो सम्बादाता सगको भेटमा बताइन् ।