Month: February 2022

काठमाण्डौँ । रौतहटबाट सुरु गरिएको “जन्मदिनलाई सत्कर्ममा जोडौँ” अभियान नुवाकोट जिल्लाका बेसाहरा बालबालिकाहरुको साहरा बनेको छ ।

उक्त अभियान अन्तर्गत नुवाकोट जिल्लाको पंञ्चकन्या–१ सिमरा स्थित सत्य नारायण मन्दिरमा आश्रय लिएर बसेका बुवाआमा गुमाएका (बेसाहरा) तथा अविभावकको पत्तो नभएका २४ जना बालबालिकाहरुको साहरा बनेको हो ।

उनीहरुका लागि ११ बोरा चामल २ बोरा चिउरा १ बोरा मस्यौरा सोयबिन, १ कार्टुन स्याउ, ११ किलो चिनी, १ कार्टुन खाने तेल, नुनलगायतका खाद्यवस्तु उपलब्ध गराईएको छ ।

उक्त अभियानको कार्यक्रमको प्रमुख आथित्यता गरेका नुवाकोट जिल्लाका प्रमुख जिल्ला अधिकारी रामकृष्ण अधिकारीले यस अभियानमा सहभागी  हुने अवसर प्राप्त भएकोप्रति खुसी ब्यक्त गर्दै नेपालीहरुले आ–आफ्नो जन्मदिनमा एक–एक बिरुवा रोप्नु पर्ने सन्देश समाजमा फैलाउनु सार्हैनै सकारात्मक कुरा भएको बताए । बिरुवा रोपेर मात्र नहुने यसको संरक्षण पनि गरिनु त्यतिनै आवश्यकक्ता रहेको बताए । अबको नेपाली समाजलाई सभ्यता अनुसार अगाडी बढाउन सत्कर्म आवश्यक रहेको पनि बताए । आयोजक संस्थाका अध्यक्ष तथा अभियानका संयोजक गोबिन्द चौलागाईप्रति आभार प्रकट गर्दे यो अभियानलाई देशका सम्पुर्ण भागमा पुर्याउनु पर्ने  पनि उनको जोड थियो । प्रमुख जिल्ला अधिकारी अधिकारीले भने यो अभियान रोकिनु् हुन्न, बिशुद्ध सामाजिक भावका साथ अगाडी बढेको यो अभियानले समाज रुपान्तरणमा ठूलो योगदान पुग्ने महसुस भयो ।

तराई बिकास तथा संञ्चार केन्द्र नेपालका अध्यक्ष तथा अभियानका संयोजक गोबिन्दप्रसाद चौलागाईंले कार्यक्रममा सहभागी सबैले आ–आफ्नो जन्मदिन सम्झिएर बालबालिकाहरु सहित संयुक्तरुपमा अमला, अम्बा, कटर र फुलका बिरुवाहरुको समेत रोपण गरिएको बताएका छन् । कार्यक्रममा उपस्थित सबैले यो अभियानमा एक्यवद्धता जनाउँदै बृक्षारोपण गरी बेसाहरा बालबालिकाहरुसंगै भोजन गरिएको पनि उनले बताए । उनले यस अभियानलाई बिश्वभर फैलाउन हरेक संघसंस्थाका कर्मचारी, पत्रकार तथा समाजका अगुवा सबैजनाले आ–आफ्नो क्षेत्रबाट अगाडी लागि पर्न आग्रह गरे ।

अध्यक्ष चौलागाईले जन्मदिनलाई सत्कर्मसँग जोडेर परिबेश अनुसार फरक–फरक कार्यक्रमहरु गरेर यो अभियानलाई अगाडी बढाउने बताउदै भने “यो नेपालकै नौलो सामुहिक अभियान हो । यो अभियान एउटा बृक्षारोपणसंग मात्र सम्बन्धित नभएर हरेक क्षेत्रहरुसंग सम्बन्धित रहेको छ । खासगरी बेसाहराको साहार बन्ने हिसाबले हामी यो अभियान अन्तर्गत अगाडी बढिरहेका छौँ । आम नेपाली नागरीकको सहयोगी भावनालाई उजार गर्नका निम्ती हामीले यो अभियानको आयोजना गरेका छौँ ।

कार्यक्रममा पन्चकन्या गाउँपालिका वडा नम्बर १ का वडाअध्यक्ष माहानन्द ढकालले वर्तमान समाजमा भईरहेका नकारात्मक क्रियाकलापहरुलाई हटाउदै सभ्य समाज निर्माण गर्न जन्मदिनको अवसरमा सत्कर्मको थालनी गरिनुपर्ने बताए । उनले यो अभियान निकै स्वागत योग्य रहेको छ भन्दै आयोजकप्रती कृतज्ञता प्रकट गरे । उनले बिद्यार्थीहरुको जन्मदिनलाई सार्वजनिक स्थलमा फुलहरु रोपाएर वर्थडे पार्क निर्माण गर्न यस कार्यक्रमबाट प्रेरणा मिलेको बताए ।

कार्यक्रममा समाजसेबी तथा भरत लामिछाने स्मृती प्रतिस्ठानका अध्यक्ष केपी लामिछानेले मन्तब्य राख्ने क्रममा बालबालिकाहरुलाई स्कुलब्याग उपलब्ध गराउने घोषणा गरे भने शसस्त्र प्रहरी नुवाकोटका प्रमुख खड्काले आश्रित बालबालिकाको अध्ययनका निम्ति स्टेशनरी खर्च वाफत नगद ५ हजार समेत उपलब्ध गराएका थिए । प्रमुख जिल्ला अधिकारी अधिकारी सहित कार्यक्रममा उपस्थित सबैले अनाथ बालबालिकाहरुसंग भोजन गरेर दुःख सुख आदान प्रदान गरेका थिए । कार्यक्रममा बालबालिकाहरुको स्वास्थ्य अवस्थाप्रति पनि चाँसो राखिएको थियो ।

यसैगरी, नुवाकोट डिभिजनल बन कार्यलयका बन अधिकृत रोशना पोख्रेलले कार्यक्रममा सहभागी भएर आफुले यो अभियानसंग जोडिएर आफ्नो तर्फबाट बिरुवा रोपण गर्न पाउदा ज्यादै हर्षित भएको बताउदै बिरुवा कसरी रोप्ने र यसको संरक्षण कसरी गर्न सकिन्छ भन्ने बारेपनि जानकारी गराएकी थिईन् ।

कार्यक्रममा नुवाकोटका प्रमुख जिल्ला अधिकारी रामकृष्ण अधिकारी, प्रहरी उपरीक्षक शान्तिराम कोइराला, सशस्त्र प्रहरी प्रमुख जगन्नाथ खड्का, राष्ट्रिय अनुसन्धान कार्यालय नुवाकोटका  प्रमुख लक्ष्मी पौडेल, डिभिजनल बन कार्यलयका अधिकृत वन अधिकृत रोशना पोखरेल, समाजसेवी केपी लामिछाने प्रतिस्ठानका अध्यक्ष, पंञ्चकन्या–१ वडा अध्यक्ष महानन्द ढकाल, उक्त अभियानका मनोज थापा, दुर्गा चौलागाईं, अभियानका ललितपुर जिल्ला संयोजक एलिजा लामिछाने, पत्रकार हेमराज जोशी लगायत बिभिन्न कार्यलयका प्रमुख एवम् प्रतिनिधीहरुको सहभागीता रहेको थियो ।

मन्दिरमा आश्रय लिएर बसेका स–साना बालबालिकाहरुका लागि खाद्यबस्तुको निकै अभाव रहेको थियो । प्रायः जसो गाउघरमा मागेर ल्याएको खुवाउने गरेपनि आजभोलि कयौँ दिन एक छाक मात्रै खुवाउनु पर्ने बाध्यता रहेको र यो अभियानले उक्त बालबालिकाहरुको लागि केहि राहत पुग्ने अपेक्षा सहित खरानिटारका नारायण कडेलले केहीदिन अगाडि आयोजक संस्थाका अध्यक्ष तथा यो अभियानका संयोजक चौलागाई जानकारी गराएका थिए । सोही बमोजिम आज काठमाडौका फरक क्षमताका पबन अग्रवालको जन्मदिनमा तिनै बालबालिकाको निम्ति उक्त खाद्यवस्तु यस कार्यक्रम मार्फत अग्रवालले हस्तान्तरण गराएका हुन् ।

नुवाकोटमा पनि आजदेखि उक्त अभियानको सुरुवात समेत भएको छ । यो अभियानलाई सुचारु गर्ने जिम्मेवारी नारायणप्रसाद कडेललाई तोकिएको आयोजक संस्थाले बताएको छ । यसअघि काठमाण्डौँको तिनकुने देशकै प्रमुख धार्मिक स्थल तथा पर्यटकीय स्थल पशुपतिनाथ मन्दिर स्थित मृगस्थली श्लेसमानतक बनमा नेपाल सरकारका गृहसचिव एकनारायण अर्यालको प्रमुख आथित्यतामा बृक्षारोपण कार्यक्रम गरिएको थियो ।

जनकपुर । आर्थिक मन्दीका कारण धनुषामा चालु आर्थिक वर्ष २०८०-८१ को नौ महिनामा एक सय ७३ उद्योग तथा व्यवसाय बन्द भएका छन् । घरेलु तथा साना उद्योग कार्यालयका अनुसार उक्त उद्योग तथा व्यवसाय बन्द भएका हुन् ।

ती उद्योगमा कार्यरत करिब दुई हजार मजदुर बेरोजगार भएका छन् । उद्योग बन्द हुँदा करोडौँ घाटा भएको छ । कार्यालयबाट प्राप्त विवरणअनुसार उद्योगतर्फ ६० र वाणिज्यतर्फ एक सय १३ उद्योग तथा व्यवसाय बन्द भएको हो । बन्द भएका ती उद्योगहरूको बन्द हुनु अघि उत्पादित सामग्रीसमेत बिक्री भएको छैन । कार्यालयका सूचना अधिकारी मुकेश कर्णका अनुसार चालु आवको चैत मसान्तसम्म छ सय ६२ वटा नयाँ उद्योग दर्ता भएका छन् । एक हजार छ सय दुई उद्योग नवीकरण भएका छन् ।

यसैगरी, वाणिज्यतर्फ सात सय ३४ वटा व्यावसायिक फर्म नवीकरण तथा आठ सय ३७ नयाँ व्यावसायिक फर्म दर्ता भएका छन् । उद्योग दर्ता तथा नवीकरणबापत कार्यालयले २४ लाख ११ हजार पाँच सय ३० राजस्व सङ्कलन गरेको छ । वाणिज्यतर्फ दर्ता र नवीकरणबापत ५० लाख तीन हजार सात सय ७० गरी कूल ७४ लाख १५ हजार तीन सय राजस्व सङ्कलन गरेको छ । कोरोना महामारीको विश्वव्यापी असर, बैङ्कको ब्याजदरमा वृद्धि तथा आर्थिक तरलताका कारण उद्योगहरू बन्द भइरहेको घरेलु कार्यालयका प्रमुख किशोरीशरण यादवको भनाइ छ ।

व्यवसाय बन्द भएपछि बेरोजगारी बढ्नुका साथै जनकपुरमा व्यावसायिक सटरहरू खाली गरी व्यापारी पलायन हुन थालेका छन् । गत आव २०७९-८० मा दर्ता भएका उद्योगहरूमध्ये साना उद्योग पाँच सय ३६, लघु उद्योग पाँच सय ९१ तथा घरेलु उद्योग एक गरी एक हजार एक सय २८ उद्योग दर्ता भई सञ्चालनमा थिए । उद्योगहरूको स्थिर तथा चालु पुँजी तीन अर्ब ५५ करोड ८२ लाख ११ हजार नौ सय ९९ रहेको जनाइएको छ । बजेट अभावका कारण घरेलु कार्यालयले समेत सीपमूलक तालिमहरू सञ्चालन गर्न सकेको छैन । रासस

डडेल्धुरा । डढेलोले यहाँ सामुदायिक र सरकारी वनजङ्गल सखाप पार्दै आएको छ । सुख्खायाम र आगलागी हुँदा समुदायले वर्षौदेखि जोगाएका वनजङ्गल नासिँदै गएका छन् । आगलागी हुँदा एक जनाको मृत्यु समेत भएको छ । आगलागीमा परी नवदुर्गा गाउँपालिका–३ का ६४ वर्षीय चन्द्रे चुनाराको मृत्यु भएको हो ।

जिल्ला प्रहरी कार्यालय डडेल्धुराका प्रमुख प्रहरी नायब उपरीक्षक दिपक कुमार कार्कीका अनुसार चुनारा आफ्नै खेतबारीको घेरबार हाल्न काँडा काट्दै थिए । काडा र झाडी काट्ने क्रममा शुक्रबार दिउँसो लडेर उनी आगेमा पर्नुभएको थियो । सोही ठाउँका दिपक राज उप्रेतीको खरबारीमा लगेको आगोमा खस्दा चुनाराको मृत्यु भएको उनले बताए।

चुनाराको आगोमा जलेर घटनास्थलमै मृत्यु भएको हो । चुनाराको आगलागीमा परी मृत्यु भएको जाहेरी उनका छोरा मानबहादुर चुनाराले एकाले प्रहरी नायब उपरीक्षक कार्कीले बताए । अहिले जिल्लाका प्रायः सबै ठाउँहरुमा आगालागी भइरहेको छ । लामो खडेरीका कारण आगलागीका घटना बढिरहेका छन् ।

यसैगरी, अजयमेरु गाउँपालिका १ शिखर सुईडोव सामुदायिक वनमा २० वर्षपछि आगो लाग्दा जङ्गल सखाप भएको छ । जङ्गली वन्यजन्तु प्रभावित भएको स्थानियको भनाइ छ । अजयमैरु १ कै बालकल्याण मावि विद्यालय परिसरको सामुदायिक वनमा लागेको डढेलोले विद्यालयको बगैँचामा क्षती पुगेको वडा अध्यक्ष दत्ति सिंह भण्डारीले जानकारी दिए । विद्यालय परिसरमा पसेको आगो स्थानिय, शिक्षक, विद्यार्थी, अभिभावक, प्रहरी र शसस्त्र प्रहरीको सहयोगमा नियन्त्रण हुँदा विद्यालयमा थप क्षती हुनबाट जोगिएको शिक्षक पदमराज पन्तले बताए ।

भित्रि मधेश जोगबुडा क्षेत्रको परशुराम नगरपालिका–३ मार्कु बस्ती रहेको जङ्गलमा मङ्गलबार दिउँसोदेखि भीषण आगलागी भएको छ । वन क्षेत्रमा लागेको डढेलोबाट आगोका झिल्डा हावाले उडाई वस्तिमा पुर्‍याउदा स्थानीयका घरहरुमसमेत समेत क्षती पुगेको वडा अध्यक्ष नरेशबहादुर खवासले बताए ।

२७ परिवारको बसोबास रहेको मार्कु वस्तीमा आगोले अधिकाशं घर गोठमा क्षति पुगेको स्थानीय अगुवा रामसिंह थलालले जानकारी दिए । आगलागीबाट स्थानीयका पाँच घर र गोठमा क्षति पुगेको छ । खर, पराल, गाज्यौ र गोठेमलको थुप्रोमा आगलागी भएपछि घर र गोठ पनि नष्ट भएको हो ।

वन जङ्गलमा भईरहेको आगलागीका विषयलाई गम्भीर रुपमा लिइ तयारी अवस्थामा रहेको प्रहरीको भनाइ छ । खासगरी वस्तीतिर आउने आगो नियन्त्रमा प्रहरी बढी सक्रिय हुने र जोखिमत न्यूनीकरण गर्न लागिरहेको जिल्ला प्रहरी कार्यालय डडेल्धुराका प्रहरी नायब उपरीक्षक कार्कीले बताए । भित्रिमधेशमा भइरहेको ढडेलोको क्षती कम गर्न इलाका प्रहरी कार्यालय जोगबुडाका प्रहरी प्रमुख इन्सपेक्टर गगनसिंह भाटले स्थानीयलाई सचेत गराइरहेको पनि उनको भनाइ छ ।

भित्रि मधेशका परशुराम क्षेत्रमा आगलागी भएपछि तोडिन्ना, लोपा, शिर्ष, बुङा, गगरखेतलगायतका क्षेत्र प्रभावित भएका छन् ।जिल्लाको चुरेक्षेत्र, माहाभारत र लेकालीवस्तीमा आगालगाीका कारण जङ्गल डढेलोका कारण विनास भइरहेको छ । गाउँमा खानेपानीको समस्या र जनशक्ति अभावका कारण आगो नियन्त्रण गर्न कठिनाई भइरहेको गुनासो स्थानीयको छ ।

समयमा सावधानी नअपनाउदा लाखौंको क्षति व्यहोर्नु परेको छ भने वन्यजन्तुसमेत प्रभावित भइरहेका छन् । पछिल्लो समय मानवीय असावधानीका कारण जिल्लाका अधिकाशं वन क्षेत्रमा भीषण आगलागी भइरहेको छ । वर्षैदेखि जोगाएका वन तथा खेतवारी नष्ट हुँदै गइरहेका छन् । गोरखापत्रबाट

काठमाडौँ । शिक्षक सेवा आयोगले प्राथमिक तह, तृतीय श्रेणी,मा चार हजार ४६२ शिक्षकको लागि आवेदन माग गरेको छ ।

आयोगले आज एक सूचना जारी गर्दै सातै प्रदेशका लागि खुला, महिला, दलित महिला, मुस्लिम महिला, आदिवासी जनजाति, अपाङ्गता, दलित, पिछडिएको क्षेत्र र तराई–मधेशमा बसोबास गर्ने मधेशी, आदिवासी जनजाति, लगायतका विभिन्न समूहमा विज्ञापनद्वारा शिक्षक माग गरिएको हो ।

बागमती प्रदेशमा सबैभन्दा धेरै एक हजार १०३, कोशीमा १ हजार ०७७, गण्डकीमा ८००, मधेशमा ५०८, लुम्बिनीमा ४९५, सुदूरपश्चिममा ३०२ र कर्णालीमा १७७ जनाका लागि आयोगले आवेदन खुलाएको छ ।

योग्यता पुगेका इच्छुकले जेठ १३ गतेसम्म र दोब्बर दस्तुरमा भने जेठ २० गतेसम्म आवेदन दिन सकिने आयोगले जनाएको छ ।